Author: ڈاکٹرغلام مصطفی بڈانی

خیبر پختونخواہ کے معروف سماجی کارکن اور مقبول نوجوان رہنماء ذیشان ہوتی نے صوبائی یوتھ اسمبلی خیبرپختونخواہ کے نئے چئیرمین کے عہدے کا قلمدان سنبھال لیا۔ مردان سے تعلق رکھنے والے ذیشان ہوتی کا شمار خیبر پختونخواہ کی مثالی، مقبول اور ہردلعزیز نوجوان شخصیات میں ہوتا ہے۔ ذیشان ہوتی صوبائی یوتھ اسمبلی خیبرپختونخواہ کے بانی رکن ہیں اور اپنے مثالی سماجی کردار کے باعث نوجوانوں سمیت ہر مکتبہ فکر میں خاصے مقبول ہیں۔ مثالی شخصیت کے عہدہ سنھبالتے ہی خیبرپختونخواہ کے نوجوانوں میں خوشی کی لہر دوڑ گئی ہے۔ باغی ٹی وی سے اظہار خیال کرتے ہوئے چئیرمین ذیشان ہوتی نے باغی ٹی وی کو بتایا کہ وہ صوبائی اسمبلی کو نوجوانوں کے لیے ایک مثالی تربیت گاہ بنائیں گے۔ ذیشان ہوتی نے اس عزم کا اعادہ کیا کہ وہ نوجوانوں کی کردار سازی پر مکمل توجہ دیں گے تاکہ کل کو یہ نوجوان عملی زندگی میں حقیقی معنوں میں ملک و قوم کی خدمت کریں۔

محکمہ آرکیالوجی سندھ اور اٹلی کی مشترکہ یونیورسٹیز کے آرکیالوجی ماہرین کی مدد حاصل کر کے سندھ کے آثار قدیمہ بھنبھورکے آثار کو محفوظ کرنے کے بارے میں مزید تحقیق کی جار رہی ہے۔میرپورساکرو سے قادرنوازکلوئی کی رپورٹ

ٹھٹھہ،باغی ٹی وی ( نامہ نگار راجہ قریشی)فشریز ڈپارٹمنٹ کے تعاون سے کینجھر جھیل میں کروڑوں کی تعداد میں مچھلی کا بیج چھوڑا گیا۔
تفصیلات کے مطابق سندھ حکومت ای ای پی فشريز ڈپارٹمنٹ کے تعاون سے پچھلٕے چار سالوں سے کینجھر جھیل میں کروڑوں کی تعداد میں مچھلی کا بیج چھوڑا جارہا ہے اور WWF اور فشریز کے تعاون سے کینجھر کنرزرویشن نیٹ ورک نے کینجھر جھیل کے داخلی اور خارجی بیراجوں پر جال لگا کر جھیل سے زائع ہونے والی مچھلیوں کو محفوظ کر رکھا ہے جسکی وجہ سے کینجھر کے ماہیگیروں کے روزگار میں خاطر خواہ اضافہ ہورہا ہے لیکن افسوس چند ماہیگیر دشمن عناصر پچھلے چھ ماہ سے بولو گھجو، گھائو، بنگالی ٹائپ کے غیر قانونی نقصان دہ جال لگا کر مچھلیوں کی نسل کشی کر رہے ہیں جس کی اطلاع فشریز کے اعلیٰ افسران کو دی گئی ہے کہ ڈپٹی ڈائریکٹر فشریز ٹھٹہ فقط بل بنارہا ہے DG فشریز نے نوٹس لیا اور حکم جاری کیا کہ فوراً غیر قانونی جھال کے خلاف آپریشن کیا جائے جس پر غلام مصطفیٰ میمن نے غصے میں آکر KCN کے رضاکار ماہیگیروں کے لیگل جال چھین کر لے گیا ہے جبکہ چھ ماہ سے جھیل کو تباہ کرنے والوں کو جان بوجھ کر چھوٹ دی جارہی ہے اور KCN کے ممبران ماہیگیروں کے لائسنس بنانے سے انکار کر رہا ہے اور کینجھر کے ماہیگیروں سے لائسنس کی مد میں ایک دو ہزار مزید مانگ رہا ہے کینجھر کنزرویشن نیٹ ورک کے رہنماء انیس ھیلایو، ارشاد عمر گندرو، سید بچل شاھ کاظمی، ابراہیم گندرو، غلام نبی گندرو، عبد الرؤف پالاری، عبدالغفور گندرو، موسیٰ منچھری، ساجد علی گندرو، محسن علی گندرو، سلیم گندرو اور دیگر نے ڈی جی فشریز ڈائریکٹر ان لینڈ فشریز ڈی سی ٹھٹہ اور ديگر اعلیٰ حکام سے مطالبہ کرتے ہوۓ کہا کہ ڈپٹی ڈائریکٹر ٹھٹہ کو ہٹا کر کوئی فرض شناس افسر کو لا کر کینجھر کو بچایا جاۓ۔

