Author: ڈاکٹرغلام مصطفی بڈانی

باغی ٹی وی ،ٹھٹھہ (نامہ نگار راجہ قریشی) پیرنٹس ایکشن کیمیٹی گرلز ھائی سکول مکلی کا سکول کے پلاٹ با اثر قبضہ مافیاء کے خلاف طالبات اور اساتذہ کااحتجاجی مظاہرہ.
تفصیل کے مطابق پیرنٹس ایکشن کمیٹی گورنمنٹ گرلز ھائی سکول مکلی کی جانب سے سکول کے پلاٹ پر با اثر قبضہ مافیاءکے قبضے خلاف سینکڑوں طالبات اور ان کے والدین نے سکول سے لیکر ڈی سی چوک تک احتجاجی ریلی نکالی اور سخت نعری بازی کی، احتجاج میں سیاسی و سماجی اور عام شہری بھی شامل ہوئے ، ایکشن کمیٹی کے سرپرست ڈاکٹر ولی عباسی ،رشید مگسی، گھنور خان زور، حافظ عباسی و دیگرکی نگرانی میں ریلی نکالی گئی اس موقع پر ڈی سی ٹھٹھہ غضنفر علی قادری اور مظاہرین کے درمیان مذاکرات کے بعد احتجاج ختم کیا گیا اورڈی سی نے پلاٹ کے معاملے پر انکوائری کا حکم دے دیا ہے –

باغی ٹی وی ،ٹھٹھہ ( نامہ نگار راجہ قریشی )سینئر صحافی کا موٹرسائیکل چوری،پریس کلب گاڑہو کیٹی بندر کے 36 گھنٹے کے الٹیمیٹم سے پہلے ہی موٹرسائیکل برآمد
تفصیل کے مطابق ضلع ٹھٹھہ گاڑہو کیٹی بندر سے سینئر صحافی عبداللہ رانوکاموٹرسائیکل چوری ہوگیا تھا ،پولیس نے روائتی سستی کامظاہرہ کیا اور ٹال مٹول کرنے لگی ،جس پر پریس کلب گاڑہو کیٹی بندر کے صحافیوں کی طرف سے ایس ایچ او اور ڈی ایس پی گاڑہو کو سینئر صحافی عبداللہ رانو کی چوری شدہ موٹر سائیکل واپس دلوانے کے لۓ 36 گھنٹوں کا الٹی میٹم دیا تھا، اس کے بعد موٹرسائیکل نامعلوم جگہ سے بر آمد ہوگئی ،الٹی میٹم گذرنے سے پہلے ہی نامعلوم جگہ سے 36 گھنٹوں کے الٹی میٹم گذرنے سے قبل موٹرسائیکل کابرآمد ہونااور چورکاگرفتار نہ ہونا بھی پولیس کی کارکردگی پر سوالیہ نشان لگادیا ہے ،ایک سوال تو یہ ہے کہ موٹرسائیکل چور پولیس کے اپنے ہی رکھے ہوئے ہیں یا ان موٹرسائیکل چوروں کی سرپرستی کوئی وڈیرہ کررہا ہے ،جس پر پولیس ہاتھ ڈالنے سے ڈرتی ہے.عوامی وسماجی اور صحافتی حلقوں نے ایس ایس پی ٹھٹھہ، ڈی آئی جی حیدرآباداور آئی جی سندھ سے اصلاح احوال کا مطالبہ کیا ہے.

