Author: ڈاکٹرغلام مصطفی بڈانی

تلہ گنگ،باغی ٹی وی (شوکت ملک سے) کنول شوذب کیخلاف جھوٹا بےبنیاد اور غلیظ پروپیگنڈا ہرگز برداشت نہیں کریں گے، اقتدار کے ایوانوں میں بیٹھے حکمران ہوش کے ناخن لیں، خالدہ بلوچ، باغی ٹی وی سے خصوصی بات چیت کرتے ہوئے رہنما پاکستان تحریک انصاف ضلع تلہ گنگ محترمہ خالدہ بلوچ کا کہنا تھا کہ صدر پی ٹی آئ وومن ونگ پاکستان تحریک انصاف کنول شوذب کیخلاف کئی روز سے جاری جھوٹا بےبنیاد اور غلیظ پروپیگنڈا اور میڈیا ٹرائل ہرگز برداشت نہیں کریں گے، اس طرح کے اوچھے ہتھکنڈے ہرگز ہمارا حوصلہ پست نہیں کرسکتے، مشکل کی اس گھڑی میں پاکستان تحریک کی پوری پارٹی سمیت پی ٹی آئی کی تمام خواتین رہنما کنول شوذب کے شانہ بشانہ کھڑی ہیں۔ ان کا مزید کہنا تھا کہ چیئرمین پاکستان تحریک انصاف عمران خان کی قیادت میں حقیقی آزادی کا سفر کامیابی سے جاری رہے گا اور اس ظالم، عوام دشمن حکومت کے خاتمے تک ہم ہرگز چین سے نہیں بیٹھیں گے۔

ڈیرہ غازی خان،سمینہ سادات (نامہ نگار جواد اکبر ) ڈیرہ بار کے انتخابات ،جوڑ توڑ اور انتخابی مہم زور شور سے جاری ہے
تفصیل کے مطابقڈسٹرکٹ بار ڈیرہ غازی خان کے الیکشن 24-2023 کی زور شور سے تیاریاں جارہی ہیں کیونکہ اس الیکشن میں ووٹ کے لئے آخری رات تک جوڑ توڑ کی سیاست ہوتی ہے
اس سلسلے میں بات کرتے ہوئے شہر کے معزز ایڈوکیٹ ہائی کورٹ ملک رشید احمد بھٹی بات کرتے ہوئے بتایاکہ شہر میں بار کا الیکشن بڑی اہمیت کا حامل ہوتا ہے اس سے بار کے ساتھ ساتھ شہر کے مسائل پر بھی بڑی دخل اندازی شامل ہے اس میں دو بڑے اہم عہدوں کی اصل میں لڑائی ہوتی ہے صدر بار اور جنرل سیکرٹری۔ اس سلسلہ میں صدر کی سیٹ ہر قیصر عباس خٹک، ملک محبوب ثاقب اور عارف گورمانی اور جنرل سیکرٹری پر علی چنڑ اور افتخار حسن قریشی آپس میں حریف ہیں ،بار کی سب سے اچھی خوبصورتی ہے کہ یہ ہر سال ایک جمہوری نظام کے تحت ہوتے ہیں اور جیت اور شکست کو دل سے قبول کیا جاتا ہے۔ اس سال بھی 24-2023 بھی انشاءاللہ احسن طریقے سے ہونگے

گوجرہ،باغی ٹی وی (نامہ نگار عبد الرحمن جٹ) چوہدری امجد علی وڑائچ سابق ایم این اے بقضائے الہی سے وفات پاگئے
تفصیل کے مطابق چوہدری امجد علی وڑائچ سابق ایم این اے گوجرہ بقضائے الہی سے وفات پاگئے ہیں مرحوم مسلم لیگ نون کے ایم این اے چوہدری خالد جاوید وڑائچ اور ایم پی اے بلال اصغر وڑائچ کے بڑے بھائی تھے۔ سابق ضلع کونسل ٹوبہ ٹیک سنگھ کی چیرپرسن محترمہ فوزیہ وڑائچ کے جیٹھ بھے تھے،اللہ تعالی مرحوم کو جنت الفردوس میں اعلی مقام عطا فرماے اور آپ سب گھر والوں کو صبر جمیل عطا فرمائے ۔ان کی نماز جنازہ کل مورخہ 2دسمبر2022 کو 11 بجے دن گورنمنٹ کالج فار بوائے میں ادا کی جائے گی-

