Author: ڈاکٹرغلام مصطفی بڈانی

ٹھٹھہ،باغی ٹی وی (نامہ نگار راجہ قریشی) پورے سندھ کی طرح ٹھٹھہ ضلع میں بھی سندھی ثقافتی دن بڑے جوش و جذبے سے منایا گیا قومی گیت بھی گائے گئے نوجوانوں اور بچوں نے بڑی جوش کے ساتھ عوامی پریس کلب ٹھٹھہ کے سامنے سندھی گانوں پے رقص بھی کیا،
تفیصلات کے مطابق ٹھٹھہ ضلع بھر میں سندھی ثقافت کا دن بڑے جوش و جذبے سے منایا گیا عوامی پریس کلب ٹھٹھہ میں ٹھٹھہ کے مختلف تنظیموں آل سندھی یوتھ پٹھاں تنظیم،پاک سول سولجر آرگنائیزیشں،اور خشک چوک سے فاضل آکاش عباسی اسد خشک کے رہنمائی میں ضلع بھر کے سینکڑوں کی تعداد میں نوجوان بوڑھے بچے رقص کرتے ہوئے سڑکوں پر نکل آئے مختلف علاقوں میں ریلیاں بھی نکالی گئیں نوجوانوں ،بوڑھے اور بچوں نے سندھی ٹوپی اجرک پہن کر ثقافتی دن کی خوشی میں رقص کیا اور گیت بھی گائے،دوسری جانب سے اس دن کے موقع پر سماجی مذہبی سیاسی جماعتوں سے تعلق رکھنے والے شہریوں نے بڑھ چڑھ کر حصہ لیا اس موقع پر لوگوں کا کہنا تھا کہ یہ دن ہماری ثقافت کا دن عید سے کم نہیں ہے یہ دن ہم ہمیشہ اسی جوش و جذبے سے مناتے ہیں اور ہمیشہ ایسے ہی مناتے رہینگے.

کندھ کوٹ سے مختیار اعوان کی رپورٹ کے مطابق سندھ بھر کی طرح ضلعی کشمور کندھ کوٹ میں سندھ کا کلچر ڈے بڑے جوش اور جذبے کے ساتھ منایا گیا چھوٹے بڑے شھریون میں ثقافتی دن کے حوالے سے ریلیوں کا انعقاد کیا گیا لوگوں نے ٹوپی اجرک پہن کر بڑی تعداد میں ریلیوں میں شرکت کی ریلیوں میں شریک لوگوں کا کہنا ہے کہ ہم اپنی ثقافت کو عید کی طرح مناتے ہیں
تفصیلات کے سندھ کی ثقافت ٹوپی اور اجرک ڈے صدیوں پرانی روایت آج بھی لوگوں کے دلوں میں زندہ ہے سندھ کی تھذيب پانچ ہزار سال پرانی ہے جو سندہی قوم آج بھی دنیا کے ہر کونے میں منا رہے ہیں ضلعی بھر کے چھوٹے بڑے شہروں میں سندھ کی ثقافتی دن بڑے جوش اور جذبے کے ساتھ منایا جا رہا ہے ثقافتی دن کے موقع پر لوگ ٹوپی اور اجرک پہن کر ریلیاں نکالتے ہیں اور ریلیوں میں شہریوں کی بڑی تعداد شریک ہوتی ہے ریلیوں میں سندہی گانو کے ساتھ ڈہول کے تھاپ پر بھی رکس اور بھنگڑے پائے جاتے ہیں سندہی قوم اس ثقافتی تھوار کو عید کی طرح مناتے ہیں سر پر ٹوپی کاندہے پر اجرک اور پیروں میں سندھ کے کھسے پھن کر نکلتے ہیں شہر کے ہر گلی کوچوں میں لوگوں کا ہجوم ہے ہر طرف اجرک اور ٹوپی کی بھار ہے ریلیوں میں شریک لوگوں کا کہنا ہے کہ ہم اپنی سندھ دہرتی سے اپنی ماں کی طرح پیار کرتے ہیں اور فخر محسوس کرتے ہیں کہ ہم ایک سندہی قوم ہیں اور سندھ ہماری ماں ہے ہم دنیا کو یہ پیغام دینا چاہتے ہیں کہ سندھ اور سندہی قوم ایک طاقتور قوم ہے ہم اپنے سندھ کی حفاظت کرنا اچھی طرح جانتے ہیں سندھ کا ہر بیٹا اور بچہ بچہ اپنے سندھ دہرتی کا محافظ ہے اور سندھ دہرتی پر جان دینے کے لیے تیار ہے

