Author: ڈاکٹرغلام مصطفی بڈانی

باغی ٹی وی ،ڈیرہ اسماعیل خان(نامہ نگار)تھانہ کینٹ کی حدود میں تیزرفتار گاڑی کی ٹکر سے دوافرادزخمی ،کینٹ پولیس نے ملزم کے خلاف مقدمہ درج کرکے تفتیش شروع کردی ، واقعے کے بعد ملزم فرارہونے میں کامیاب ہوگیا ۔ تفصیلات کے مطابق تھانہ کینٹ میں مدعی شیکرملک ولد یاتوخان قوم ملک سکنہ محلہ جوگیانوالا نے رپورٹ درج کرائی ہے کہ رات نوبجے میں اوربھتیجاموٹرسائیکل پر روانہ تھے کہ موٹرکارنمبرATX850کے ڈرائیورکی تیزرفتاری کی وجہ سے ہمیں ٹکر ماردی جس سے لگ کر میں اورمیرابھتیجا زخمی ہوئے ہیں اورہمارے موٹرسائیکل کابھی نقصان ہواہے ۔ تھانہ کینٹ پولیس نے ملزم کے خلاف مقدمہ درج کرکے ملزم کی تلاش شروع کردی ہے
کینٹ پولیس نے جعلی چیک دینے پر ملزم کے خلاف مقدمہ درج کرکے تفتیش شروع کردی ہے ۔ تفصیلات کے مطابق تھانہ کینٹ میں مدعی عبدالوہاب ولد اسلم راجپوت سکنہ محلہ چمن چوک نے رپورٹ درج کرائی ہے کہ ملزم امتیازاحمدولد غلام رسول بلوچ سکنہ کیچ نے کاروباری لین دین پر 35لاکھ روپے کا جعلی چیک دیا جوکیش نہ ہوسکا۔تھانہ کینٹ پولیس نے مدعی کی رپورٹ پر ملزم کے خلاف دھوکہ دہی اورفراڈ کامقدمہ درج کرکے تفتیش شروع کردی ہے ۔
ڈی ایس پی کینٹ کی قیادت میں ایس ایچ او گل شیر نے زکوڑی قبرستان کے قریب ملزم ایوب ولد اسماعیل سکنہ بستی درکھانوالی سے 214گرام چرس برآمدکرکے مقدمہ درج کرلیا ،کینٹ پولیس نے ملزم کوگرفتارکرکے پابندسلاسل کردیا
لین دین کے تنازعہ پر تھانہ کینٹ کی حدودبستی گھائیانوالی میں باپ کی 2 بیٹوں کے ہمراہ مخالف سے گالم گلوچ اور مارپیٹ، ملزم راشد نے قتل کی نیت سے چاقو کے وار سے زخمی کردیا، پولیس نے زخمی شخص کی رپورٹ پر مقدمہ درج کرلیا۔
تھانہ کینٹ پولیس نے پچاس لاکھ روپے کا جعلی چیک دینے پر ملزم کے خلاف مقدمہ درج کرلیا ،ملزم فرارہونے میں کامیاب ۔ تفصیلات کے مطابق تھانہ کینٹ میں مدعی اسفندیار ولدسیف الرحمان سکنہ مجیدآباد نے رپورٹ درج کرائی کہ اراضی کے لین دین کے تنازعہ پر ملزم عبدالغفورقریشی ولد بدرالدین نے پچاس لاکھ روپے کا جعلی چیک دیا جوکہ کیش نہ ہوسکا ۔کینٹ پولیس نے ملزم کے خلاف جعلی چیک کا مقدمہ درج کرکے تفتیش شروع کردی ہے
تھانہ چودھوان میں لکڑیاں کاٹنے کے تنازعہ پر خاتون پر تشدد،تھانہ چودھوان میں ملزم کے خلاف مقدمہ در ج کرکے تلاش شروع کردی گئی ہے ۔ تفصیلات کے مطابق تھانہ چودھوان میں مدعیہ غزالہ بی بی دخترسلطان شاہ قوم سید سکنہ چودھوان نے رپورٹ درج کرائی ہے کہ ملزم میرے گھر میں داخل ہوا اورمجھے پکڑکرزدوکوب کیاجس سے میری عفت میں خلل پڑا ۔ وجہ عداوت لکڑیاں کاٹنے پر ہواہے ۔ تھانہ چودھوان پولیس نے ملزم کے خلاف مقدمہ درج کرکے تفتیش شروع کردی ہے
ڈی ایس پی کڑی خیسورکی قیادت میں آئی ایچ سی قیصرعباس نے ملزم آصف ولد غلام رسول آرائیں سکنہ جھوک ماچھی سے ایک پستول تیس بور بمعہ دس کارتوس برآمدکرکے گرفتارکرلیا۔ ڈیرہ کے عوامی سماجی حلقوں کا ڈی پی او ڈیرہ شعیب خان کو ناجائز اسلحہ کے خلاف کاروائیوں کے احکامات پر زبردست الفاظ میں خراج تحسین پیش ۔

