Author: ڈاکٹرغلام مصطفی بڈانی

باغی ٹی وی ،ٹھٹھہ(راجا قریشی نامہ نگار) محکمہ زراعت بند ،ملازمین گھر بیٹھے تنخواہیں لینے لگے کر،عمارتوں کی دیکھ بھال کیلئے صرف چندملازمین کی حاضری
تفصیلات کے مطابق پاکستان ایک زرعی ملک ہے ،اس کی 70فیصد آبادی دیہاتوں میں رہتی ہے اور بیشترلوگوں کی زندگی کادارومدار زراعت پر ہے اور زراعت کوہی پاکستان کی ریڑھ کی ہڈی کہا جاتا ہے لیکن ٹھٹھہ میں یہ سب الٹ ہوچکا ہے ،جس محکمہ نے کسانوں کی فصلوں کی کاشت سے برداشت تک کے مراحل کی راہنمائی کرنی تھی اور پیداوار بڑھانے کے طریقے بتانے تھے،فیلڈآفیسر سے لیکرڈپٹی ڈائریکٹرتک کے تمام ذمہ داران کا پاکستان کی ریڑھ کی ہڈی کی مضبوطی یعنی زراعت کی ترقی میں اہم کردار ہوتا ہے لیکن ٹھٹھہ میں الٹی گنگا بہنے لگی کرپشن وہوس زرنے محکمہ زراعت کی بنیادیں کھوکھلی کرڈالیں،اس وقت محکمہ زراعت کے آفس میںتقریباََ 100 کے قریب ملازم ہیں اتنی بڑی تعداد میں ملازم ہونے کے باوجود صرف چار سے پانچ ملازمین کا دفترآنابہت سے سوالات کو جنم دیتا ہے جوکہ تمام ملازمین گھر بیٹھے تنخواہیں لے رہے ہیںذرائع کاکہناہے کہ جوملازمین ڈیوٹی پر نہیں آتے اور اپنے گھروں میں یاکوئی دوسرے کاروبار میں مصروف ہیں وہ اپنی تنخواہ میں سے ماہانہ کی بنیاد پر ہیڈکلرک ،اکائونٹنٹ اورڈپٹی ڈاریکٹرزراعت کو باقاعدہ منتھلی دیتے ہیں،مبینہ طور پرکرپٹ آفیسر کی وجہ سے محکمہ زراعت ٹھٹھہ تباہی کے دہانے پہنچ چکا ہے ،عوامی وسماجی حلقوںاور کسانوں نے پاکستان کی معیشت میں ریڑھ کی ہڈی زراعت کومزیدتباہی سے بچانے کیلئے سیکرٹری زراعت سندھ،چیف سیکرٹری سندھ اور وزیراعلیٰ سندھ سیدمرادعلی شاہ نوٹس لینے کامطالبہ کیا ہے۔

با غی ٹی وی ،جھنگ (عظیم حمید نامہ نگار)اسد عمر کا جھنگ میں پاور شو ناکام ،3 ایم این اے ،6 ایم پی اے 4 ہزار کرسیاں بھی نہ بھر سکے
تفصیل کے مطابق جھنگ پی ٹی آئی کے تین ایم این اے چھ ایم پی اے پاور شو کرنے میں نا کام شفقت شہید گراؤنڈ میں اسد عمر جنرل سیکرٹری پی ٹی آئی کا جلسہ بری طرح ناکام پنڈال میں چار ہزار کرسیاں لگانے کا دعویٰ مقامی تنظیم نے کیا ھے تاھم کرسیاں بھرنے میں تین ایم این اے ،چھ ایم پی اے اور تحریک انصاف کی تنظیم ناکام ھوگئی ھے کیونکہ جلسہ عوامی توجہ حاصل نہ کرسکا،پی ٹی آئی کے مرکزی سیکرٹری اسد عمر کی آمد کے موقع پر جھنگ کو چارو طرف سے بند کردیا گیا جھنگ گوجرہ پاٹک بند ،کچہری چوک بند ،کالج چوک بند، اسٹیشن چوک بند، چوبرجی چوک بند ،جھنگ پورے کا پورا بند رہا ،جھنگ کے عوام کے راستے ہر طرح سے پورا دن بند رہے آج جھنگ کے لوگوں کو اپنے ہی گھروں کو جیل بنا کر پورا دن گزارا.

