Author: ڈاکٹرغلام مصطفی بڈانی

سجاول ،باغی ٹی وی (نامہ نگار یاسر علی پٹھان) ہائی ایس ویگن ٹائرپھٹنے سے الٹ گئی،15 مسافر زخمی
تفصیل کے مطابق کراچی سے بدین جانے والا تیزرفتارہائی ایس ویگن جاتی چوک لوہانیاں واٹر پولیس چوکی کے قریب ٹائر پھٹنے سے الٹ گئی، ویگن الٹنے کے نتیجے میں اس میں سوار 15 مسافر زخمی ہو گئے.اس حادثہ میں زخمی ہونے والے مسافروں کو میرپور بٹھورو سول اسپتال منتقل کیا گیا ہے.جہاں انہیں فرسٹ ایڈ دی گئی

ڈیرہ غازی خان،باغی ٹی وی(شہزادخان نامہ نگار)صدر پریس کلب بخت کھوسہ کی جھوٹے مقدمہ سے رہائی کے بعد پریس کلب پہنچنے پر انکی شاندار استقبال کیا گیا، پھولوں کے ہار پہنانے کیساتھ ساتھ پھولوں کی پتیاں نچھاور کی گئیں، پگڑی باندھنے کیساتھ سیلفیاں لیتے رہے، بخت کھوسہ سمیت صحافیوں اور سول سوسائٹی کے سینکڑوں افراد نے ریلی نکالی، ریلی پریس کلب سے ہوتی ہوئی کمشنر آفس تک پہنچ کر پرامن طور پر منتشر ہوئے، صدر پریس کلب بخت کھوسہ کیخلاف جھوٹا مقدمہ درج کرنے پر صحافیوں اور سوسائٹی کی بڑی تعداد نے ریلی میں شرکت کی، تفصیلات کے مطابق ڈیرہ غازی خان پریس کلب کے صدر بخت کھوسہ کو سچ لکھنے کی سزا، کسٹم پولیس کیخلاف کرپشن اور اسمگلنگ کرنے کی نشاندھی کرنے اور کسٹم کلیکٹر ملتان سمیت دیگر افسران کو وڈیو کلپ بطور ثبوت بھجوانے پر کسٹم پولیس نے برا منایا اور چار دن بعد الٹا صدر پریس کلب و سینئر صحافی بخت کھوسہ کو دبانے کی ناکام کوشش کرتے ہوئے ان کے کیخلاف خاموشی سےجھوٹا مقدمہ درج کرایا اور ملتان کسٹم آفس بلاوا کر آفس میں ہی سے گرفتار کیا گیا 6 دن کی جسمانی ریمانڈ لینے کے بعد مزید 8 دن جسمانی ریمانڈ لینے کے استدعا کسٹم جج لاہور نے مسترد کر کے بخت کھوسہ کو جیل بھجوا دیا اور ضمانت کی درخواست پر بعد سماعت عدالت کے جج نے اپنی فیصلے میں تحریر کیا کہ بخت کھوسہ کیخلاف اسمگلنگ کی کوئی ثبوت نہیں جس پر بخت کھوسہ کو رہا کر دیا رہائی کے بعد صدر پریس کلب ڈیرہ غازی خان بخت کھوسہ کی پریس کلب آمد پر ڈیرہ غازی خان کے صحافیوں اور سول سوسائٹی نے شاندار استقبال کیا اور بخت کھوسہ کے گلے میں پھولوں کے ہار پہنانے کے ساتھ ساتھ اسے بلوچی روایات پر پگڑی بھی پہنایا اور ساتھ ہی پھولوں کی پتیاں نچھاور کی گئیں پریس کلب ڈیرہ غازی خان کے چیئرمین شیر افگن بزدار اور صدر انجمن صحافیان غلام مصطفی لاشاری سمیت جنرل سیکرٹری بشیر چوہان سمیت عابد بزدار کی قیادت میں صحافیوں اور سول سوسائٹی نے پریس کلب سے لیکر کمشنر آفس تک ریلی نکالی گئی ریلی میں سینکڑوں افراد نے شرکت کرتے ہوئے کسٹم پولیس مردہ باد اور بخت کھوسہ زندہ باد کے نعرے لگاتے رہے اور کسٹم کے ذمہ داروں کو معطل کر کے انہیں کیئے کی سزا دینے کا بھی مطالبہ کیا ہے اور مزید کہا کہ ڈیرہ غازی خان میں تعینات کرپٹ کسٹم آفیسران کیخلاف فوری کاروائیاں نہ کی گئیں تو پھر احتجاج کو دھرنے میں تبدیل کرنے کا اعلان کرینگے اس بارے چیئرمین پریس کلب شیر افگن بزدار، مصطفی لاشاری، بشیر احمد چوہان سمیت عابد بزدار و دیگر نے آئندہ کی لائحہ عمل تک احتجاجی ریلی ختم کرنے کا اعلان کیا۔