شیخوپورہ (محمد طلال سے) شرقپور روڈ پر تریڈے والی کے قریب مبینہ پولیس مقابلہ کے دوران ایک ڈاکو ہلاک جبکہ دوسرا ساتھی فرار ہوگیا مقابلے کے دوران ایک راہگیر عطاء محمد بھی شدید زخمی ہوگیا جس کو سول ہسپتال پہنچا دیا گیا ہے مرنے والے ڈاکو کی شناخت بابر دیندار ولد لیاقت دیندار کے نام سے ہوئی ہے جو شیخوپورہ کے علاقہ مورانوالی کا رہائشی تھا ایس پی انویسٹی گیشن عثمان منیر سیفی کے مطابق یہ ڈاکو ڈیڑھ درجن سے زیادہ ڈکیتی اور راہزنی کی وارداتوں میں مطلوب تھا اور ڈاکوؤں کے بین الاضلاعی گروہ کا رکن تھا جس کا بھائی بھی کچھ عرصہ قبل پولیس مقابلے کے دوران گوجرانوالہ میں مارا گیا تھا بابر دیندار کے خلاف ڈکیتی فائرنگ اور راہزنی کے 6 مقدمات تھانہ شرقپور شریف میں درج ہیں زخمی ہونے والا راہگیر عطاء محمد کھوکھر کوٹ محمود کا رہائشی تھا تریڈے والی کے قریب عطاء محمد اور اس کا ساتھی موٹر سائیکل پر اپنے گاؤں جاتے ہوئے پہنچنے تو وہاں پہلے سے موجود دونوں ڈاکوؤں نے ان کو روکنے کی کوشش کی مگر موٹر سائیکل نہ روکنے پر ان کے درمیان فائرنگ کا تبادلہ شروع ہو گیا جس کی اطلاع پا کر پولیس بھی وہاں پہنچ گئی ڈاکو دیگر لٹنے والے راہگیروں کی فائرنگ سے ہلاک ہوا دریں اثناء جی ٹی روڈ پر رانا ٹاؤن کے قریب شہریوں اور ڈاکوؤں کے درمیان فائرنگ کے دوران ایک ڈاکو شدید زخمی ہوگیا جس کو پولیس نے پکڑ لیا ہے پولیس کے ذرائع کے مطابق اس کی شناخت نبیل کے نام سے ہوئی ہے جس کا ساتھی فائرنگ کرتے ہوئے فرار ہوگیا۔

باغی ٹی وی ، جھنگ(عظیم حمید)حکومت پنجاب کے احکامات پر ضلعی انتظامیہ قبضہ مافیہ کے خلاف مسلسل متحرک ہے ۔ڈپٹی کمشنر محمد ارشد بھٹی کی سربراہی میں ضلع بھر میں کروڑوں روپے مالیت کی سرکاری اراضی واگزار کروائی جا رہی ہے۔اس ضمن میں اسسٹنٹ کمشنر غلام سرور نے ریونیو سٹاف کے ہمراہ تحصیل شورکوٹ چک نمبر 412 ج ب میں قبضہ مافیا کے خلاف آپریشن کرتے ہوئے 48 کنال سرکاری زمین واگزار کروائی۔جس کی مالیت 10ملین روپے ہے۔اس موقع پر اسسٹنٹ کمشنر شورکوٹ کا کہنا تھا کہ ڈپٹی کمشنر محمد ارشد بھٹی کی سربراہی میں قبضہ مافیا کے خلاف آپریشن جاری ہے، کسی کو بھی سرکاری جگہ پر قبضہ نہیں کرنے دیا جائے گا۔ ناجائز تجاوزات اور قبضہ مافیا کے خلاف آپریشن بلاتفریق جاری رہیں گے۔اس حوالے سے ڈپٹی کمشنر محمد ارشد بھٹی کا کہنا تھاکہ ضلع کی تمام تحصیلوں کے اسسٹنٹ کمشنرز کو حکومت پنجاب کی ہدایت پر اپنے اپنے علاقوں میں قبضہ مافیا کے خلاف آپریشن تیز کرنے کی ہدایت کی ہے۔ انہوں نے کہا قبضہ مافیا کے خلاف شہری انتظامیہ کو درخواستیں دیں تاکہ ان کے خلاف کارروائی کی جاسکے،انتظامیہ سرکاری اراضی ناجائز قابضین سے واگزار کروانے کے لئے تمام وسائل بروئے کار لا رہی ہے۔

