Author: ڈاکٹرغلام مصطفی بڈانی

ٹھٹھہ،باغی ٹی وی (نامہ نگار راجہ قریشی) ہسپتالوں میں غریبوں کیلئے دوائیں نہیں ،تھانے وڈیروں کے حوالے،منشیات کی سرعام فروخت، لمحہ فکریہ ہے- منظور احمد خشک
تفصیل کے مطابق مسلم لیگ نہ سندھ کے نائب صدر منظور احمد خشک نے عوامی پریس کلب کے صدر بلاول سموں، راجہ قریشی, وفا اکرم عباسی سے اپنی رہائش گاہ پر گفتگو کرتے ہوۓ کہا کے ٹھٹھہ شہر کے تھانے اب ٹھٹھہ چٹی دلالوں،جرائم پیشہ عناصر اوروڈیروں کے حوالے ہوچکے ہیں جہاں پر غریب کو انصاف نہیں ملتا، منشیات کھلے عام اس لۓ ہے کہ اب ٹھٹھہ کے مقامی سیاستدان ہفتہ کھانے لگے ہیں ، اب ٹھٹھہ کی عوام کو اپنی مستقبل کے لۓ کچھ سوچنا چاہۓ اب ٹھٹھہ کے چور حکمرانو سے چھٹکارے کا وقت آ چکا ہے ،ٹھٹھہ میں سول ہسپتال میں مریضوں کے لۓ دوائیاں نہیں ملتیں. ریونیو میں جعلی کاغزات بناکر غریبوں کے زمینوں پر قبضے کے جارے ہیں ،تھانوں میں فون پر جرائم پیشہ افرادکو چھوڑ دیاجاتاہے ، ڈی سی ٹھٹھہ کی نہیں معلوم کونسی مجبوری ہے کہ محکمہ ریونیو میں ہونے والی بےضابطگیاں اس دکھائی نہیں دیتی اور کرپٹ عناصر کے خلاف کارروائی کرنے سےگریز کر رہا ہے . مسلم لیگ نہ سندھ کے نائب صدر منظور احمد خشک نے کہ مسلم لیگ ن کاسندھ کانائب صدر ہونے کی حیثیت سے عوام کے ساتھ ہوں عوام کے لۓ میرے گھر کے دروازے چوبیس گھنٹے کھلے ہیں اگر عوام نے ساتھ دیا تو ہم ٹھٹھہ کے مسائل حل کریں گے،عوام کے دکھ سکھ میں ان کے ساتھ ہوں –

اوکاڑہ باغی ٹی (نامہ نگار ملک ظفر)ڈی ایچ کیو ہسپتال کے خاکروبوں کا تنخواہیں نہ ملنے پر انوکھا احتجاج،ہرطرف گندگی پھینک ڈالی
تفصیل کے مطابق اوکاڑہ ڈسٹرکٹ ہیڈ کوارٹر ہسپتال میں صفائی ورکرز کا تنخواہیں نہ ملنے پر انوکھا احتجاج ،ہسپتال میں مرد و خواتین ورکرز اپنے حق کیلئے سراپا احتجاج ہر طرف گندگی کے ڈھیر پھینک دیے ، ڈی ایچ کیو ہسپتال اوکاڑہ کی موجودہ صورت حال یہ ہے کہ ہر طرف گندگی کے ڈھیر ،گائنی وارڈ،آپریشن تھیٹر،سرجیکل وارڈ،ہر طرف گندگی اور بدبُو کا راج ہے اور پورے ہسپتال میں سانس لینا دشوار ہوگیا ہے ،ورکرز کاکہناہے کہ 3 ماہ سے کمپنی کی طرف سے ہمیں تنخواہیں نہیں دی جا رہی ہیں ،ہمارے گھروں کے چولہے ٹھنڈے پڑ گئے ہے لیکن کمپنی پر اسکا کوئی اثر نہیں پڑا،کیونکہ بھوک سے توہمارے بچے نڈھال ہیں ،اس وقت ہمیں کہیں سے ادھار پر سودا سلف بھی نہیں ملتا ہم اور بچے کہاں جائیں ،اعلی حکام نوٹس لیں

