Author: ڈاکٹرغلام مصطفی بڈانی

تونسہ شریف،باغی ٹی وی (نامہ نگار) تونسہ پریس کلب عہدیداران کا اجلاس۔ کسٹم حکام کے ہاتھوں صحافی بخت محمد کھوسہ کی گرفتاری کی شدید الفاظ میں مذمت ۔ وزیراعلی سے نوٹس لینے کا مطالبہ
تفصیل کے مطابق تونسہ پریس کلب کا اجلاس زیر صدارت عظمت فاروق بزدار ہوا جس میں عہدے داران و ممبران نے شرکت کی ۔اجلاس میں صدر پریس کلب ڈیرہ غازی خان بخت محمد کھوسہ کی کسٹم حکام کے ہاتھوں اپنے دفتر بلا کر جھوٹے اور فرضی مقدمے میں گرفتاری کی شدید الفاظ میں مذمت کی گئی۔ صدر پریس کلب عظمت فاروق بزدار، جنرل سکریٹری مزمل قریشی اور عہدیداران سہیل شہزاد گاڈی، منصور ملک ، ڈاکٹر اطہر، سومرو، عبدالسلام بزدار۔خلیفہ محمد حسن۔ عمران گاڈی، خلیفہ محمد حسن، یاسر حیدرانی ، ودیگر نے کہا کہ پاکستان صحافیوں کے لئے خطرناک ملک بنتا جارہا ہے۔ سچ لکھنے پر اب صحافیوں کو قتل کرنا ،جھوٹے مقدمات میں پھنسانا معمول بن گیا ہے۔ عالمی سطح بھی پاکستان کو صحافیوں کے لئے خطر ناک ترین ملک قرار دیا گیا ہے صحافیوں کے لئے بنائے قانون صرف کتابوں میں موجود ہیں۔ کسٹم حکام ڈی جی خان میں بھتہ خوری میں ملوث ہیں ۔بخت محمد کھوسہ کیجانب سے آئینہ دکھانے پر انہیں اپنے دفتر بلا کر جھوٹے مقدمے میں گرفتار کیا گیا۔انہوں نے وزیراعلی پنجاب سے فوری نوثس لیکر بخت محمد کھوسہ کی رہائی کا مطالبہ کرتے ہوئے کرپٹ کسٹم حکام کے خلاف کاروائی اور انکوائری کا مطالبہ کیا اور کہا جبتک بخت کھوسہ کو رہا نہیں کیا جاتا ۔ روزانہ کی بنیاد پر احتجاج کیا جائیگا

باغی ٹی وی: شیخوپورہ (محمد طلال سے) شیخوپورہ جوڈیشل مجسٹریٹ رانا محمد سہیل ریاض کی نگرانی میں انٹی کرپش ٹیم کا چھاپہ میونسپل کمیٹی فیروزوالا ضلع شیخوپورہ گریڈ 17 کے چیف آفیسر میونسپل کارپوریشن میاں منشاء احسن رشوت لیتے ھوئے رنگے ھاتھوں گرفتار پچاس ہزار روپے برآمد مقدمہ درج ملزم گرفتار باغی ٹی وی کی رپورٹ کے مطابق فیروزوالا کے محلہ امامیہ کالونی کے رہائشی جاوید شاہ ولد ذوالفقار شاہ نے دفتر انٹی کرپشن شیخوپورہ میں درخواست دی کہ اس کے دوست بلال نصیر کو چوکیدار بھرتی کرنے کے سلسلہ میں چیف آفیسر میونسپل کارپوریشن فیروزوالا میاں منشاء احسن چار لاکھ روپے رشوت کا تقاضا کیا جسم میں سے پچاس ہزار پہلے دینا طے پایا جس پر سرکل آفیسر انسپکٹر عبداللہ سیف پاشا نے ریڈ کی نگرانی کے لئے مجسٹریٹ تعینات کرنے کیلئے ڈسٹرکٹ اینڈ سیشن جج شیخوپورہ مسز شاھدہ سعید کو درخواست دی جس پر کاروائی کرتے ہوۓ سیشن جج نے ریڈ کی نگرانی کے لئے سینٸر مجسٹریٹ رانا محمد سہیل ریاض کو فوری کارروائی کا حکم جاری کیا ملزم نے رشوت لینے کیلئے مدعی کو اپنے دفتر بلایا اور مدعی سے پچاس ہزار روپے رشوت لی اس موقع پر جوڈیشل