Author: ڈاکٹرغلام مصطفی بڈانی

گوجرہ ,باغی ٹی وی (عبدالرحمن جٹ نامہ نگار)قبرستان کی زمین پر قبضے سے روک پر نوجوان پر بہیمانہ تشدد
تفصیل کے مطابق نواں لاہور کے علاقہ میں قبرستان کی جگہ پر مبینہ قبضے سے روکنا شہری کا جرم بن گیاملزمان نے شہری کو بدترین تشددکا نشانہ بنا ڈالا،معلوم ہواہے کہ چک 334 ج ب کے حافظ عابد کو گاؤں واپس جاتے پینسرہ روڈ پرملزمان نے روک کر بیہیمانہ تشدد کا نشانہ بناکرشدیدزخمی کر دیااور ملزمان موقع سے فرارہو گئے۔شدیدزخمی کوفوری طور پر تحصیل ہیڈ کوارٹر ہسپتال گوجرہ منتقل کردیا گیاعابد نے ملزمان کو قبرستان کی زمین پر مبینہ قبضہ کرنے سے روکاتھاجس رنجش پر ملزمان نے حافظ عابد کو تشدد کا نشانہ بنا یاحافظ عابد نے بتایاکہ ملزمان نے اس کے گھر پر فائرنگ بھی کی جبکہ وہ اسسٹنٹ کمشنرگوجرہ کے آفس سے واپس اپنے گھر جارہا تھاکہ گھات لگا ئے راستہ میں بیٹھے ملزمان نے اس پر حملہ کیا گیا۔حافظ عابد نے حکام بالا سے نوٹس لے کر ملزمان کو گرفتار کرنے اور ان کیخلاف کارروائی کر نے کا مطالبہ کردیا۔

چترال باغی ٹی وی (گل حماد فارقی کی رپورٹ)چترال میں خودکشی کا ایک اور واقعہ چترال میں خودکشی کے واقعات میں اضافہ ہوتا جا رہا ہے ذریہ بی بی دختر محمد حسین سکنہ اورغوچ لشٹ نامعلوم وجوہات کے بنا پر دریائے چترال میں چھلانگ لگا کر اپنی زندگی کا چراغ گل کر دیا جسے مقامی لوگوں نے دریائے چترال سے نکال کر ریسکیو 1122 ایمبولینس میں فرسٹ ایڈ دے کر D H Q ہسپتال چترال منتقل کر دیا گیا جہاں وہ جانبر نہ ہوسکی اور خالق حقیقی سے جا ملی-
یاد رہے کہ چترال میں نوجوانوں میں خودکشیوں کے رجحان میں اضافہ سال 2010 کے بعد سے دیکھنے میں آیا اوراب تک سینکڑوں نوجوان لڑکے اور لڑکیاں خودکشی کرکے زندگیوں کا خاتمہ کرچکے ہیں، مگر حکومتی سطح پر تاحال اس مسئلے کو روکنے کے لئے کوئی اقدامات نہیں کئے گئے۔ اس حوالے سے کوئی تحقیق بھی نہیں ہوئی اور نہ ہی گہرائی سے کسی سرکاری یا غیر سرکاری تنظیم نے اس پر تحقیق کی ہے مگر پولیس کے پاس جو رپورٹ درج ہوتی ہیں ان میں گھریلو تشدد، نفسیاتی مسائل، امتحانات میں ناکامی یا اچھے گریڈ لانے کے لئے گھر والوں کا دباؤ ہی خود کشیوں کی وجوہات ہیں۔

