Author: ڈاکٹرغلام مصطفی بڈانی

ڈیرہ اسماعیل خان،باغی ٹی وی ( احمدنوازمغل نامہ نگار)پاکستان مسلم لیگ ن کے صوبائی رہنما ومرکزی انجمن تاجران کے سابق صدر مرحوم راجہ اختر علی کے ایصال ثواب کیلئے منعقدہ تعزیتی ریفرنس میں خاکسار ساجد صدر انجمن تاجران اور نائب صدر محمد اسلام میانی نے شرکت کی ، اس موقع پرسابق امیدوارتحصیل میئر وجمعیت علماء اسلام کے امیدوارصوبائی اسمبلی حاجی کفیل احمدنظامی ، پاکستان مسلم لیگ ن کے چوہدری ریاض خان ایڈووکیٹ کے علاوہ دیگرمعززین بھی موجودتھے ،تعزیتی ریفرنس میں اللہ پاک سے مرحوم راجہ اخترعلی کے درجات بلندی اورجنت میں اعلیٰ مقام عطاکرنے کی دعامانگی گئی ۔تفصیلات کے مطابق پاکستان مسلم لیگ ن کے صوبائی رہنما ومرکزی انجمن تاجران کے سابق صدر مرحوم راجہ اختر علی کے ایصال ثواب کیلئے منعقدہ تعزیتی ریفرنس میں خاکسار ساجد صدر انجمن تاجران اور نائب صدر محمد اسلام میانی نے شرکت کی۔ اس موقع پرسابق امیدوارتحصیل میئر وجمعیت علماء اسلام کے امیدوارصوبائی اسمبلی حاجی کفیل احمدنظامی ، پاکستان مسلم لیگ ن کے چوہدری ریاض خان ایڈووکیٹ کے علاوہ دیگرمعززین بھی موجودتھے۔تعزیتی ریفرنس میں اللہ پاک سے مرحوم راجہ اخترعلی کے درجات بلندی اورجنت میں اعلیٰ مقام عطاکرنے کی دعامانگی گئی ۔خاکسارساجد نے کہاکہ مرحوم راجہ اخترعلی ایک ملنسار اورخوش اخلا ق انسان تھے ۔ ان کی وفات سے پیداہونے والا خلاپرہونا مشکل ہے ۔ انہوںنے کہاکہ دکھ کی اس گھڑی میںہم مرحوم کے پسماندگان کے غم میں برابرکے شریک ہیں۔

ڈیرہ اسماعیل خان،باغی ٹی وی (احمدنوازمغل نامہ نگار)پروا سرکل کے زمینداروں کی داد رسی کے لیئے وزیر اعظم پاکستان کے معاون خصوصی فیصل کریم کنڈی متحرک ۔ چیئرمین واپڈا جنرل سجاد غنی سے ملاقات چشمہ رائٹ بنک کینال کی جلد بحالی کی یقین دہانی ۔ تفصیلات کے مطابق وزیراعظم پاکستان کے معاون خصوصی پاکستان پیپلز پارٹی کے مرکزی سیکرٹری اطلاعات فیصل کریم کنڈی نے خیبر پختونخوا اسمبلی میں پیپلز پارٹی کے ڈپٹی پارلیمانی لیڈر احمد کریم کنڈی کے ہمراہ گزشتہ روز چیئرمین واپڈا جنرل سجاد غنی سے ملاقات کی اور ان سے ڈیرہ اسماعیل خان کے پروا سرکل کے زمینداروں کے وفد کی جانب سے پیش کیئے گئے مسائل پر بات چیت کی انہوں نے کہا کہ ڈیرہ اسماعیل خان صوبہ خیبر پختونخوا اور پاکستان کے لیئے ایک فروٹ باسکٹ ہے مگر حالیہ سیلاب نے اس خطہ میں ریکارڈ تباہی کی ہے ۔ چشمہ رائیٹ بنک کینال کی تباہی سے زمیندار بدترین حالات سے دوچار ہیں جس کے اثرات پورے ضلع پر مزید معاشی بحران کی صورت میں پڑنے کا اندیشہ ہے۔ انہوں نے کہا کہ ٹانک روڈ سے رمک تک چشمہ رائیٹ بنک کینال کی بحالی نہ ہونے سے ایک لاکھ کے قریب ابادی اور اسکے جانور پینے کے پانی جیسی بنیادی سہولت سے محروم ہیں چیئرمین واپڈا نے انہیں یقین دلایا کہ 12 دسمبر تک ٹانک روڈ سے جمعہ شریف تک سی آر بی سی نہر کی مرمت کے ٹینڈر کھول دیئے جائیں گے جبکہ جلد ہی اگلے فیز میں جمعہ شریف سے رمک تک نہر کی بحالی کے کام کے ٹینڈرز کا مرحلہ مکمل کیا جائے گا۔ فیصل کریم کنڈی نے چیئرمین واپڈا کو سی آر بی سی کی بحالی کے کام کو تیز کرنے سمیت انہیں چشمہ لفٹ کینال منصوبہ کے حوالے سے معاملات کو تیزی سے مکمل کرنے کی ہدایات جاری کیں۔

