Author: ڈاکٹرغلام مصطفی بڈانی

باغی ٹی وی ننکانہ صاحب (نامہ نگار احسان اللہ ایاز)اکستان میں سیلاب کے بعد ملکی غذائی ضروریات پوری کرنے کے لئے کسان کی ذمہ داریوں میں اضافہ ہوا ہے،گندم اور مکئی کا آٹا ملا کر کھانے سے گندم کی ضرورت میں کمی کی جاسکتی ہے ،وائس چانسلر یونیورسٹی آف ایگریکلچر فیصل آباد غذائی ضروریات کو پورا کرنے ،ملک کو خود کفیل کرنے کے لیے مہم چلائی جارہی ہے۔ڈاکٹر اقرار احمد خان نے کہا بدترین سیلاب کی وجہ سے ملک بھر میں غذائی بحران پیدا ہوا زرعی یونیورسٹی فیصل آباد اور محکمہ زراعت توسیع کا اشتراک زرعی انقلاب کا پیش خیمہ ثابت ہو گا وائس چانسلر ڈاکٹر اقرار
اسسٹنٹ ڈائریکٹر زراعت آ فیسر توسیع نے گندم کی جدید پیداواری ٹیکنالوجی سے شرکاء کو آگاہ کیا زرعی یونیورسٹی کے طلباء نے کسانوں کے گھر گھر جا کر گندم کی جدید پیداواری ٹیکنالوجی سے کسانوں کو آگاہ کر کے نئی روح پھونک رہے ہیں
غذائی استحکام ہی ملکی استحکام کی ضمانت ہے۔میڈیم مریم افتخار زراعت آفیسر توسیع شاہ کوٹ زرعی یونیورسٹی فیصل آباد کا شاہ کوٹ محکمہ زراعت توسیع کے شانہ بشانہ کسانوں کی خدمت کا عزم پروگرام میں تحصیل بھر سے کسانوں کی بڑی تعداد موجود تھی اس کے علاوہ میڈیا نمائندگان.سول سوسائٹی اساتذہ ،طلباء ،کسان اورمعزین علاقہ نے بھرپور شرکت کی

باغی ٹی وی ،ٹھٹھہ (نامہ نگار راجہ قریشی)سپیشل افراد منفرد صلاحیتوں کے مالک ہیں. ان کا بھی ملازمت پر اتنا ہی حق ہے جتنا کہ صحتمند افراد کا۔ ڈپٹی کمشنر ٹھٹھہ
تفصیل کے مطابق چیئرمین ڈسٹرکٹ ریکروٹمنٹ کمیٹی و ڈپٹی کمشنر ٹھٹھہ غضنفر علی قادری نے کہا ہے کہ سپیشل افراد منفرد صلاحیتوں کے مالک ہیں اور وہ بھی ان ہی مواقع کے مستحق ہیں جتنا کہ صحتمند افراد جبکہ سپیشل افراد کو معاشرے میں مساوی سلوک اور سہولیات و خدمات تک رسائی کا حق بھی حاصل ہے۔ ان خیالات کا اظہار انہوں نے سپریم کورٹ کے احکامات کی تعمیل کی روشنی میں سپیشل نوجوانوں کو مختلف سرکاری محکموں میں مختلف آسامیوں پر بھرتی کیلئے انٹرویو لینے کے دوران گفتگو کرتے ہوئے کیا۔ انہوں نے کہا کہ خالی اسامیوں پر بھرتیاں اہلیت کی بنیاد پر صاف و شفاف طریقے سے ہوں گی اور کسی سے بھی نا انصافی نہیں کی جائے گی۔ ڈپٹی کمشنر نے کہا کہ وصول کی گئی درخواستوں کا جائزہ لینے کے بعد تمام سپیشل افراد کے انٹرویو لئے جا رہے ہیں جن میں سے اہل و قابل تعلیم یافتہ سپیشل افراد کو کوٹہ سسٹم کے تحت نوکریاں دی جائیں گی جن کی فائنل لسٹ ریکروٹمنٹ کمیٹی کے تمام ممبران کی مشاورت سے فائنل کرنے کے بعد وہ لسٹ اعلی حکام کو منظوری کے لیے ارسال کی جائے گی تاکہ انہیں روزگار فراہم کرکے اپنے پاؤں پر کھڑا کیا جا سکے۔ اس موقع پر اراکین ریکروٹمنٹ کمیٹی سیکشن افسر ایس جی اے سی اشرف حسین انصاری، ڈسٹرکٹ ایجوکیشن افسر سیکنڈری حضور بخش خاصخیلی و ديگر نے بھی معذور نوجوانوں سے انٹرویو لئے جبکہ مختلف محکموں کے افسران بھی موجود تھے۔