ٹھٹھہ،باغی ٹی وی( نامہ نگار راجہ قریشی )ڈپٹی ڈائریکٹر فشريز ٹھٹھہ کا کینجھر جھیل سمیت مختلف علاقوں میں اچانک چھاپے، پابندی عائد جال ضبط ملوث افراد گرفتار –
تفصیل کے مطابق ڈپٹی کمشنر ٹھٹھہ غضنفر علی قادری اور محکمہ فشريز کے اعلیٰ حکام کی ہدایت پر ڈپٹی ڈائریکٹر فشريز ٹھٹھہ غلام مصطفیٰ میمن نے پولیس، روینیو اور متعلقہ افسران کے ہمراہ کینجھر جھیل اور ضلع کے مختلف علاقوں میں اچانک چھاپہ مارکر غیر قانونی اور ممنوعہ جال ضبط کرکے ملوث ماہیگیروں کو گرفتار کرکے ان پر جرمانے بھی عائد کیئے گئے- اس موقع پر ڈپٹی ڈائریکٹر فشريز غلام مصطفیٰ میمن نے کہا کہ ممنوعہ جال اور غیر قانونی طور پر چھوٹی مچھلی کے شکار و فروخت کرنے والوں کے خلاف سختی سے نمٹا جائے گا اس ضمن میں ضلع بھر میں کریک ڈاؤن شروع کیا گیا ہے- انہوں نے کہا کہ ضلع بھر کے تمام شہروں کے مچھلی مارکیٹوں میں بھی اچانک چھاپے مارے جائینگے اور چھوٹی مچھلی فروخت کرنے والوں کو گرفتار کرکے جرمانے بھی عائد کیئے جائینگے، چاہے وہ کتنے ہی با اثر کیوں نا ہوں- انہوں نے کہا کہ چھوٹی مچھلی کے تحفظ کیلئے ہر ممکن اقدامات اٹھائے جائینگے اور مچھلی کی نسل کشی کرنے کی کسی کو بھی ہر گز اجازت نہیں دی جائے گی- ڈپٹی ڈائریکٹر فشريز غلام مصطفیٰ میمن نے کہا کہ ماہیگیر چھوٹی مچھلی کے شکار اور فروخت کرنے سمیت ممنوعہ جال کے استعمال سے گریز کریں- انہوں نے کہا کہ ماہیگیروں کو چاہیے کہ وہ مچھلی کے شکار کا لائسنس اپنے ساتھ رکھیں اور قانون کے مطابق مچھلی کا شکار کریں.

میہڑ، باغی ٹی وی (منظورعلی جوئیہ کی رپورٹ )سیلاب متاثرین سڑکوں پر نکل آئے
تفصیل کے مطابق میہڑ میںسیلاب تباہ کاریوں کہ خلاف سینکڑوں سیلاب متاثرین سکندر سوڈھر کی قیادت میں سڑکوں پر نکل آئے، پریس کلب سے گھنٹہ گھر چوک تک ریلی نکال کر انتظامیہ کہ خلاف سخت نعرے بازی کی گئی ،مظاہرین نے کہاکہ مختیار کار میہڑ نبی بخش سولنگی کے خلاف سخت نعرے بازی کی مظاہرین نے خطاب کرتے ہوئے کہا کہ سیلاب کوآئے ہوئے 3 ماہ گزر گئے ہیں مگر انتظامیہ کی جانب سے ابھی تک سیلابی پانی کی نکاسی بھی نہیں ہوئی ہے اور سیلاب کے پانی کہ باعث اس سال گندم کہ فصل بھی نہیں ہوپارہی ،مظاہرین نے الزام لگاتے ہوئے کہاکہ سیلاب متاثرین کہ لئے آنے والاسامان جس میں راشن ، ٹینٹ اور جانوروں کا چارا شامل ہے وہ من پسندافراد کو دیا جارہاہے اور دکانوں پر بھی فروخت کیا جارہاہے.
مظاہرین نے اعلیٰ حکام سے مطالبہ کیا کہ کرپٹ راشی افسران کہ خلاف کارروائی کرکے سیلاب متاثرین کہ ساتھ انصاف کیاجائے دوسری صورت میں پرامن احتجاجی جاری رہیگا.