مجسٹریٹ رانا محمد سہیل ریاض اور انٹی کرپشن ٹیم وہاں پہلے سے موجود تھے ملزم کو رنگے ھاتھوں گرفتار کر کے اس کی تلاشی لینے پر رشوت میں لئے گئے پچاس ہزار روپے برآمد کر لیے گئے اور ملزم کو گرفتار کر کے تھانہ انٹی کرپشن شیخوپورہ منتقل کر کے مقدمہ نمبر 19/22 درج کرلیا گیا یاد رھے کہ یہی انٹی کرپش کی ٹیم مجسٹریٹ رانا محمد سہیل ریاض کی نگرانی میں قبل ازیں بھی ریڈ کر کے تھانہ مانانوالہ کے ASI اور تھانہ شاھدرہ کے SI طارق دیگر محکمہ جات کے کئی سرکاری اہلکاروں کو رشوت لیتے ھوئے رنگے ھاتھوں گرفتار کر چکی ہے۔

گوجرہ ،باغی ٹی وی(نامہ نگار عبد الرحمن جٹ ) ڈرگ انسپکٹر اور پنجاب ہیلتھ کئیر کے ملازمین کی مبینہ ملی بھگت،شہر وگردونواح میں اتائی ڈاکٹروں کے کلینک اور غیرقانونی میڈیکل سٹور کھل گئے
تفصیل کے مطابق ڈرگ انسپکٹر اور پنجاب ہیلتھ کئیر کے ملازمین کی مبینہ ملی بھگت اور "مال کی چمک”سے شہر و گردونواح میں اتائی ڈاکٹروں نے جگہ جگہ دکانوں اور گھریلو بیٹھکوں میں غیرقانونی میڈیکل سٹور و کلینک بنا کر لوگوں کی قیمتی زندگیوں سے کھیلنا شروع کردیا اور قبل ازیں یہ پرائمری اور مڈل پاس اتائیوں نے ایکسپائر اور غلط انجیکشن لگا کر کئی انسانی زندگیاں ختم کردیں ہیں اور کئی لوگوں کو زندگی بھر کے لئے معذور بنا دیا ہے جبکہ ,ڈرگ انسپکٹر کو اعلیٰ گو جرہ آفسران کا مبینہ آشیرباد حاصل ہونے کی وجہ سے مزکورہ اتائیوں نے کُھلم کُھلا اور بغیر کسی خوف کے نشہ آور انجیکشن, جنسنگ گولیوں کی فروخت کا کام مسلسل جاری رکھا ہوا ہے, اتائیوں کے خلاف کارروائی کیلئے متعدد بار شکایات کرنے کے باوجود پنجاب ہیلتھ کئیر اور ڈرگ انسپکٹر کے کانوں تک جوں نہ رینگی شہریوں کا مزید کہنا ہے کہ بعض اوقات عوام کا سخت ردِعمل آنے کے بعد ڈرگ انسپکٹر نے کسی اتائی کا سٹور کو اگر سیل کر ہی دیا ہے تو پھر اگلے ایک دو روز میں مبینہ طور پر "مُک مُکا” کرکے وہ سٹور کھول دیا جاتا ہے جسکی وجہ سے اتائیت کی بھرمار ہوچکی ہے گوجرہ کی عوامی و سماجی حلقوں نے وزیراعلیٰ پنجاب اور سیکرٹری ہیلتھ پرائمری اینڈ سیکنڈری پنجاب سے مطالبہ کیا ہے کہ فوری نوٹس لیکرگوجرہ شہر و آس پاس دیہات میں اتائی ڈاکٹروں کے خلاف گرینڈ آپریشن کیا جائے اور محکمہ ہیلتھ کے مقامی افسران کی چشم پوشی پر انکوائری کروائی جائے تاکہ ہمارے علاقے میں اتائیوں کے ہاتھوں مزید قیمتی انسانی جانیں ضائع ہونے سے بچ سکیں

