Author: ڈاکٹرغلام مصطفی بڈانی

میرپورساکرو،باغی ٹی وی (قادرنواز کلوئی کی رپورٹ)ٹھٹھہ میں حالیہ بارشوں اور سیلاب سے متاثر ہونے والے انفراسٹرکچر کی بحالی کے لیے ضلع بھر میں تیز رفتار ترقیاتی سکیموں پر کام شروع کر دیا گیا، ضلع ٹھٹھہ کی تمام متاثرہ نہروں اور شاخوں کو ہموار کیا جائے گا: معاون خصوصی وزیراعلیٰ صادق علی میمن اور ایم پی اے حاجی علی حسن زرداری کا سکری کے قریب انفراسٹرکچر بحالی سکیموں کی افتتاحی تقریب کے موقع پر خطاب
ایم پی اے حاجی علی حسن زرداری نے کہا کہ ٹھٹھہ کے ساحلی اور پہاڑی علاقوں کو سڑکوں سے ملانے کے لیے مختلف میگا پراجیکٹس کا آغاز کیا جا رہا ہے، کوسٹل ہائی وے کا رکا ہوا کام اور جھمپیر روڈ کی تعمیر کا منصوبہ جنوری کے مہینے میں شروع ہو جائے گا، معاون خصوصی صادق میمن اور ایم پی اے حاجی علی حسن زرداری نے بات کرتے ہوئے کہا کہ ساحلی علاقوں کو سمندری کٹاؤ، قدرتی آفات اور سمندری آفات سے بچانے کے لیے کوسٹل ہائی وے منصوبہ بہت مفید ثابت ہوگا، ٹھٹھہ جھمپیر سڑک کا منصوبہ جو کہ طویل عرصے سے نقصان کا شکار ہے اور حالیہ بارشوں سے شدید متاثر ہوا ہے، کو ایشین ڈویلپمنٹ فنڈ کے منصوبے میں شامل کیا گیا ہے اور تمام KB فیڈرز بشمول اڈیرو برانچ، ساکرو برانچ، اور بوہڑا شامل ہیں۔ ضلع ٹھٹھہ کی کینال۔حالیہ بارشوں اور سیلاب سے متاثر ہونے والی نہروں اور شاخوں کو سیل کیا جائے گا:وزیراعلیٰ کے معاون خصوصی صادق علی میمن اور ایم پی اے حاجی علی حسن زرداری نے میرپور ساکرو میں بخارا وایا کونڈو بلوچ روڈ، گھوڑا باڑی میں مہر مٹھو شیخ وایا گھڑو میں کیا۔ یہ اعلان انہوں نے کیٹی بندر روڈ پراجیکٹس کے افتتاح کے بعد افتتاحی تقریب سے خطاب کرتے ہوئے کیا۔

