Author: ڈاکٹرغلام مصطفی بڈانی

اوکاڑہ ،باغی ٹی وی(نامہ نگار ملک ظفر)پولیس کی کارروائی،چوری،ڈکیتی شدہ 45 موبائل فونز برآمد کرلئے
تفصیل کے مطابق ڈی پی او اوکاڑہ نے بتیایا کہ اوکاڑہ پولیس نے کارروائی کرتے ہوئے 45 موبائل فونز برآمد کرلئے ہیں ان موبائل فونز کی قیمت تیرہ لاکھ بارہ ہزار ہے ،پولیس تھانہ اے ڈویژن بی ڈویژن اور صدر پولیس نے ای گیجٹ ایپلیکیشن کی مدد سے موبائل برآمد کئے،سائلین کی جانب سے موبائل فون چوری کی بڑھتی ہوئی وارداتوں پر ڈی پی او اوکاڑہ کو درخواست دی گئی تھی جس پر ڈی پی او اوکاڑہ نے حکم دیا کہ متاثرین کے موبائل فونز اور مزید اشیاء برآمد کی جائیں، ڈی پی او اوکاڑہ نے مزید کہا کہ ای گیجٹ ایپلیکیشن ایک انتہائی اہم ثابت ہوئی جس سے عوام کو بھرپور فائدہ مل رہا ہے اور
پولیس عوام کو تحفظ فراہم کرنے کیلئے ہمہ وقت تیار ہے

اوکاڑہ(نامہ نگار ملک ظفر) موٹروے پولیس 25ویں سالگرہ مناتی رہی،عوام ڈکیتی اور راہزنی کی بڑھتی وارداتوں سے پریشان
تفصیل کے مطابق اوکاڑہ تھانہ راوی کی حدود جھنڈو منج روڈ پر ڈکیتی کی واردات ہوئی ہے جس میں تین نامعلوم مسلح ڈاکوؤں نے اسلحہ کے زور پر موٹر سائیکل سوار کو لوٹ لیا، موٹر سائیکل سوار ظفر اقبال موٹر سائیکل 6502/اوکے پر کنڈ بوہڑ سے راوی آ رھے تھے ۔ مسلح ڈاکوؤں نے اسلحہ کے زور پر
موٹر سائیکل نقدی اور موبائل فون چھین کر فرار ہو گئے۔ اوکاڑہ میں بڑھتی ہوئی وارداتوں پر شہریوں کا اظہار تشویش ۔جبکہ دوسری واردات رینالہ خورد۔تھانہ صدر کی حدود میں قومی شاہراہ پر ڈکیتی کی واردات۔تین ڈاکوٶں نے گن پوائنٹ پر راہگیر سے موٹرسائیکل چھین لی اور فرار ہوگے۔
حماد نامی شخص وارث کالونی اوکاڑہ کا رہائشی تھا پتوکی سے واپس گھر جارہاتھا قومی شاہراہ پر لوٹ لیا گیا۔قومی شاہراہ پر ڈکیتی کی وارداتیں میں اضافہ کی وجہ سے عوام پریشان ہیں،قومی شاہراہ پر وارداتیں آئی جی موٹروے سے نوٹس لینے کامطالبہ۔

ٹھٹھہ باغی ٹی وی(نامہ نگار راجہ قریشی) ٹیچر کے تشدد سے چوتھی جماعت کاطالب علم زخمی
تفصیل کے مطابق گورنمنٹ پرائمری سکول مکلی کا چوتھی جماعت کاطالب علم علی شیر ولد غلام حسین جوکھیو پرسکول ٹیچر نبیل پلیجو نے وحشیانہ تشدد کیا جس معصوم طالب علم زخمی ہوگیا اور جسم پر تشدد سے نیلگوں نشانات پڑگئے جس کی رپورٹ مکلی تھانے میں داخل کرادی گئی ہے بچے کے والد نے صحافیوں کو بتایا کہ میرے بیٹے کے ساتھ وحشی استاد نے ظلم کیا ہے اس استاد کو گرفتار کر کے سزا دی جاۓ .

اوکاڑہ ،باغی ٹی وی(نامہ نگار ملک ظفر)معمولی تنازعہ پر فائرنگ،راہ گیر بچہ موقع پر جاں بحق
تفصیل کے مطابق اوکاڑہ تھانہ شاہبھور کی حدود نواحی گاؤں 45 ٹو ایل میں معمولی تنازعہ پر فائرنگ کاواقعہ رونما ہواہے اس فائرنگ کے نتیجے میں راہ گیر بچہ موقع پر جاں بحق ہو گیا ۔بچے کی شناخت عثمان کے نام سے ہوئی ہے ۔تھانہ شاہبھور پولیس نے موقع پر پہنچ کر کاروائی کا آغاز کر دیا ، ریسکیو کے اہلکاروں نے نعش کو ہسپتال منتقل کر دیا ۔تھانہ شاہبھورپولیس ملزمان کی گرفتاری کے لئے چھاپے مارے جا رہے ہے ۔