چونیاں،باغی ٹی وی(نامہ نگارعدیل اشرف) نجی کلینک پر ڈکیتی کی واردات، دونامعلوم موٹر سائیکل سوار ڈاکو دو افراد سے ہزاروں روپے نقدی چھین کر فرار ہو گے،مقدمہ درج، سی سی ٹی وی کیمروں کی مدد سے ملزمان کو جلد گرفتار کر لیا جائے گا،ایس ایچ او سٹی تفصیلات کے مطابق چونیاں تھانہ سٹی کی حدود میں ڈاکٹر طاہر شاہین کے نجی کلینک پر گزشتہ رات دو نامعلوم موٹر سائیکل سوار ڈاکو اسلحہ کے زور پر شکیل نامی شخص سے 67 ہزار جبکہ محمد اقبال نامی شہری سے 21 ہزار روپے چھین کر فرار ہو گے۔ پولیس تھانہ سٹی چونیاں نے مقدمہ درج کر کے کارروائی کا آغاز کر دیا ہے ایس ایچ او سٹی راحیل خاں کا کہنا ہے کہ سی سی ٹی وی کیمروں کی مدد سے ملزمان کو جلد ٹریس کر لیا جائے گا، علاوہ ازیں سبزی منڈی چونیاں کے عقب سے نامعلوم چور شہری خالد کی موٹر سائیکل لے کر فرار ہو گے۔

ریجنل پولیس آفیسر ڈیرہ غازی خان سید خرم علی کا ضلع راجن پور کا دورہ ۔ڈسٹرکٹ ہسپتال راجن پور میں کچہ پکٹ بہار ماچھی پر ڈاکوں کے حملہ کے دوران زخمی ہونے والےجوانوں کی عیادت ، دلیری و جوانمردی سے مقابلہ کرنےاور بروقت جوابی کاروائی پر جوانوں کو خراج تحسین ۔ زخمیوں کو بہترین طبعی سہولیات فراہم کرنے کی ہدایت ۔ پولیس کے جوانوں نے اپنی جانوں کی پروا کیے بغیر مثالی کارکردگی کا مظاہرہ کیا ہے۔ قانون کی بالادستی کو برقرار رکھنے کے لیے جرائم پیشہ عناصر کے خلاف بلا تخصیص کاروائیوں کا سلسلہ جاری رکھا جائے ۔
ڈیرہ غازیخان (باغی ٹی وی) تفصیلات کے مطابق ریجنل پولیس آفیسر ڈی جی خان سید خرم علی نے ضلع راجن پورکا دورہ کیا۔ راجن پور پہنچنے پر ڈی پی او راجن پور احمد محی الدین نے آر پی او کا پر تپاک استقبال کیا ۔آر پی او نےڈی پی او راجن پور کے ہمراہ ڈسٹرکٹ ہسپتال راجن پور کاوزٹ کیا۔ آر پی او نے ڈسٹرکٹ ہسپتال راجن پور میں کچہ ایریا روجھان میں ڈاکوں سے مقابلہ کے دوران زخمی ہونے والےپولیس کے جوانوں کی عیادت کی اور دلیری وجوانمردی سے ڈاکوں کا مقابلہ کرنے پر جوانوں کو خراج تحسین پیش کیا ۔آر پی او نے ہسپتال انتظامیہ سے ملاقات کرکے زخمی جوانوں کو اب تک فراہم کردہ علاج معالجہ کے بارے میں دریافت کیا اور بہترین طبعی سہولیات کی فراہمی کویقینی بنانے کی ہدایات جاری کیں ۔اس موقع پر آر پی او سیدخرم علی کا کہنا تھاکہ جوانوں کے حوصلے بلند ہیں جوانوں کا عزم وہمت فورس کا قیمتی اثاثہ ہے ۔ جوانوں کے علاج و معالجہ میں کوئی کسر نہیں چھوڑی جائے گی ۔ڈسٹرکٹ ہسپتال وزٹ کے بعد آرپی او سید خرم علی ڈسٹرکٹ پولیس آفس راجن پور پہنچے جہاں پر ڈی پی اومحی الدین نے کچہ ایریا میں جرائم پیشہ گینگز کے خلاف جاری آپریشن میں پولیس کی حکمت عملی ،کچہ میں تعینات نفری اور پولیس پکٹ بہار ماچھی پر ڈاکوں کے حملہ اور پولیس کی جانب سے جوابی کاروائی سے متعلق آر پی او کو بریف کیا۔ آج صبح لنڈ گینگ اورعمرانی گینگ کے ڈاکوں نے کچہ ایریا روجھان میں قائم پولیس پکٹ بہار ماچھی پر حملہ کیا۔ پولیس کے جوانوں نے ڈاکوں کا دلیری و جوانمردی سے مقابلہ کیا ۔