میہڑ،باغی ٹی وی(منظورعلی جوئیہ کی رپورٹ )بڑھتی ہوئی بدامنی کہ خلاف شہری سڑکوں پرنکل آئے، پولیس کےخلاف شدید نعرے بازی
تفصیل کے مطابق میہڑمیں دن بہ دن بڑھتی ہوئی بدامنی، قتل وغارت ،چوریوں ،ڈکیتیوں اور لوٹ مار کےخلاف سندھ ترقی پسند پارٹی کی جانب سے عبدالحمید سومرو کی قیادت میں سیکڑوں شہری سڑکوں پر نکل آئے، مظاہرین نے بائی پاس روڈ سے میہڑ پریس کلب تک احتجاجی مظاہرہ کیا اور پولیس کہ خلاف سخت نعرے بازی کی، مظاہرین نے مطالبہ کررہے تھے کہ حالیہ دنوں قتل ہونے والے بنک ملازم سعید احمد شیخ کے قاتلوں کو فوراََ گرفتار کیا جائے اورشہرمیں مکمل امن و امان قائم کیا جائے دوسری صورت میں پر امن احتجاجی تحریک چلائی جائیگی.

گوجرہ،باغی ٹی وی(نامہ نگار عبدالرحمان جٹ)موٹر سائیکل سوار مسلح ڈاکومختلف وارداتوں میں مال وزر چھین کر فرارہو گئے۔معلوم ہواہے کہ الفیض سوسائٹی گوجرہ کامحمد بلال اپنے موٹر سائیکل پر بلال پارک کے قریب سے گزررہاتھاکہ اس دوران اسے موٹر سائیکل سوار دو نامعلوم ڈاکوؤں نے اسلحہ کے زور پر روک لیا اور اسے جان سے مار دینے کی دھمکی دے کر اس کا موٹر سائیکل و 35ہزارروپے کی رقم چھین لی۔جبکہ نواحی چک نمبر335ج ب کا محمد اسلم گاؤں کے قریب جا رہا تھاکہ اسے دو نامعلوم موٹر سائیکل سوار ڈاکوؤں نے اسلحہ کے زور پر روک کرسے جان سے مار دینے کی دھمکی دے کر ہزاروں روپے کی نقدی وموبائل چھین لیااورکامیاب وارداتوں کے بعدفرارہو گئے اطلاع ملنے پرتھانہ سٹی و تھانہ نواں لاہور پولیس نے الگ الگ مقدمات درج کر کے ڈاکوؤں کی تلاش شروع کر دی ہے۔
اسی طرح مسلح ڈاکو ؤں نے ایک اور شہری سے موٹر سائیکل چھین لیا۔کامیاب واردات کے بعدفرارہو گئے۔معلوم ہواہے کہ چک نمبر303ج ب کا عادل اپنے موٹر سائیکل پر سوارجھنگ روڈ موٹر وے انٹر چینج کے قریب جا رہاتھاکہ اسے موٹر سائیکل سوار دو نامعلوم ڈاکوؤں نے اسلحہ کے زور پر روک لیا اوراس سے موٹر سائیکل نمبر6471ون ٹو فائیوچھین لیااورکامیاب واردات کے بعد فرارہو گئے۔تھانہ صدرپولیس گوجرہ کو واردات سے آگاہ کردیاگیا تاحال مقدمہ کے اندراج کی اطلاع موصول نہیں ہو سکی۔

