Author: ڈاکٹرغلام مصطفی بڈانی

باغی ٹی وی ،چونیاں(نامہ نگار)سرکل بھر میں چوری و ڈکیتیوں کا سلسلہ جاری تھانہ الہ آباد کی حدود میں نجی بنک سے سولہ لاکھ روپے لے کر نکلنے والا تاجر ڈاکوؤں کے ہتھے چڑھ گیا،نامعلوم ڈاکو لائسنسی ریفل اور سولہ لاکھ نقدی چھین کر فرار،پولیس حسب روایت مصروف تفتیش، تفصیلات کے مطابق منڈی احمد آباد کا رہائشی محمد یسین نجی بنک سے پیسے لے کر نکلا تو نامعلوم موٹر سائیکل سواروں نے تعاقب کر کے تھوڑے فاصلے پر زبردستی روک کر گن پوائنٹ پر سولہ لاکھ روپے نقدی اور ایک لائسنس ریفل چھین کر فرار ہو گے الہ آباد پولیس نے متاثرہ شخص کی درخواست پر تفتیش کا آغاز کر دیا ہے دوسری جانب بڑھتی ہوئی ڈکیتی کی وارداتوں پر تشویش کا اظہار کرتے ہوئے کہا ہے کہ پولیس کارکردگی صفر ہو چکی ہے ایک ماہ کے دوران ایک ہی بنک سے نکلنے والے ایک درجن کے قریب شہریوں کو جمع پونجی سے محروم کر دیا ہے لیکن تاحال پولیس کسی ایک واردات کو بھی ٹریس نہیں کیا مقامی تاجر تنظیموں کے راہنماؤں نے آئی جی پنجاب سے بڑھتی ہوئی وارداتوں پر فوری نوٹس لینے اور زمہ داران کے خلاف کاروائی کا مطالبہ کیا ہے

پیرمحل باغی ٹی وی(وقاص شریف نامہ نگار)سندھیلیانوالی میں ایک اور موٹر سائیکل اٹھا لی گئی ۔ مقدمہ درج
تفصیلات کے مطابق:سندھیلیانوالی اور گردونواح کے علاقے میں ان دنوں موٹر سائیکلوں کی شامت آئی ہوئی ہے کوئی دن ایسا نہیں گزرتا جب کوئی نہ کوئی موٹر سائیکل نہ اٹھایا جاتا ہو ۔ زیادہ تر کیسز میں گن پوائنٹ پر موٹر سائیکل چھینے گئے ہیں ۔ موٹر سائیکل چوری کرنے اور چھیننے کا عمل سیلاب کی صورتحال کے بعد زیادہ تیز ہوا ہے اور اب تک درجنوں وارداتیں باقاعدہ طور پر رپورٹ ہو چکی ہیں ۔ اسی سلسلے میں چک نمبر 760 گ ب کا رہائشی عمر دراز ولد ریاض احمد اُس وقت اپنی 125 موٹر سائیکل مالیت 95 ہزار روپے سے محروم ہو گیا جب اُس نے سند یلیا نوالی میں واقع اپنی دکان کے آگے موٹر سائیکل کھڑی کی اور معمول کے مطابق کاروبار میں مصروف ہو گیا تھوڑی دیر کے بعد موٹر سائیکل سنبھالی گئی تو وہ غائب تھی ۔ عمر دراز نے اپنے دیگر ساتھیوں کے ساتھ ذاتی طور پر گردونواح میں اچھی طرح چیکنگ کی ۔ مگر موٹر سائیکل نہ مل سکی ۔ جس پر اُس نے تھانہ اروتی میں درخواست گزاری جس کی روشنی میں مقدمہ درج کر لیا گیا ہے

باغی ٹی وی ،پنڈی بھٹیاں (شاھدکھرل)اسسٹنٹ کمشنر پنڈ ی بھٹیاں بلاول علی ہنجرا ء نے موٹروے کے قریبی دیہات میں فصلوں کی باقیات جلانے پر-7افراد کو گرفتار کر لیا. جبکہ خلاف ورزی پر ایک لاکھ روپے جرمانہ بھی کیا۔اسسٹنٹ کمشنر بلاول علی ہنجرا ء نے کوٹ سرور اور نوتھیں کے علاقوں میں فصلوں کی باقیات جلانے والے کاشتکاروں کے خلاف کاروائی کرتے ہوئے. اصغر علی،حق نواز،میشاء، سیف اللہ اور علی وغیرہ گرفتار کر لیا جبکہ فصلوں کی باقیات جلانے والوں کو ایک لاکھ روپے جرمانہ بھی کیا

