Author: ڈاکٹرغلام مصطفی بڈانی

خانقاہ ڈوگراں،باغی ٹی وی (نامہ نگار) میونسپل کمیٹی میں کرپشن کا بازار گرم سی او میونسپل کمیٹی کی زیرنگرانی ہیڈ کلرک ملک اصغر غریب عوام کا خون چوسنے میں مصروف
تفصیلات کے مطابق میونسپل کمیٹی خانقاہ ڈوگراں کے ہیڈ کلرک ملک اصغر بازار میں لگی فروٹ کی اور سبزی کی دوکانوں سے ہفتہ لیتا ھے اور جب عطاء اللہ سبزی فروخت نے ہفتہ دینے سے انکار کیا تو ملک اصغر نے اپنے کچھ ملازموں طاہر شاہ،جاوید گجر،اور بلال کولے کر ان کی دوکان پر توڑ پھوڑ کی اور بعد میں ان پر جھوٹی ایف آئی آر درج کروا دی غریب محنت کش کا اعلہ احکام سے نوٹس لینے کا مطالبہ
یادرہے کہ خانقاہ ڈوگراں کی میونسپل کمیٹی 2017 سے کرپشن کی ہوشرباء داستانیں سامنے آئیں جب اس وقت کے چیئرمین حاجی علی اکبر ڈوگر کی طرف سے تحریری رپورٹ وزیر اعلیٰ پنجاب اور کمشنر لاہور ڈویژن کو بھیجی گئی تھی جس میں کہا گیا تھا کہ میونسپل کمیٹی خانقاہ ڈوگراں سے ملازمین کی سروس بک اورپرسنل فائلوں سمیت اہم ریکارڈ غائب ہے اور میونسپل کمیٹی خانقاہ ڈوگراں کے اثاثوں کی جو فہرست تیار کی گئی ہے وہ جھوٹ پر مبنی ہے سابقہ ٹی ایم اے میں بعض لوگوں نے کرپشن کا بازار گرم کیا ہوا تھا جس کا سپیشل آڈٹ نہ ہونے کے باعث کرپشن مافیا کے حوصلے بڑھ جائیں گے.اس وقت بھی ذرائع کا کہنا ہے تمام معاملات کو دبادیاگیا تھا.

باغی ٹی وی:شیخوپورہ (محمد طلال سے) ضلع شیخوپورہ میں محکمہ مال کی بعض رجسٹری برانچوں میں نان فائلر شہریوں کو فائلر ظاہر کر کے سرکاری خزانے کو ہر ماہ کروڑوں روپے کا نقصان پہنچائے جانے کا انکشاف ہوا جس میں بعض سب رجسٹرار ان کا عملہ اور ان کے منظور نظر وثیقہ نویس شامل بتائے گئے ہیں باخبر ذرائع کے مطابق اس ضمن میں وزیراعلیٰ پنجاب سینئر ممبر بورڈ آف ریونیو کمشنر لاہور ڈویژن اور سیکرٹری محکمہ فنانس پنجاب کو بھیجی جانے والی شکایات میں کہا گیا ہے کہ وفاقی حکومت نے نیشنل ٹیکس نمبر ہولڈر شہریوں کو دیگر سہولتوں کے علاوہ غیر منقولہ املاک کی خریداری میں بھی 500 فیصد تک سرکاری فیسوں اور اشٹام ڈیوٹی وغیرہ میں رعایت دی ہوئی ہے جس کا فائدہ اٹھا کر جعلسازی سے ایسے لوگوں کو ٹیکس فائلر بنا دیا جاتا ہے جو ٹیکس فائلر نہ ہوتے ہیں اس جعلسازی کی علیحدہ "فیس” لی جاتی ہے رجسٹری برانچوں میں ڈپٹی کمشنروں کی غفلت کی بناء پر کئی ملازمین برس ہا برس سے کام کر رہے ہیں دریں اثناء رجسٹری برانچز کے حکام نے ان الزامات کی تصدیق نہ کی ہے۔