ڈیرہ اسماعیل خان،باغی ٹی وی ( احمدنوازمغل نامہ نگار):ڈسٹرکٹ پولیس آفیسرشعیب خان کی ڈیرہ امن کمیٹی کے عہدیداران وممبران سے ملاقات ، ملاقات میں پرچی جوا،منشیات اورسود کے خلاف کاروائی پر اتفاق ، ڈی پی او ڈیرہ کاامن کے حوالے سے پولیس کے تعاون کی یقین دہانی ،ملاقات میں ڈسٹرکٹ امن کمیٹی کے چیئرمین عبدالحلیم خان قصوریہ ، جنرل سیکرٹری امن کمیٹی چوہدری شفیق ایڈووکیٹ ، قاری خلیل، سیدفیاض حسین شاہ بخاری، غلام محمدسپل اورحافظ عمیر فاروقی نے خطاب کیا۔ڈیرہ میں امن کے حوالے سے کرداراداکرنے پر ڈیرہ امن کمیٹی نے ڈی پی او ڈیرہ شعیب خان کی کاوشوں کو سراہا۔
دوسری طرف ٹانک نواحی علاقہ گرہ مٹھو کے بزرگ ہستی مولانا شاہ دا جان برکی کے گھر کے قریب سے نامعلوم چوررات کی تاریکی میں بجلی کے ٹرانس فارمر کے کوائل چوری کرکے لے گئے ،چور رات کی تاریکی میں واردات کرکے بجلی کے ٹرانسفارمر سے کوائل نکال کر لے گئے ہیں،110سالہ بزرگ ہستی مولانا شادہ جان کے گھر سے بجلی کے ٹرانس فارمر چوری ہونے پر اہل علاقہ میں غم و غصہ کی لہر دوڑ گئی ہے ۔ اہل علاقہ نے پولیس سے ملزمان کی گرفتاری کا مطالبہ کیا ہے ۔شہریوں نے سابق وفاقی وزیرسردار علی امین خان گنڈہ پور سے بزرگ ہستی مولانا شاہ داجان کو بجلی کا ٹرانس فارمر دینے کامطالبہ کیاہے۔

ڈیرہ اسماعیل خان،باغی ٹی وی ( احمدنوازمغل)گومل زام(کمانڈایریا)کی نہروں کی ناقص میٹریل سے مرمت کے بعد مین کینال سے پانی کارسائوشروع،زمینداروں اورعوام پریشانی میں مبتلاہوگئے ،محکمہ ایری گیشن اورٹھیکیدار ناقص تعمیر کے بعد بھاگ گئے ،کرپشن اوربھتہ خوری کے باعث محکمہ ایری گیشن ے افسران ٹھیکیدارکے سامنے شیر سے گیڈربن جاتے ہیں ۔جب بھی زمیندار محکمہ کو ٹھیکیدار کے ناقص کارکردگی کی رپورٹ دیتے ہیں تو محکمہ ایری گیشن کے افسران کے چہرے اورآوازبدل جاتی ہے حالانکہ انہیںاس کے سدباب کی کوشش کرنی چاہیے۔5 نومبر کو نہر کھولنے کے دعوے ہوامیں تیرثابت ہوگئے ہیں۔25نومبر تک صرف3کیوسک پانی بھی نظام گزارنے سے قاصرہے ۔نیا ایکسین غلام رسول برکی بھی کام کا معیار درست کروانے کی بجائے رپورٹ کرنے والوں پر غصہ اتاررہاہے۔تمام نظام بغیر بیل دار اور میٹ کے خود کار طریقے سے جاری ہے۔ایس ڈی اوز اپنے بیل داروں کی بجائے کمیٹی سے نہر چلوانے کے در پے ہوچکے ہیں۔افسران بھی بیل دار وں کے نام بتانے سے کنی کترانے لگے ہیں۔ کیا گھوسٹ بیل دار ہیں یا کوئی اورمعاملہ ہے۔زمینداروں نے اپیل کی ہے کہ محکمہ ایری گیشن سے اس بارے کوئی معلومات لیں کہ آخر کسان کیوں چیخ رہا ہے اورنہر کیوں بار بار ٹوٹ رہی ہے ۔ٹھیکیدار کام صحیح کیوں نہیں کر رہاہے جس کی وجہ سے نہروں سے پانی کارسائوشروع ہوگیاہے جوکہ شک وشہبات کوجنم دے رہاہے۔