تحصیل گوجرہ بنیادی مسائل کا گڑھ بن گیا۔شہری بنیادی سہولیات سے محروم
مکتوب گوجرہ ، نامہ نگار باغی ٹی وی عبد الرحمن جٹ
تحصیل گوجرہ بنیادی مسائل کا گڑھ بن گیا۔شہری بنیادی سہولیات سے محروم ہو گئے،شہر کے بازاروں میں قبضہ مافیا نے تجاوزات قائم کر کے شہر کا حسن تباہ کر دیا،اندرون شہر سڑکوں کی ٹوٹ پھوٹ کھنڈرات کا منظرپیش کر نے لگیں، حادثات معمول بن گئے،شہر بھر میں موٹر سائیکل رکشہ ڈرائیوروں نے خود ساختہ رکشہ سٹینڈ قائم کررکھے ہیں۔رکشاؤں کے شورنے شہریوں خصوصامریضوں کی زندگی کو عذاب میں مبتلا کر رکھا ہے۔سبزی منڈی کا شہر سے باہر منتقل نہ ہو ناعوام کیلئے درد سر بناہوا ہے سبزی اورفروٹ فروشوں کی طرف سے صبح کے اوقات میں منڈی سے باہر روڈپر اپنا خریدو فروخت کا سلسلہ شروع کر دیاجاتا ہے جہاں سے گورنمنٹ گرلزکالج اورسکول جانیوالی طالبات کوگزرنے میں شدید دشواریوں کا سامناکرناپڑتا ہے جہاں پر بیہودہ زبان بھی استعمال ہوتی ہے۔

