Author: ڈاکٹرغلام مصطفی بڈانی

ٹھٹھہ،باغی ٹی وی(نامہ نگار راجہ قریشی)جانورچوری کے مقدمہ میں ملوث 2 ملزمان 24 گھنٹوں میں گرفتار، 1 گائے برآمد
تفصیلات کے مطابق کل مورخہ 12 دسمبر 2022 کو رات کے وقت 2 ملزمان نے ترکی کالونی مکلی کوارٹر نمبر 1660 سے سید احسان علی شاہ کی گائے چوری کرکے فرار ہوگئے تھے جس کا مقدمہ احسان علی شاہ کی مدعیت میں تھانہ مکلی میں درج کیا گیا تھا۔ایس ایچ او تھانہ مکلی انسپکٹر غلام قادر جتوئی، انچارج ترکی کالونی مکلی اے ایس آئی فرمان علی بھٹو بمعہ اسٹاف نے خفیہ اطلاع ملنے پر ترکی کالونی مکلی کوارٹر نمبر 1670 میں کامیاب چھاپہ مار کارروائی کرکے کیٹل تھیفٹ کی واردات میں ملوث 2 ملزمان شھزاد ولد یاسین خاصخیلی اور ظھیر احمد ولد محمد اسلم خاصخیلی کو گرفتار کرلیا۔
ابتدائی تفتیش کے دوران ملزمان کے قبضے سے مدعی احسان علی شاہ کے گھر سے چوری کی گئی 1 گائے برآمد کرلی گئی ہے اس کے علاوہ ملزمان نے متعدد وارداتوں میں ملوث ہونے کا انکشاف بھی کیا ہے جن کا کریمنل ریکارڈ طلب کیا جارہا ہے۔ تفتیش جاری ہے۔مقدمہ نمبر 202/2022 سیکشن 457,380 ت۔پ تھانہ مکلی۔

جھنگ،باغی ٹی وی (نامہ نگار)تیز رفتار موٹر سائیکلز آپس میں ٹکرا گئے،3زخمی
تفصیل کے مطابق جھنگ فیصل آباد روڈ نزد ریلوے پھاٹک کے قریب روڈ ٹریفک حادثے کی اطلاع پر ریسکیو ٹیم روانہ ہوئی ،ریسکیو 1122 کی ٹیم جاٸے حادثہ پر پہنچی اور ریسکیو آپریشن شروع کیا۔حادثے کے نتیجے میں دو افراد پرویز ولد نواز 19 سال.حلیمہ بی بی زوجہ حمید شدید زخمی ھو گئے،ریسکیو 1122 اہلکاروں نے زخمیوں کو ابتدائی طبی امداد فراہم کرنے کے بعد ڈسٹرکٹ ہیڈ کوارٹر ہسپتال منتقل کر دیا.یہ حادثہ تیز رفتاری کے باعث پیش آیا-

باغی ٹی وی شیخوپورہ (محمد طلال سے) تحصیل مریدکے اسموگ سے بچے سمیت بڑے بیماریوں میں مبتلا جی ٹی روڈ پر رات گئے اسموگ پھیلانے والی فیکٹریوں فصلوں کی باقیات جلانے اینٹوں کے بھٹوں اور دیگر پولوش آلودگی پھیلانے کا سلسلہ نہ رک سکا انتظامیہ ناکام شہریوں کا وزیراعلی و چیف سیکرٹری پنجاب سے نوٹس کا مطالبہ تفصیلات کیمطابق مریدکے جی ٹی روڈ شہر نارووال روڈ شیخوپورہ روڈ گردونواح میں فضائی اسموگ کی وجہ سے بچوں سمیت بڑے بیماریوں میں مبتلا ہونے لگے آلودگی پھیلانے والی فیکٹریوں اینٹوں کے بھٹوں فصلوں کی باقیات جلانے والوں کوڑا کو آگ لگانے والوں کو انتظامیہ نہ روک سکی رات گئے فیکٹریوں سے بے پناہ آلودگی پھیلائی جاتی ہے ہسپتالوں میں زیادہ چھوٹے بڑوں کی بیماری کی وجہ پولوشن آلودگی ڈاکٹرز بتاتے ہیں انتظامیہ اسموگ کے معاملات میں وزیراعلی پنجاب کے احکامات مریدکے میں نظر نہیں آتے شہریوں نے ارباب اختیار سے فوری نوٹس لینے کا مطالبہ کیا ہے۔

