Author: ڈاکٹرغلام مصطفی بڈانی

میہڑ،باغی ٹی وی(منظورعلی جوئیہ کی رپورٹ)سیلاب کو4ماہ گذرنے کے باوجود بھی فریدآباد کے علاقے سے سیلابی پانی کی نکاسی نہ ہوسکی
تفصیل کے مطابق سیلاب کو4ماہ گذرنے کے باوجود بھی فریدآباد کے علاقے سے سیلابی پانی کی نکاسی نہ ہوسکی اور ناہی میہڑسے فریدآباد جانی والا راستہ بحال ہوسکا فریدآباکے شہری روڈوں پر ڈی سی دادو کہ خلاف نکل آئے سخت احتجاج اور شدید نعرے بازی کی گئی ،احتجاج کر والے شہریوں نے کہاکہ ڈی سی دادوہمیں نہ راشن چاہئے نا ہی ٹینٹ صرف فریدآباد کے علاقے سے سیلابی پانی کی نکاسی کرواکر میہڑسے کاچھو کےبڑے علاقے فریدآباد کا راستہ بحال کرواکر ہماری زندگیاں بچائی جائیں-

تھانہ ٹمن کے علاقے کھوئیاں میں سفاکیت اور درندگی کی انتہاء،افضل نامی شخص نے مبینہ طور پر دس سالہ معصوم بچی کو اپنی ہوس کا نشانہ بنا ڈالا۔
متاثرہ بچی کے والد کی درخواست پر تھانہ ٹمن میں ایف آئی آر درج، ملزم گرفتار کر لیا گیا۔
تلہ گنگ (شوکت ملک سے) تفصیلات کے مطابق کھوئیاں کے رہائشی محمد افضل ولد سردار خان نامی درندہ صفت شخص نے دل سالہ معصوم بچی کو مبینہ طور پر اپنی ہوس کا نشانہ بنا ڈالا، تھانہ ٹمن میں درج ایف آئی آر کے مطابق متاثرہ بچی کے والد محمد نعیم کا کہنا ہے کہ گلشن بروال داخلی بلال آباد کا رہائشی ہوں اور گزشتہ تین سال سے کھوئیاں میں کرائے کے مکان میں رہائش پذیر ہوں اور میانوالی روڈ دندہ شاہ بلاول ہوٹل پر مزدوری کرتا ہوں، ہوٹل پر موجود تھا کہ گھر سے بیوی نے بذریعہ فون کال اطلاع دی کہ ہماری بچی م ن کو محمد افضل سکنہ کھوئیاں جوکہ ان کا پڑوسی ہے نے زیادتی کا نشانہ بنا ڈالا ہے، گھر پہنچ کر جب اپنی بچی سے پوچھا تو اس بتایا کہ میں گھر سے قینچی دینے پڑوسی محمد افضل کے گھر گئی تو وہ گھر میں اکیلا تھا، محمد افضل نے مجھے کمرہ میں بلایا اور گود میں بٹھا کر کہا کہ شلوار اتارو جس پر میں نے انکار کیا تو اس نے زبردستی میری شلوار اتار کر سخت زیادتی کی ہے، متاثرہ بچی کے والد نے ایس ایچ او تھانہ ٹمن، ڈی ایس پی تلہ گنگ سرکل ڈی پی او تلہ گنگ سمیت اعلیٰ حکام سے انصاف کا مطالبہ کیا ہے۔

