Author: ڈاکٹرغلام مصطفی بڈانی

باغی ٹی وی:شیخوپورہ (محمد طلال سے)ضلع کونسل شیخوپورہ میں 51کروڑ روپے مالیت کے 60ترقیاتی کاموں کی میرٹ پر اوپن نیلامی کی بجائے افسران نے بندر بانٹ کرکے سرکاری خزانے کو کروڑوں روپے کا ٹیکہ لگا دیا ہے، پروفیشنل ٹھیکیداروں نے اس لاقانونیت پر شدید احتجاج کرتے ہوئے ا ن ترقیاتی کاموں کی از سر نو نیلامی کا مطالبہ کیا ہے اور ان کا کہنا ہے کہ چیف آفیسر احسن عنایت سندھو نے سیاسی دباؤ اور اپنے من پسند ٹھیکیداروں سے لاکھوں روپے کے عوض ملی بھگت کرکے انہیں غیر قانونی طور پر ٹینڈر جاری کئے ہیں جو کہ وزیر اعلیٰ پنجاب کی میرٹ پالیسی کی دھجیاں بکھیرنے کے مترادف ہے، بتایا گیا ہے کہ پی ٹی آئی سے تعلق رکھنے والے ایک ایم این اے اور چار ارکان صوبائی اسمبلی کو مجموعی طور پر 51کروڑ روپے کے فنڈز جاری کئے جس میں گلیوں کی پی سی سی اور سڑکات کی تعمیر و مرمت کے 60کے قریب منصوبہ جات شامل ہیں ضلع کونسل کے چیف آفیسر نے ان ترقیاتی کاموں کے اجراء پر سو سے زائد ٹھیکیداروں سے درخواستیں وصول کیں مگر انہیں ٹینڈرز فار م جاری نہ کئے گئے اور بندکمرے میں ان ترقیاتی کاموں کو سیاسی اثر و رسوخ اور مبینہ طور پر مک مکا کرکے لاکھوں روپے پول کے عوض چہیتے ٹھیکیداروں کو ترقیاتی کام الاٹ کردیئے گئے جس سے سرکاری خزانے کو بھی کروڑوں روپے کا نقصان پہنچا ہے، ٹھیکیداروں نے اس صورتحال سے ڈپٹی کمشنر شیخوپورہ کو بھی آگاہ کیا مگر انہوں نے بھی اس پر کوئی نوٹس نہ لیا جبکہ ان ترقیاتی کاموں کی مد میں محکمہ کے افسران اور ٹھکیداروں نے مجموعی طور پر 13فیصد پول وصول کیا ہے جو کہ کروڑوں روپے میں بتایا جارہاہے،واضح رہے کہ نئے ڈپٹی کمشنر طارق بسراء کی تعیناتی کے بعد کسی بھی سرکاری ادارے کے یہ پہلے ترقیاتی کام تھے جن کے ٹینڈرز میں بندر بانٹ کردی گئی ہے، رابطہ کرنے پر ضلع کونسل کے ذرائع نے ٹینڈرزکی بندر بانٹ کی تصدیق نہ کی ہے اور کہا ہے کہ ٹھکیداروں کو ٹینڈرز جاری کئے گئے ہیں۔