باغی ٹی وی ،ٹھٹھہ ( نامہ نگار راجہ قریشی)نوجوان وکیل پر پولیس کا تشدد ، وکلاء کاعدالتی کارروائی کا بائیکاٹ اور احتجاج
تفصیل کے مطابق ٹھٹھہ کے قریب گاؤں غلام محمد بروھی میں پولیس کے چھاپے کر دوران نوجوان وکیل پر تشدد کے خلاف وکلاء برادری کاعدالتی کاروائی کا بائیکاٹ اور احتجاج کیاگیا،ڈسٹرکٹ بار ایسوسی ایشن ٹھٹھہ کے صدر قادر جروار کی قیادت میں وکلاء کا بار روم سے عدالت کے گییٹ تک احتجاجی ریلی نکالی ،پولیس نے گذشتہ روز ڈسٹرکٹ بار ایسوسی ایشن ٹھٹھہ کے سرگرم ممبر نادر بروھی کے گھر میں داخل ہوکر چادر اور چاردیواری کا تقدس پامال کیا جوکہ انسانی حقوق کی بھی خلاف ورزی ہے وکلاء، رہنماٹھٹھہ بار کی طرف سے وکیل کے گھر پر حملہ آور پولیس اہلکاروں کے خلاف کیس داخل کرنے کی قرارداد منظور اور سیشن کورٹ میں درخواست داخل

ارشد شریف کاقتل پوری صحافی برادری کاقتل ہے:سنئیر ممبران پریس کلب شیخوپورہ ۔
باغی ٹی وی:شیخوپورہ(محمد طلال سے) شیخوپورہ سنیئر ممبران پریس کلب رانا شاہد،سابق سیکرٹری اطلاعات پر یس کلب حکیم محمود بیگ،کیمرامین علی شاہ،کالم نگارپیر فاروق الحسن نوشاہی،اینکر پرسن شیخ سفیان علی،نجی چینلز کے رپورٹروں اکرام الحق بھٹی،ظہوراحمد بھٹی،رانا مبشرلطیف،وحید احمد،مرزامحبوب بیگ،شیخ بلال مجید آثم،مرزاخالق بیگ،حافظ صغیرالحسن،رانا محمدعاصم،شہبازامین کمبوہ اورمرزاارشد بیگ نے ارشد شریف کے قتل پر ردعمل دیتے ہوئے کہاہے کہ ارشد شریف کاقتل پوری صحافی برادری کاقتل ہے،بے گناہ کی ٹارگٹ کلنگ کرنے والوں کوبے نقاب ہونے اورتختہ دار پر لٹکائے جانے تک احتجاج جاری رہے گا،قلم سے جہاد کرنے والے ارشد شریف جیسے صحافی صدیوں بعد پیداہوتے ہیں،وہ صحافت کو مقدس پیشہ اورعبادت سمجھ کر رہے تھے،افریقی ملک میں ان کو فائرنگ کا نشانہ بنایاجانا سادہ بات نہیں،ارشد شریف پاکستان کی موجودہ صورتحال کی وجہ سے بہت دکھی تھے ان کو ایک معروف چینل سے آف ایئر کرکے انکی زبان بندی کی کوشش کی لیکن جواں مرد صحافی نے ہار نہیں مانی اوربیرون ملک جاکر صحافتی فریضہ ادا کرتے ہوئے اپنی جان دے کر جام شہادت نوش فرمایا،ہم اس دکھ کی گھڑی میں شہید کے لواحقین کے غم میں برابر کے شریک ہیں۔
جتوئی سے .نذیر شجراء کی رپورٹ کے مطابق آزادی صحافت کی ایک اور اواز اج بند ہو گئی ارشد شریف کے قتل کے خلاف جتوئی میں صحافیوں اور شہریوں کا احتجاج ارمی چیف پاکستان. چیف جسٹس پاکستان. وزیراعظم پاکستان واقعہ کا نوٹس لے
ملک کے معروف صحافی اینکر پرسن ارشد شریف کو جو اج کینیا میں قتل کیا گیا ہے ملک بھر کے صحافیوں اور عوام میں شدید رد عمل دیکھا جا رہا ہے ہمارے پاکستان کے صحافی اس قدر بے یارو مددگار کیوں ہیں اس افسوسناک واقعہ پر تحصیل جتوئی کے صحافیوں سول سوسائٹی کے نمائندوں اور شہریوں نے بھر پور احتجاج کیا اور کہا کہ شعبہ صحافت کے سے وابطہ لوگ غیر محفوظ ہیں ارشد شریف کے قتل کی حکومت پاکستان نوٹس لیکر کینیا کی حکومت سے صاف شفاف تحقیقات کر ائے