ٹھٹھہ،باغی ٹی وی( نامہ نگار راجہ قریشی) ایس ایس پی ٹھٹہ کا ضلع بھر کے تمام پولیس افسران کے ساتھ ایس ایس پی آفس ٹھٹہ میں میٹنگ کا انعقاد۔
ایس ایس پی ٹھٹہ عدیل حسین چانڈیو نے تمام ایس ڈی پی اوز، ایس ایچ اوز، انچارج CIA اور انچارجز پولیس پوسٹز کے ساتھ ایس ایس پی آفس ٹھٹہ میں اہم میٹنگ کا انعقاد کیا گیا۔ایس ایس پی صاحب ٹھٹہ نے تمام افسران کو ہدایت جاری کی کہ آئی جی پی سندھ غلام نبی میمن احکامات پر جرائم پیشہ عناصر، اشتہاری و روپوش ملزمان کی گرفتاری، A کلاس کیسز کو جلد از جلد ٹریس آؤٹ، منشیات و گھٹکہ کی خلاف ورزی کرنے والوں کے خلاف کارروائیوں میں بہترین کارکردگی کے لیے موثر حکمت عملی مرتب دی گئی ہیں اور کسی بھی ذرائع سے جرائم کے متعلق ملنے والی اطلاع کی فورا” تصدیق کرنے کے بعد قانونی کارروائی کرکے مقدمہ درج کریں، اور ملوث ملزمان کو گرفتار کر کے کیس پراپرٹی ریکور کریں۔
ایس ایس پی ٹھٹہ نے افسران کو ہدایات جاری کرتے ہوئے کہا کہ جرائم پیشہ افراد کے خلاف نتیجہ خیز کاررواٸیوں کے ساتھہ تفتیشی امور کو مزید مٶثر اور یقینی بنایا جائے.
ایس ایس پی صاحب ٹھٹہ نے کہا کہ تمام ڈی ایس پیز، ایس ایچ اوز اور انچارج پولیس پوسٹز اپنی پیشاورانہ مہارت، حاصل کی گٸی تربیت اور تجربوں کے بدولت مقدمات کو ناصرف منطقی انجام تک پہچاٸیں بلکہ متعلقہ عدالتوں سے ملوث ملزمان کو مثالی سزاٸیں بھی سنواٸیں.
ایس ایس پی ٹھٹہ نے مزید کہا کہ جدید تیکنیکی سسٹم اور شہر بھر میں نصب سی سی ٹی وی کیمروں کی مدد سے جرائم پیشہ عناصر کے خلاف باقاعدہ نشاندھی کے تحت کارواٸیوں کو مزید موثر بنایا جاٸے. اس کے علاوہ درج کیسسز کی تفتيش ایمانداری، باریک بینی اور میرٹ کے بنیاد پر کی جاٸے. کسی قسم کی بدعنوانی، بددیانتی اور کرپشن کو برداشت نہیں کیا جائیگا۔
ایس ایس پی ٹھٹہ نے سختی سے ہدایات جاری کرتے ہوئے کہا کہ منشیات و گھٹکہ کے خلاف کارروائیاں تیز کی جائیں اور کسی بھی افسر یا پولیس اہلکار کو ملوث پایا گیا تو اس کے خلاف سخت محکمانہ کارروائی عمل میں لائی جائیگی۔
ایس ایس پی ٹھٹہ نے کہا کہ بلدیاتی الیکشن کے دوران سیکیورٹی کو سخت کیا جائے، تمام افسران کینڈیڈیٹ سے ملاقات کریں اور پولنگ اسٹیشن کا دورہ کریں، ممکنہ ایمرجنسی صورتحال سے نمٹنے کے لیے اینٹی رائٹ / ریزرو اور QRF پلاٹونز کو بمعہ وقت تیار اور الرٹ رکھا جائے،، بلدیاتی الیکشن کے دوران امن و امان کی صورتحال کے لیے پولیس واٹس اپ گروپ پر باہمیروابط کو تقویت دی جائے، الیکشن کے دوران تمام ایس ڈی پی اوز صاحبان پولنگ اسٹیشنز پر تعینات نفری کو ہر وقت چیک کریں، اس کے علاوہ پیٹرولنگ، سنیپ چیکنگ اور پکٹنگ کو مزید تیز کیا جائے تاکہ کوئی ناخوشگوار واقعہ پیش نہ ہو۔
ایس ایس پی ٹھٹہ نے کہا کہ عوام کی جان و مال کی حفاظت کرنا ہمارا اولین فرض ہے اس کے علاوہ تمام ایس ایچ اوز اور پی پی انچارجز کو احکامات دیے کہ تمام افسران روزانہ کي بنیاد پر اپنے پولیس اسٹیشن اور پولیس پوسٹز پر موجود رہ کر شہریوں کی شکایات اور مسائل حل کریں۔

کند ھ کوٹ ،باغی ٹی وی (نامہ نگار) شادی سے واپس آتے ہوئے چنگ چی رکشے کو کوچ کی ٹکر، 3 جاں بحق 3 زخمی
کندھ کوٹ تھانہ سی سیکشن کے حدود انڈس ہائی وے ملہیر اسٹاپ کے مقام پر مسافر کوچ کی چنگچی رکشہ کو ٹکر دو خواتین سمیت تین افراد جاں بحق تین افراد زخمی ہسپتال منتقل
تفصیل کے مطابق کندھ کوٹ شادی سے واپس آتے ہوئے چنگ چی رکشے کو کوچ کی ٹکر حادثے میں رکشے پر سوار دو خواتین مسمات حنیفاں، مسمات بختاور، عبد الغنی کوسو جاں بحق جبکہ زخمیوں میں ہزار خان، شاہنواز، اور دیگر شامل ہیں واقعہ کی اطلاع ملتے ہی پولیس نے لاشوں اور زخمیوں کو ہسپتال منتقل کردیا جہاں زخمیوں کو طبی امداد فراہم کی جارہی ہے زخمیوں میں ایک کی حالت تشویشناک ہونے کی وجہ سے اسےسکھر منتقل کر دیا گیاہے دوسری جانب پوليس نے گاڑی کو اپنی تحویل میں لے لیا ہے ڈرائیور موقع سے فرار ہوگیا ہے،پولیس کا کہناہے کہ یہ حادثہ تیز رفتاری کے باعث پیش آیا ہے