ٹھٹھہ،باغی ٹی وی( نامہ نگار راجہ قریشی)مکلی میں پولیس اہلکار موٹر سائیکل چور نکلا ، مقدمہ درج
تفصیل کے مطابق مکلی دبئی شاپنگ مال سے ایک شخص کی موٹر سائیکل چوری ہوگئی تھی جس پر ایس ایس پی ٹھٹھہ نے سخت نوٹس لیتے ہوئے سی سی ٹی وی کی ریکارڈنگ منگوائی جس میں پولیس اہکار شاہزمان ناریجو موٹر سائیکل چراتے ہوئے صاف نظر آرہا ہے جس پر پولیس کی ٹیم نے جماری گوٹھ میں چھاپہ مار کر پولیس اہلکار کوگرفتار کرکے ایس ایس پی ٹھٹھہ کے سامنے پیش کیا جہاں شاہ زمان ناریجو نے اپنے جرم کا اعتراف کیا ایس ایس پی ٹھٹھہ کے حکم پر مذکورہ پولیس اہلکار کے خلاف مکلی تھانے میں کیس داخل کرنے کے ساتھ اسے سروس سے بھی ڈس مس کردیا گیا ہے پولیس اہلکار کے بارے میں یہ بھی معلوم ہوا ہے کہ اس نے مزید موٹر سائیکلیں چرانے کا بھی اعتراف کیا ہے

کندھ کوٹ ،باغی ٹی وی(نامہ نگار)کندھ کوٹ محکمہ تعلیم کے بہترین اور ایماندار آفیسر ڈی ای او پرائمری ارشاد احمد بکرانی کے خلاف کچھ دنوں سے مسلسل سوشل میڈیا پر چلنے والی خبروں میں کوئی بھی صداقت نہیں ہے ڈی ای او کے موقف کے بعد یہ بات واضح ہوگئی کہ سوشل میڈیا پر چلنے والی خبریں جھوٹ ہیں
تفصیلات کے مطابق پاکستان کے بہترین ادارے آئی بی اے سے پی ایس ٹی اساتذہ کے ٹیسٹ پاس کرنے والوں امیدواروں کو میرٹ پر آفر آڈر جاری کرنے پر ڈی ای او پرائمری کشمور ارشاد احمد بکرانی کی خلاف سوشل میڈیا اور اخبارات میں شائع ہونے والی خبریں جھوٹی نکلیں اس موقع پر محکمہ تعلیم کے ڈی ای او پرائمری ارشاد احمد بکرانی نے گفتگو کرتے ہوئے کہا کہ ضلع کشمور کے تعلقہ تنگوانی کی ہارڈ ایریا سے تعلق رکھنے والے دو امیدواروں رفیق احمد۔ اور میر حسن کے آفر آڈر والی خبریں سوشل میڈیا پر غلط رنگ دے چلائیں جا رہی ہیں وہ بالکل جھوٹی ہیں. بات یہ ہے کہ پی ایس ٹی امیدوار رفیق احمد اور میر حسن دونوں کا تعلق تنگوانی کی ہارڈ ایریا سے ہے دونوں امیدوار جے ای ایس ٹی کی ٹیسٹ میں فیل ہوئے تھے کچھ لوگوں نے ان دونوں امیدوارون کے خلاف جے ای ایس ٹی کی فیل میرٹ لسٹ کی پکچرز نکال کر اس میں پی ایس ٹی کا رنگ لگا کر میرے خلاف سوشل میڈیا اور مختلف چینلز پر غلط خبریں چلا رہے ہیں جبکہ یہ چلنے والی خبریں بالکل جھوٹ ہے بغیر کسی تصدیق کے جھوٹی خبریں چلانے والوں کے خلاف میں کارروائی کرنے کے لیے قانونی حق رکھتا ہوں انشاء اللہ انہیں کو قانون کے کٹہرے میں لایا جائے گا دوسری جانب ضلع کشمور کندھ کوٹ کی تعلیم یافتہ عوام کا کہنا تھا کہ محکمہ تعلیم کے ڈی ای او پرائمری ارشاد احمد بکرانی ایک ایماندار آفیسر ہے اس کے آنے سے ضلع کشمور کندھ کوٹ اور تنگوانی میں پرائمری کے آفر آڈر مکمل میرٹ پر ہوئے ہیں کسی بھی پی ایس ٹی امیدوار کے حق میں روکاوٹیں نہیں کی گئی سب کو اپنا حق اپنی میرٹ پر دیا گیا ہے ارشاد احمد بکرانی بلوچ قوم کا ایک تعلیمی یافتہ گھرانے سے تعلق رکھتا ہے اس کے خلاف سوشل میڈیا پر غلط خبریں چلنے والی بالکل چھوٹی ہیں یہ ایک ایماندار آفیسر کو بلیک میل کرنے کی کوشش کی جا رہی ہے محکمہ تعلیم کے اعلیٰ افسران کو چاہیے کہ جھوٹی خبریں چلانے والوں کے خلاف کارروائی کی جائے تاکہ ایماندار آفیسر ضلع کشمور میں مزید بہتری لا سکیں-