ڈیرہ اسماعیل خان،باغی ٹی وی (نامہ نگار)سابق وفاقی وزیر سردار علی امین خان گنڈہ پور کی ڈسٹرکٹ پولیس آفیسر ڈیرہ محمد شعیب کے ساتھ ملاقات،ملاقات میں ڈیرہ میں حقیقی امن کے حوالے سے اہم گفتگو، ڈی پی او ڈیرہ محمدشعیب خان کی سابق وفاقی وزیر سردار علی امین خان گنڈہ پور کومکمل تعاون اورجرائم کے خاتمے کی یقین دہانی ۔ تفصیلا ت کے مطابق سابق وفاقی وزیر سردار علی امین خان گنڈہ پورنے نئے تعینات ہونے والے ڈسٹرکٹ پولیس آفیسر ڈیرہ محمد شعیب کے ساتھ ان کے دفترمیں ملاقات کی۔ملاقات میں ڈیرہ میں حقیقی امن کے حوالے سے اہم گفتگو کی گئی جس پر ڈی پی او ڈیرہ محمدشعیب خان نے سابق وفاقی وزیر سردار علی امین خان گنڈہ پور کومکمل تعاون اورجرائم کے خاتمے کی یقین دہانی کرائی ۔ڈسٹرکٹ پولیس آفیسر شعیب خان نے کہاکہ ڈیرہ پولیس امن کے حوالے سے اپنا بھرپورکردارادکرے گی اورعوام اورپولیس کے باہمی تعاون سے جرائم پیشہ افراد کے خلاف کامیاب کاروائیاں کریں گے۔

ڈیرہ اسماعیل خان باغی ٹی وی (احمدنوازمغل نامہ نگار) کوٹلی امام حسین میں شیعہ علما کونسل پاکستان کے مرکزی نائب صدر علامہ محمد رمضان توقیر کا نمازجمعہ کے اجتماع سے حالات حاضرہ پر خطاب۔ علامہ محمد رمضان توقیر نے خطاب کرتے ہوئے کہا افواج پاکستان میں دو اہم عہدوں پر نئے تعینات ہونے والے افسران کو خوش آمدید کہتے ہیں اورافواج پاکستان کے بڑے عہدوں پر تعیناتی نیک شگون ہے جس سے وطن عزیز میں سیاسی و جمہوری استحکام پیدا ہوگا۔امید کرتے ہیں کہ وہ اپنی تمام تر پروفیشنل صلاحیتوں کو مملکت خداداد کے دفاع و مضبوطی کیلئے بروئے کار لائیں گے۔ اللہ تعالی ان کو وطن عزیز کی ترقی و خوشحالی اور امن و امان کے لئے اس منصب کو بہتر طور پر استعمال کرنے کی توفیق عطا فرمائے۔پاکستان کا سیاسی ماحول اس وقت دنیا میں مذاق بنا ہوا ہے۔تمام سیاسی جماعتیں سنجیدگی کا مظاہرہ نہیں کر رہی ہے۔قائداعظم اور ہمارے بزرگوں کا بامقصد پاکستان ابھی تک ہمیں نہیں ملا۔اغیار سے آزادی کے بعد قابضین نے وطن عزیز کو مفلوج بنایا ہوا ہے پاکستان کی بہتری، ترقی اور خوشحالی نہیں سوچتے۔بلکہ اپنے سیاسی مقاصد اور ذاتی مفادات ترجیح دیتے ہیں۔سیاسی انارکی کی وجہ سے ہر روز احتجاجی مظاہرے ہورہے ہیں پاکستانی عوام کو شدید مشکلات و مسائل درپیش ہیں۔ان نااہل حکمرانوں کی وجہ سے کاروبار تباہ اور منہگائی کا طوفان عوام کیلئے ناقابل برداشت ہے۔ سیاسی حضرات اپنے کردار پر نظرثانی کریں اور عوام کے حال پر رحم کریں۔نماز جمعہ کے اجتماع پر قیام امن،ملک و ملت کی بہتری اور خوشحالی کیلئے دعامانگی گئی۔