باغی ٹی وی ،ٹھٹھہ (نامہ نگار راجہ قریشی)ڈپٹی کمشنرکا سندھ یونیورسٹی کیمپس کیلئے زمین کی الاٹمنٹ کے لئے اعلیٰ حکام کو خط
تفصیلات کے مطابق ٹھٹھہ ڈپٹی کمشنر غضنفر علی قادری نے کہا ہے کہ ٹھٹھہ میں سندھ یونیورسٹی کیمپس کی بلڈنگ کے قیام کیلئے زمین کی الاٹمنٹ کے متعلق اعلیٰ حکام کو خط ارسال کیا جائے گا تاکہ یہاں پر جلد سندھ یونورسٹی کا ایک مکمل سیٹ اپ قائم کیا جا سکے ان خیالات کا اظہار انہوں نے سندھ یونیورسٹی کیمپس میں میرین ریسرچ لیبارٹری اور اوشیانوگرافک سروے یونٹ کے افتتاح کے بعد ساحلی اور سمندری زون میں موسمیاتی تبدیلیوں کے اثرات آلودگی اور قدرتی وسائل کا بے تحاشہ استعمال چیلنجز اور مواقع کے موضوع پر منعقدہ ایک روزہ سیمینار سے خطاب کرتے ہوئے کیا ڈپٹی کمشنر نے کہا کہ میرین ریسرچ لیبارٹریز اور اوشیانوگرافک سروے یونٹ کے قیام سے ضلع بھر بالخصوص ساحلی علاقوں کی ترقی اور وہاں کی غریب عوام کی زندگی میں بہتری کیلئے مثبت کردار ادا کرے گی انہوں نے سول سوسائٹی پر زور دیا کہ وہ سی سی ڈی ایس کی انتظامیہ کے ساتھ مل کر کام کریں انہوں نے کہا کہ ٹھٹہ ضلع میں اہم شخصیات کی علمی و ادبی خدمات شامل ہیں یہ ہی سبب ہے کہ اسلام کی ابتداء بھی یہاں سے ہی ہوئی تھی جوکہ ہمارے لئے نہ صرف باعث فخر بلکہ حوصلے بلند کرنے کی بات بھی ہے انہوں نے کہا کہ اسی ہی طرح ہم سب کو بھی اپنے اداروں کی بہتری کیلئے سخت محنت اور جدو جہد کرنی چاہئے تاکہ ضلع کا نام دنیا بھر میں روشن ہو سکے ڈپٹی کمشنر نے کہا کہ قانون کے تحت روینیو اور پولیس کی مدد سے محکمہء فشریز کے ذریعے بھولو اور گجو جال کے استعمال کی پابندی پر مکمل عملدرآمد کو یقینی بنایا جائے گا تاکہ مچھلی کی نسل کشی کو بچایا جا سکے انہوں نے کہا کہ میرین ریسرچ لیبارٹری کے قیام میں کیمپس کے اساتذہ سمیت پرو وائس چانسلر کا بھی کلیدی کردار ہے جنہوں نے ان تھک محنت سے اس مقصد کو پایہ تکمیل تک پہنچایا سیمینار سے پرو وائس چانسلر ڈاکٹر محمد رفیق میمن نے خطاب کرتے ہوئے کہا کہ ساحلی پٹی میں تحقیق کی بہت گنجائش ہے ٹھٹہ کیمپس قابل ستائش کام کر رہا ہے جبکہ یے منصوبہ علم کی دولت لائے گا جس سے پالیسی سازوں کو اس کے مطابق لائحہ عمل واضع کرنے میں مدد ملے گی اس موقعہ پر پراجیکٹ ڈائریکٹر پی ایم ڈی سی ڈاکٹر مختیار احمد مہر نے اب تک جاری تحقیقی سرگرمیوں اور ان کے نتائج کی وضاحت کی اور عزم کیا کہ پراجیکٹ کا باقی کام مقررہ وقت میں پورا کیا جائے گا انہوں نے اب تک منگوائے گئے پراجیکٹ کا سامان دکھایا اور آلات کے افعال کی وضاحت بھی کی سیمینار سے کیمپس کوآرڈینیٹر فضاء شاہ نے میرین ریسرچ کے نتائج پیش کیے اور ٹھٹہ ضلع کے ساحلی علاقوں میں حیوانات اور نباتات کی موجودہ صورتحال پر روشنی ڈالی، جنہیں ماحولیاتی حالات کی وجہ سے بہت زیادہ چیلنجز کا سامنا ہے انہوں نے سفارش کی کہ ضلعی حکومت ماہی گیری، مینگروز اور تجارتی لحاظ سے اہم شیل فشریز کے تحفظ کے لیے ضروری اقدامات کرے سیمینار سے کراچی یونیورسٹی کی ڈاکٹر شہناز راشد، ڈائریکٹر فشریز محمد اسلم انصاری، ڈپٹی ڈائریکٹر سوشل ویلفیئر خدا بخش بہرانی، ڈسٹرکٹ مینیجر سرسو احمد خان سومرو، میر محمد بلوچ، اختر سموں، مس حمیرہ، مس مہرین بلوچ و دیگر نے بھی خطاب کیا اس موقعہ پر ضلع کے مختلف محمکوں کے افسران، اساتذہ، طلبہ و طالبات، این جی اوز، سول سوسائٹی اور میڈیا کے نمائندے بھی موجود تھے۔

باغی ٹی وی ،ٹھٹھہ( نامہ نگار راجہ قریشی ) ٹھٹھہ اور سجاول میں نوجوانوں کو ہنرمند بنانے اوربے روزگاری ختم کرنے کیلئے ٹیکنیکل ادارے قائم کئے جائیں- صادق لاکو
تفصیل کے مطابق سندھ کلچر فارم کے مرکزی چیئرمین صادق لاکو نے کہا ہے کہ ہم سجاول اور ٹھٹھہ کے منتخب نمائندوں پیپلزپارٹی کے ایم این اے ایاز شاہ شیرازی ،ڈپٹی اسپیکر سندھ اسمبلی ریحانہ لغاری ی وزیر اعلیٰ سندھ کے اسپیشل اسسٹنٹ ایم پی اے سید ریاض حسین شاہ شیرازی، ایم پی اے سید شاہ حسین شاہ شیرازی سے ایک بار پھرمطالبہ کرتے ہیں کہ ہماری نوجوان نسل کوبے روزگاری سے بچانے کیلئے اوران کیلئے روزگار کے مواقع پیداکرنے کیلئے ٹیکنیکل ایجوکیشن کے ادارے قائم کئے جائیں ، سندھ کلچر فارم تین چار سال سے سجاول اور ٹھٹھہ ضلع کے بااختیارممبران پارلیمنٹ سے کئی بار بالمشافہ اور متعددبار خط و کتابات کے ذریعے یہ مطالبہ کرتے آررہے ہیں کہ خداراہماری سندھی نواجوان نسل آنے والے کل کامقابلہ کرنے کیلئے رسمی تعلیم کے ساتھ ساتھ ٹیکنیکل تعلیم حاصل کرنے کیلئے ٹیکنیکل ایجوکیشن کے ادارے قائم کئے جائیں لیکن آج تک ہمارے ارباب اختیار کے کان پر جوں تک نہیں رینگی اور کوئی پیش رفت نہیں ہوسکی ،صادق لاکو نے مزید بتایا کے سکرنڈ اور جیکب آباد میں ایسے ادارے موجود ہیں ، لیکن ٹھٹھہ ،سجاول، بدین اور ٹنڈو محمد خان اور اس کے آس پاس کے علاقوں کے غریب کسانوں کے بچوں کیلئے جدید زرعت اور لائیوسٹاک سے متعلق تعلیم اور تربیت سے محروم ہیں اس لۓ ہم وزیراعلیٰ سندھ سیدمراد علی شاہ پیپلزپارٹی کے نوجوان چئیرمین بلاول بھٹو زردواری پورزورمطالبہ کرتے ہیں کہ سجاول اور ٹھٹھہ میں ٹیکنیکل ایجوکیشن ادارے قائم کئے جائیں تاکہ ہمارے نوجوان نسل اپنے پاؤں پر کھڑا ہونے میں کامیاب ہوسکے-