Author: ڈاکٹرغلام مصطفی بڈانی

ٹھٹھہ،باغی ٹی وی( نامہ نگار راجہ قریشی)گھارو برائٹ فیوچرسکول میں سندھ کے ثقافتی ورثہ کے دن کے حوالے سے ایک پروگرام منعقد ہوا جس میں ایجوکیشن ڈسٹرکٹ فاؤنڈیشن کے ہیڈ نے شرکت کی۔
تفصیلات کے مطابق ٹھٹہ کے شہر گھارو سندھ میں ثقافتی رنگوں سے روشن انڈس برائیٹ فیوچر سکول گھارو میں سندھ کے ثقافتی دن کے حوالے سے ایک پروگرام منقعد کیا گیا جس میں سندھ ایجوکیشن فاؤنڈیشن ڈسٹرکٹ ٹھٹہ کے ہیڈ یونس بلوچ ڈائریکٹر امتیاز سموں، سرتاج ترک، غلام علی شاہ، ایاز سومرو و دیگر نے شرکت کی پروگرام میں طلباء و طالبات نے سندھ کا ثقافتی لباس اجرک اور ٹوپی پہن کے سندھ کے ثقافتی لوک گیتوں پر رقص کیا اور سندھ کے ثقافت کے حوالے سے ٹیبلوز پیش کئے گئے تقریب میں ہر طرف جئے سندھ کے فلک شگاف نعروں سے گونجتی رہی اس موقعہ پر سندھ ایجوکیشنل فاؤنڈیشن ٹھٹہ کے ہیڈ یونس بلوچ نے تقریب سے خطاب کرتے ہوئے کہا کہ سندھی واحد قوم ہے جو ہر قومیت و مذاہب کے لوگوں کی مدد کرتی ہے اور ہمیں جذباتی ہونے کی بجائے پیار اور محبت سے ہر رنگ و نسل کے لوگوں کی مدد اور عزت کرنی چاہئے انہوں نے کہا کہ آج کا پروگرام دیکھ ایسا محسوس ہورہا ہے کہ بچوں نے اپنے ثقافت کے حوالے سے بہت محنت کی ہے یہ ہی محنت ہمیں تعلیم میں بھی کرنی پڑے گی تعلیم صرف کتابوں سے نہیں ملتی ہمیں ہمارے آس پاس کے ماحول کو بھی بہتر بنانا پڑے گا اس کو تعلیم کہتے ہیں ڈائریکٹر امیتاز سموں نے خظاب کرتے ہوئے کہا کہ سندھ کی ثقافت فقط ٹوپی اور اجرک نہیں ہے بلکہ بڑوں کا احترام کرنا غریبوں سے پیار کرنا اور بچوں سے محبت اور شفقت سے پیش آنا بھی سندھ کی ثقافت کا ایک حصہ ہے ایک دوسرے کی مدد کرنا لوگوں کی عزت کرنے سے بھی سندھ کی ثقافت اجاگر ہوتی ہے تعلیم اجاگر کرنے سے سندھ ترقی کرے گی اور خوشحال رہے گی اور اس کے ساتھ سندھ کی ثقافت کا مان اونچا ہوگا اس موقعہ پر انڈس برائیٹ فیوچر اسکول کی پرنسپل میڈم رضوانہ شیخ، غلام علی شاہ، ایاز سومرو اور دیگر نے بھی خطاب کیا تقریب کے اختتام پر اسکول کے اسٹاف اور تقریب میں بہترین پرفامنس کرنے والے طلباء و طالبات میں سرٹیفکیٹس اور انعامات تقسیم کیئے گئے

گوجرہ باغی ٹی وی (نامہ نگار عبد الرحمن جٹ) بار ایسوسی ایشن کے انتخا با ت میں بھاری اکثر یت میں کا میا بی حا صل کر یں پورا پینل کلین سویپ کرے گا۔ ان خیا لا ت کا اظہار بار ایسوسی ایشن گوجرہ کے امیدوار برائے صدر محمد توقیر اشرف خا ن نے بار ممبرا ن کے اعزاز میں دیئے گئے ظہرا نہ سے خطا ب کرتے ہو ئے کیا تو قیر اشرف خا ن نے کہا کہ ان کے گروپ نے ہمیشہ اپنے بار ممبرا ن کے مفادات کو تر جیح دی ہے اور ممبرا ن کی خدمت میں ہر اول دستہ کا کردار ادا کیا ہے بار ایسوسی ایشن گوجرہ کے سا لا نہ انتخابا ت میں بھاری اکثریت سے کا میا بی حا صل کریں گے اور آ ئندہ بھی بار ممبرا ن کی خدمت کو جاری رکھیں گے ظہرا نہ میں بار ایسوسی ایشن گوجرہ کے سا لا نہ انتخا بات میں حصہ لینے وا لے دونو ں گروپو ں کے امیدواروا ں سمیت تما م وکلا ء نے شرکت کی۔ ظہرا نہ میں شرکت کیلئے آ نے وا لے وکلا ء کا سا بق صدر بار ایسوسی ایشن گوجرہ شیخ محمد جاوید ایڈووکیٹ،ریا ض احمد بریا ر، اعجاز اختر کہو جہ و دیگر نے استقبا ل کیا۔