باغی ٹی وی: شیخوپورہ (محمد طلال سے) تحصیل مریدکے شہر سے درجنوں موٹر سائیکل غائب لٹیروں نے شہریوں کو بے سکونی میں مبتلا کر دیا ڈکیتی چوری رہزنی نقب زنی منشیات فروشی لاقانونیت عام مقامی پولیس شہریوں سے ہونے والی وارداتوں کے مقدمات درج کرنے سے انکاری پولیس کے لارے لپوں کا آئی جی پنجاب نوٹس لیں شہریوں کا مطالبہ
باغی ٹی وی کی رپورٹ کے مطابق گزشتہ دنوں سے مریدکے شہر میں لاقانونیت نے بسیرے ڈال لیے شہری غیر محفوظ ہو گئے منشیات فروشیوں کی وجہ سے متعدد قتل ہو چکے پولیس ایمرجنسی 15 ریکارڈ کیمطابق شہر میں ڈکیتی چوری رہزنی نقب زنی موٹر سائیکل چوری کی درجنوں وارداتیں شہریوں سے ہو چکی ہیں متاثرہ شہریوں کی درجنوں درخواستوں پر مقدمات درج نہ ہو سکے ڈاکو اور کرائم پیشہ افراد مقدمات درج نہ ہونے پر سٹی پولیس سے خوش اور حوصلے بلند ہو گئے وارداتوں میں نمایاں اضافے سے تاجر شہری پریشان ہو گئے چند روز قبل جی ٹی روڈ پر ظہیر احمد سے ڈاکوؤں نے گن پوائنٹ پر نقدی اور موبائل چھین لیا جسکی درخواست نمبری 8610-11.30.22 تھانہ سٹی دی گئی لیکن تھانہ کے چکر لگا لگا کر متاثرہ شخص مایوس ہو گیا جبکہ مقدمہ بھی تاحال درج نہ ہوا اسی طرح شہریوں سےہونے والی درجنوں وارداتوں کو سردخانے میں ڈال دیا گیا بڑھتی وارداتوں اور ڈاکو لٹیروں کی لوٹ مار نے شہریوں کا گھروں سے نکلنا محال بنا دیا متاثرین نے وزیراعلیٰ پنجاب آئی جی پنجاب آر پی او ریجن شیخوپورہ ڈسٹرکٹ پولیس آفیسر محتسب اعلیٰ پنجاب سے فوری نوٹس لیتے کاروائیاں کرنے اور زمہ داران افسران کیخلاف محکمانہ کاروائی کرنے کا مطالبہ کیا ہے۔

ٹھٹھہ،باغی ٹی وی (نامہ نگار راجہ قریشی)نہ اساتذہ ،نہ فرنیچر،کھنڈر بنتی سکول کی عمارت،طلباء و والدین کا پریس کلب کے سامنے احتجاج
تفصیل کے مطابق ٹھٹھہ کے علاقہ بابرا سٹاپ کے رہائشی بلاول ببرو۔ نظرببرو ۔ خمیسو بابرو۔عیسیٰ اور منیر ببرو سمیت سکول کے طلباء اور دیہاتیوں نے عوامی پریس کلب ٹھٹھہ کے سامنے احتجاجی مظاہرہ کیا اور کہا کہ بابرا سٹاپ پر واقع گورنمنٹ بوائز پرائمری سکول میں سالہا سال سے اساتذہ کی عدم موجودگی کی وجہ سے معصوم بچے تعلیم سے محروم ہیں اور دوسری طرف سکول کا فرنیچر غائب کردیاگیا ہے اور سکول کی عمارت مکمل طور پر تباہ ہے۔ بلاول ببرو نے صحافیوں سے مزید گفتگو کرتے ہوئے کہا کہ ہم نے متعدد بار مقامی دفتر میں اساتذہ اور فرنیچر کے لیے درخواستیں دی ہیں لیکن ابھی تک کچھ حاصل نہیں ہوا۔ ضلعی انتظامیہ صوبائی وزیرتعلیم سے پر زور مطالبہ ہے کہ سکول کے لیے فرنیچر فراہم کیا جائے اور اساتذہ کا تقرر کیا جائے تاکہ معصوم بچے تعلیم حاصل کر سکیں