ڈیرہ اسماعیل خان ،باغی ٹی وی (نامہ نگار)نادرا بورڈ کے خلاف مختلف یونین کونسلوں میں عوام سراپا احتجاج ،وزیر اعظم پاکستان کہ معاوین خصوصی بینظیر اِنکم سپورٹ پروگرام انچارج سے عمائدین علاقہ ملاقات
تفصیل کے مطابق فیصل کریم خان کنڈی نے کہا ہے کہ چیئرمین نادرا اسلام آباد ڈی جی نادرا پشاور سے بات کرونگا واضع رہے بورڈ میں عوام کو شدید مشکلات کا سامنا ہے اس وقت نادرا بورڈ آئی او انوسٹی گیشن آفیسر بورڈ میں مختلف اعتراضات لگا کر عوام کی مشکلات میں اضافہ کیا گذشتہ رات وزیر اعظم پاکستان کہ معاوین خصوصی بینظیر اِنکم سپورٹ پروگرام چیئرمین فیصل کریم خان کنڈی نے یونین کونسل مقیم شاہ میں جلسہ کے بعد عمائدین علاقہ سینکڑوں افراد نے اپنے شکایات درج کیا اس موقع پر عمائدین علاقہ نے کہا ہمارے ساتھہ نادرا ڈیرہ اسماعیل خان بورڈ آئی او انوسٹی گیشن آفیسر ظالمانہ رویہ کررہے جو قابل مذمت ہے ان عمائدین نے کہا ہمارے پاس سال 1974 کی شناختی کارڈ ودیگر قانونی دستاویزات کی باوجود بھی ہمیں تنگ کررہے ہمارے کارڈ کو بلاک کررہے ان عمائدین نے کہا ہم مطالبہ کرتے ہے نادرا بورڈ آئی او کو تبدیل کیا جائے کوئی ایماندار شخص کو تعینات کیا جائے کیونکہ ہم بورڈ میں کاغذات جمع کررہے مگر سب قانونی دستاویزات کے باوجود ہمارے کارڈ کو ویریفکیشن کے لئے مختلف اداروں کو مارک کررہے جو ظالمانہ اقدام ہے اس موقع پر وزیر اعظم پاکستان معاوین خصوصی بینظیر اِنکم سپورٹ پروگرام انچارج فیصل کریم خان کنڈی انہی یقین دہانی دیا اپ ہمارے ووٹر ہو میں چیئرمین نادرا اور ڈی جی نادرا خیبر پشتو نخوا سے بات کرونگا اپ لوگوں کو درپیش مسائل حل کرونگا اپ لوگ مشران کہ ایک کیمٹی بناکر آئندہ ہفتہ میرے گھر اجائے میں نادرا ڈیرہ اسماعیل خان انچارج کو طلب کرکے ان سے وضاحت طلب کرونگا واضع رہے ڈیرہ اسماعیل خان نادرا بورڈ آئی او کہ جانب سے عوام کو تنگ کرنے کے خلاف شکایات روز کا معمول ہے عوامی شکایات پر فیصل کریم خان کنڈی نوٹس لیتے ہوئے چیئرمین نادرا سے میٹنگ کے دوران وضاحت لینگے

تونسہ شریف،باغی ٹی وی( نامہ نگار) سول سوسائٹی کے زیر انتظام کلمہ چوک تونسہ سے چوک ہاشم تک پاک فوج کے حق میں پاک امن ریلی کا انعقاد کیا گیا ریلی کی قیادت اسسٹنٹ کمشنر تونسہ ،وکلا، سول سوسائٹی ، صحافی برادری ، تاجر برادری ،اساتذہ، طلباء ،اور مذہبی حلقوں کی جانب سے کی گئی
ریلی میں اللہ اکبر اور پاک فوج زندہ باد کے نعرے لگائے گئے، پاک فوج زندہ باد ریلی کے شرکاء اسسٹنٹ کمشنر تونسہ سید جمیل حیدر شاہ، چیف آفیسر میونسپل کمیٹی تونسہ مختیار احمد جتوئی، ایم ایس تونسہ ڈاکٹر طاہر حسین نتکانی، ایڈوکیٹ سید صفدر عباس شاہ، غنا محمد گجر، مولانا عبد الرشید سیفی نے خطاب کرتے ہوئے کہا کہ پاک فوج کشمیر بارڈر۔ افغانستان بارڈ سمیت ہر جگہ خدمات انجام دے رہے ہیں اور جانیں قربان کر رہے ہیں عوام انکے ساتھ ہیں اور ہر محاذ پر اپنے فوج کے شانہ بشانہ ساتھ ہیں۔انہوں نے کہا کہ پاک فوج کی قربانیوں کو نظر انداز نہیں کیا جا سکتا۔ ہمارے دشمن پاک فوج کے خلاف پروپگنڈہ کر کے عوام اور فوج کے درمیان دوریاں پیدا کرنا چاہتے ہیں لیکن پاکستانی عوام اپنے فوج سے محبت کرتے ہیں عوام اور فوج کے درمیان دوریاں نہیں پیدا کی جا سکتی ہیں

