Author: ڈاکٹرغلام مصطفی بڈانی

اوکاڈہ باغی ٹی (نامی نگار ملک ظفر)اوکاڑہ کی سر زمین ڈاکوؤں کے لیے جنت ۔ڈاکو راج پولیس بے بس ۔
اوکاڈہ تھانہ راوی کی حدود موضع منگن جندراکہ روڈ پر ڈکیتی کی بڑی واردات ۔ دو نامعلوم مسلح موٹر سائیکل سوار ڈاکوؤں نے ہائی ایس ڈالا 1710/B مال مویشی اور نقدی لوٹ کر فرار ہو گئے۔ ڈالا میں سوار بیوپاری سوار پرویز یاسین اور زبیر کو تشدد کے بعد لوٹ لیا ۔دو نامعلوم مسلح ڈاکوؤں نے اسلحہ کے زور پر ڈالا میں موجود بھینسں؛ گائے اور بچھڑا مالیتی 450000 ہزار نقدی 70 ہزار تین موبائل فون اور ڈالا سمیت لے اڑے۔ نامعلوم ڈاکوؤں نے بیوپاریوں کے ھاتھ رسیوں سے باندھ کر سرسوں کے کھیت میں پھینک کر فرار ۔بیوپاری مال مویشی شیخوپورہ مال منڈی میں فروخت کرنے جا رہے تھے ،
واردات کی اطلاع ملتے ہی ڈی ایس پی ؛ ایس ایچ او پولیس نفری موقع پر پہنچ گئی۔ واردات کی اطلاع ملتے ہی تھانہ راوی نے کاروائی کا آغاز کردیا۔
ڈی پی او فرقان بلال نے نوٹس لیتے ہوئے ملزمان کو جلد گرفتار کرنے کا حکم دے دیا ۔

میہڑباغی ٹی وی (.منظورعلی جوئیہ کی رپورٹ)بدامنی کنٹرول نہ کرنے پر شہری ایکشن کمیٹی نےگھنٹہ گھر چوک پر بھوک ہڑتال کیمپ لگادیا
تفصیل کے مطابق میہڑمیں بدامنی کا عفریت قابونہ ہونے کے خلاف شہری ایکشن کمیٹی کی جانب سے میہڑ میں گھنٹہ گھر چوک پر بھوک ہڑتال کیمپ قائم کردیاگیا ہے، جس میں سول سوسائٹی وکلاء اور صحافیوں نے شرکت کی بھوک ہڑتالی کیمپ پر موجود شہریوں نے اعلیٰ حکام سے مطالبہ کیا ہے کہ شہرمیں قتل، ڈکیتی اور دیگر لوٹ مار میں ملوث افراد کوگرفتار کرکے شہر میں مکمل امن وامان بحال کروایاجائے ،کیونکہ یہاں کی پولیس جرائم پیشہ عناصر سے ملی ہوئی ہے ،دوسری صورت میں پرامن احتجاج جاری رہیگا.

گوجرہ، باغی ٹی وی (نامہ نگار عبدالرحمن جٹ)تیز رفتارکار کی ٹکر سے ایک شخص جاں بحق جبکہ ساتھی شدید زخمی ہو گیا۔معلوم ہواہے کہ نواحی چک نمبر309ج ب کاافتخار احمد اورسلمان موٹر سائیکل نمبر5484ٹی ایس کے پر سوار گاؤں سے شہر کی جانب آرہے تھے کہ لنک روڈپرمخالف سمت سے آنیوالی تیز رفتار کار نے انہیں ٹکر دے ماری جس کے نتیجہ میں وہ شدیدزخمی ہو گئے جنہیں فوری طور پر تحصیل ہیڈ کوارٹرہسپتال گوجرہ منتقل کیا جرہا تھاکہ افتخار شدید زخموں کی تاب نہ لاتے ہو ئے جاں بحق ہو گیا جبکہ سلمان کو ابتدائی طبی امدادکی فراہمی کے بعد مخدوش حالت میں الائیڈ ہسپتال فیصل آباد ریفرکر دیا گیا۔کار ڈرائیور موقع سے فرارہو نے میں کامیاب ہو گیا۔اطلاع ملنے پرصدر پولیس گوجرہ نے متوفی کی نعش اپنی تحویل میں لے کر ضروری کارروائی کے بعد ورثاء کے حوالے کردی اورمصروف کارروائی ہے۔

