Author: ڈاکٹرغلام مصطفی بڈانی

اوکاڑہ،باغی ٹی وی (نامہ نگار ملک ظفر)یونیورسٹی آف اوکاڑہ میں پیامِ پاکستان محراب و منبر کی ذمہ داریاں کے موضوع پر سیمینار منعقد ہوا سیمنار میں موجودہ دور میں علماء کرام کی معاشرتی ذمہ داریوں کو اجاگر کیا گیا .
اوکاڑہ یونیورسٹی میں منعقد ہونے والے سیمینار سے خطاب کرتے ہوئے وائس چانسلر نے قیامِ پاکستان کے حقیقی مقاصد، قائداعظم محمد علی جناح کے افکار پر بات کرتے ہوئے محراب و منبر کی ذمہ داریوں پر روشنی ڈالی۔شرکاء کا کہنا تھا پاکستان ایک اسلامی جہموری ریاست ہے یہاں سب کے حقوق برابر ہیں۔ محراب و منبر سے تبلیغ کا مقصد اپنے عقیدے کا بیان کرنا ہے زبردستی انکا اعتراف کروانا نہیں۔اپنے نظریے اور عقیدہ سے منسلک رہ کر پاکستان کے حقیقی مقاصد کو پایا جا سکتا ہے۔ محبت، امن بھائی چارے کی فضا کو قائم رکھنے میں اساتذہ کرام، علما دین سمیت طالبِ علموں کا کردار کلیدی ہے۔ درس گاہیں ہی معاشرہ قائم کرتی ہیں۔ اس لیے ہمیں تعلمیی اداروں میں مثبت سوچ کو فروغ دینا ہے۔ شدت پسندی کی نفی ضروری ہے۔اسلام امن کا پیغام دیتا ہے۔ پاکستان امن کا گہوارہ ہے۔ اس موقعہ پر ڈاکٹر انوار اللہ طیّبی فیکلٹی شعبہ اسلامیات سمیت یونیورسٹی اساتذہ اور طلبہ کی کثیر تعداد موجود تھی۔ ڈاکٹر امجد علی سیمنیار آرگنائزرڈائریکٹر سٹوڈنٹ افئیرز یونیورسٹی آف اوکاڑا نے شرکا ٕ کا شکریہ ادا کیا ۔

ٹھٹھہ،باغی ٹی وی( نامہ نگار راجہ قریشی)کے الیکٹرک کی جانب سے گھارو سٹی میں ایک روزہ فری آئی کیمپ کا انعقاد کیا گیا ہے۔
تفصیلات کے مطابق ٹھٹہ کے علاقے گھارو سٹی میں کے الیکٹرک اپنے صارفین کو بجلی کے بلوں میں مختلف اسکیموں کے ذریعے رعایتیں فراہم کرنے کے ساتھ ساتھ انکی صحت کا بھی خیال رکھتی ہے جسکے لیے بروز پیر گھارو شہر میں کے الیکٹرک ایک روزہ فری آئی کیمپ لگا رہی کے الیکٹرک کے مارکیٹنگ منیجر اطہر احمد اور گھارو کمپلینٹ سینٹر کے ایریا مینیجر ثاقب نے پریس کلب گھارو میں پریس کلب کے صدر ذوالفقار خاصخیلی، سابقہ صدر سید دائم شاہ، سید عمران علی، رشید پنہور، سید ذوالفقار علی شاہ، نواز خاصخیلی، بابن ہاشوانی سے گفتگو کرتے ہوئے کہا کہ کے الیکٹرک اپنے صارفین کے بقایاجات کی ادائیگیوں میں مختلف اسکیموں کے ذریعے سہولیات مہیاء کرتا رہا ہے تاکہ صارف اپنا بل وقت پر ادا کرسکے انہوں نے مزید کہا کہ کے الیکٹرک کو اپنے صارفین کی صحت کا خیال ہے جہاں کے الیکٹرک بارہ 12 دسمبر کو گھارو میں ایک روزہ مفت آئی کیمپ کا انعقاد کررہی ہے جہاں کراچی کے ماہر آئی اسپیشلسٹ ڈاکٹرز مریضوں کا معائنہ کریں گے اور انہیں ادویات دی جائینگی جبکہ نظر کے چشمے دینے کے ساتھ ساتھ آپریشن کی صورت میں انہیں آپریشن کی تاریخ بھی دی جائیگی جو کہ کراچی ڈھائی نمبر میں واقع ہسپتال میں مفت کیا جائے گا انہوں نے مزید کہا کہ کے الیکٹرک کے صارفین کوشش کریں کہ وہ بجلی کے بل وقت پر ادا کریں اور جو صارف گزشتہ کافی عرصے سے بل ادا نہیں کررہے ہیں وہ پیر کے روز لگنے والے کیمپ میں دی جانے والی اسکیم سے استفادہ حاصل کریں اور کے الیکٹرک اسکیم کے تحت ادائیگی کرسکتے ہیں انہوں نے کہا اس وقت سولہ سو صارفین ایسے ہیں جو بل ادا نہیں کر رہے کے الیکٹرک چاہتی ہے کہ ایسے صارفین ان اسکیموں کے تحت اپنے بل ادا کریں اور ہمارے ہاتھ مظبوط کریں تاکہ ہم بھی بجلی کے تسلسل کو برقرار رکھ سکیں۔