مین قائداعظم روڈ،نیشنل بینک روڈ،چوک ملکانوالہ،تھانہ بازار بے اور پوسٹ آفس روڈ ہنگم ٹریفک کی زدمیں ہے جہاں پر ٹریفک کے باعث کئی کئی گھنٹے تک روڈزکا بلاک رہنامعمول بنا ہواہے اور مردوخواتین وچھوٹے بچوں کاپیدل گزرنا بھی محال ہے اور ٹریفک سٹاف گوجرہ کاعملہ ان شاہراہوں پر ٹریفک کو کنٹرول کر نے میں ناکام دکھائی دے رہا ہے۔جبکہ انتظامیہ نے مسائل پرقابو پانے کیلئے شہر کے بازاروں اور گلیوں کے اطراف میں ”سنگل“ لگادئیے ہیں مگر حالات جوں کے توں ہیں ہتھ ریڑیاں اوررکشے شہریوں کیلئے پہلے سے زیادہ مسائل پیدا کرر ہے ہیں۔ تجاوزات یہاں کا سب سے بڑا مسئلہ بنا ہو اہے جہاں پر خریداری کیلئے آنے والوں کومشکلات درپیش ہیں۔جبکہ عملہ شہر میں ماسوائے ”ٹریکٹر ٹرالی“ کو گھمانے اورپٹرول کا ضیا ع کر نے میں مصروف دکھائی دیتا ہے۔شہر میں صحت وصفائی کا بھی فقدان ہے قبل ازیں ہفتہ وار شہر کے مین نالوں کی مکمل طور پر صفائی کی جاتی تھی جس سے لوگ سکھ کا سانس لیتے تھے موجودہ حالات میں نالوں کی صفائی کوکئی کئی مہینے گزر جا تے ہیں مگر عملہ صفائی بازاروں میں دکھائی نہیں دیتا اور نالے گندگی سے بھرے رہتے ہیں جس کی وجہ سے بارشوں کے دنوں میں بارش کا پانی نالوں میں گندگی بھری ہو نے کے باعث دکانوں میں داخل ہو جاتاہے اور دکانداروں کو زہنی کوفت اٹھاناپڑتی ہے جبکہ دکاندارنالوں سے اٹھنے والے تعفن کی وجہ سے بھی زہنی مریض بنے ہو ئے ہیں۔شہریوں کی جانب سے بارہا ارباب اختیار کوآگاہ کیا جاتاہے مگر افسران سنی ان سنی کر دیتے ہیں۔موجود حالات میں نالوں کی صفائی کوبہتر بنانے کی اشد ضرورت ہے۔شہربھر کی سڑکیں ٹوٹ پھوٹ چکی ہیں جہاں پر ٹریفک حادثات معمول ہیں ان سڑکوں سے اُٹھنے والی گردوغبار نے ناک کان گلے کے امراض میں مبتلا شہریوں کی زندگی اجیرن بنا رکھی ہے جبکہ ان سڑکوں کی تعمیراور دیگر ترقیاتی منصوں کیلئے تقریباعرصہ چار سال سے حکام بالاکی طر ف سے بلند وبانگ دعوے ہو تے رہے مگر وہ دعوے دھرے کے دھرے رہ گئے۔ان دعوؤں کو عملہ جامہ نہ پہنایاجا سکااور شہری مسائل میں دن بدن اضافہ ہو تا چلا گیا۔شہر میں اشیائے خوردونوش کی قیمتیں آسمان پر پہنچ چکی ہیں دکانداروں کی طرف سے خودساختہ مہنگائی نے عوام کے لئے بے تحاشامشکلات پیداکر رکھی ہیں۔جسے فی الفور کنٹرول کر نے کی ضرورت ہے۔عوامی سماجی شہری حلقوں نے اعلی حکام سے مطالبہ کیاہے کہ شہری مسائل کو فی الفور حل کیا جائے تاکہ عوام سکھ کا سانس لے سکیں۔

چوک قریشی،باغی ٹی وی ( جمشید سہرانی کی رپورٹ ) غازی گھاٹ نالہ کی پل عرصہ سے ٹوٹ پھوٹ کا شکار ۔حادثات معمول
تفصیل کے مطابقغازی گھاٹ نالہ کی پل عرصہ سے ٹوٹ پھوٹ کا شکار ۔حادثات معمول بن چکے ہیں، مقامی لوگوں کو آمدورفت میں شدید دشواری کاسامنا کرنا پڑرہاہے، کئی مریض اس پل کی وجہ سے جان کی بازی ہار بیٹھے ہیں ۔ سیم نالہ پل نہر غازی گھاٹ کی پل 3 سال سے ٹوٹ پھوٹ کا شکار ۔ مقامی ایم پی اے اور ایم این اے کے لیے سوالیہ نشان ؟ سیم نالہ والی پل سینکڑوں بستیوں کی اکلوتی پل ہے جن میں بستی امانوں والا بستی کمالی والا بستی پیڑانگی والا شامل ہیں ۔ کاشت کاری کا سارا دارومدار اس پل سے ہے جو اب سب لوگوں کے لیے تکلیف کا باعث بنی ہوئی ۔
اہل علاقہ کا احتجاج اور انتظامیہ سے اپیل کی ہے کہ سیم نالہ والی پل کو جلد سے جلد بنایا جاۓ ۔