ٹھٹھہ،باغی ٹی وی (نامہ نگار راجہ قریشی)ٹھیکہ کی زمین واپس لینے پر زمین مالک کے گھر مسلح افراد کے ذریعے دھاوا،متاثرین خواتین کی پریس کانفرنس
تفصیل کے مطابق بٹھورو کی رہائشی مسمات زبیدہ سلطان احمد مگنھار اور مسمات شارو سومار مگنھار عوامی پریس کلب ٹھٹھہ پہنچ کر پریس کانفرنس کرتے ہوء کہا کہ ہم نے گیارہ ایکڑ زرعی زمین نصرت عرف احمد میمن کوکچھ سالوں کے لۓ ٹھیکہ پر دی ،جس پر وہ کاشتکاری کرتارہا ،جب اس کے پاس سے ٹھیکہ کی مدت ختم ہوئی تو ہم نے اس سے زمین واپس لی ، کیونکہ زمین ہماری اپنی تھی اور کاشتکاری شروع کردی .اب نصرت عرف احمد میمن ہماری اسی زمین پرقبضہ کرنا چاہتا ہے اورہمیں اپنی اس زمین سے بے دخل کرکے محروم کرناچاہتا ہےجس کے لۓ اس نے 25 آکتوبرکو رات کے وقت چھ سے زیادہ مسلح افراد کے ساتھ ہمارے گھر پر حملہ کردیا ، ان میں سے ایک ملزم کو ہم نے پہچانا جس کا نام محبوب خاصخلی ہے اورباقی نامعلوم مسلح افراد تھے جو ہمیں کہ رہے تھے کہ زمین ہمارے نام کردو جو بات ہم نے قبول نہیں کی پھر نصرت عرف احمد میمن اپنے ساتھیوں کو کہا کے ان پر تشدد کرو اس دوران مسمات زبیدہ مگنھار کا بازو ٹوٹ گیا ، جبکہ اس کے میاں اور بیٹے کا سر پھٹ گیا ،تو انہوں نے بٹھورو تھانے میں اس وقت مقدمہ درج کرانے کی کوشش کی لیکن پولیس نے ہماری فریاد نہیں سنی ،جس کے بعد ہم نے سیشن کورٹ ٹھٹھہ میں درخواست دائر کی اس کے بعد عدالت نے بٹھورو تھانہ کے ایس ایچ او کو لیٹر جاری کیا کے ان کو تحفظ دیا جاۓ اور ملزمان کے خلاف فوری کاروائی کی جاۓ ، لیکن بٹھورو پولیس با اثر نصرت عرف احمد میمن کو اور ان کے ساتھیوں کو تحفظ دے کر انہیں بچا رہی ہے ، الٹا ہمیں دربدر کر رہی ہے ،ہمارے ملزمان ہمیں دھمکیاں دے رہے ہیں، ہماری وزیر اعلیٰ سندھ سید مراد علی شاہ ،آئی جی سندھ ،ڈی آئی جی حیدرآباد ایس ایس پی سجاول سے فوری انصاف اور تحفظ دلایاجائے-

اوکاڑہ،باغی ٹی وی (ملک ظفر)جی ٹی روڈ پر 2 تیز رفتار آٹو رکشے ٹکراگئے، 5 طالبات سمیت 7 بچے زخمی
تفصیل کے مطابق اوکاڑہ جی ٹی روڑ پر دو آٹو رکشے تیز رفتاری کے باعث آپس میں ٹکرا گئے ۔اس حادثہ کے نتیجے میں پانچ طالبات سمیت 7 بچے زخمی ہو گئے ۔عینی شاہدین کا کہنا ہے کہ دونوں رکشوں میں سکول کے بچے سوار تھے۔زخمی ہونے والوں میں شاہد ،علی حسن ،رمشہ ،رقیہ وغیرہ شامل ہے
اطلاع ملنے پر ریسکیو کے اہلکاروں نے موقع پر پہنچ کر طالبات بچیوں اور بچوں کو ہسپتال منتقل کر دیا۔زخمیوں کو ٹریٹمنٹ کے بعد ہسپتال سے ڈسچارج کر دیا گیا۔

ٹھٹھہ،باغی ٹی وی( نامہ نگار راجہ قریشی)جمعیت طلباء اسلام کا تعلیمی اداروں میں میوزک ٹیچرز بھرتی کے خلاف احتجاج
تفصیل کے مطابق جمعیت طلباء اسلام ٹھٹھہ کی جانب سے تعلیمی اداروں میں میوزک ٹیچرز بھرتی کے خلاف احتجاج کیاگیااوربخاری مسجد سے ریلی بھی نکالی گئی، ضلعی صدر ولی بلوچ اور مولانا عبد الوھاب کی قیادت میں ریلی نکالی گئی ، کارکنوں نے پینا فلیکس اور پلے کارڈ اٹھا رکھے تھے ، کارکنوں نے صوبائی وزیر تعلیم اور میوزک ٹیچرز کی بھرتیوں کے خلاف نعرہ بازی کی.