باغی ٹی وی : رحیم یارخان میں انوکھاواقعہ،استانی نے نشہ آورچیزکھلاکربچے سے زیادتی کی ،ویڈیوبناکر بلیک میل کیا،استانی کے خلاف مقدمہ درج کرلیاگیا۔خیال رہے کہ پاکستان میں بچوں کے ساتھ زیادتی ،اغواء اورقتل کے واقعات مسلسل رپورٹ ہورہے ہیں ۔
تفصیل کے مطابق مقامی اخبارروزنامہ نیاکل ملتان نے ایک خبر شائع کی ہے کہ رحیم یارخان میںایک انوکھاواقعہ رونما ہواہے جس میںایک خاتون ٹیچرکے خلاف 12سالہ بچے سے زیادتی کامقدمہ درج کرلیا گیا ہے ،جناح پارک رحیمیارخان کے رہائشی زوہیب احمدنے تھانہ بی ڈویژن میں مقدمہ درج کرایا ہے،مقدمے کے اندراج کیلئے دی گئی درخواست میں مئوقف اختیارکیا گیا کہ لیڈی ٹیچرنے اس کے بھائی کو نشہ آورچیزکھلاکربے ہوش کیااور پھراس سے زیادتی کی جب کہ متعددباراس کی ویڈیوبناکربلیک میل کیا۔ پولیس نے مقدمہ درج کرکے تفتیش شروع کردی ہے۔خیال رہے کہ پاکستان میں بچوں کے ساتھ زیادتی ،اغواء اورقتل کے واقعات مسلسل رپورٹ ہورہے ہیں ،جس نے والدین کی لاپرواہی اورپولیس کی کارکردگی پر بھی سوالات اٹھادئے ہیں،گذشتہ ماہ پنجاب کے ضلع قصورکی تحصیل چونیاں میں بچوںکے بعدقتل کے واقعات سامنے آئے تھے جہاں پرچاربچے اغواء کے بعدقتل کئے گئے اور تین ماہ پہلے بھی چاربچے پراسرارطورپرلاپتہ ہوئے تھے۔

باغی ٹی وی ،جھنگ(عظیم حمید نامہ نگار) جھنگ پولیس کی طرف سے پاکستان تحریک انصاف کی ریلیوں و جلسہ کیلئے سکیورٹی کے فول پروف انتظامات مکمل کر لئے گئے ۔ 2 ہزار سے زائد پولیس افسران و جوان ڈیوٹی کے فرائض سر انجام دیں گے ۔ شرکاء کو 3 لیئرز سکیورٹی چیکنگ کے بعد داخلے کی اجازت ہوگی ۔ ریلیوں و جلسہ کی فول پروف سکیورٹی یقینی بنانے کیلئے سکیورٹی پوائنٹس اور روٹس کو 8 سیکٹرز میں تقسیم کیا گیا ھے ۔ جلسہ اور اطراف کی سکیورٹی کیلئے سی سی ٹی وی کیمرے نصب کئے گئے ہیں اور کنٹرول روم کا قیام بھی عمل میں لایا گیا ھے ۔ ریلیوں و جلسہ کی ڈرون کیمروں کے ذریعے مانیٹرنگ بھی کی جائے گی ۔ جلسہ گاہ اور اطراف میں اونچی عمارتوں پر ایلیٹ فورس کے سنائپرز تعینات کئے گئے ہیں ۔ کسی بھی ایمرجنسی صورتحال سے نمٹنے کیلئے پولیس لائن جھنگ میں ریزرو ہائے سٹینڈ بائی ہوں گی ۔ شاہراہوں پر ٹریفک کی روانی اور آمدو رفت کیلئے ٹریفک سٹاف بھی تعینات کیا گیا ھے۔ ڈی پی او جھنگ محمد راشد ہدایت کی طرف سے پولیس افسران و جوانوں کو پولیس لائن جھنگ میں بریفنگ دی گئی ھے کہ جملہ افسران اپنی ڈیوٹی الرٹ ہو کر سر انجام دیں۔ اس سلسلہ میں ڈی پی او جھنگ کی طرف سے سپروائزری افسران کو ہدایت کی گئی ھے کہ الرٹ ڈیوٹی کو ہر صورت یقینی بنائیں گے