جھنگ،باغی ٹی وی(عظیم حمید) انسپکٹر جنرل آف پولیس پنجاب کے احکامات کی روشنی میں ڈی پی او جھنگ محمد راشد ہدایت نے شہریوں کو انصاف کی بروقت فراہمی اور شکایات کے حل کیلئے تھانہ کوٹ شاکر میں کھلی کچہری کاا نعقاد کیا۔ کھلی کچہری میں ڈی پی او جھنگ کے ہمراہ DSPاٹھارہ ہزاری محمدطارق رانجھا،SHO کوٹ شاکر راؤ اورنگزیب،ریڈر ٹو ڈی پی او عملدار حسین، پی آر او محمد عون رضا،انچارج کمپلینٹ سیل اظہر عباس،نمبرداران علاقہ تھانہ کوٹ شاکر اور شہریوں کی کثیر تعداد شریک ہوئی۔ڈی پی او جھنگ نے کھلی کچہری میں پیش کی گئی شہریوں کی شکایات کے فوری حل اور اس ضمن میں رپورٹ پیش کرنے کے احکامات جاری کئے۔ڈی پی او جھنگ کا کہنا تھا کہ شہریوں کو انکی دہلیز پر انصاف فراہم کرنے کیلئے کھلی کچہریوں کا انعقاد کیا جا رہا ہے۔ جس میں شہریوں کی شکایات و مسائل کے حل اور متاثرین کی فوری داد رسی کی جا رہی ہے تاکہ شہریوں کی بغیر کسی سفارش کے انصاف تک آسان رسائی کو یقینی بنایا جا سکے۔شہریوں کو انصاف کی فراہمی کیلئے ڈسٹرکٹ پولیس آفس میں روزانہ کھلی کچہری کا انعقاد کیا جا رہا ہے جس میں شہری بغیر کسی سفارش کے اپنے مسائل کے حل کیلئے پیش ہو رہے ہیں۔ ڈی پی او جھنگ محمد راشد ہدایت کامزید کہنا تھا کہ جرائم کے خاتمہ کیلئے شہریوں، نمبرداران اور معززین علاقہ کا کردارانتہائی اہمیت کا حامل ہے۔ امن و امان کے قیام اور جرائم کی روک تھام کیلئے پولیس کے دست و بازو بنیں اور پولیس سے تعاون کریں تاکہ جرائم پیشہ عناصر کو قانون کی گرفت میں لایا جا سکے۔ڈی پی او جھنگ محمد راشد ہدایت نے تھانہ کوٹ شاکر کی فارمل انسپکشن بھی کی، تھانہ کے ریکارڈ کی چانچ پڑتال، فرنٹ ڈیسک، حوالات اور تھانہ کی بلڈنگ کا جائزہ لیا اور احکامات جاری کئے۔

ٹھٹھہ،باغی ٹی وی( نامہ نگار راجہ قریشی) 13سالہ لڑکی گن پوائنٹ پر اغواء ،پولیس نے کارروائی نہ کی،والدین کی دھاڑیں
تفصیل کے مطابق ٹھٹھہ شہر کی کچی آبادی مسن محلہ کی رہائشی زینت بلوچ نے صحافیوں کو روتے بتایاکہ با اثر عبیداللہ، میھار، بھورو، ابراھیم، سلیم چانڈیو اور لوگوں نےاسلحہ کے زور پرمیرے گھر پر دھاوا بول دیا اور میری بیٹی فریدہ بلوچ جو 13سال کی نا بالغ معصوم بچی ہے کو زبردستی اغواء کر کے لے گۓ ہیں ،ملزمان کے خلاف نوٹس لے کر میری بچی واپس دلائی جاۓ، ایس ایس پی ٹھٹھہ کودرخواست دی جس پرانہوں نے ایس ایچ او ٹھٹھہ کوملزمان کے خلاف کارروائی حکم دیا ہے ،لیکن ایس ایچ او ٹھٹھہ تھانے میں موجود نہیں ہوتا یاہوتا ہے تو ہمں ملتا نہیں اور کہہ دیا جاتا ہے کہ ایس اہچ او نہیں ہے،متاثرہ خاتون زینت بلوچ نے آئی جی سندھ، ڈی آئی جی حید رآباد اور ایس ایس پی ٹھٹھہ سے مطالبہ کیا ہے کے مجھے میری بیٹی واپس دلائی جاۓ، دوسری صورت میں سخت اقدام اٹھانے پر ہم مجبور ہو جائیں گے –