ٹھٹھہ،باغی ٹی وی( نامہ نگار راجہ قریشی) قتل کے مقدمے میں ملوث 4 ملزمان 48 گھنٹوں میں گرفتار
تفصیلات کے مطابق مورخہ 10 دسمبر 2022 کو رات کے وقت ولیج آللہ ڈنو خلیفہ قریشی میں خلیفہ قریشی برادری کے درمیان زمینی تنازعہ ہوا جس میں ملزمان نے نوردین عرف دودا، محمد عمر اور دھنی بخش خلیفہ قریشی کو کلہاڑیوں، آہنی راڈز اور لاٹھیوں سے وار کرکے زخمی کردیا جنہیں کراچی ہسپتال ریفر کردیا گیا جہاں نوردین عرف دودا خلیفہ قریشی فوت ہوگیا جس کا مقدمہ ساکرو تھانے پر مقتول کے کزن محمد ایوب خلیفہ قریشی کی مدعیت میں درج کردیا گیا تھا۔ایس ایس پی ٹھٹھہ عدیل حسین چانڈیو کی سخت ہدایات پر ایس ڈی پی او ساکرو ڈی ایس پی محمد نواز سرائی کی سربراہی میں ایس ایچ او تھانہ ساکرو سب انسپکٹر فیض علی شاہ اور سب انسپیکٹر عبدالمطلب جتوئی بمعہ اسٹاف نے خفیہ اطلاع ملنے پر ساکرو تا بہارا روڈ ولیج ابراہیم جوکھیو کے قریب کامیاب کارروائی کرکے قتل کے مقدمے میں ملوث 4 ملزمان خمیسو ولد مصری، اللہ داد ولد عباس، سومار ولد اسماعیل اور ناتھو ولد خمیسو خلیفہ قریشی کو گرفتار کرلیا۔گرفتار ملزمان نے قتل کا اعتراف بھی کرلیا ہے۔ مزید ریکوری کے لیے پولیس ریمانڈ حاصل کرلیا گیا ہے۔ مزید تفتیش جاری ہے۔مقدمہ نمبر 133/2022 سیکشن 302,324,114,504, 337A(I),337F(I) ت۔پ تھانہ ساکرو۔

ڈیرہ غازی خان ،باغی ٹی وی(جواداکبرکی رپورٹ)تھانہ گدائی چوکی لاری اڈا،پائیگاں اور خیابان سرور میں اے ایس پی سٹی سرکل ایاز خان کی کھلی کچہری
تفصیلات کے مطابق کھلی کچہری تھانہ گدائی چوکی لاری اڈا، پائیگاں اور خیابان سرور میں لگائی گئی جس کا مقصد عوام کو بروقت انصاف فراہم کرنا تھا اے ایس پی ایاز خان کا کہنا تھا کہ پولیس ڈیپارٹمنٹ ہر وقت عوام کے جان و مال کی تحفظ کے لیے کوشاں ہیں عوام کی بڑی تعداد نے کھلی کچہری میں اپنی درخواستیں پیش کیں اس موقع پر ایس ایچ او تھانہ گدائی چوہدری علی محمد اور انچارج چوکی لاری اڈا محمد آصف بھی موجود تھے۔