باغی ٹی وی ضلع سجاول (یاسر علی پٹھان) پیرا میڈیکل اسٹاف اور ڈاکٹروں نے کراچی میں مظاہرین پر تشدد کے خلاف پبلک پارک سے پریس کلب تک احتجاجی ریلی نکالی
تفصیل کے مطابق سجاول میں پیرا میڈیکل اسٹاف اور ڈاکٹروں کی جانب سے کراچی میں مظاہرین پر تشدد کے خلاف پبلک پارک سے پریس کلب تک احتجاجی ریلی نکالی گئی جس کی قیادت ڈاکٹر عثمان سرویچ، ڈاکٹر انور میمن، فہیم میمن، منظور لغاری، سلیمان منارو، سکینہ بوبک پی ٹی آئی رہنما ممتاز شاھ اور دیگر نے کی احتجاج کرنے والے شرکاء نے سندھ حکومت کے خلاف شدید نعرے بازی کی اجتجاج کرنے والے شرکاء کا کہنا تھا کے پر امن احتجاج ہر پاکستان میں رہنے والے شہری کا جمہوری حق ہے پر امن مظاہرین پر لاٹھیاں برسانا کہاں کا انصاف ہے
کراچی میں پولیس کی جانب سے احتجاج کرنے والے پیرا میڈیکل اسٹاف پر تشدد شرمناک عمل ہے اگر ہمارے جائز مطالبات تسلیم نہیں کیئے گئے تو ایمرجنسی اور لیبر روم کا بھی بائیکاٹ کیا جائے گا انہوں کا مذید کہنا تھا کہ فوری طور پر گرفتار رہنماؤں کو رہا کیا جائے اور ڈاکٹرز اور پیرا میڈیکل اسٹاف کا رسک الاؤنس فل فور بحال کیا جائے۔

باغی ٹی وی ،چونیاں (عدیل اشرف نامہ نگار)یوتھ اسمبلی فار ہیومن رائٹس کی ٹیم کا تحصیل ڈسکہ کا دورہ سیلاب زدگان پر فنڈنگ کر نے والی فاؤنڈیشنز میں انعامات تقسیم کیے۔
تفصیل کے مطابق انسانی حقوق کی عالمی تنظیم یوتھ اسمبلی فار ہیومن رائٹس کے مر کزی صدر با بر سلہری، کوارڈینیٹر سنٹرل پنجاب اٗسامہ رانا اور چیرمین ضلع سیالکوٹ راناعابد نے ڈسکہ کا دورہ کیا جس میں انہوں نے انسانی حقوق پر کام کر نے والی سول سو سائٹی تنظیموں جن میں ساوتھ پنجاب میں غریب عوام اور سیلاب زدگان کو پانی کے فری فلٹریشن پلانٹ اور گھر بنا کر دینے والی تنظیم پیغام فانڈیشن، غریب اور یتیم بچوں کی تعلیم کے لیے تحصیل ڈسکہ میں چودہ فری سکول قائم کر نے اورسیلاب زدگان کے لیے فنڈنگ کر نے کے ساتھ ساتھ فری لنگر خانہ قائم کر نے والی تنظیم نیکی فاونڈیشن، نشے کے عادی نوجوانوں کے فری علاج لیے پاکستان کا ایک بڑا سنٹر قائم کرنے اور سیلاب زدگان کے لیے بڑئے پیمانے پر فنڈنگ و تھیلسیمیاں کے مریض بچوں کو فر ی بلڈ ڈو نیٹ کر نے والی تنظیم ینگ بلڈ فو نڈیشن ڈسکہ، سیلاب زدگان کے لیے فنڈینگ کرنے اور غریب عوام کو فری ادویات تقسیم کر نے والی تنظیم قادری ویلفیر فاونڈیشن ڈسکہ کا دورہ کیا۔ مر کزی صدر بابر سلہری نے تنظیمی صدور سے بر یفنگ بھی لی اور ملک و قوم کی خدمت پر تعریفی سر ٹیفکیٹ بھی دیے۔اس مو قع پر بابر سلہری نے کہا ایسی سول سو سائٹی تنظیمں ملک کا قیمتی اثاثہ ہیں اور ہمیں ان کی قدر کر نی چاہے۔