ڈی آئی خان،باغی ٹی وی (احمدنواز مغل نامہ نگار)پی ٹی آئی رہنما اور سابق وفاقی وزیر علی امین گنڈا پور کے خلاف 25 مئی کے لانگ مارچ میں جلاؤ گھیراؤ اور الیکشن کمیشن کے فیصلے پر احتجاج کے بعد اسلام آباد کے مختلف تھانوں میں 13 مقدمات درج کیے گئے تھے جس کے اخراج کے لیے انہوں نے اسلام آباد ہائیکورٹ سے رجوع کیا تھا۔اسلام آباد ہائیکورٹ کے جسٹس طارق محمود جہانگیری نے علی امین گنڈا پورکی اخراج مقدمہ کی درخواستوں پر سماعت کی جس سلسلے میں اسلام آباد کے 15 تھانوں کے ایس ایچ اوز اور تفتیشی افسران عدالت کے سامنے پیش ہوئے۔عدالت نے ایس ایچ اوز اور تفتیشی افسر کے بیانات کے بعد علی امین کے خلاف دائر مقدمات خارج کردیے ہیں جبکہ دوسری طرف سابق وفاقی وزیر سردار علی امین خان گنڈہ پور کے خلاف نیب اور ایف آئی اے نے شکنجہ تنگ کر لیا، مختلف ٹھیکوں اور جائیداد کا حساب طلب کر لیا گیا، تفصیلات کے مطابق نیب اور ایف آئی اے نے سابق وفاقی وزیر سردار علی امین خان گنڈہ پور کے خلاف شکنجہ تنگ کرتے ہوئے ان سے ان کی جائیداد کی مکمل تفصیلات طلب کر لی ہیں علاوہ ازیں ڈیرہ اسماعیل خان میں سابق وفاقی وزیر کی جانب سے دی گئی نوکریوں اور مختلف محکمہ جات میں ان کے کہنے پر ہونے والی پوسٹنگ ٹرانسفرز کا ریکارڈ بھی طلب کر لیا گیاہے۔ نیب اور ایف آئی اے نے سابق وفاقی وزیرسردارعلی امین خان گنڈ ہ پور سے گلگت بلتستان کے ٹھیکوں کی تفصیلات بھی طلب کر لی ہیں۔ ان تمام امور سے واضح ہو رہا ہے کہ نیب اور ایف آئی اے نے سردار علی امین خان گنڈہ پور کے خلاف کاروائیوں کا آغاز کرتے ہوئے ان پر اپنی گرفت سخت کرنے کی تیاری شروع کر دی ہے ۔ذرائع سے معلوم ہوا ہے کہ اس ضمن میں نیب نے چیف سیکرٹری خیبر پختونخوا ہ سے بھی رابطہ کیاہواہے۔
وفاق پولیس کی جانب سے سابق وفاقی وزیر سردار علی امین خان گنڈہ پور کو گرفتار کرنے کی کوشش، سابق وفاقی وزیروفاقی پولیس کو چکمہ دے کر نکل گئے، ڈیرہ اسماعیل خان سے لانگ مارچ کے شرکاء کو اسلام آباد لے جانے کے دوران میانوالی میں وفاقی پولیس کی جانب سے سابق وفاقی وزیر سردار علی امین خان گنڈہ پور کو گرفتار کرنے کی کوشش کی گئی لیکن رش زیادہ ہونے کے باعث سابق وفاقی وزیرسردارعلی امین خان گنڈہ پوروفاقی پولیس کے اہلکاروں کو چکمہ دیکر نکل جانے میں کامیاب ہو گئے۔اس حوالے سے مزید انکشافات بھی سامنے آرہے ہیں ۔ شنید ہے کہ سندھ پولیس بھی مختلف مقدمات میں سردارعلی امین خان گنڈہ پور کو گرفتارکرنے ڈیرہ پہنچ سکتی ہے۔ اس حوالے سے ذرائع کاکہناہے کہ پاکستان تحریک انصاف کے خیبرپختونخواہ میں کئی اہم عہدیداروں کی گرفتاری کاخطرہ موجودہے جس کے بعد حالات سنگین ہونے کاخدشہ بڑھ گیاہے۔