Author: ڈاکٹرغلام مصطفی بڈانی

گوجرخان( باغی ٹی وی/ نامہ نگارشیخساجدقیوم)محض32گھنٹے کے دوران قتل،خود کشی اور کرنٹ لگنے کے الگ الگ 5واقعات میں 2خواتین سمیت5افراد جان گنوا بیٹھے،قتل کا وقوعہ کرم کسوال میں پیش آیاجہاں حبیب کنیال کے رہائشی سبزی وفروٹ تاجرمحمد شبیر کولاتوں اور مکوں سے مار مار کر کے قتل کر دیا،پولیس رپٹ کے مطابق محمد شبیر اپنے بیٹے اور بھانجوں کے ہمراہ سبزی منڈی گوجرخان سے سبزی و فروٹ خریدنے کے بعد جب سوزوکی میں سوار ہوئے توعابد حسین کے تین بیٹوں زرین عابد،محمد فاضل اورعلی قدر وغیرہ زبردستی گاڑی میں بیٹھ گئے اور اپنے گاؤں کے راستہ میں پہنچ کر انہوں نے محمد شبیر کو بُری طرح زودکوب کرتے ہوئے قتل کے بعد راہ فرار اختیار کر لی،کرنٹ لگنے کا وقوعہ میونسپل ٹرک وبس سٹینڈ کے قریب سروس روڈ پر پیش آیا جہاں 12/13بر سے گوجرخان میڈیا سنٹر کے ارد گردہمہ وقت موجود رہنے والی مخبوط الحواس نامعلوم عورت بجلی کرنٹ لگنے سے موقع پر ہی جاں بحق ہوگئی،خود کشی کے وقوعہ کی تفصیلات کے مطابق خاوند سے ناراض3بچوں کی ماں 30سالہ مہوش شہناز کی گھر چھوڑ جانے کے بعد اچانک خودکشی کی اطلاع پر اسکے خاوندچکوال کے محلہ غوثیہ جہلم روڈ کے رہائشی36 سالہ رضوان منیر ولد محمد منیرنے بھی گلے میں پھندہ ڈال کر خودکشی کرلی،رضوان کی خود کُشی کا وقوعہ گوجرخان کے غربی قصبہ دولتالہ میں حبیب بنک کے قریب مارکیٹ کی چھت پراسکے رہائشی کمرہ میں رونما ء ہوا،بتایا گیا ہے کہ میاں سے نزعی حد تک لڑائی جھگڑاکے بعد مہوش تھانہ دھمیال راولپنڈی کے علاقہ بنی سٹاپ میں رہائش پذیر تھی اوراس نے وقوعہ سے کچھ ہی دیر قبل خاوند سے فونک گفتگو کی اور خودکشی کر لی

باغی ٹی وی ،ٹھٹھہ ( نامہ نگار راجہ قریشی)سیلاب متاثرین کے گھروں کا،سروے %80 ہوگیا ہے جہاں سروے رہ گیا ہے وہاں مکمل کرائیں گے صوبائی وزیر اقیلتی امور جھامن داس
تفصیل کے مطابق اقیلیتی امور کے صبائی وزیر جھامن داس نے سینئیر صحافی ، تاجر برادری اور ہندو برادری جے رہنما جھامن داس سے ان کی والدہ کی وفات پر تعزیت کی، اس موقع پر انہوں نے میڈیا سے بات کرتے ہوئے کہا کہ صوبائی حکومت نے گھر گھر سروے کا کام %80 مکمل کرلیا ہے باقی سروے جلد مکمل کرلیا جائے گا انہوں نے کہا کہ پپلز پارٹی بلدیاتی الیکشن کے لئے تیار ہے ہم الیکشن کریں گے انہوں نے کہا کہ ٹھٹھہ سے جھمپیر تک روڈ کی تعمیر کے لئے وہ وزیر اعلیٰ کو پرپوزل دیں گے اور اسعوڈ کی تعمیر کی پوری کوشش کریں گے

