Author: ڈاکٹرغلام مصطفی بڈانی

باغی ٹی وی ( نامہ نگار)27 اکتوبر یوم سیاہ پورے ملک کی طرح کندھ کوٹ میں بھی کشمیری بھائیوں سے یکجہتی کیلئے جوش و جذبے سے منایا گیا اس سلسلے میں ضلع انتظامیہ متعلقہ شعبہ جات اور شہریوں کی طرف سے کشمیری بھائیوں کی یکجہتی کے لیے ریلی نکالی گئی .
تفصیل کے مطابق ریلی ڈپٹی کمشنر آفس سے گھنٹہ گھر تک نکالی گئی ریلی میں شریک شہریوں نے ہاتھوں میں پلے کارڈز اور بینرز اٹھا رکھے تھے کشمیر بنے گا پاکستان پاکستان زندہ باد پاک فوج زندہ باد اور بھارت کے کشمیریوں پر ڈھائے جانے والے ظلم کے خلاف نعرے لگائے پاکستان اور کشمیر کا پرچم بھی لہرایا ریلی سے خطاب کرتے ہوئے ڈپٹی کمشنر کا کہنا تھا کہ ہم پوری دنیا کو بتانا چاہتے ہیں کے کشمیر پاکستان کا اٹوٹ انگ ہے اس کے ساتھ ساتھ مودی کو بھی بتانا چاہتے ہیں کہ کشمیر پاکستان کی شہ رگ ہے جسے حاصل کر کے رہیں گے ہم کشمیر بھائیوں کی سیاسی اور اخلاقی حمایت جاری رکھیں گے اور دیگر شرکاء نے کہا کہ ریلی میں شریک لوگو نے یکجہتی کر کے ثابت کردیا کہ ضلع کشمور ایٹ کندھ کوٹ کی عوام کشمیری بھائیوں کے ساتھ ہے بھارت نے کشمیری عوام اور کشمیر پر ظلم کی انتہا کر دی ہے جس کی جتنی بھی مذمت کی جائے وہ کم ہے شرکہ نے مزید کہا کہ مودی ایک ظالم انسان ہے جس نے کشمیریوں پر بہت ظلم ڈھائے ہے ہم پوری قوم بھارت کو اس ناپاک ارادوں میں ہرگز کامیاب نہیں ہونے دیں گے ۔ریلی میں بڑی تعداد میں شہریوں ، سیاسی و سماجی ضلعی سربراہان، صحافی برادران ،پولیس، اور سرکاری اور نجی افسران نے بڑی تعداد میں شرکت کی ۔

صفدر آباد میں پاسپورٹ آفس کے قیام کی منظوری، نوٹیفکیشن جاری
باغی ٹی وی ،صفدر آباد (رانا شہباز نثار) حکومت نے مقامی ایم این اے سردار عرفان ڈوگر کی درخواست پر صفدر آباد میں پاسپورٹ آفس کے قیام کی منظوری دے کر نوٹیفکیشن جاری کردیا ۔ جبکہ خانقاہ ڈوگراں اور فاروق آباد میں نادرا دفاتر کے قیام کا بھی نوٹیفکیشن جاری کر دیا گیا ۔ تفصیلات کے مطابق عرصہ دراز سے پرانی اور پسماندہ تحصیل صفدر آباد بھر میں صرف ایک نادرا آفس قائم تھا جس وجہ سے تحصیل کے دور دراز کے مرد و خواتین کو شناختی کارڈ بنوانے کے لئے کافی مشکلات کا سامنا کرنا پڑتا تھا اس طرح علاقہ بھر کے لوگوں کو پاسپورٹ بنوانے کے لئے شیخو پورہ جانا پڑتا تھا عوامی مطالبہ کو مدنظر رکھتے ہوئے ڈاکٹر عبدالرزاق جنرل سیکرٹری مسلم لیگ ن تحصیل صفدر آباد کی درخواست پر مقامی ایم این اے سردار عرفان ڈوگر نے صفدر آباد میں پاسپورٹ دفتر کے قیام ،خانقاہ ڈوگراں اور فاروق آباد میں نادرا کے دفاتر کے قیام کے لئے وزیر اعظم میاں شہباز شریف سے ملاقات کے دوران اپنی درخواستیں پیش کیں۔ جس پر عملدرآمد کرتے ہوئے وزیراعظم نے صفدر آباد میں پاسپورٹ آفس ، خانقاہ ڈوگراں اور فاروق آباد میں نادرا دفاتر کے قیام کی منظوری دے کر نوٹیفکیشن جاری کردیا جس سے تحصیل بھر کی عوام میں خوشی کی لہر دوڑ گئی۔