کندھ کوٹ،باغی ٹی (نامہ نگار) شھر پر ڈاکوؤں کا راج برقرار رات گئے غوث پور کے قریب لاڑکانہ کے رہائشی زاہد علی عمرانی۔سکندر علی عمرانی سمیت 5 افراد اغوا سیاسی سماجی تنظیموں کی جانب سے گھنٹا گھر چوک سے پریس کلب تک ریلی نکالی گئی
تفصیلات کے مطابق
کندھ کوٹ ضلع بھر میں 4 ماہ میں 18افراد اغوا ہوگئے ہیں سینکڑوں کی تعداد میں موٹر سائیکل چھین لی گئی شھری سینکڑوں شھری موبائيل فون سے محروم شھر کے سیاسی اور سماجی تنظیموں کی جانب سے گھنٹہ گھر سے پریس کلب تک بدامنی کے خلاف احتجاجی ریلی نکالی گئی جہاں مقررین نے خطاب کرتے ہوئے کہا کہ کندھ کوٹ شھر ڈاکوؤں کی انڈسٹری بن چکا ہے پولیس امن امان بحال کروانے میں ناکام ہو گئی ہے انہوں نے کہا کہ آئے روز شھری اغوا ہو رہے ہیں۔ مظاہرین نے پاکستان پیپلز پارٹی کے چیئرمین آئے جی سندھ سے اپیل کی ہے کہ کندھ کوٹ شھر بھر میں امن امان بحال کیا جائے نہیں تو دیگر صورت احتجاجی تحریک چلا کر شٹر ڈاؤن ہڑتال کریں گے۔

ننکانہ صاحب باغی ٹی وی ( نامہ نگار احسان اللہ ایاز) ڈی پی او سردار موارہن خان کی ہدایت پر جرائم پیشہ عناصر کے خلاف کریک ڈاون جاری سرگرم ڈکیت گینگ کے 5 خطرناک اشتہاری مجرمان گرفتار۔مختلف وارداتوں میں چھینی ہوئی نقدی، موٹر سائیکل اور اسلحہ برآمد۔ تھانہ صدر ننکانہ پولیس کی ڈی ایس پی سرکل ننکانہ نواز ورک کی زیر نگرانی بڑی کاروائی تفصیلات کے مطابق اقبال عرف بھالو ڈکیت گینگ ڈکیتی سمیت مختلف سنگین نوعیت کے متعدد مقدمات میں ملوث تھی گرفتار ہونیوالے 5 ملزمان اقبال عرف بھالو، احسن، عرفان، علی رضا اور طیب ڈکیتی کے مقدمہ میں اشتہاری مجرم تھے جو تھانہ صدر ننکانہ مطلوب تھے اقبال عرف بھالو ڈکیت گینگ کے ملزمان تھانہ صدر ننکانہ کے مختلف دیہاتوں میں راہگیروں کو اسلحہ کے زور پر لوٹ کر فرار ہو جاتے تھے۔ تھانہ صدر ننکانہ پولیس نے ایس ایچ او ظفر فرید کی سربراہی میں ڈکیت گینگ کو جدید ٹیکنالوجی اور پیشہ وارانہ مہارت کی بدولت گرفتار کیا۔ ملزمان سے مختلف وارداتوں میں چھینی ہوئی ہزاروں روپے کی نقدی، 1 موٹر سائیکل اور اسلحہ برآمد کیا جا چکا ہے۔ ملزمان نے دوران تفتیش ڈکیتی کے 6 مقدمات کا انکشاف کر لیا ہے جبکہ مزید تفتیش کا عمل جاری ہے۔ ڈی پی او سردار موارہن خان نے ایس ایچ او تھانہ صدر ننکانہ ظفر فرید اور ہمراہی ٹیم کو کامیاب کاروائی پر مبارکباد دیتے ہوئے جرائم پیشہ عناصر کے خلاف مزید موثر کاروائیاں کرنے کی ہدایات جاری کی ہیں۔ ڈی پی او کا کہنا ہے کہ ڈکیت گینگ کی گرفتاری عوامی جان و مال کے تحفظ اور پولیس کی مثالی کارکردگی کا نتیجہ ہے ضلعی پولیس ننکانہ سماج دشمن عناصر کے خلاف دن رات سرگرم عمل ہے۔ جرم کرنے والے جتنے بھی طاقتور کیوں نہ ہوں قانون کی گرفت سے نہیں بچ سکتے
ضلعی پولیس ننکانہ کا ناجا ئز اسلحہ کی نمائش اور قبضے میں رکھنے والوں کے خلاف کریک ڈاؤن تیز ی سے جاری ضلعی پولیس نے دوران اسنیپ چیکنگ مختلف کارروائیوں میں ناجائز اسلحہ قبضے میں رکھنے والے چار ملزمان کو اسلحہ سمیت گرفتار کر کے مقدمات درج کر لئے پولیس تھانہ واربٹن نے ایس ایچ او افتخار جوئیہ کی سربراہی میں تین ملزمان کو گرفتار کیا ملزمان علی احمد کے قبضے سے پسٹل ملزمان عبدالغفار کے قبضے پمپ ایکشن جب کہ ملزمان وسیم کے قبضے سے پسٹل برآمد کیا دوسری جانب تھانہ فیض آباد پولیس نے ایس ایچ او فیروز بھٹی کی سربراہی میں ناجائز اسلحے کی نمائش کرنے والے ملزمان شفاقت کو اسلحہ سمیت گرفتار کر کے مقدمہ درج کر لیا ملزمان کے قبضے سے رائفل 223 بور پسٹل اور 140 گولیاں برآمد ہوئیں قانون شکن عناصر نا قابل معافی ہیں