فائرنگ کے تبادلہ کے دوران پولیس کے پانچ جوان زخمی ہوئے جبکہ دوبدنام زمانہ ڈاکو لنڈ گینگ کا سرغنہ خدا بخش لنڈ اور گورا عمرانی ہلاک ہوگئے اور لنڈ وعمرانی گینگ کے 09 ڈاکو زخمی ہوئے۔ خدا بخش لنڈ 18 لاکھ سر کی قیمت کا ڈاکو پولیس کو تین درجن سے زائد سنگین مقدمات میں مطلوب تھا۔دونوں ہلاک ڈاکوؤں پر پولیس مقابلے، دہشت گردی ، ڈکیتی اور قتل جیسے سنگین مقدمات درج تھے۔ آر پی اوسیدخرم علی نے کچہ میں قیام امن کے لیے پولیس کے جوانوں کی جرات ، بہادری اور بروقت جوابی کاروائی کو سراہا۔ آر پی او نے کچہ ایریا میں مزید اضافی نفری تعینات کرنے اور ملازمان کو تمام تر سہولیات کی فراہمی کا حکم جاری کیا۔اس موقع پر آر پی کا کہنا تھا کہکچہ سےجرائم کے خاتمہ اور امن و امان کے قیام کے لیے پولیس کے جوانوں نے اپنی جانوں کی پروا کیے بغیر مثالی کارکردگی کا مظاہرہ کیا ہے ۔ قانون کی بالادستی کو برقرار رکھنے کے لیے جرائم پیشہ عناصر کے خلاف بلا تخصیص اورجامع حکمت عملی کے تحت کاروائیوں کا سلسلہ جاری رکھیں کسی کو معاشرے کا امن تباہ کرنے کی اجازت ہرگز نہیں ۔ جرائم پیشہ عناصر اور ان کےسہولت کاروں کو منطقی انجام تک پہنچا کر انشاء اللہ کچہ کو امن کا گہوارہ بنائیں گے۔ عوام الناس کی جان و مال کے تحفظ کو ہرصورت یقینی بنایا جائے گا ۔

گوجرہ، باغی ٹی وی(نامہ نگار عبد الرحمن جٹ )شہر اور گردونواح میں مضر صحت اشیاء کی کھلے عام فروخت جاری، فوڈ اتھارٹی کے ذمہ داران نے انسانی جانوں سے کھیلنے والوں کو کھلی چھٹی دے دی، مضر صحت اشیاء فروخت کرنے والوں کے خلاف کارروائی کے لئے کوئی ادارہ تیار نہیں،مضر صحت تیل،گھی،باسی،گلی سڑی اور بدبو دار سبزیوں سے تیار سموسے پکوڑوں کی فروخت دھڑلے سے جاری، عوامی و سماجی حلقوں کا اعلیٰ حکام سے نوٹس لینے کامطالبہ۔تفصیلات کے مطابق گوجرہ شہرو گردونواح میں تیار ہونے والے سموسے پکوڑے اور دیگر کھانے پینے کی اشیاء میں ملاوٹ کے علاوہ باسی،گلی سڑی اور بدبو دار مضر صحت، سبزیوں اور ناقص وغیر معیاری گھی کا استعمال دھڑلے سے کیا جارہاہے،چند پیسوں کی خاطر شہریوں کی جانوں سے کھیلنے والے ان دکانداروں کے خلاف کارروائی کرنے میں فوڈ اتھارٹی نے مکمل خاموشی اختیار کر رکھی ہے، ان مضر صحت اور غیر معیاری اشیاء کے استعمال سے روزانہ درجنوں شہری متاثر ہو رہے ہیں،جبکہ فوڈ اتھارٹی کے ذمہ داران نے اس حوالے سے مکمل لا تعلقی اختیار کر رکھی ہے جو کہ سوالیہ نشان ہے۔بلکہ مبینہ طور پر برفی سموسہ فروٹ چاٹ برگر کی بڑی دکانوں سے بقاعدہ منتھلیاں وصول کرنے کی ہیں شفقدرڈیری والوں کو چھوٹے دکاندار ریڑھی والوں کو جرمانہ کر کے سب اچھا کی رپورٹ کی جاتی ہے عوامی و سماجی حلقوں نے اعلیٰ حکام سے مضر صحت اشیاء کی فروخت کرنے والوں کے خلاف کارروائی کا مطالبہ کیا ہے۔