Author: ڈاکٹرغلام مصطفی بڈانی

میہڑ باغی ٹی وی (منظورعلی جوئیہ کی رپورٹ)سندھ یونائیٹڈ پارٹی کا شہر میں بدامنی اور سیلاب متاثرین کی بحالی نہ ہونے پر پریس کلب میں احتجاج جاری
تفصیلات کے مطابق میہڑ شہر میں بڑھتی ہوئی بدامنی اور سیلاب متاثرین کی بحالی نہ ہونے پر سکندر سوڈھر کی قیادت میں گذشتہ 17 دن قبل بھی میہڑ پریس کلب کہ سامنے احتجاجی دھرنا دیا گیا. اس وقت بھی دوبارہ احتجاجی دھرنا جاری ہے مظاہرین نے کہا ہے کہ دن بہ دن بڑھتی ہوئی بدامنی کے باعث شریف شہری سخت پریشانی کا شکار ہیں اور دوسری طرف سیلاب کو آئے ہوئے 3 ماہ گزر گئے ہیں مگر حکومت کی طرف سے سیلاب متاثرین کی بحالی کہ لئے کوئیبھی عملی اقدامات نہیں ہوسکے،جس کی وجہ سیلاب متاثرین سخت پریشانی کا شکار ہیں – مظاہرین نے اعلیٰ حکام سے مطالبہ کیا ہے کہ میہڑ شہر میں امن و امان بحال کرواکر اور سیلاب متاثرین کی بحالی کیلئے مکمل اقدامات کئے جائیں دوسری صورت میں پرامن احتجاج کا سلسلہ جارہیگا.

میہڑ، باغی ٹی وی(منظورعلی جویو کی رپورٹ )پولیس کا ہے فرض مدد آپ کی ،صرافہ بازار میں چوری کو 24 گھنٹے گذرنے کے باوجود ایس ایچ او موقع نہ پہنچ سکا.
تفصیل کے مطابق صرافہ بازار میہڑ میں امیر علی جویو کہ دوکان سے چوری کےواقعے کو 24گھنٹے گذر چکے ہیں لیکن ایس ایچ او تھانہ میہڑ نور مصطفیٰ پٹھان جائے وقوعہ پر نہیں پہنچ سکا جبکہ ڈی ایس پی میہڑ نے جائےوقوع پر پہنچ کر اعتراف کیا کہ یہاں کی پولیس چند روپے کی خاطر بک چکی ہے اور انہوں عوام کو ہدایات دیتے ہوئے کہا کہ عوام کو چاہئے کہ وہ اپنی اور اپنی املاک اور دکانوں کی حفاظت کا خود بندوبست کریں، ڈی ایس پی وحید بیگ لاڑک مزید کہاکہ عوام کو بھی معلوم ہے کہ ہم مجبور ہیں ملزمان کو گرفتار کیسے کریں ، ہر ملزم کہ لئے سیاسی سفارش ہروقت موجود ہے ،جبکہ جائے وقوع پر ایس ایچ او میہڑ نورمصطفیٰ پٹھان کے علاوہ باقی شھر کے معززین ،شہری اتحاد کے چئرمین نیاز علی برڑو ،سندھ یونائیٹیڈ پارٹی کے رہنماسکندر علی سوڈھر، سندھ ترقی پسندپارٹی کے عبدالحمید سومرو اور دیگر نے جائے وقوعہ پر پہنچ کر میہڑپریس کلب کے نائب صدر منظورعلی جویو اور علی رضا جویو سے ہمدردی کا اظہار کیا اور بھرپورتعاون کا یقین دلایا ،دوسری طرف متاثرہ میہڑ پریس کلب کے نائب صدر منظورعلی جویو نے کہاکہ میہڑ پولیس عوام کو احتجاج کرینے پر خود مجبورکررہی ہے، پھر احتجاج کرکے ایس ایس پی دادو کومیہڑ آنے پر مجبورکریں گے کیونکہ ،یہاں کاایس ایچ او چوروں ،ڈکیتوں اور جرائم پیشہ عناصر سے ملا ہوا ہے اور جہاں کوئی وقوعہ وقوع پذیر ہوتا ہے وہاں موقع واردات پر ایس ایچ او نہیں پہنچتا ہے کیونکہ میہڑ پولیس منشیات اور جواء اورچوروں ،ڈاکوؤں سے بھتہ لیتے میں مصروف ہیں انہیں ٹائیم ہی نہیں ملتا کہ وہ متاثرہ شہریوں کے پاس پہنچ کرانہیں کوئی تسلی دیں .صرافہ ایسوسی ایشن کے عہدیداروں نے آئی جی سندھ، ڈی آئی جی حیدرآباد اور ایس ایس پی دادو سے مطالبہ کیا ہے کہ ہمیں احتجاج پر مجبور نہ کیاجائے ، فوری طور پر ملزمان کو گرفتار کر کےمتاثرین کوانصاف فراہم کیاجائے اوران کے نقصان کا ازالہ کیا جائے ورنہ صرافہ بازار مکمل بند کرکے پولیس کہ خلاف سخت احتجاج کیاجائیگا.

