Author: ڈاکٹرغلام مصطفی بڈانی

باغی ٹی وی:شیخوپورہ (محمد طلال سے) جنرل سیکرٹری ادارہ برائے تحفظ حقوق شہریاں رؤف احمد خان نے کہا ہے کہ انتظامیہ اور پولیس ضلع شیخوپورہ میں ون ڈش کے قانون پر عملدرآمد کروانے میں ناکام ہوگئی ہے انہوں نے یہاں میڈیا کے نمائندوں سے گفتگو کرتے ہوئے کہا کہ ون ڈش کا قانون غریب اور متوسط طبقہ کے لوگوں کے بے جا اخراجات سے بچانے کی خاطر بنایا گیا تھا مگر ضلع شیخوپورہ میں متعدد شادی ہالز اور اوپن پلاٹوں میں ہونے والی شادی بیاہ کی تقریبات میں اس قانون کی دھجیاں اڑائی جا رہی ہیں اور ایک کھانے کی بجائے 4 تا 5 اقسام کے مرغن کھانے دیئے جاتے ہیں۔

ٹھٹھہ، باغی ٹی وی (نامہ نگار راجہ قریشی)سڑکوں اور گلیوں پر آوارہ کتوں کا راج، سکولوں کے طلباء و طالبات سمیت بڑے بھی خوف کاشکار
تفصیلات کے مطابق ٹھٹھہ ضلع کے مختلف علاقوں مکلی ورکشاپ، مکلی، شاہ لطیف کالونی، حیدری چوک مکلی، ہاشم آباد کالونی مکلی، کوآپریٹو ہاؤسنگ سوسائٹی، ناریجو گوٹھ علی مراد، درس گوٹھ ،ٹھٹھہ شاہی بازار ،ڈاکٹر گلی بخاری محلہ فقیر گوٹھ چلیا، چھتو چنڈ سمیت ضلع کے مختلف علاقوں میں ہزاروں کی تعداد میں آوارہ کتوں نے ڈیرے جما لیے ہیں اور آنے جانے والوں کے پیچھے کتے دوڑ پڑتے ہیں اور کئی افراد کو کاٹ بھی چکے ہیں جسکی وجہ سے سکولز ،کالجز جانے والے طلباء و طالبات اسٹاف دفاتر جانے والے ملازمین اور دیگر لوگوں میں سخت خوف و ہراس پھیلا ہوا ہے آوارہ کتے سڑکوں پر بھی اچانک آجاتے ہیں جسکی وجہ سے کئی حادثات رونماء ہوچکے ہیں ٹھٹھہ ضلع کی سماجی و سیاسی، مذہبی جماعتوں اور دیگر لوگوں نے میونسپل ٹاؤن کمیٹیز اور دیگر بالا حکام سے مطالبہ کیا ہے کہ کتا مار مہم فوری طور پر شروع کرکے عوام کو پریشانی سے بچایا جائے۔

باغی ٹی وی:شیخوپورہ (محمد طلال سے) پنجاب میں سینکڑوں کی تعداد میں سرکاری افسروں نے پچھلے مالی سال کے اپنے اثاثے ڈکلیئر نہ کیئے ہیں جو 30 جون 2022ء تک جمع کروائے جانے تھے قابل اعتماد ذرائع کے مطابق ان کا تعلق ایکس پی سی ای / ایکس پی ایس ایس اور پی ایم ایس کیڈر کے علاوہ دیگر کیڈرز کے افسروں سے بھی ہے ذرائع نے بتایا کہ حکومت پنجاب نے ایسے افسروں کو مہلت دی ہے کہ وہ فوری طور پر اپنے اثاثے تیار شدہ پرفارما پر درج کر کے دستاویزی ثبوتوں کے ساتھ محکمہ ایس اینڈ جی اے میں جمع کروا دیں بصورت دیگر ان کے خلاف پیڈاایکٹ 2006ء کے تحت انضباطی کارروائی عمل میں لائی جائے گی ذرائع کے مطابق تمام سول سرونٹس ہر سال 30 جون کو اپنے اثاثے ڈکلیئر کرنے کے پابند ہیں جس میں گذشتہ سال کے دوران منقولہ اور غیر منقولہ املاک میں ہونے والے اضافہ اور کمی کے بارے میں ضروری دستاویزی ثبوتوں کے ساتھ حکومت کو آگاہ کرنا ہوتا ہے

چوٹی زیریں، باغی ٹی وی( نامہ نگار محسن نواز ) ڈپٹی کمشنر ڈیرہ غازیخان محمد انور بریار کی عوامی مسائل کے حل کیلئےچوٹی زیریں میں کھلی کچہری
تفصیلات کے مطابق ڈپٹی کمشنر ڈیرہ غازی خان محمد انور بریار نے اسسٹنٹ کمشنر کوٹ چھٹہ اصغر اقبال لغاری کے ہمراہ چوٹی زیریں کا دورہ کیا اور جاری ترقیاتی منصوبوں کا جائزہ لیا انہوں نے دفتری یونین کونسل چوٹی زیریں میں کھلی کچہری لگائیں اور لوگوں کے مسائل سنے اس موقع پر انہوں نے کہا کہ سیلاب کے دوران سب سے پہلے امدادی سرگرمیاں کوٹ چھٹہ میں شروع کی گئیں،سیلاب متاثرین کا ڈیٹا محفوظ ہے،وہ میسج ملتے ہی بینک سے امدادی رقوم حاصل کرسکتے ہیں،سیلاب متاثرین نوسربازوں کے جھانسے میں نہ آئیں،عوامی خدمت کیلئے میرے آفس کے دروازے آپ لوگوں کیلئے کھلے ہیں،ضلع کے تمام افسران بھی عوامی خدمت کو شعار بنائیں،انہوں نے کہا کہ عوام کو ریلیف دے کر ہم دنیا و آخرت میں سرخرو ہوسکتے ہیں،ڈپٹی کمشنر نے کھلی کچہری میں آئے سائلین کے مسائل سنے اور موقع پر انکے حل کے احکامات بھی جاری کئے۔

باغی ٹی وی ،سجاول (نامہ نگار یاسر علی پٹھان) بند سکولوں کے مسلسل غیر حاضر رہنے والے تدریسی اور غیر تدریسی عملے کی فہرست حکام بالاکو ارسال
تفصیل کے مطابق سجاول محکمہ تعلیم نے مسلسل غیر حاضر رہنے والے تدریسی اور غیر تدریسی عملے کی پرسنل آئی ڈی بلاک کرنے کے لیے خط کے ساتھ فہرست اے جی سندھ کو بھی بھیج دی ہے۔سندھ میں کئی ایسے اسکول ہیں جو برسوں سے بند پڑے ہیں کیونکہ ان اسکولوں میں تعینات اساتذہ ڈیوٹی پر نہیں جاتے جس کی وجہ سے بچے تعلیم حاصل نہیں کر پا رہے ہیں جس کی وجہ سے بے شمار لڑکے اور لڑکیاں تعلیم کے زیور سے محروم ہو چکے ہیں۔ جس کو کسی صورت قبول نہیں کیا جائے گا، غیر حاضر اساتذہ اور دیگر سٹاف کے خلاف سخت نوٹس لیں اور انہیں بچوں کی تعلیم کی بحالی کو یقینی بنانے کا پابند بنائیں،عوامی سماجی حلقوں ارباب اختیار سے مطالبہ۔