باغی ٹی وی ،ڈی آئی خان (نامہ نگار) لیڈی ہسپتال میں خواتین مریضوں سے عملہ کی بدتمیزی،شہریوں کا شدید ردعمل،غم وغصے کا اظہار، نوٹس لینے کامطالبہ
تفصیلات کے مطابق ضلع ڈیرہ اسماعیل خان کو صوبہ خیبرپختونخواہ کادوسرابڑاضلع ہونے کا اعزازحاصل ہے مگریہاں پر دورجدید کی سہولیات ناکافی ہیں۔ زنانہ ہسپتال میں علاج کی غرض سے لائی جانے والی خواتین کاکوئی پرسان حال نہیں ہے۔ ڈاکٹرز،نرسز وعملہ کی جانب سے مریضوں کے ساتھ ہتک آمیزرویہ اختیارکیاجاتاہے جبکہ اکثروبیشترعملہ ڈیوٹی سے غائب ہوتاہے اورمریض خواتین مسیحاکے انتظارمیں اذیت کے لمحات گزارنے پر مجبورہوتی ہیں۔زنانہ ہسپتال میں کرپشن کا بازارگرم ہے۔نومولود بچے کی پیدائش پر اس کے رشتہ داروں سے مٹھائی کے نام پر رشوت لی جاتی ہے اورنہ دینے والوں کوبے عزتی کا سامناکرناپڑتاہے۔زنانہ ہسپتال میں ڈاکٹرجلاد جبکہ نرسزوعملہ ان کے ٹاؤٹ بنے ہوئے ہیں اورمریضوں کو پرائیویٹ کلینکس پرعلاج کیلئے مجبورکیاجانے لگاہے۔ڈیرہ کے عوامی سماجی حلقوں نے سابق وفاقی وزیرسردارعلی امین خان گنڈہ پور،صوبائی وزیربلدیات سردارفیصل امین خان گنڈہ پور،ڈی جی ہیلتھ خیبرپختونخواہ،سیکرٹری ہیلتھ خیبرپختونخواہ اورڈپٹی کمشنر ڈیرہ نصراللہ خان سے زنانہ ہسپتا ل کے عملے کومریضوں کے ساتھ دوران ڈیوٹی خوش اخلاقی سے پیش آنے اوربروقت علاج کرنے کامطالبہ کیاہے۔