گوجرہ، باغی ٹی وی (.عبد الرحمن جٹ ) موٹر سائیکل کی ٹکر سے12سالہ نامعلوم بچہ شدید زخمی، الائیڈ ہسپتال فیصل آباد ریفر
تفصیل کے مطابق موٹر سائیکلوں کی ٹکر سے بارہ سالہ نامعلوم بچہ شدید زخمی ہو گیا۔معلوم ہواہے کہ ایک بارہ سالہ نامعلوم بچہ موٹر سائیکل پر سوارلاری اڈاکے قریب جا رہا تھاکہ مخالف سمت سے آنیوالے نامعلوم تیز رفتار موٹر سائیکل سے ٹکر ہو گئی جس کے نتیجہ میں وہ شدیدزخمی ہو گیا جسے فوری طور پر تحصیل ہیڈ کوارٹرزہسپتال منتقل کیاگیاجہاں سے اسے مخدوش حالت کے پیش نظر الائیڈ ہسپتال فیصل آبادریفر کر دیاگیا آخری موصولہ اطلاعات کے مطابق اس کی حالت تشویش ناک بیان کی جاتی ہے جبکہ ابھی تک اس کی شناخت نہیں ہو سکی ہے۔

گوجرہ باغی ٹی وی(نامہ نگار عبد الرحمن جٹ) نامعلوم چور 2 دکانوں میں نقب لگا کر کھاد اور کریانہ کا سامان لے اُڑے
تفصیل کے مطابق نامعلوم چورکھاد کی دکان کی دیوار کو نقب لگاکرکرہزاروں روپے مالیتی کھادکی بوریاں چوری کر کے فرارہوگئے۔جبکہ کریانہ سٹورکی چھت پھاڑکر ہزاروں روپے کی نقدی وسامان سمیٹ لیا۔معلوم ہواہے کہ نواحی چک نمبر95ج ب کے محمد ناصرنے چک نمبر362ج ب اڈاکوریاں پرکھادکی دکان بنارکھی ہے جسے وہ حسب معمول بند کر کے گھر چلا گیاکہ رات کے اوقات میں نامعلوم چور اس کی دکان کی دیوار پھاڑکر اندرسے51بورے مالیت تقریبا63ہزارروپے چوری کر کے فرارہو گئے۔علاوہ ازیں چک نمبر92ج ب کے محمد اقبال فوجی نے اڈا دواکھڑی پر عوامی کریانہ سٹوربنا رکھاہے جسے وہ رات کے وقت بند کر کے گھر چلاگیا جس کی عدم موجود گی میں نامعلوم چور دکان کی چھت پھاڑکر اندر سے45ہزارروپے کی نقدی وقیمتی سامان چوری کر کے فرارہو گئے، صدرپولیس گوجرہ کو وارداتوں سے آگاہ کر دیاہے۔تاحال کسی مقدمہ کے اندراج کی اطلاع موصول نہیں ہو سکی۔

باغی ٹی ،بہاولنگر(محمد عرفان نامہ نگار) ایک روزہ پاکستان لائف سیورپروگرام کے حوالہ سے تربیتی ورکشاپ کا اہتمام
تفصیل کے مطابق پاکستان لائف سیورز پروگرام (PLSP )کمیونٹی سیفٹی ونگ پنجاب ایمرجنسی سروس ڈیپارٹمنٹ ریسکیو 1122 بہاولنگر نے دانش پبلک سکول(گرل) چشتیاں میں ایک روزہ پاکستان لائف سیورپروگرام کے حوالہ سے تربیتی ورکشاپ کا اہتمام کیا جس میں دانش پبلک سکول(گرل) چشتیاں کے ٹیچرز کوخون کے بہاو کو روکنے، دل اور پھیپھڑوں کی بحالی، آگ لگنے کی صورت میں فائر ایکسٹینگویشر کو استعمال کرنےاور کسی بھی ایمرجینسی صورتحال میں ریسکیو 1122 میں رابطہ کرنے iکے بارے لیکچر اور عملی مشق کروائئ گئی. پنجاب ایمرجنسی سروسز ڈیپارٹمنٹ ریسکیو 1122کا مقصد محفوظ بہاول نگر کا قیام ہے

