Author: ڈاکٹرغلام مصطفی بڈانی

ڈیرہ اسماعیل خان ،باغی ٹی وی (احمد نواز مغل کی رپورٹ)قائمقام گورنر خیبر پختونخواہ مشتاق احمد غنی نے کہا ہے کہ ہم مارشل لا نہیں جمہوریت چاہتے ہیں, ایمپورٹڈ حکومت ملکی مسائل کی ذمہ دار ہے
تفصیل کت مطابق قائمقام گورنر خیبر پختونخواہ مشتاق احمد غنی نے کہا ہے کہ صوبہ خیبر پختون خوا میں دہشتگردی ،بدامنی ،معاشی اور سماجی مسائل سابق حکمرانوں کے پیدا کردہ ہیں۔صوبائی حکومت دہشت گردی کے خلاف اقدامات کر رہی ہے۔وہ ڈیرہ اسماعیل خان میں گومل میڈیکل کے چوتھے کانووکیشن میں شرکت کے موقع پرخطاب کر رہے تھے ۔ اس موقع پر انہوں نے کہا کہ پی ٹی آئی نے ڈیرہ سمیت صوبہ بھر میں ترقی کو فروغ دیا ہےملک پر امپورٹڈ و چوروں کا ٹولہ مسلط ہے، ان کا کہنا تھا لفٹ کینال،ڈیرہ پشاور موٹر وے سی پیک منصوبے میں شامل ہیں۔ڈیرہ ملک بھر کو گندم فراہم کر سکتا ہے،
۔مشتاق احمد غنی نے کہا کہ افغانستان کی جانب سے دہشت گردوں کی آمد روکنا وفاق کی ذمہ داری ہے۔افغان حکومت کو بھی دہشت گردوں کا سدباب کرنا چاہیے، قائمقام گورنر مشتاق احمد غنی کا کہنا تھا کہ گومل میڈیکل کالج میں جلد ڈینٹل کالج کا قیام عمل میں لایا جائے گا جس کے لئے تمام تیاریاں مکمل کر لی گئی ہیں جو جلد کام شروع کر دے گا ۔جبکہ انہوں نے گومل میڈیکل کالج کی دیگر ضروریات پوری کرنے کے لئے اپنے مکمل تعاون کا اعادہ کیا ۔

باغی ٹی وی ننکانہ صاحب (نامہ نگار احسان اللہ ایاز )بابا گورونانک یونیورسٹی کی کلاسسز کے آغاز کے لیے ڈپٹی کمشنر آفس کے کمیٹی روم میں خصوصی اجلاس کا انعقاد کیا گیا جس کی صدارت ڈپٹی کمشنر ننکانہ احمر نائیک نے کی۔اجلاس میں وائس چانسلر بابا گورونانک یونیورسٹی پروفیسر ڈاکٹر محمد افضل،سی ای او ایجوکیشن احسن فرید،ڈپٹی ڈائریکٹر ڈویلپمنٹ طارق علی ڈھلوں،ڈپٹی ڈائریکٹر کالجز ملک مختار احمد،ایکسین بلڈنگز سمیت دیگر متعلقہ محکمہ جات کے افسران بھی موجود تھے۔وائس چانسلر بابا گورونانک یونیورسٹی پروفیسر ڈاکٹر محمد افضل نے اس موقع پر بابا گورونانک یونیورسٹی کی کلاسسز کے آغاز کے حوالے سے ڈپٹی کمشنر ننکانہ کو تفصیلی بریفنگ دی۔ڈپٹی کمشنر ننکانہ صاحب احمر نائیک نے اس موقع پر کہا کہ حکومت پنجاب تعلیمی سہولیات کی فراہمی کے لیے دن رات کوشاں ہے،عنقریب دانش سکول سسٹم میں بابا گورونانک یونیورسٹی کی کلاسسزکا آغاز کیا جارہاہے جس کے لیے متعلقہ محکمہ جات صفائی ستھرائی،رنگ و روغن ودیگر انتظامات بروقت مکمل کرکے رپورٹ پیش کریں