باغی ٹی وی پنڈی بھٹیاں (شاھدکھرل)نئے تعینات ہونے والے ڈسٹرکٹ پولیس آفیسر حافظ آبادرائے مظہر اقبال نے حافظ آباد پولیس کی کمانڈ سنبھال لی ، عارف شہید پولیس لائنز آمد پر پولیس کے چاک و چوبند دستے کی سلامی ،یاد گار شہدا ءپر حاضری دی ، پھولوں کی چادر چڑھائی اور فاتحہ خوانی کی۔عوام الناس کی خدمت اور جان و مال کا تحفظ اولین ترجیح ہے۔ ڈی پی او رائے مظہر اقبال
تفصیلات کے مطابق نئے تعینات ہونے والے ڈسٹرکٹ پولیس آفیسر حافظ آبادرائے مظہر اقبال نے حافظ آباد پولیس کی کمانڈ سنبھال لی ، عارف شہید پولیس لائنز آمد پر ڈی ایس پی رانا محمد اسلم نے ان کا استقبال کیا جبکہ پولیس کے چاک و چوبند دستے نے انہیں سلامی پیش کی ، ڈی پی او رائے مظہر اقبال نے یاد گار شہداءپر حاضری دی ، پھولوں کی چادر چڑھائی اور شہداءکے درجات کی بلندی کے لئے فاتحہ خوانی کی۔ڈی پی او رائے مظہر اقبال نے کہا کہ سب سے پہلے اللہ رب العزت کا شکر گزار ہوں کہ جس نے مجھے اس ذمہ داری سے نوازا ہے۔عوام کی خدمت اور ان کے جان و مال کا تحفظ اولین ترجیح ہے۔ اشتہاری مجرمان اور جرائم پیشہ عناصر کے خلاف بھر پور کریک ڈاﺅن کیا جائے گا۔ تما م زیر تفتیش مقدمات کو جلد از جلد میرٹ کی بنیاد پر یکسو کیا جائے گا۔غیر قانونی حراست ، تشدد اورشہریوں کے ساتھ ناروا سلوک ہر گز برداشت نہیں کیا جائے گا۔شہریوں کے مسائل کے فوری حل کے لئے روزانہ کی بنیاد پر ڈی پی او آفس میں دن دو سے تین بجے تک کھلی کچہری کا انعقاد کیا جائے گا۔ بعدازاں ڈی پی او حافظ آباد نے ڈی پی او آفس میں ایس ڈی پی اوز اور ایس ایچ اوز سے تعارفی میٹنگ کی اور تمام ایس ایچ اوز نے اپنی اپنی ورکنگ بارے تفصیلی بریف کیا ، ڈی پی او حافظ آباد نے تمام ایس ایچ اوز کو ہدایت کرتے ہوئے کہا کہ تمام افسران و اہلکاران اپنے روز مرہ کے معمولات کو احسن طریقے سے سر انجام دیں ، دفاتر اور تھانہ جات میں آنے والے ہر شہری کے ساتھ خوش اخلاقی سے پیش آیا جائے ،فورس کے مورال کو بلند رکھنے کےلئے کردار ادا کیا جائے۔ اپنی پیشہ ورانہ ذمہ داریوں کو خوش اسلوبی ،دلجمعی سے سر انجام دیں ۔تمام ایس ایچ اوز پبلک اوور میں تھانہ میں اپنی موجودگی یقینی بنائیں، جس کی سی سی ٹی وی کیمروں کے ذریعے مانیٹرنگ کی جائے گی۔ ان کا مزید کہنا تھا کہ امن و امان اور عوام کی جان و مال کی حفاظت کو یقینی بنایا جائے گا کسی کو قانون ہاتھ میں لینے کی اجازت نہیں دی جائے گی۔غیر قانونی حراست اور تشدد ہر گز برداشت نہیں کیا جائے گا۔عوام کو میرٹ پر انصاف کی فراہمی, ترجیحی بنیادوں پر مسائل کا حل اور کرائم کو کنٹرول کرنا اولین ترجیح ہو گی۔ کمیونٹی پولیسنگ پر عملدرآمد کرتے ہوئے تمام شہریوں کے ساتھ مل کر مسائل کا حل وقت کی اہم ضرورت ہے،میرے دروازے تمام شہریوں اورپولیس ملازمان کے لئے ہمہ وقت کھلے ہیں۔