باغی ٹی وی ،ٹھٹھہ (نامہ نگار قریشی)گورنمنٹ گرلز ہائی اسکول میں طالبات کےوالدین اور اسٹاف میں اسکول کے مسئلے پر اہم میٹنگ، والدین کی جانب سے اسکول ہیڈ مسٹریس عملے اور طالبات کے خلاف ہونے والی سازشوں کی سخت الفاظوں میں مذمت اسکول کے پلاٹ پر قبضہ بالکل برداشت نہیں کیا جائیے گاوالدین کا موقف
تفصیل کے مطابق گورنمنٹ گرلز ہائی اسکول مکلی میں اسکول اسٹاف اور طالبات کے والدین کے ساتھ اسکول کے مسائل پر ایک میٹنگ اسکول میں منعقد کی گئی، میٹنگ میں اسکول اسٹاف اور طالبات نے والدین کو اسکول کے مسائل سے آگاہ کیا ، میٹنگ کے بعد والدین رشید مگسی، قادر خشک رئیس احمد اور دیگر نے احتجاج کرتے ہوئے میڈیا کو بتایا کہ اسکول میں موجود اسٹاف اور طالبات ہماری بہن بیٹیاں ہیں ان پر کسی قسم کی آنچ نہیں آنے دینگے انہوں نے کہا کہ اسکول کے پلاٹ پر بہت جھاڑیاں موجود ہیں جہاں سانپ ،گو ۔بچھو ۔وغیرہ جیسے خطرناک جانور موجود ہیں جو اکثر کلاسوں میں گھس جاتے ہیں جس سے طالبات اور اسٹاف میں خوف طاری ہو جاتا ہے جب اسکول ہیڈ مسٹریس نے ڈی سی ٹھٹھہ سے کہہ کر جھاڑیاں کٹوانا چاھیں تو بااثر افراد نے جھاڑیاں کاٹنے والوں کو گالیاں دیکر بھگا دیا آج بروز جمعرات پھر یہی واقعہ ہوا ہے یہ پلاٹ اسکول کا ہے جس پر قبضہ کرنے کی کوشش کی جارہی ہے اور اسٹاف اور طالبات کو حراساں کیا جارہا ہے اور اسٹاف کو عدالتوں میں گھسیٹا جارہا ہے جو ناقابل برداشت ہے انہوں نے چیف جسٹس آف پاکستان چیف جسٹس آف سپریم کورٹ، سندھ ہائی کورٹ ، وزیر اعلی سندھ ، آئی جی سندھ ، ڈی سی ٹھٹھہ ، ایس ایس پی ٹھٹھہ سے مطالبہ کیا ہے کہ اسکول اسٹاف اور طالبات کو حراساں کرنے والے بااثر افراد کے خلاف فوری نوٹس لیکر قانونی کارروائی کی جائے.

پنجاب میں نئے بنے والے اضلاع کے متعدد بی ایچ یوز کو آر ایچ سی میں اپگریڈ کرنے کا فیصلہ،وزیراعلٰی ہاؤس نے دیگر اضلاع کی طرح ضلع تلہ گنگ کے بی ایچ یوز کی اپ گریڈیشن کےلئے بھی فزیبلٹی رپورٹ طلب کرلی۔

باغی ٹی وی ،تلہ گنگ (شوکت ملک سے) وزیراعلٰی پنجاب چوہدری پرویز الٰہی کی قیادت میں حکومت پنجاب کا عوام دوست صحت پالیسی کے تحت بڑا اقدام، پنجاب میں نئے بنے والے اضلاع کی عوام کو بہترین طبی سہولیات فراہم کرنے کےلیے متعدد بی ایچ یوز کو آر ایچ سی میں اپگریڈ کرنے کا فیصلہ کر لیا گیا، اس ضمن میں وزیراعلٰی پنجاب ہاؤس کی جانب سے دیگر نومولود اضلاع کی طرح ضلع تلہ گنگ کے متعدد بی ایچ یوز کی اپگریڈیشن کےلیے بھی متعلقہ محکموں سے فزیبلٹی رپورٹ طلب کر لی ہے اور فی الفور ضروری اقدامات کرنے کی ہدایات بھی جاری کی گئی ہیں، ضلع تلہ گنگ کے بی ایچ یو سے ررول ہیلتھ سنٹرز میں اپگریڈ ہونے والے بنیادی مراکز صحت میں چینجی بھلومار، ملتان خورد، کوٹسارنگ، ونہار اور پیڑہ فتحال شامل ہیں۔ اہلیانِ ضلع تلہ گنگ نے وزیرِ اعلٰی پنجاب چوہدری پرویز الٰہی کے اس اقدام کو خوب سراہا ہے۔