اوکاڑہ،باغی ٹی وی (نامہ نگار ملک ظفر)دیپالپور کے نوجوان کو ٹیلی فون کے ذریعے دوستی کرنا مہنگا پڑ گیا خوبصورت لڑکی کے جھانسے میں آکر اغوا ہونے والا نوجوان دو ماہ بعد 15لاکھ روپے تاوان کی رقم دے کر بازیاب ہوگیا۔دیپالپور تھانہ حجرہ شاہ مقیم کے محلہ احمدآباد کے رہائشی نوجوان بابر اور اس کے اہل خانہ نے باغی ٹی وی کے نمائندے سے گفتگو کرتے ہوئے بتایا کہ دو ماہ قبل فون کال کےذریعےخوبصورت لڑکی سے میری دوستی ہو گئی جس نے فون پر مجھے ملنے کیلئے کچےکےعلاقہ کشمور میں بلوایا جب میں وہاں پہنچا تو مجھے اغواء کرلیاگیا اور میرے گھر والوں سے پچاس لاکھ روپے کی ڈیمانڈ کی گئی ، ڈیمانڈ نہ پوری کرنے پر تشدد کیا جاتا تھا برہنہ کر کے کپڑے اتار کر سر کے بال کاٹ دئیے دو ماہ اُن کی قید میں رہا پھر آخر کار 15 لاکھ روپے میں معاملہ طے پایا اور مجھے تاوان کی رقم دے کر رہائی ملی مغوی نوجوان کا مزید کہنا تھاکہ میرے علاوہ تقریبا پنجاب کے سو کے قریب اور لوگ اغوا کاروں کے چنگل میں ہیں۔ یہ علاقہ کچے کا ہے ،بازیاب ہونے والے نوجوان نے چیف جسٹس آف پاکستان وزیراعظم پاکستان اور آئی جی پنجاب سے مطالبہ کیا ہے کہ پولیس آپریشن تو پہلے بھی کر رہی ہے لیکن آرمی کی مدد لے کر کچے کے علاقے سے اغواء کاروں کا صفایا کیا جائے اور سو کے قریب لوگوں کو بازیاب کروایا جائے-