ٹھٹہ،باغی ٹی وی (نامہ نگار راجہ قریشی)بحال ہونے والے سیلاب متاثرین کے گھروں میں آگ بھڑک اٹھی،سارا سامان جل کر خاکستر
ٹھٹہ جھرک سائڈ کے قریب بحال ہونے والے سیلاب متاثرین کے گھروں میں آگ لگ گئی جس کی وجہ سے گھر میں رکھا ہوا سارا سامان جل کر خاکستر ہو گیا۔
تفصیلات کے مطابق ٹھٹہ حیدرآباد روڈ پر جھرک سائیڈ کے قریب گاؤں پنہوں جمالی میں سردی سے بچنے کے لیے لگائی گئی آگ کی چنگاری کی وجہ سے آس پاس کے گھروں کو بھی آگ نے اپنی لپیٹ میں لے لیا اور سیلاب کے بعد بحال ہونے والے متاثرین کے پانچ گھر اور گھروں میں رکھا ہوا سارا سامان جل کر خاکستر ہوگیا گھروں میں رہنے والے افراد نے بڑی مشکل سے اپنی اور بچوں کی جانیں بچائیں گاؤں کے لوگوں نے ساری رات سردی میں کھلے آسمان تلے گزاری اطلاع ملنے پر ہلال احمر پاکستان ٹھٹہ کے چیئرمین حاجی حنیف میمن اور مقامی ممبر غلام نبی ببر نے گاؤں والوں کو خیمے، راشن، برتن، کپڑے، بستر، گرم جیکٹیں اور دیگر ضروریاتِ زندگی گزارنے کا سامان تقسیم کیا گیا۔

اوکاڑہ باغی ٹی ( نامہ نگار ملک ظفر) پولیس نکمی ہوگئی، ہر طرف چوری، راہ زنی اور ڈکیتیوں کا سلسلہ جاری،عوام عدم تحفظ کاشکار
تفصیل کے مطابق اوکاڑہ میں ہر طرف چوری .راہزنی اور ڈکیتیوں کا سلسلہ جاری ۔امام مسجد بھی غیر محفوظ، رینالہ خورد میں چوریوں اور ڈکیتیوں کا نان سٹاپ سلسلہ جاری ہے چوروں نے امام مسجد کا گھر بھی نہ چھوڑا بستی رحیم بخش میں نامعلوم چوروں نے مسجد اور امام مسجد کے گھر کے تالے توڑ کر گھر سے مسجد کے چندے کے 45 ہزار روپے اور امام صاحب کے طلائی زیورات جن کی مالیت تقریباً ایک لاکھ روپے ہے چوری کر لیے اور موقع سے فرار ہوگئے امام صاحب اپنی والدہ کے فوت ہونے کی وجہ سے گاؤں گئے ہوئے تھے جب واپس گھر آئے تو گھر کا سامان بکھرا پڑا تھا گھر سے نقد رقم اور طلائی زیورات چوری ہو چکے تھے اطلاع ملنے پر تھانہ سٹی پولیس موقع پر پہنچ گئی پولیس نے شواہد اکٹھے کرکے کارروائی کا آغاز کردیا شہریوں کا آئے روز چوری اور ڈکیتی کی بڑھتی ہوئی وارداتوں کا اعلیٰ حکام سے نوٹس لینے کا مطالبہ کیا ہے

تلہ گنگ،باغی ٹی وی (شوکت ملک سے) لوہارکی بٹھی سے نکلنے والے کوئلے کے زہریلے دھوئیں سے کاریگر سمیت 3 افراد بے ہوش
ٹھی گھر میں قائم بھٹی سے کوئلہ کے زہریلے گیس کی وجہ سے کام کرنے والے کاریگر سمیت تین افراد بہوش ہوگئے،
تفصیلات کے مطابق تلہ گنگ کے گاؤں ٹہی میں ترکھان محمد قربان اپنی بھٹی میں کوئلہ جلا کر کسانوں کی درانتی اور کلہاڑی تیز کر رہا تھا کہ اس دوران کوئلے کے جلنے سے خارج ہونے والی زہریلی گیس سے موقع پر موجود تین افراد بہوش ہو گئے،جن میں محمد قربان، حاجی نور محمد والد شیر محمد اور محمد الطاف والد اکبر خان جو بسلسلہ اوزار تیز کرانے آ ئے،اطلاع ملتے 1122 تلہ گنگ کی ٹیمیں موقع پر پہنچ گئی اور تمام گیس سے بہوش مریضوں کو ہسپتال منتقل کردیا،جہاں پر ایمرجنسی میں ڈاکٹروں نے ٹریٹمنٹ کی ایک کی حالت خطرے میں جبکہ دیگر دو کو ہوش آ گیا ہے، حکومت ہر موقعے پر عوام کی جان بچانے کے لیے آ گاہی مہم سے لوگوں کو خبردار کر تی ہے، یہ واقع بھی غلفت کی وجہ سے پیش آیا،عوامی حلقوں نے 1122 کی ٹیم کو بروقت مریض منتقل کر کے قیمتی جانوں کو بچانے پر خراجِ تحسین پیش کیا ہے۔