باغی ٹی وی ڈیرہ اسماعیل خان(نامہ نگار)پڑھالکھاخیبرپختونخواہ کے دعوے ٹھاہ ،ضلع ڈیرہ اسماعیل خان میںسیکنڈٹائم شفٹ کیلئے بھرتی ہونے والے اساتذہ کئی کئی ماہ سے تنخواہوں سے محروم ، واضح رہے کہ جنوری 2022سے سیکنڈ شفٹ شروع ہے اوراساتذہ بچوں کو تعلیم کے زیور سے آراستہ کر رہے ہیں مگران کے حقوق ادانہیں کیے گئے ہیں اورانہیں تنخواہوں کی ادائیگیاں نہیں ہوئی ہیں۔ ڈیرہ میں سیکنڈشفٹ کیلئے بھرتی ہونے والے چاروں سکولوں میں کسی بھی اساتذہ کو تنخواہ نہیں ملی ہے اور پچھلے پانچ مہینوں سے سیکنڈ ٹائم شفٹ کے لیے بھرتی ہونے والے اساتذہ تنخواہوں سے محروم ہیں۔تفصیلات کے مطابق ضلع ڈیرہ اسماعیل خان میںپڑھالکھاخیبرپختونخواہ کے دعوے ٹھاہ ہوگئے ہیں۔محکمہ تعلیم میںسکولوں میںسیکنڈٹائم شفٹ کیلئے بھرتی ہونے والے اساتذہ کوپانچ مہینوں سے تنخواہوں کی ادائیگی نہیں ہورہی ہے۔ واضح رہے کہ جنوری 2022سے سکولوں میںسیکنڈ شفٹ شروع ہے اوراساتذہ بچوں کو تعلیم کے زیور سے آراستہ کر رہے ہیں مگران کے حقوق ادانہیں کیے جارہے ہیں۔ضلع ڈیرہ اسماعیل خان میں سیکنڈشفٹ کیلئے بھرتی ہونے والے چاروں سکولوں کے کسی اساتذہ کو تنخواہ نہیں ملی ہے اور پچھلے پانچ مہینوں سے سیکنڈ ٹائم شفٹ کے لیے بھرتی ہونے والے اساتذہ تنخواہوں سے محروم ہیں۔متاثرہ اساتذہ نے کہاہے کہ ہمیں ڈسٹرکٹ ایجوکیشن آفیسر مسرت حسین بلوچ ،ڈپٹی ڈی او ڈاکٹر عاصم سعید اورایس ڈی ای او ڈاکٹر عبدالحفیظ جویانے امید دلائی ہے کہ ان کی کوششوں ہے دسمبر تک تمام پیسے آجائیں گے ہمیں برداشت کرنا پڑے گا اور صبر کا دامن ہاتھ سے نہیں چھوڑنا چاہیے ۔متاثرہ اساتذہ نے کہاہے کہ ہمیں احتجاج پر مجبورنہ کیاجائے اورتنخواہوں کی ادائیگی کی جائے تاکہ ہم معمولات زندگی جاری رکھ سکیں۔