باغی ٹی وی ،پنڈی بھٹیاں(شاھدکھرل) پولیس کی غفلت اورسرپرستی سے ڈھینگرانوالی علاقہ غیر بن گیا۔ غریب دیہاتی کو گھرسے اغواکر کے تشددکرتے ہوئے ڈیرے پر لے جاکرباندھ کر مارنے پر بااثرچوہدریوں کے خلاف مقدمہ درج،پولیس گرفتارکرنے کی بجائے سرپرست بن گئی،بااثرچوہدریوں کی سرعام جدید آٹومیٹک اسلحہ کی نمائش اور فائرنگ کرنا مشغلہ بن گیا۔غریب دیہاتی کے بال بچوں کا گھرسے باہر نکلنا مشکل بناکر زندگی تنگ کردی۔بچے سکول جانے سے قاصر۔ علاقہ میں خوف وہراس کی فضاقائم۔ غریب شخص انصاف کیلئے دربدرکی ٹھوکریں کھانے لگا۔حافظ آباد کے علاقہ ڈھینگرانوالی میں بااثر چوہدریوں نے ان کے خلاف پولیس کے پاس انکوائری میں جانے پر و غریب دیہاتی شہزاد لطیف کو گھرسے گھسیٹ کر تشددکرتے ہوئے ڈیرہ پر لے گئے ۔ ڈیرہ پر لے جاکر فلمی اندازمیں باندھ کر تشددکرتے رہے۔ والدہ کے جانے پر والدہ کو بھی باندھ کر تشدداورچاقو سے جسم کے مختلف حصے زخمی کردئیے۔ وقوعہ کے کئی دن گزرنے کے بعد بھی پولیس ان ملزمان کے خلاف کاروائی کرنے کی بجائے خاموش تماشائی کا کرداراداکررہی تھی،اغواکرکے لے جاتے کی ویڈیووائرل ہونے اورمیڈیا میں آنے پر پولیس تھانہ صدر نے بااثرملزمان کے خلاف مجبوری میں مقدمہ تودرج کرلیا مگرگرفتارکرنے کی بجائے ان کی سرپرستی کرنے لگی۔ خانہ پری کیلئے ان کے ڈیرہ ریڈکے بہانے جاکر کھاناوغیرہ کھاکر واپس آجاتی ہے پولیس کے جانے کے بعد ملزمان قانون کو جوتے کی نوک پر رکھتے ہوئے اورقانون کو منہ چڑھاتے ہوئے اندھادھندفائرنگ شروع کردیتے ہیں کہ دیکھوہم موجود ہیں پولیس نے ہمیں گرفتارنہیں کیا۔ دوسری طرف اب بااثرچوہدریوں نے غریب شہزاد لطیف اوراسکے اہل خانہ کا گھرسے نکلنا مشکل کردیا ہے۔بچے سکول جانے کیلئے نکلتے ہیں توان کو ڈرادھمکاکرواپس بھیج دیتے ہیں خوف کی وجہ سے بچوں کو بخارہوگیا ہے،ملزمان اس کے گھر کے باہر کھڑے ہوکر گالیاں بکتے ہیں،بھنگڑے ڈالتے ہیں،اوراگرکوئی گھرسے باہر نکلے توتشددکرکے دوبارہ گھرواپس بھیج دیتے ہیں،سرعام اسلحہ کی نمائش سے ڈھینگرانوالی علاقہ غیر کا منظرپیش کررہا ہے اورملزمان سوشل میڈیا پر آٹومیٹک جدید اسلحہ کی ویڈیواپ لوڈ کرتے ہیں اوریہ سب کام پولیس تھانہ صدر اورچوکی سولنگیں اعوان کی سرپرستی میں ہورہا ہے۔ حافظ آباد میں ڈی پی او تعینات نہ ہونے کی وجہ سے پولیس بالکل بے لگام ہوئی ہے۔ متاثرہ شخص شہزاد لطیف، اسکے والدہ اوربہن نے وزیراعلیٰ پنجاب سے مطالبہ کیا ہے کہ ان کو تحفظ فراہم کیا جائے اورملزمان کوگرفتارکیا جائے اورعلاقہ میں امن وامان کویقینی بنایا جائے