گوجرہ، باغی ٹی وی (نامہ نگار عبد الرحمن جٹ )عوام اینٹی بائیوٹک ادویات کے غیرضروری استعمال سے پرہیز کریں- ڈاکٹر حماد ارشد
تفصیل کے مطابق آج تحصیل ہیڈ کوارٹر ہسپتال گوجرہ میں اینٹی بائیوٹک میڈیسن ویک کا پہلا دن تھا جس کے سلسلہ میں ایک سیمینار کا انعقاد کیا گیا جس میں شرکاء سیمینار سے خطاب کرتے ہوئے ڈی ایم ایس ڈاکٹر حماد ارشد نے بتایا کہ اینٹی بائیوٹک میڈیسن اسی وقت ہی استعمال کرنا چاہیے جب اس کی مریض کو اشد ضرورت ہو انہوں نے کہا کہ یہ صرف بکٹیریا کے لیے کارآمد ہوتی ہے وائرس کے خلاف کار آمد نہیں ہوتی۔ جب انٹی بائیوٹک میڈیسن استعمال کریں تو اس کا کورس پورا کریں جو کہ تین دن، پانچ دن، سات دن تک کا ہوتا ہے مگر کوئی بھی کورس معالج ڈاکٹر کی ہدایت کے مطابق شروع کریں اور ان کی ہدایت کے مطابق ہی دوائی استعمال کریں اس سیمینار کے بعد اگاہی واک کا اہتمام کیا گیا جس میں ایم ایس ڈاکٹر رانا وسیم حیات ،ڈاکٹر حماد اشرف, اے ایم ایس ڈاکٹر شہزاد بخاری اور دیگر پیرا میڈیکل اسٹاف نے شرکت کی اور لوگوں کو اینٹی بائیوٹک میڈیسن کے بارے میں آگاہی فراہم کی گئی۔

ڈیرہ غازی خان سمینہ سادات (جواد اکبر نامہ نگار )سے شہر کے مقامی قیادت کی فیورٹ ازم ٹھیکیدار اور سی او کارپوریشن جوادالحسن گوندل صاحب ہیں۔ ان براجمان صاحب سے پوچھا جاۓ کہ ان میں کون سی ایسی خوبیاں ہیں جو ان کو بار بار لایا جاتا ہے؟ شہر میں آۓ روز میں سڑکوں میں گڑھے دیکھنے کو مل رہے ہیں اس کی وجہ ونچ مشینری کو صحیح طرح سے استعمال نہ کرنا ہے کیونکہ مین یول کے اندر گیس پریشر بڑھ جاتا ہے اور سیوریج لائن مین لیکج کا باعٹ بن جاتا ہے۔اور اس کو مٹی ڈال کر گڑھوں کو بھرا جا رہا یے ،خدارا شہر کو جگہ جگہ مختلف پنکچر سے بچائیں

جتوئی ،باغی ٹی وی (نذیر شجراء)اندرون شہر بننے والی تمام سڑکوں میں انتہائی ناقص میٹریل کے استعمال کا انکشاف
تفصیل کے مطابق جتوئی اندرون شہر بننے والی تمام سڑکوں میں انتہائی ناقص ترین میٹریل استعمال کیا گیا ہے جسکی وجہ سے چند دن پہلے بننے والی سڑکوں میں ابھی سے بڑے بڑے گڑھے پڑ چکے ہیں پچیس تیس سال بعد بنائی جانے والی سڑکیں بھی کرپشن کی نظر ہوگئی ہے اور تمام سڑکوں کو مکمل بھی نہیں بنایا گیا ہے ، یہ سڑکیں نہیں بنائی گئی ہیں بلکہ شہریوں کے ساتھ مزاق کیا گیا ہے اتنے ناقص میٹریل سے سڑکیں بنائی گئی ہیں ایک بارش میں یہ ندی نالوں کا منظر پیش کریں گی سڑکیں بناتے وقت سیوریج سسٹم بحال بھی نہیں کیا گیا ہے ،کرپٹ ٹھیکیدار کو سڑکوں کا ٹھیکہ دیا گیا ہے جسکی وجہ سے سڑکوں کا یہ حال ہے سڑکوں یہ کی حالت کمیشن اور کرپٹ ٹھیکیداروں کی وجہ سے ہوتی ہے منتخب نمائندے ایماندار ٹھیکیداروں کو سڑکیں بنانے کا ٹھیکہ دیں اور خود بھی ایمانداری سے کام کروائیں اور چیک کریں ٹھیکےداروں نے کسی بھی چیز کو ملحوظ خاطر نہیں رکھا ہے اور یہ سڑکیں بنا کر ہمارے ساتھ ظلم کیا ،شہریوں نے وزیر اعلی پنجاب اور حکام بالا سے مطالبہ کیا ہے کہ کرپٹ ٹھیکیداروں کے خلاف سخت ایکشن لینے اور اندرون شہر کی تمام سڑکوں کو شفاف طریقے سے ایمانداروں ٹھیکےداروں سے بنوانے کا مطالبہ کیا ہے