وزیراعلیٰ پنجاب چودھری پرویز الٰہی سے صدر وفاق المدارس العربیہ مولانا محمد تقی عثمانی کی قیادت میں علماء کے وفد کی ملاقات ،علمائے کرام کا دین کی خدمت کے لیے اقدامات پر وزیراعلیٰ پنجاب چودھری پرویز الٰہی کو خراج تحسین
لاہور (باغی ٹی وی) صوبہ پنجاب میں سود لینے پر 10 سال کی سزا مقرر کردی گئی۔ میڈیا رپورٹس کے مطابق وزیراعلیٰ پنجاب چوہدری پرویز الٰہی سے صدر وفاق المدارس العربیہ کی قیادت میں علماء کے وفد نے ملاقات کی، اس دوران اسلام کے بنیادی اصولوں کی ترویج اور شرعی قوانین کے نفاذ سے متعلق تبادلہ خیال کیا گیا، ملاقات میں علمائے کرام نے دین کی خدمت کیلئے کیے گئے اقدامات پر پرویز الہٰی کو خراج تحسین پیش کیا۔
اس موقع پر گفتگو کرتے ہوئے چوہدری پروزی الٰہی نے کہا کہ نجی سطح پر سود لینے پر 10 سال کی سزا مقرر کی گئی ہے اور عقیدہ ختم نبوت ﷺ کے لیے بھی قوانین سازی کی گئی ہے، پہلی بار نکاح نامے میں عقیدہ ختم نبوت ﷺ شامل کیا گیا ہے۔ انہوں نے کہا کہ علما کی دعاؤں اور برکتوں سے سارے کام سیدھے ہو رہے ہیں، پنجاب میں طلبہ کے لیے ناظرہ اور ترجمہ قرآن لازمی کر دیا گیا ہے، بچوں کا ذہن دین کی طرف راغب ہو گا تو قوم بنے گی، ناظرہ، ترجمہ قرآن پڑھانے کے لیے علما، حفاظ کی ایک لاکھ ملازمتیں پیدا ہوئیں۔امام مسجد کے گریڈ بڑھا کر ترقی دی جا رہی ہے۔چودھری پرویز الٰہی نے کہا کہ انتظامیہ کو ہدایت کر تا ہوں کہ بلا وجہ مساجد کے این او سی نہ روکے جائیں۔
اس موقع پرمولانا محمد تقی عثمانی نے کہا کہپرویز الٰہی دین کی خدمت کر رہے ہیں،علماء ان کے لیے دعا گو ہیں۔تھوڑے دنو ں میں آپ نے دین کے بہت سے کام کردکھائے ہیں،متنازع فلم پر پابند ی عائد کرنے پر حکومت پنجا ب کا شکریہ ادا کرتے ہیں،اس دوران مولانا محمد حنیف جالندھرینے کہا کہ قرآن مجید کے شہید نسخوں کی حفاظت کے لئے گرین باکس لگا رہے ہیں۔صدر وفاق المدارس العربیہ مولانا محمد تقی عثمانی نے دعاخیر کرائی،وزیراعلیٰ چودھری پرویز الٰہی کی خیر و عافیت کے لئے خصوصی دعائیں ،مولانا حنیف جالندھری، مولانا ابراہیم سکھر گئی،مولانا احمد، مولانا عمر عباسی، مولانا زیدبھی موجود تھے ،صوبائی مشیر عامر سعید راں، ایم پی اے وترجمان فیاض الحسن چوہان، راسخ ا لٰہی، پرنسپل سیکرٹری وزیراعلیٰ محمد خان بھٹی، ایڈیشنل سیکرٹری داخلہ اسد اللہ خان او ردیگر کی شرکت

ٹھٹھہ،باغی ٹی وی( نامہ نگار راجہ قریشی)ایدھی فاؤنڈیشن کا سندھ کے مختلف علاقوں میں سیلاب متاثرین کو راشن اور دیگر سامان تقسیم
ایدھی فاؤنڈیشن پاکستان کے چیئرمین فیصل ایدھی کی خصوصی ہدایت پر ایدھی رضا کاروں کی جانب سے سندھ کے مختلف علاقوں میں سیلاب متاثرین کو راشن اور دیگر سامان کی تقسیم
ایدھی فاؤنڈیشن پاکستان کے چیئرمین فیصل ایدھی کی خصوصی ہدایت پر ایدھی فاؤنڈیشن کے رضاکاروں نے صوبہ سندھ کے مختلف علاقوں سجاول اور شاہ عقیق درگاہ کے قریبی گاؤں میں سیلاب متاثرہ کئی سو خاندانوں میں خشک راشن گرم کپڑے کمبل مچھر دانیاں تقسیم کیں اس موقع پر سیلاب متاثرین نے ایدھی فاؤنڈیشن پاکستان کے چیئرمین فیصل ایدھی صاحب اور انکے رضاکاروں کا بہت شکریہ ادا کیا