ٹھٹھہ،باغی ٹی وی( نامہ نگار راجہ قریشی)ضلعی انتظامیہ ٹھٹہ کی جانب سے اینٹی کرپشن کے عالمی دن کے موقعہ پر عوام میں شعور بیدار کرنے کیلئے ریلی کا انعقاد۔ تفصیلات کے مطابق ٹھٹہ انسداد کرپشن کے عالمی دن کے موقعہ پر ضلعی انتظامیہ ٹھٹہ کیجانب سے ایڈیشنل ڈپٹی کمشنر ون ریاض حسین لغاری اور اسسٹنٹ ڈائریکٹر و سرکل افسر اینٹی کرپشن ملک نظیر احمد کی سربراہی میں عوام میں بدعنوانی کے خلاف شعور اور آگاہی پیدا کرنے کے لیے ڈپٹی کمشنر کے دفتر سے مکلی پریس کلب تک ایک شاندار اور پر وقار ریلی کا اہتمام کیا گیا اس موقعہ پر ایڈیشنل ڈپٹی کمشنر ون ریاض حسین لغاری، اسسٹنٹ ڈائریکٹر و سرکل افسر اینٹی کرپشن، ڈپٹی ڈائریکٹر سوشل ویلفیئر خدا بہرانی، ڈی او ایجوکیشن (سیکنڈری) حضور بخش خاصخیلی و دیگر نے خطاب کرتے ہوئے کہا کہ اس دن کو منانے کا مقصد کرپشن اور بدعنوانی کے نقصانات کے بارے میں عوام میں آگاہی اور شعور اجاگر کرنا ہے کرپشن ایک ناسور کی مانند ہے جس کی جڑیں اکھاڑنے کیلئے ہر فرد کو اپنا بھرپور کردار ادا کرنا ہوگا تاکہ آنے والی نسلوں کو کرپشن سے پاک معاشرہ مل سکے انہوں نے کہا کہ پاکستان کی ترقی اور خوشحالی کا راز بھی کرپشن سے پاک معاشرہ میں ہے کرپشن ایک سماجی ظلم ہے جس کی سزا دنیا اور آخرت دونوں میں ہے کرپشن ہمارے اداروں اور ملک کی ترقی میں سب سے بڑی رکاوٹ ہے جس کا خاتمہ وقت کی اہم ضرورت ہے ان کا کہنا تھا کہ کرپشن صرف اداروں میں نہیں بلکہ ہماری سوچ اور رویوں میں بھی ہے جبکہ اپنا فرض ایمانداری سے ادا نہ کرنے اور کسی سے ناانصافی کرنا بھی کرپشن میں شامل ہے اس لیے سب سے پہلے اپنی سوچ کو بہتر بنانے کیلئے ہر فرد کو عہد کرنا ہوگا تاکہ کرپشن پر قابو پایا جا سکے ریلی میں ایڈیشنل ڈائریکٹر سوشل ویلفیئر نیاز احمد میمن، ایڈیشنل ڈسٹرکٹ ایجوکیشن آفیسر (پرائمری) محمد رحیم سومرو، ڈسٹرکٹ انفارمیشن افسر محفوظ علی سومرو، ڈی ایس پی جمعہ خان پنہور کے علاوہ روینیو، تعلیم، صحت، انفارمیشن، لوکل گورنمنٹ، پولیس، سوشل ویلفیئر اور دیگر مختلف محکموں کے افسران و عملہ مختلف سماجی تنظیموں کے رہنماؤں اور زندگی کے مختلف شعبہ جات سے تعلق رکھنے والے لوگوں نے بڑی تعداد میں شرکت کی۔

باغی ٹی وی: شیخوپورہ (محمد طلال سے)ڈپٹی کمشنر شیخوپورہ طارق علی بسرا نے کرپشن کی روک تھام کے عالمی دن پر اپنے پیغام میں کہا ہے کہ کرپشن ایک سماجی ظلم اور معاشرتی برائی ہے۔ کرپشن کرنا عوام کے حقوق پر ڈاکہ ڈالنے کے مترادف ہے صوبہ بھر کی طرح شیخوپورہ میں بھی کرپشن کے خلاف ضلعی انتظامیہ کی جانب سے زیرو ٹالرنس پالیسی اپنائی گئی ہے اور تمام تر انتظامی معاملات میں شفافیت کو یقینی بنانے کا تہیہ کیا ہوا ہے۔ ضلع کے تمام سرکاری محکموں کے سربراہان کو ہدایت کی گئی ہے کہ میرٹ کو مدنظر رکھا جائے اور زیرو ٹالرنس پالیسی پر سختی سے عمل درآمد یقینی بنایا جائے۔ ڈپٹی کمشنر طارق علی بسرا نے کہا کہ کرپشن کے مکمل خاتمے کا ایجنڈا لے کر شیخوپورہ میں کام کیا جا رہا ہے اور شیخوپورہ میں کرپٹ لوگوں کی کوئی گنجائش نہیں ہے۔ انہوں نے کہا کہ ہمیں آج اس عزم کا اعادہ کرنا ہے کہ کرپشن کی لعنت کے مکمل خاتمے کیلئے نیک نیتی و ایمانداری سے آگے بڑھیں گے اور فرائض منصبی کو شفافیت کے ساتھ سر انجام دیں گے۔