باغی ٹی وی:شیخوپورہ (محمد طلال سے ) شیخوپورہ کے سرکاری اداروں کے سربراہان اور دیگر عملہ وقت مقررہ پر دفتر آنے کی بجائے 12بجے کے بعد دفتر آتے ہیں اور ایک دو گھنٹے گپ شپ لگانے کے بعد نام نہاد دوروں میٹنگز کا بہانہ بناکر رفو چکر ہو جاتے ہیں جس سے دفاتر میں آنے والے سائلین خوار ہو نے لگے ہیں اور اکثر دور دراز سے آنے والی خواتین بزرگوں کو ایک معمولی سا کام کروانے کیلئے کئی کئی روز دفتر کے چکر لگانے پڑ رہے ہیں کوئی بھی ادارہ ان سرکاری افسران کو دفتر کی ٹائمنگ کی پابندی کروانے کیلئے کام نہیں کررہاجبکہ ضلع کے ڈپٹی کمشنر اور اسسٹنٹ کمشنر صاحبان بھی دفتر میں وقت مقررہ پر نہیں آتے اور لیٹ آنے کے بعد دفتری ٹائمنگ میں مختلف میٹنگز دورے کرتے ہیں جس سے دور دراز سے آنے والے سائلین کو ملاقات کیلئے وقت نہیں ملتا اور وہ مایوس ہو کر واپس گھروں کو روانہ ہو جاتے ہیں اس سنگین صورتحال پر ڈسٹرکٹ بار ایسوسی ایشن کے سابق جنرل سیکرٹری چوہدری طاہر شہزاد کمبوہ ایڈووکیٹ نے چیف سیکرٹری پنجاب،کمشنر لاہور ڈویژن سے مطالبہ کیا ہے کہ سرکاری افسران کو اپنے دفاتر میں وقت مقررہ پر پہنچ کر لوگوں کے مسائل حل کرنے کی ہدایت کی جائے اور بغیر اطلاع کے ان افسران کی دفتروں میں ٹائم کی چیکنگ کیلئے چھاپے مار ے جائیں۔

باغی ٹی وی:شیخوپورہ (محمد طلال سے) شیخوپورہ شہر اور گردونواح میں ٹریفک کے بڑھتے ہوئے حادثات میں بے گناہ لوگوں کی اموات اور زخمیوں کی تعداد میں دن بدن اضافہ ہوتا چلا جارہا ہے ٹریفک پولیس ٹریفک کو کنٹرول کرنے کی بجائے شاہراہوں چوکوں چوراہوں میں ڈیوٹی کرنے کی بجائے اردگردکی دوکانوں اور اپنے مخصوص اڈوں پر بیٹھ کر شام کو چلے جاتے ہیں شہر میں اکثر موٹرسائیکل رکشہ منی ٹرک کوسٹر بسوں کے ڈرائیوروں کے پاس لائسنس بھی نہیں ہے اور ان کی عمریں بھی کم بتائی جاتی ہیں شہر میں موٹرسائیکل رکشہ،موٹرسائیکل کے حادثات میں نمایاں اضافہ ہوا ہے ڈسٹرکٹ بار کے سینئر ممبر قربان علی سدھو ایڈووکیٹ نے اظہار خیال کرتے ہوئے کہاکہ ڈی ایس پی ٹریفک نہ تو ٹریفک کنٹرول کرتے ہے اور نہ ہی اپنے اہلکاروں کو کنٹرول کر رہے ہیں شہر میں ٹریفک کی صورتحال انتہائی ابتر ہو چکی ہے کوئی پولیس آفیسر ٹریفک پولیس اہلکاروں کو صحیح ڈیوٹی نہ کرنے پر سرزنش بھی نہیں کر رہے جس کی وجہ سے ٹریفک پولیس کے بعض اہلکار بے لگام ہو چکے ہیں اور ان کا کام اڈوں سڑکوں پر چلنے والی گاڑیوں سے مبینہ طور پر بھتہ وصول کرنا ہے انہوں نے بتایا کہ ٹریفک پولیس کی ماہانہ کرپشن آمدنی 80لاکھ سے بھی تجاوز کر چکی ہیں انہوں نے انسپکٹر جنرل پولیس،ڈی آئی جی ٹریفک،ایس پی ٹریفک اور ڈی پی او شیخوپورہ سے مطالبہ کیا ہے کہ شیخوپورہ میں ٹریفک کی صورتحال کو کنٹرول کرنے کیلئے ایماندار فرض سناش ٹریفک اہلکاروں کو تعینات کیا جائے۔