Author: ڈاکٹرغلام مصطفی بڈانی

باغی ٹی ٹی وی ، کندھ کوٹ ( نامہ نگار)صحافیوں کے عالمی دن کے موقع پر پریس کلب سے لائبریری چوک تک ریلی نکالی گئی
صحافیوں کے عالمی دن کے موقع پر پریس کلب کندھ کوٹ کے صدر علی حسن ملک ، جنرل سیکٹری لیاقت علی کوسو کی سربراہی میں پریس کلب سے لائبریری چوک تک ریلی نکالی گئی ، صحافیوں نے شہید ارشد شریف کے قاتلوں کی گرفتاری کے لیے بلیک ڈے ریلی نکالی ، صحافیوں نے بازووں پر کالی پٹیاں باندھ کر ہاتھوں میں پلے کارڈ اٹھائے ، ظلم کے یہ ضابطے ہم نہیں مانتے ، شہید ارشد شریف کے قاتلوں کو گرفتار کرو کے نعرے لگائے اس موقع پر سینئر صحافی لیاقت علی کوسو ، مسعود عالم سومرو ، بقا محمد بنگوار ، حفیظ ملک و دیگر نے کہا کہ شہید ارشد شریف کا قتل صحافیوں کا قتل ہے حکومتی کمیشن کو مسترد کرتے ہیں اس سانحہ کی عالمی سطح پر کمیشن بنا کر صاف شفاف طریقے سے قاتلوں کو ظاہر کرکے کیفر کردار تک پہنچایا جائے، بصورت دیگر احتجاجی تحریک جاری رہے گی ، ریلی میں سینئیر صحافی مسعود عالم سومرو ، میر بقا محمد بنگوار ، غلام یاسین لاشاری ، راجا گوپی چند ، حفیظ ملک ، حضور بخش منگی ، سلیم میرانی ، علی اکبر بنگوار، نصیر منگی ، فخر نصیرانی ، عمران کوسو ، ممتاز سندھی ، لطیف گولو ، عبدالخالق چاچڑ ، ظھیر ملک و دیگر صحافیوں نے شرکت کی.

باغی ٹی وی ،ٹھٹھہ (راجہ قریشی نامہ نگار)گاڑھومیں پاکستان پیپلزپارٹی رکن سندھ اسمبلی علی حسن زرداری نے کالج جاری کام کاجائزہ لیا
تفصیل کے مطابق پاکستان پیپلزپارٹی رکن سندھ پی ایس 78 علی حسن زرداری نے گاڑھو ڈگری کالج کے جاری کام کا جائزہ لیا اور ہدایت دی کہ ڈگری کالج کا کام معیاری اور جلد مکمل کیا جائے اس موقع پر پیپلز پارٹی سینئر نائب صدر ٹھٹھہ عبدالحمید پہنور ،تعلقہ گھوڑاباڑی صدر محمد رمضان پہنور ، شاہ نواز لوہار،ٹاؤن ایڈمنسٹریٹر گھاڑو عبدالکریم کنباراور پیپلز پارٹی کارکن ان کے ساتھ تھے.

باغی ٹی وی ،چوٹی زیریں ( محسن نواز سے ) ڈاکٹر عالیہ بشیر صیح معنوں میں مسیحا ہیں ،دن رات دکھی انسانیت کی خدمت ان کا نصب العین ہے ،عوامی حلقے
تفصیلات کے مطابق ڈی ایچ کیو ہسپتال ڈیرہ غازیخان کے کینسر وارڈ میں تعینات ڈاکٹر عالیہ بشیر حقیقی معنوں میں مسیحا ہیں جو اپنی پیشہ ورانہ مہارت اور قابلیت سے دن رات دکھی انسانیت کی خدمت میں مصروف ہیں ان کی تعیناتی سے ڈیرہ غازیخان کے کینسر کے مریضوں کو زندگی کی امید نظر آئی ہے ڈاکٹر صاحبہ انسان کے روپ میں فرشتہ ہیں کینسر وارڈ میں بیڈز کی کمی کے باوجود ان کی کوشش ہوتی ہے کہ ہر آنے والے مریض کو طبی سہولیات فراہم کی جائیں ان کا مریضوں اور ان کے لواحقین کے ساتھ رویہ انتہائی شفقت آمیز ہوتا ہے ان کی اپنے شعبے سے لگن اور دکھی انسانیت کی خدمت کا جذبہ ان کو اپنے کولیگز میں ممتاز رکھتا ہے ۔عوامی حلقوں کا کہنا ہے اگر ہسپتالوں میں ڈاکٹر عالیہ بشیر جیسے مسیحا ہوں تو ایسے ڈاکٹرز مریضوں کے اللہ تعالی کی طرف سے دیا گیا ایک تحفہ ہیں