ڈیرہ غازی خان سمینہ سادات (نامہ نگار جواد اکبر ) پرانے ڈیرہ کی نشانیاں قدیم درخت ہوس پرستوں کی وجہ معدومیت کاشکار
دریائے سندھ کے مغربی کنارے پر پرانا ڈیرہ غازی خان آباد تھا جو کہ تقریباً ایک120 سال قبل دریائے سندھ نے تہزیب و ثقافت سمیت پورے شہر کو اپنی لپیٹ میں لے کر ہستے بستے شہرکوصفحہ ہستی سے مٹا دیا تھااور 1908اور1910 میں پرانے ڈیرہ غازیخان کے مغرب تقریباََ20 کلومیٹردور نیاشہر معرض وجود میں آیا۔ پرانے ڈیرہ غازیخان کے کافی باقیات اور نشانیاں کچھ موجود تھیں لیکن ان کا خاص خیال نہ رکھنے کی وجہ سے وہ آہستہ آہستہ تباہ ہو رہی ہیں جن کا ذکر کرتے ہوئے سیاسی و سماجی ،علمی ادبی شخصیت جناب صاحبزادہ رحیم آصف مجددی نے بتایاکہ سمینہ سادات کے علاقہ پل سیدن شریف پر ایک بہت ہی قدیمی برگد کا درخت موجود ہے جو کہ کافی وسیع تھا لیکن لیکن چند پیسوں کی لالچ میں اس کا کافی حصہ کاٹ دیا گیا۔اور اسی طرح سے دال والے پر بھی ایک پرانہ درخت موجود ہے وہ بھی چند پیسوں کی نظر ہو گیا،اسی طرح دری میرو پر بھی بہت بڑا برگد کادرخت تھا جو افسران کی غفلت اور محکمہ انہار کے لالچی مقامی بیلدار کاٹ کر کھاگئے ،اب اس درخت والی جگہ پر تھانہ دراہمہ کی پولیس چوکی بن چکی ہے ،جناب رحیم آصف مجددی کا کہنا ہے کہ ہمارے اس ڈیرہ غازی خان کے پہاڑی علاقے ہوں یا دریائی علاقہ ہوں اس میں کافی تعداد میں قدیم درخت پائے جاتے ہیں ۔یہ درخت تاریخی ثقافتی ورثوں کے مالک ہیں ۔یہ سب درخت تاریخ کے حوالے سے اتنے قدیم ہیں ہزاروں سال پرانے ہیں کہ جب یہاں سے افغانستان اور مشرق وسطی ممالک کے کارواں دہلی جاتے تھے وہ ان درختوں کے سائے میں آرام کرتے تھے،آج اس دور میں چند پیسوں کی لالچ میں ان پرانے ثقافتی و وراثتی درختوں کو بے دردی سے کا ٹا جا رہا ہے ،کاش کوئی اس درد کو سمجھ سکے ہم نے اپنے جدت کے نام پر کیسے ثقافت کو ختم کیا-

باغی ٹی وی ننکانہ صاحب( نامہ نگار احسان اللہ ایاز)وو کیشنل ٹریننگ انسٹی ٹیوٹ کے تمام طلباء و طلبات اور استاتذہ کے لیے تین روزہ تربیتی ورکشاپ
ڈسٹرکٹ ایمرجنسی آفیسر محمد اکرم پنوار اور پرنسپل ووکیشنل ٹریننگ انسٹیٹیوٹ رانا محمد طارق کے باہمی تعاون سے پنجاب ایمرجنسی سروس ڈیپارٹمنٹ ریسکیو1122ننکانہ صاحب کی جانب سے ووکیشنل ٹریننگ انسٹیٹیوٹ ننکانہ صاحب کے تمام طلباء و طالبات اور اساتذہ کے لئے 3روزہ تربیتی ورکشاپ "ریسکیو کیڈٹ کور، فائر سیفٹی اوربیسک لائف سپورٹس کورس "کے بعد کامیاب شرکاء کے لئے تقریبِ تقسیمِ اسناد کا اہتمام کیا گیا۔تقریب میں ڈسٹرکٹ ایمرجنسی آفیسر محمد اکرم پنوار نے مہمان خصوصی شرکت کی۔ اس مو قع پر ریسکیو سیفٹی آفیسر علی عمران،فائر انسٹرکٹر امیر علی،میڈیکل انسٹرکٹر عثمان اشرف،ووکیشنل انسٹرکٹر مزمل رفیق و دیگر افسران بھی موجود تھے۔تقریب میں ڈسٹرکٹ ایمرجنسی آفیسر محمد اکرم پنوار نے کامیاب شرکاء میں اسناد تقسیم کرتے ہوئے ان کی مزید حوصلہ افزائی کی انہوں نے اپنے خطاب میں ڈائریکٹر جنرل پنجاب ایمرجنسی سروس ڈیپارٹمنٹ ڈاکٹر رضوان نصیر کے وژن "ہر گھر میں تربیت یافتہ فرسٹ ایڈر "کی اہمیت کو اجاگر کرتے ہوئے کہا تربیت یافتہ فرسٹ ایڈر کے ذریعے قیمتی انسانی جانوں کو بروقت طبی امداد سے بچایا جا سکتا ہے اورجانی و مالی نقصان کو کم کر سکتے ہیں انہوں نے کامیاب طلباء و طالبات کو مبارکباد دی اور سیکھی گئی مہارتوں کو عملی زندگی میں بھر پور انداز میں استفادہ کرنے پرزور دیا

اور کہا یقینا اس طرح کی معیاری تربیت اور مہارتیں والدین اور معاشرے کے لئے کارآمد ثابت ہوں گی۔پرنسپل ووکیشنل ٹریننگ انسٹیٹیوٹ رانا محمد طارق نے کہا کہ پنجاب ایمرجنسی سروس ڈیپارٹمنٹ اور ووکیشنل ٹریننگ انسٹیٹیوٹ کا گذشتہ 12سال سے باہمی تعاون برقرار ہے ریسکیو انسٹرکٹرز جب بھی ہمارے انسٹیٹیوٹ میں آتے ہیں ہمیں ہر بار کچھ نیا سیکھنے کو ملتا ہے انہوں نے ضلع ننکانہ صاحب کے تمام ووکیشنل ٹریننگ انسٹیٹیوٹ کے طلباء و طالبات کو تربیت یافتہ فرسٹ ایڈرز بنایا ہے ہم تہہ دل سے مشکور ہیں اور محفوظ معاشرے کے قیام کے لئے ریسکیو1122کے شانہ بشانہ کھڑے ہیں