ننکانہ صاحب، باغی ٹی وی (نامہ نگار احسان اللہ ایاز )الیکشن کمیشن آف پاکستان پر عزم ہے کہ انتخابی عمل کے بارے میں شہریوں کی آگاہی کو بہتر بنایا جائے اور ان کی حوصلہ افزائی کی جائے تاکہ وہ اپنا ووٹ ڈال کر انتخابی عمل کا حصہ بنیں،قومی ووٹرز ڈے تجدید عہد کا دن ہے کہ ووٹ نہ صرف ہمارہ حق ہے بلکہ ایک مقدس قومی ذمہ داری بھی،سیاسی شعور،شفاف انتخابات اور مظبوط جمہوریت سے ملکی مسائل حل کیے جاسکتے ہیں، ووٹ کے مثبت استعمال سے ہم سب تکمیل پاکستان کے انتہائی اہم فریضے سے عہدہ براہ ہوسکتے ہیں، مختلف قسم کی تحریصات وترغیبات، بدعنوانی،دباﺅ اور ذات برادری کے تعصبات سے بالا تر ہوکر قومی ووٹ کا استعمال کیا جائے تو وطن عزیزترقی و خوشحالی کی اعلی منازل کو چھوسکتاہے۔ڈپٹی کمشنر ننکانہ صاحب احمرنائیک نے ان خیالات کا اظہار ضلعی الیکشن کمشنر آفس کے زیر اہتمام ضلع کونسل ہال میں قومی ووٹرز ڈے کے سلسلہ میں منعقدہ سیمینار سے خطاب کرتے ہوئے کیا۔ضلعی الیکشن کمشنر محمد توصیف قادر،ضلعی الیکشن آفیسر وصام خان،ڈپٹی ڈائریکٹر کالجز ملک مختار،سکھ رہنماءسردار سرجیت سنگھ کنول اور مسیحی رہنماءبشیر مسیح بھٹی آواز نسواں فاؤنڈیشن کی صدر میڈم ذکیہ رانی سینئر صحافی سمیع اللہ عثمانی ودیگر سماجی تنظیموں کے نمائند گان سمیت ضلعی افسران اور شہریوں کی کثیرتعدا د نے سیمینار میں شرکت کی۔ اس موقع پر ضلعی الیکشن کمشنر محمد توصیف قادر نے ووٹ کی اہمیت پر اظہار خیال کرتے ہوئے کہا کہ ووٹرز نہ صرف اپنے نمائندے منتخب کر سکتے ہیں بلکہ وہ اپنے رائے حق دہی سے اپنے علاقے ،ریاست،قوم اور ملک کی سمت تبدیل کرسکتے ہیں۔ انہوں نے کہا کہ ووٹ دینا محض ایک ضرورت نہیںبلکہ ہر شہری کا اولین اور قومی فرض ہے۔انہوں نے مزید کہا کہ یہ کسی طور پر ممکن نہیں کہ خواتین کو شامل کئے بغیر پاکستان میں حقیقی جمہوریت پروان چڑھ سکے

تونسہ ، باغی ٹی وی(عمران لنڈ نامہ نگار )جماعت اسلامی کا تونسہ کو ضلع نہ بنانے پراحتجاجی دھرنا
تفصیل کے مطابق تونسہ شریف میں جماعت اسلامی کا کلمہ چوک میں احتجاجی دھرنا جو کہ تحصیل تونسہ شریف کو ضلع تونسہ شریف نہ بنانے پر احتجاج ریکارڈ کرایا اور ان کا کہنا تھا کہ عثمان بزدار اور خواجہ شیراز محمود سے ہماری جان چھڑائی جائے اور اس حوالے سے انہوں نے تمام میڈیا اور انتظامیہ سے پرزور گزارش کی ہے کہ اس کمپین میں حصہ ڈالیں اور اور مزید ان کا کہنا تھا کہ ہم احتجاج اپنا جاری رکھیں گے جب تک تحصیل تونسہ شریف کو ضلع نہ بنایا جائے گا-