سماجی اور مذہبی رہنماء قاری فیض اللہ کی جانب سے سالانہ تقریب تقسیم انعامات اور اقراء ایوارڈ کاانعقاد۔
چترال(گل حماد فاروقی)معروف سماجی اور مذہبی رہنماء قاری فیض اللہ کی جانب سے چترال کے ہونہار طلباء و طالبات اور خدمت خلق کی جذبے سے سرشار نمایاں کارکردگی دکھانے والے افراد میں حسب روایات امسال بھی انعامات اور اقراء ایوارڈز تقسیم کئے گئے۔اس موقع پر ڈپٹی کمشنر لوئیر چترال انوار الحق مہمان خصوصی تھے۔ تقریب سے خطاب کرتے ہوئے مقررین نے قاری فیض اللہ کی خدمات کو نہایت سراہا جو کراچی میں بیٹھ کر چترال کے ہونہار طلباء و طالبات میں یکساں طور پر ایوارڈز، انعامات تقسیم کررہے ہیں اور اس میں دینی مدارس کے ساتھ ساتھ عصری علوم کے سکول اور کالجوں، یونیورسٹی کے طلباء وطالبات بھی یکساں طور پر شامل ہیں۔اس تقریب میں محتلف سرکاری اور نجی سکولوں کے طلباء و طالبات کو ایوارڈز اور نقد انعامات دئے گئے جنہوں نے میٹرک کے امتحان میں نمایاں پوزیشن حاصل کی ہے۔ اس دوران ایک ایسی طالبہ کی ایوارڈ اس کی والد نے وصول کیا جو اس دنیا میں نہیں رہی۔ ڈاکٹر شہزادہ بختیار الدین کی بیٹی نے میٹرک کی امتحان میں اول پوزیشن حاصل کی تھی مگر بد قسمتی سے وہ امتحان دینے کے بعد انتقال کرگئی تھی۔ اس موقع پر مہمان خصوصی ڈی سی چترال کو چترال کا روایتی تحفہ چوغہ اور چترالی ٹوپی بھی پیش کی گئی۔

تقریب سے خطاب کرتے ہوئے سماجی کارکن عنایت اللہ اسیر، پرنسپل کامرس کالج صاحب الدین، خطیب شاہی مسجد خلیق الزمان، ڈپٹی ایجوکیشن افیسر شاہد حسین، ڈپٹی کمشنر انوار الحق،سابق ضلع ناظم مغفرت شاہ، سابق ایم پی اے مولوی عبد الرحمان، وغیرہ نے اظہار حیال کیا۔ خلیق الزمان نے کہا کہ ہم نے 2003 سے یہ سلسلہ شروع کیا ہوا ہے کہ جو طلباء و طالبات ضلع میں تعلیم کے میدان میں نمایاں پوزیشن حاصل کرتے ہیں ان کو قاری فیض اللہ کی جانب سے ایوارڈ اور نقد انعام دیا جاتا ہے۔

ہمارے نمائندے سے باتیں کرتے ہوئے ڈپٹی کمشنر نے اس اقدام کو نہایت سراہا اور انہوں نے کہا کہ ضلعی انتظامیہ کی جانب سے بھی عنقریب اس قسم کا ایک پروگرام تشکیل دیا جائے گا جس میں ایسے ہونہار طلباء کو انعام سے نوازا جائے گا تاکہ ان کی حوصلہ افزائی ہو اور وہ تعلیم کے میدان میں آگے بڑھے۔مولوی خلیق الزمان نے کہا کہ اس کا بنیادی مقصد طلباء کی حوصلہ افزائی کرنا ہے اور ان کو مقابلے کے امتحانوں کیلئے تیار کروانا ہے۔ گورنمنٹ کالج آف کامرس اینڈ منیجمنٹ سائنس کے پرنسپل پروفیسر صاحب الدین نے کہا کہ اس سے طلباء میں مقابلے کا رجحان بڑھ جاتا ہے اور ہر طالب علم کوشش کرتا یا کرتی ہے کہ وہ بھی اول پوزیشن لیکر ایوارڈ کی حق دار ٹھرے۔

اس موقع پر ڈسٹرکٹ ایجوکیش آفیسر زنانہ بی بی حلیمہ نے بتایا کہ اس قسم کے تقریبات منعقد کرنے اور طلباء و طالبات کو انعام دینے سے ان کا حوصلہ مزید بڑھ جاتا ہے اور وہ مزید محنت کرکے اچھی پوزیشن حاصل کرنے کی کوشش کرتی ہیں۔چند طالبات نے بھی اپنے احساسات کا اظہار کرتے ہوئے کہا کہ وہ آج بہت خوش ہیں کہ ان کو یہ ایوارڈ مل گیا اور وہ مزید کوشش کریں گی کہ اگلی بار اس سے بھی زیادہ نمبر حاصل کرسکیں۔ اس تقریب میں کثیر تعداد میں طلباء، طالبات، اساتذہ، سماجی کارکنان اور سرکاری اہلکاروں نے بھی شرکت کی۔تقریب سابق ایم پی اے عبد الرحمان کی دعائیہ کلمات کے ساتھ اختتام پذیر ہوئی۔