پنجاب کے اکثر میدانی علاقے گہری دھند کی لپیٹ میں آ گئے جس کے باعث موٹروے ایم ٹو لاہور سے شیخوپورہ تک تمام ٹریفک کے لیے بند کر دی گئی ہے۔
موٹروے پولیس کی جانب سے احتیاطی تدابیر اختیار کرنے کی ہدایت کرتے ہوئے کہا کہ موٹروے سمیت قومی شاہراہوں پر بھی دھند کی وجہ سے ٹریفک کی روانی متاثر ہے لہٰذا شہری احتیاط برتیں۔پنجاب کے میدانی علاقوں میں دھند کے ساتھ فضائی آلودگی میں بھی اضافہ ریکارڈ کیا گیا ہے جس کی وجہ سے اسموگ چھانے لگی۔
ائیر کوالٹی انڈیکس کے مطابق دنیا کے آلودہ ترین شہروں میں لاہور کا آج بھی پہلا نمبر ہے جب کہ بھارتی شہر کولکتہ دوسرے نمبر اور بنگلادیش کا دارالحکومت ڈھاکہ آلودہ ترین شہروں میں چوتھے، کراچی نویں نمبر پر موجود ہے۔

باغی ٹی وی:شیخوپورہ (محمد طلال سے) شیخوپورہ ڈسٹرکٹ اینڈ سیشن جج شیخوپورہ محترمہ شاہدہ سعید کی زیر صدارت منعقدہ ڈسٹرکٹ کریمنل جسٹس کوآرڈی نیشن کمیٹی کے اجلاس میں شیخوپورہ شہر اور تجاوزات کی بھرمار اور ٹریفک کے نظام کی زبوں حالی پر سخت تشویش کا اظہار کیا گیا ہے اجلاس میں ڈی سی طارق علی بسراء ڈی پی او نوید ارشاد ایس پی انویسٹی گیشن عثمان منیر سیفی اور دیگر متعدد صوبائی محکموں کے ضلعی سربراہوں نے شرکت کی اجلاس کے دوران ڈسٹرکٹ جج نے انکشاف کیا کہ ٹریفک کے نظام کی بدحالی تجاوزات پہلے ہی کئی گنا زیادہ ہو جانے اور ملی بھگت سے لائسنس بننے کی مسلسل شکایات ملنے پر انہوں نے خود شہر کا چکر لگایا ہے تو پتہ چلا کہ مین بازار چوک تاجدار ختم نبوت ﷺ عزیز بھٹی گلی حکیماں گلی زرگراں گلی ککے زئیاں غلہ منڈی کی سڑکوں پر 70 تا 80 فیصد حصہ پر تجاوزات بن چکی ہیں جن کے خلاف عملہ تہہ بازاری کوئی کارروائی نہ کر رہا ہے اسی طرح عزیز بھٹی سول کوآرٹرز روڈ بلدیہ چوک چوک یادگار پارک سمیت متعدد جگہوں پر ناجائز اڈے اور پارکنگ پوائنٹس چل رہے ہیں جو ٹریفک پولیس کی ملی بھگت کے بغیر چلنا ناممکن ہے ڈسٹرکٹ جج نے اجلاس میں موجود ضلعی حکام کو ہدایت کی کہ وہ خود تجاوزات کے خاتمہ اور ٹریفک کے نظام کو بہتر بنانے کی خاطر اقدامات کریں اور لائسنسوں کے اجراء کی خود نگرانی کریں اور بڑی سڑکوں پر سلوموونگ گاڑیوں کا داخلہ بند کروایا جائے اور تمام تعلیمی اداروں میں چھٹی کا وقت ایک ہی نہ ہونا چاہیے اجلاس میں مقدمات کے چالانوں کی تکمیل کی رفتار کا جائزہ بھی لیا گیا۔