باغی ٹی وی ،ڈیرہ اسماعیل خان(نامہ نگار)سابق وفاقی وزیرسردارعلی امین خان گنڈہ پور کی چالاکیوں سے ان کے قریبی دوست وپارٹی کے دیرینہ مقامی رہنمانالاں، جلد پریس کانفرنس کے ذریعے علی برادران سے لاتعلقی کا اعلان کریں گے،دوسری جانب تحصیل پہاڑپور اورسٹی ٹو کے نامور سیاسی خاندان بھی پی ٹی آئی کو چھوڑ کر پی پی پی اورجمعیت میں شامل ہونے کوتیارہوگئے ہیں۔ تفصیلات کے مطابق سابق وفاقی وزیرسردارعلی امین خان گنڈہ پور کی چالاکیوں اورنظراندازکرنے کی سیاست کی وجہ سے ان کے قریبی دوست وپارٹی کے دیرینہ مقامی رہنماتنگ آچکے ہیں۔ اس حوالے سے پاکستان تحریک انصاف کے مقامی سینئر رہنماجلد پریس کانفرنس میں علی برادران سے لاتعلقی کا اعلان کریں گے جبکہ دوسری جانب تحصیل پہاڑپور اورسٹی ٹو کے نامور سیاسی خاندان بھی پاکستان تحریک انصاف کو چھوڑ کرپاکستا ن پیپلزپارٹی اورجمعیت علماء اسلام(ف) میں شامل ہونے کو تیارہیں۔انہوں نے کہاکہ سابق وفاقی وزیرسردارعلی امین خان گنڈہ پورنے پارٹی کے اصولوں کے خلاف اپنی من مانیاں شروع کی ہوئی ہیں۔وہ ورکروں اورعوام کااستحصال کررہے ہیں اورانہیں عوامی مسائل سے کوئی غرض نہیں ہے۔ علی برادران اپنے وعدے بھول چکے ہیں۔واضح رہے کہ پی ٹی آئی کے مقامی سینئر سابق وفاقی وزیرسردارعلی امین خان گنڈہ پورکی وعدہ خلافیوں اورنظراندازکرنے کی سیاست کی وجہ سے دوسری پارٹیو ں کارخ کرنے پر مجبورہوچکے ہیں۔

باغی ٹی وی ،ڈیرہ اسماعیل خان(نامہ نگار )ممبرقومی اسمبلی شیخ یعقوب نے آئندہ الیکشن میں حلقہ این اے 39پر جمعیت کی ٹکٹ پر الیکشن میں حصہ لینے کیلئے مولانابرادران سے ملاقاتوں کا سلسلہ شروع کردیاہے۔شیخ یعقوب کی جانب سے قومی اسمبلی کے امیدوارکے ٹکٹ کیلئے مولانابرادران پرزوردیاجانے لگا جبکہ وفاداریوں کی یقین دہانی بھی کرادی گئی ہے۔واضح رہے کہ حلقہ این اے39کے عوام نے شیخ یعقوب کوپارٹی ٹکٹ دینے والی پارٹی کے مکمل بائیکاٹ کااعلان کرتے ہوئے مخالف امیدوارکی کامیابی میں کرداراداکرنے کافیصلہ کرلیا ہے۔انہوں نے کہاکہ شیخ یعقوب اسلام آبادکی رنگینیوں میں کھوچکاہے اوراسے حلقہ اورعوام کی کوئی پرواہ نہیں ہے۔انہوں نے شیخ یعقوب کوحلقے کے مسائل کاذمہ دارقراردیاہے۔انہوں نے کہاکہ شیخ یعقوب نے سیلاب زدگان کیلئے کوئی کردارادانہیں کیا اورا ن کی مشکلات کے حل کیلئے کوئی امدادی کام نہ کیاگیا۔حلقہ کلاچی، درابن،پرواکے عوام بے بسی کی تصویر بنے ہوئے اوران کی نگاہیں اپنے مسیحا کی منتظرہیں۔ حلقہ این اے39کے عوام بے یارومددگارامداد کے منتظرہیں اوران کے زخموں پر کوئی مرہم رکھنے والانہیں ہے۔انہوں نے کہاکہ اگرجمعیت علماء اسلام(ف)نے شیخ یعقوب کو آئندہ الیکشن میں ٹکٹ جاری کیاتو اس کے مخالف امیدوارکوبھاری اکثریت سے کامیاب کرائیں گے۔انہوں نے آئندہ الیکشن میں شیخ یعقوب کے مکمل بائیکاٹ کااعلان کیاجس سے ظاہرہوچکاہے کہ شیخ یعقوب کا سیاسی کیرئیرختم ہوگیاہے۔

باغی ٹی وی،ڈیرہ اسماعیل خان(نامہ نگار)سابق ضلع ناظم نوابزادہ عزیز اللہ علیزئی کے قریبی ذرائع نے انکشاف کیاہے کہ عزیزاللہ علیزئی جلد جمعیت علماء اسلام (ف)میں باقاعدہ شمولیت کااعلان کریں گے اورجمعیت کی ٹکٹ پر آئندہ الیکشن میں حصہ لیں گے، اس حوالے سے مکمل تیاریاں کرلی گئی ہیں۔جمعیت علماء اسلام(ف) کے سینئر رہنماؤں اورکارکنوں کی جانب سے سابق ضلع ناظم نوابزادہ سمیع اللہ علیزئی کے فیصلے کاخیرمقدم کیاجارہاہے اوران کی کامیابی میں کرداراداکرنے کی یقین دہانی کرادی گئی ہے۔ تفصیلات کے مطابق سابق ضلع ناظم نوابزادہ عزیز اللہ علیزئی کے قریبی ذرائع نے انکشاف کیاہے کہ نوابزادہ عزیزاللہ خان علیزئی جلد جمعیت علماء اسلام (ف)میں باقاعدہ شمولیت کااعلان کریں گے اورجمعیت کی ٹکٹ پر آئندہ الیکشن میں صوبائی امیدوارکے طورپر حصہ لیں گے۔ اس حوالے سے آئندہ الیکشن میں حصہ لینے کی تمام تیاریاں مکمل کرلی گئی ہیں۔جمعیت علماء اسلام(ف) کے سینئر رہنماؤں اورکارکنوں کی جانب سے سابق ضلع ناظم نوابزادہ سمیع اللہ علیزئی کے اس فیصلے کاخیرمقدم کیاجارہاہے اوران کی کامیابی میں کرداراداکرنے کی یقین دہانی کرادی گئی ہے۔