گوجرہ،باغی ٹی وی( نامہ نگارعبدالرحمن جٹ) مسلح ڈاکو آڑھتی سے موٹر سائیکل،نقدی وغیرہ چھین کر فرارہو گئے۔مذاحمت پر فائرنگ بھی کی،فائرنگ سے خوف وہراس پھیل گیاآڑھتی فائرنگ سے محفوظ رہا۔معلوم ہواہے کہ چک نمبر304ج ب کے چوہدری قمرالزمان نے دھماں بنگلہ نہر کے قریب جنس کی خریدوفروخت کیلئے آڑھت کی دکان بنا رکھی ہے جہاں وہ حسب معمول موجود تھاکہ اس دوران موٹر سائیکل سوار دو نامعلوم نقاب پوش مسلح ڈاکو آگئے جنہوں نے اسے اسلحہ کے زورپر ہراساں کر کے اس کا موٹر سائیکل،16ہزارروپے کی نقدی وغیرہ چھین لی۔دکاندارکے مذاحمت کر نے پر ڈاکوؤں نے فائرنگ کر دی جس میں وہ معجزانہ طور پر محفوظ رہا۔واردات سے تھانہ صدر گوجرہ کو آگاہ کر دیا گیا ہے۔

ننکانہ صاحب باغی ٹی وی ( نامہ نگار احسان اللہ ایاز)مختلف حادثات 2 جاں بحق متعدد زخمی،ریسکیو 1122 نے ہسپتال منتقل کردیا
تفصیلات کے مطابق ننکانہ صاحب موڑکھنڈہ ہیڈ بلوکی روڈ کھکھ گاؤں میں اچانک گھر کی چھت کی دیوار گر نے سے خاتون جاں بحق ریسکیو عملہ نے ضروری کارروائی کے بعد ڈیڈ باڈی ورثاء کے حوالے کر دی، دیوار گرنے سے جاں بحق ہونے والی خاتون کی شناخت 55 سالہ زلیخا کے نام سے ہوئی. منڈی فیض آباد نزد الائیڈ بینک زیر تعمیر مکان کی گو سے اچانک پاؤں سلپ ہونے سے نوجوان زمین پر آ گرا اطلاع پا کر ریسکیو 1122 کا عملہ وہاں پہنچا حادثہ کے نتیجہ میں 24 سالہ طیب علی زخموں کی تاب نہ لاتے ہوئے زندگی کی بازی ہار گیا،ریسکیو عملہ نے ضروری کارروائی کے بعد ڈیڈ باڈی قریبی سرکاری ہسپتال منتقل کر دی. پنجاب پولیس میں بھرتی کے لئے آئے نوجوان کی دورانِ فزیکل ٹیسٹ طبیعت خراب ہو گئی وہاں موقع پر موجود ریسکیو عملے نے 22 سالہ حسام کو فوری ابتدائی طبی امداد فراہم کرنے کے بعد سرکاری اسپتال منتقل کردیا ، موٹر وے ایم 3 ریسٹ ایریا ننکانہ صاحب تیز رفتار بس نے کیری ڈبہ کو ہٹ کیا حادثہ کی اطلاع پا کر ریسکیو 1122 کا عملہ وہاں پہنچا، حادثہ کے نتیجہ میں خاتون سمیت 3 افراد شدید زخمی ہوئے ریسکیو عملہ نے زخمیوں کو فوری ابتدائی طبی امداد فراہم کرنے کے بعد ڈسٹرکٹ ہیڈ کوارٹرز ہسپتال ننکانہ صاحب منتقل کر دیا زخمیوں میں 18 سالہ زاہرہ بی بی ، 40 سالہ رحیم گل اور 45 سالہ اندرس گل شامل ہیں