باغی ٹی وی جھنگ(نامہ نگار عظیم حمید) دارلامان خاتون سے ملنے آئے افراد پر نامعلوم ملزمان کی فائرنگ،ایک شخص جاں بحق
جھنگ میں دارلامان خاتون سے ملنے آئے افراد پر نامعلوم ملزمان کی فائرنگ سے ایک شخص جاں بحق ہوگیا عرفان ولد اللہ دتہ قوم کھیڑا سکنہ چک فرازی تحصیل و ضلع مظفر گڑھ ہمراہ محمد اقبال ولد فلک شیر قوم بھٹی سکنہ کبیر والا عدالت سے اجازت حاصل کر کے خاتون سے ملنے دارلامان جھنگ آرہے تھے رکشے پر دارلامان کے باہر پہنچے ہی تھے کہ دو کس نا معلوم ملزمان نے فائرنگ کر دی جس سے عرفان حیدر کے گلے کے قریب چھاتی پر فائر لگنے سے شدید زخمی ہو گیا اور ہسپتال پہنچتے ہی دم توڑ گیا ، پولیس تھانہ کوتوالی نے موقع پر پہنچ کر کارروائی کا آغاز شروع کر دیا ھے ،ایس ایچ او تھانہ کوتوالی کا کہنا ہے کہ نامعلوم ملزمان کو ٹریس کر کے جلد گرفتار کر لیا جائے گا-

باغی ٹی وی، ٹھٹھہ( نامہ نگار راجہ قریشی)ایک اورڈکیتی،عوام نے ڈاکوپکڑے،پولیس کودئے،پولیس نے وڈیروں کے حکم پرچھوڑ دئے
تفصیل کے مطابق ٹھٹھہ کی ساحلی پٹی پرواقع کاروباری مرکز گھارو بھی اب مسلح ڈاکوؤں کے نشانہ پر آگیا ہے ، ڈاکو سر عام شہریوں کو گن پوائنٹ پر لوٹنے لگے ، مسلح ڈاکوؤں نے اسلحہ کے زور پر ڈاکٹر کملیش کمار کو لوٹ لیا ہے ،گھارو کے شہریوں نےڈاکوؤں کو پکڑ کر پولیس کے حوالے کئی تو وہاں کے وڈیروں نے تھانہ میں جاکر پولیس سے مبینہ مک مکا کرکے عوام کے ذریعے پکڑے ڈکیت چھڑا لئے، ٹھٹھہ ضلع میں گذشتہ 24 گھنٹے میں ڈکیتی کی تیسری بڑی واردات ہے پہلی واردات تھانہ ٹھٹھہ کی حدود میں ہوئی جہاں ڈاکوؤں نے گن پوائنٹ پر کراچی سے آنے والے زائرین کے کوسٹرکوروک اسلحہ کے زور موابئل فون ،زیورات،نقدی ودیگرسامان لوٹا ، دوسری واردات میں ڈاکوؤں نے ساکرو میں سوزوکی پک اپ چھین لی اوراب تیسرا ڈکیتی کا واقعہ گھارو شہر میں پیش آیا- ذرائع کا کہنا ہے کہ گھارو شہر میں سرعام ڈاکٹر کملیش کمار کو ڈاکو ہارون کپورانی اور اس کے ساتھیوں نے بندوق کی نوک پر لوٹاجسے عوام نے پکڑ پولیس کے حوالے کیا بعد میں پولیس نے مقامی وڈیروں کے کہنے پر اسے چھور دیا ہے، اب سوال یہ ہے کہ یہ پولیس اسٹیشن ہیں یا وڈیروں کی چاپلوسی کرنے والے قانون کی کالی وردی میں چھپے دلال ہیں جو وڈیروں کے حکم پر سب کچھ کرنے کیلئے ہروقت تیار ہوتے ہیں ضلع ٹھٹھہ کے شہریوں کا پولیس پرسے اعتماد اٹھ گیا ہے ،کیونکہ شہریوں کی جان ومال اور عزت اسلحہ بردارڈکیتوں کے رحم وکرم پر ہے ،کیونکہ پولیس کی کالی بھیڑیں بھی ان گینگز کے ساتھ ملی ہوئی ہیں اگر ان گینگز کے ساتھ پولیس کا تعلق نہ ہوتا توعوام کے ہاتھوں پکڑا گیا ڈکیت ہارون کپورانی سلاخوں کے پیچھے ہوتا اور اب تک نشان عبرت بن چکا ہوتا لیکن پولیس نے اس کے خلاف کوئی قانونی کارروائی کرنے کی بجائے اسے باعزت طریقے سے تھانہ سے رخصت کیا .شہریوں نے ایس ایس پی ٹھٹھہ ،ڈی آئی جی حیدرآباداور آئی جی سندھ سے نوٹس لینے کامطالبہ کیا –