جھنگ،باغی ٹی وی(نامہ نگار عظیم حمید) انسپکٹر جنرل آف پولیس پنجاب کے احکامات کی روشنی میں ڈی پی او جھنگ نے شہریوں کو انصاف کی فراہمی اور انکی شکایات اور مسائل کے حل کیلئے تھانہ شورکوٹ سٹی میں کھلی کچہری کاا نعقاد کیا۔ کھلی کچہری میں DSP/SDPO شورکوٹ سرکل آفتاب احمد صدیقی، جملہSHOs، جملہ انچارج چوکیات شورکوٹ سرکل، ریڈر ٹو ڈی پی او علمدار حسین، پی آر او محمد عون رضا، انچارج شکایت سیل اظہر حسین،میڈیا نمائندگان اور شہریوں کی کثیر تعداد شریک ہوئی۔کھلی کچہری میں شہریوں نے اپنی شکایات پیش کیں جس پرDPOجھنگ نے متعلقہ افسران کو شکایات کے فوری حل اور جلد از جلداس ضمن میں رپورٹ پیش کرنے کے بھی احکامات جاری کئے۔ڈی پی او جھنگ کا کہنا تھا کہ شہریوں کو انکی دہلیز پر انصاف فراہم کرنے کیلئے کھلی کچہریوں کا انعقاد کیا جا رہا ہے۔

ہمارا مقصدشہریوں کے جان و مال کی حفاظت، متاثرین کی بروقت داد رسی کو یقینی بنانا اور سماج دشمن عناصر کو قانون کی گرفت میں لانا ہے۔شورکوٹ سرکل پولیس نے جرائم پیشہ عناصر کے خلاف کاروائیوں کے نتیجہ میں 11 مقدمات کو ٹریس کرتے ہوئے 1 کروڑ روپے کا مالیت مسروقہ برآمد کیا۔

مال مسروقہ میں موٹر سائیکل11 عدد، ویگن 1 عدد، مال مویشی 16 عدد، سولر پلیٹس 35 عدد جرائم پیشہ عناصر کے قبضہ سے برآمد کی گئیں۔ڈی پی او جھنگ محمد راشد ہدایت نے برآمدہونے والا مال مسروقہ انکے مالکان کے حوالے کیا۔ڈی پی او جھنگ کا کہنا تھا کہ جھنگ پولیس جرائم پیشہ عناصر کے خلاف متحرک کردار ادا کر رہی ہے۔ سماج دشمن عناصر کو قانون کی گرفت میں لانے کیلئے بلاتفریق کاروائیوں کا سلسلہ جاری رکھا جائیگا۔چوری شدہ مال مسروقہ برآمد ہونے پر شہریوں نے جھنگ پولیس کی کارکردگی کو سراہتے ہوئے ڈی پی او جھنگ کا شکریہ ادا کیا۔

ڈی پی او جھنگ نے نمبرداران علاقہ تھانہ شورکوٹ سٹی سے بھی میٹنگ کی اور جرائم پیشہ عناصر کے محاسبہ کیلئے لائحہ عمل پر تبادلہ خیال کیا،نمبرداران کا کہنا تھا کہ قانون شکن عناصرکے محاسبہ کیلئے پولیس سے بھرپور تعاون کریں گے۔

ٹھٹھہ ، باغی ٹی وی ( نامہ نگار راجہ قریشی)ڈپٹی کمشنر کے حکم پر محکمہ وائلڈ لائف کی کارروائی کئی غیرقانونی شکار کرنے شکاری دھر لئے
تفصیل کے مطابق ڈپٹی کمشنر ٹھٹھہ غضنفر علی قادری کی خاص ہدایات پر اسسٹنٹ کمشنر ٹھٹھہ شفیق احمد آریسر نے محکمہ وائلڈ لائف کی ٹیم کے ہمراہ یونین کونسل سونڈا کے مختلف علاقوں جن میں تارا سٹاپ – علی بہر شامل ھیں سردیوں میں دنیا کے مختلف سرد ممالک سے ہجرت کرکے آنے والے ٹھٹھہ کی مختلف جھیلوں پر آکر بسیرا کرنے والے حلال پرندوں جن میں نیرنگی – عاری ۔ چلو وغیرہ شامل ھیں کے غیر قانونی شکار اور فروخت کے خلاف کریک ڈاؤن شروع کرتے ہوئے پرندوں کا غیر قانونی شکار کرنے اور فروخت کرنے والے چند شکاریوں کو گرفتار کر لیا جبکہ کچھ شکار کرنے والے شکاری فرار ہونے میں کامیاب ہو گئے جبکہ شکاریوں کی جانب سے غیرقانونی شکار شدہ 8 سے 10 غیر قانونی پرندے برآمد کر لیے یاد رہے کی ضلع کی مختلف جھیلیں جس میں ایشیا کی دو بڑی جھیلیں کینجھر اور ہالیجی جھیل شامل ہے سردیوں کے موسم میں دنیا کے مختلف سرد ممالک سے ہجرت کرکے بسیرا کرنے والے حلال پرندوں باالخصوص سائبیریا سے پرندوں کے شکار میں اضافہ ہو رہا ہے جس کی وجہ سے ضلع کی مختلف جھیلوں پر آنے والے پرندوں کے شکار کے بعد سائبیریا سمیت مختلف سرد ممالک سے پرندوں کی ہجرت کا سلسلہ ہر سال کم ہو رہا ہے۔