باغی ٹی وی ،ٹھٹھہ( راجہ قریشی نامہ نگار) مکلی میں ایک آوارہ فیک آئی ڈی سے معززگھرانے کی پرائیویٹ ٹیچرکوبلیک میل کرنے کا انکشاف
تفصیل کے مطابق مکلی میں ایک آوارہ فیک آئی ڈی سے معززگھرانے کی پرائیویٹ ٹیچرکوبلیک میل کرنے کا انکشاف ہوا ہے ،بلیک میلر نے قریشی نام کی ایک فیک آئی ڈی بنائی ہوئی ہے جس کے ذریعے ایک پرائیویٹ سکول کی معززگھرانے کی ٹیچرلڑکی کو جعلی فحش تصویریں اپ لوڈ کر کے وائرل کردی ہیں جس کی وجہ لڑکی سخت دباؤ اور ڈپریشن کا شکار ہوکر بسترکولگ چکی ہے اس علاوہ اسی فیک آئی ڈی سے ڈیسینٹ اسکول ترکی کالونی کو بھی بدنام کررہاہے ،جس میں اس الزام لگایا ہے کہ ڈیسینٹ سکول ٹیچرز طالبات کی ساتھ ریپ کرتے ہیں ،لیکن افسوس سکول کی انتظامیہ نے اتنے بڑے الزام پر کوئی نوٹس نہیں لیا،واضح رہے کہ بلیک میلنگ کی وجہ سے ڈپریشن کا شکار ٹیچر لڑکی بھی اسی سکول میں پڑھاتی ہے اس انتہائی حساس معاملے پر ڈیسینٹ سکول کی انتظامیہ پر اسرار طور مجرمانہ خاموشی نے کئی سوالات کو جنم دیا ہے، اورذرائع مزید معلوم ہوا ہے کہ اس اوباش نے اور بھی کئی لڑکیوں کو بلیک میل کر کےان کی زنگیاں تباہ کرچکا ہے ، متاثرہ لڑکی کہنا ہےکہ اس بلیک میلر نے میرے نام سےکئی فیک آئی ڈیز بناکر میسینجر پر بے ہودہ اور اخلاق باختہ میسجز مذکورہ شخص نے مجھے بھیج کر بدنام اور رسواء کرنے کی کوشش کی ہے اس سے میرا کوئی بھی تعلق نہیں میرے پاس ٹچ موبائل بھی نہیں ہے ، متاثرہ لڑکی اور اس کی والدہ نے ایس ایس پی ٹھٹھہ سے مذکورہ فیک آئی ڈی والے آوارہ کوٹریس کر کے اس کے خلاف سخت کارروائی کی جائے .

باغی ٹی وی:شیخوپورہ (محمد طلال سے) شیخوپورہ وگردونواح میں غیر رجسٹرڈ گاڑیوں کی بھرمار،جعلی نمبر پلیٹ لگا کر استعمال کی جانے لگی،چنگ چی رکشہ پھٹہ رکشہ،ان ٹرینڈ کم عمر ڈرائیورز نہ شناختی کارڈ نہ لائسنس نہ نمبر پلیٹ نہ رجسٹریشن مگر شہر بھر کی سڑکوں پروند ناتے پھرتے ہیں جو حادثات کا سبب بھی بن رہے ہیں،مگر افسوس ہے کے کوئی پوچھنے والا نہیں ٹریفک وارڈن شیخوپورہ بائی پاس بتی چوک لوڈنگ ٹرک چنگ چی رکشہ کو روک کر ڈیہاریاں لگانے میں مصروف نظر آتے ہیں،اور محکمہ ایکسائز سمیت دیگر متعلقہ حکام خاموش تماشائی بن گئے، بغیر نمبری موٹر سائیکل چنگ چی رکشہ پھٹہ رکشہ سمیت بڑی گاڑیاں ودیگر کا کئی سالوں سے ٹیکس کی عدم ادائیگی پر لاکھوں کا نقصان ہونے لگا۔ذرائع کے مطابق شیخوپورہ میں غیر رجسٹر گاڑیوں کی بھر مار ہو گئی ہے،اکثریت بغیر نمبر پلیٹ،پولیس کی نمبر پلیٹ،سرکاری نمبر پلیٹ یا اپلائیڈ فار نمبر پلیٹ کی بھر مار ہے اور بااثر افراد غیر رجسٹر گاڑیاں چلا رہے ہیں۔