ٹھٹھہ،باغی ٹی وی( نامہ نگار راجہ قریشی)سندھ کا ثقافتی دن ایکتا کے موقع پر کینجھر کنارے پر انسانی حقوق کی تنظیم کی طرف سے شاندار پروگرام
تفصیل کے مطابق ثقافت ايکتا کے دن کی مناسبت سے پوری سندھ کی طرح کینجھر کنارے پر انسانی حقوق کی تنظیم کی طرف سے شاندار پروگرام ، سندھ اور پاکسان کے حق میں نعروں کی گونج ،اور کيک بھی کاٹا گیا ۔ثقافت اور ایکتا کا دن ٹھٹہ کراچی حیدرآباد سمیت پورے سندھ میں منایا جا رہا ہے ۔ انسانی حقوق کے بابت سوشل میڈیا اور مختلف پلیٹ فارم پر آواز بلند کرنے والی انٹر نیشنل ہیومن رائٹس موومینٹ ٹھٹہ کے چیئر مین الطاف حسین تنیو ،صدر انيس ہيلايو،جنرل سيکرٹری ارشاد علی گندرو ، نائب صدر عبدالرٶف پالاری،پريس سيکرٹری سید شیر علی شاہ کاظمی، نے خطاب کرتے ہوۓ کہا کہ بغیر کسی رنگ نسل ذات قوم مذہب کے انسانیت کی خدمت کرنے میں ہی اصل ایمانی قوت ہے۔ وطن عزیزسے محبت کرنا ایمان کا جزہے۔ عظیم قومیں اپنا قومی دن بڑے جوش جذبے سے مناتے ہیں۔ہم سب سندھی پاکستانی ہیں۔ سندھ دھرتی صوفیوں بزرگوں اور وليوں کی دھرتی ہے ،جو پيار محبت امن اور مہمان نوازی کی وجہ سے پوری دنیا میں مشہور ہے۔ انہوں نے کہا کہ کچھ شر پسند لوگ لسانی فساد برپا کرکے اپنی سیاست چمکانا چاہتے ہیں۔لیکن وہ اس گھناٶنے مقصد میں کامیاب نہیں ہونگے۔کیونکہ لوگوں میں شعور آگیا ہے۔ ہم ٹوپی اجرک پہن کر ثقافت کا دن جوش جذبے سے منا رہے ہیں ۔ IHRM ٹھٹہ کے رہنماٶں نے مزید کہا کہ ہمارے سینکڑوں گمنام کارکن سوشل میڈیاکے زریعے اپنی حصے کا کام اور معاشرے میں ہونے والے ظلم بربریت کرپشن اور ملک کے خلاف ہونے والی ہر سازش کو ناکام بنانے کے لیے اپنا کردار ادا کر رہے ہیں ۔اس موقعہ پر ٹھٹہ کے سینئر صحافی واحد شورو عبدالغفور گندرو احمد ہیلایو فاروق ہیلایو عبدالرزاق ہیلایو گل حسن ہیلایو اور مقامی لوگوں نے بھرپور شرکت کی۔

لاہور(باغی ٹی وی)وزیراعلیٰ پنجاب چودھری پرویز الٰہی کا سندھ ثقافت کے دن پرخصوصی پیغام ،سندھ کا ثقافتی دن یعنی ‘ایکتا جو دھارو’ مقبول عام ثقافتی تہوار ہے۔ سندھی ثقافت مہمان نوازی، رواداری او رمحبت کے جذبوں سے مالا مال ہے۔ان کا کہناتھا کہ سندھ کی ثقافت دلکش روایات کی امین ہے۔یونیسکو کی فہرست میں شامل موہنجوداڑو او رمکلی کی ثقافت دنیا بھر میں پسند کی جاتی ہے۔اجرک کے رنگوں کی طرح سندھ کا کلچر بھی دلکش امتزاج کا حامل ہے۔سندھ کی ثقافت سچل سرمست، عبداللہ شاہ غازی اورلعل شہباز قلندر جیسے عظیم صوفیا کرام کی محبتوں سے مالا مال ہے۔اخوت اور رواداری پر مبنی سندھی ثقافت کا حسن سب سے جدا ہے،چودھری پرویزالٰہی نے کہا ہے کہ سندھ کے ثقافتی دن پر اہل سندھ کو دل کی اتھاہ گہرائیوں سے مبارکباد پیش کرتاہوں