جھنگ،باغی ٹی وی( نامہ نگار عظیم حمید )ریجنل پولیس آفیسر فیصل آباد سرفراز احمد فلکی نے ڈسٹرکٹ جھنگ کا دورہ کیا، ڈی پی او جھنگ محمد راشد ہدایت کے ہمراہ پولیس خدمت مرکز شورکوٹ، سلطان باہو پولیس کمپلیکس پولیس لائنز کا افتتاح کیا اور پولیس افسران سے کرائم میٹنگ کی۔ تفصیلات کے مطابق ریجنل پولیس آفیسر فیصل آباد سرفراز احمد فلکی نے ڈسٹرکٹ جھنگ کا دورہ کیا۔آر پی او فیصل آباد نے ڈی پی او جھنگ محمد راشد ہدایت کے ہمراہ خدمت مرکز شورکوٹ کا افتتاح کیا۔میڈیا نمائندگان سے بات کرتے ہوئے آر پی او فیصل آباد کا کہنا تھا کہ پبلک سروس ڈلیوری میں مزید بہتری کیلئے خدمت مرکز شوکورٹ کا قیام عمل میں لایا گیا ہے۔تحصیل شورکوٹ کے شہری اب ایک ہی چھت تلے پولیس سروسز سے استفادہ کر سکیں گے۔پبلک سروس ڈلیوری میں بہتری کیلئے تمام اقدامات عمل میں لائے جا رہے ہیں تاکہ شہریوں کو انکی دہلیز پر خدمات فراہم کی جا سکیں۔آر پی او فیصل آباد نے پولیس لائن جھنگ کا دورہ کیا، پولیس لائن پہنچنے پر پولیس کے چاک و چوبند دستے نے آر پی او فیصل آباد کو گارڈ آف آرنر پیش کیا۔آر پی او فیصل آباد نے یادگار شہداء پر حاضری دی، پھولوں کی چادر چڑھائی،شہدائے پولیس کے درجات کی بلندی کیلئے فاتحہ خوانی کی اور شہداء پولیس کے بچوں کو تحائف پیش کئے۔ پولیس لائن میں تعمیر ہونے والے سلطان باہو پولیس کمپلیکس , آفیسر میس اور واٹر فلٹریشن پلانٹا کا افتتاح کیااور سہولیات کا جائزہ لیا۔ریجنل پولیس آفیسر فیصل آباد نے ڈسٹرکٹ پولیس آفس میں ڈی پی او جھنگ محمد راشد ہدایت کے ہمراہ پولیس افسران سے میٹنگ کی۔ میٹنگ میں ایس پی انوسٹی گیشن جھنگ اصغر علی، ڈی ایس پی لیگل، ڈی ایس پی انوسٹی گیشن، ڈی ایس پی ٹریفک اورجملہ سرکل افسران شریک ہوئے۔میٹنگ میں آر پی او فیصل آباد نے سرکل سطح پر کرائم چارٹ،امن و مان کی صورتحال،گرفتار ی مجرمان اشتہاری،ٹارگٹ ایفنڈرز،کرائم میپنگ،E POLICE ایپ کے استعمال،پینڈنگ رپورٹس CMS، PSRMS اورسنگین مقدمات میں پیشرفت کا تفصیلی جائزہ لیا گیااور احکامات جاری کئے۔پولیس افسران سے بات کرتے ہوئے آر پی او فیصل آباد کا کہنا تھا کہ جرائم کا خاتمہ اور شہریوں کو انصاف کی بلاتاخیر فراہمی اولین ترجیح ہے۔پولیس افسران کمیونٹی پولیسنگ کو فروغ دیں اورجرائم کی روک تھام کیلئے تمام وسائل بروئے کار لائیں۔آر پی او فیصل آباد نے سٹی سرکل پولیس آفس اور تھانہ سٹی جھنگ کی انسپکشن بھی کی، دوران انسپکشن ریکارڈ کی جانچ پڑتال اور تھانہ سٹی جھنگ کی بلڈنگ، فرنٹ ڈیسک اور حوالات کا معائنہ کیا اور تھانہ میں متاثرین کی بروقت داد رسی یقینی بنانے کیلئے احکامات جاری کیے۔

گوجرہ،باغی ٹی وی( نامہ نگار عبدالرحمن جٹ )موٹروے پولیس کی کارروائی ،32 پیکٹ افیون اورایک من چرس برآمد،ملزمان گرفتار
تفصیل کے مطابق گوجرہ میں آج رات موٹروے سیکٹر کمانڈر ایم فور سیکٹر ون سپرینٹینڈنٹ پولیس جاوید اقبال چدھڑ سپروایزری پٹرولنگ پر تھے۔ لوکیشن 185 ساؤتھ نزد گوجرہ انٹر چینج دو مشکوک گاڑیاں رکی نظر آئیں ۔ ایڈمن آفیسر بیٹ 18 کو کال کر کے ان سے پوچھ گچھ کی گئی تو بیان مشکوک تھے۔ گاڑیوں کی تلاشی لی گئی تو بھاری مقدار میں32 پیکٹ افیون اور18 پیکٹ چرس برآمد ہوئی جو تقریبا ایک من کے بنتی ہے

۔ منشیات ، ملزمان بمعہ گاڑیاں اور گاڑیوں میں سوار خواتین اور بچے مزید تفتیشی اور قانونی کاروائی کے لیے ڈسٹرکٹ پولیس تھانہ صدر گوجرہ کے حوالے کیے گئے ۔ سیکٹر کمانڈر ایم فور ون کا کہنا تھا کہ سمگلروں کے لیے موٹروے کی زمین تنگ کر دی گئی ہے اور کوئی بھی شخص کسی قسم کی غیر قانونی سرگرمی میں ملوث ہو گا تو موٹروے پولیس ان کے خلاف سخت قانونی کارروائی عمل میں لائے گی ۔