Author: ڈاکٹرغلام مصطفی بڈانی

باغی ٹی وی ،ٹھٹھہ (نامہ نگار راجہ قریشی )دھابیجی ماڈل ٹاؤن سےمقامی صحافی کا موٹر سائیکل چور لے اُڑے
تفصیل کے مطابق دھابیجی ماڈل ٹاؤن سے سینئر صحافی علی نواز بھٹی کی سپرسٹار موٹر سائیکل رجسٹریشن نمبر kjh 2864 چوروں نے چرالیا ہے ،دھابیجی پولیس نے این سی داخل کر کے تفتیش شروع کردی ، دھابیجی میں دن دھاڑے کی چوریوں نے عوام کو خوف زدہ کر دیا ہے، گزشتہ روز دھابیجی کے علاقے ماڈل ٹاؤن میں سینئر صحافی علی نواز بھٹی کی گھر کے باہر کھڑی موٹر سائیکل چور لے کر فرار ہونے میں کامیاب ہو گئے جس کی این سی دھابیجی تھانہ میں درج کروائی گئی ہے مگر پولیس چوروں کوٹریس اور گرفتار کرنے میں ناکام ہوگئی ہے چور بلا خوف و خطر آئے روز واردات انجام دینے میں کامیاب ہو جاتے ہیں .

باغی ٹی وی ،ڈیرہ غازی خان (خصوصی رپورٹ ) ڈی پی او آفس کے جونیئر کلرک جہانزیب نے سود کی رقم لینے کے لیے شہریوں کا جینا محال کر دیا جھوٹے مقدمات کی لائن لگا دی متاثرین کی پریس کانفرنس تفصیل کے مطابق عابد اور فاروق نامی رانی بازار کے تاجروں نے پریس کانفرنس کرتے ہوئے الزام عائد کیا کہ اللہ دتہ ریٹائر اکاؤنٹنٹ ڈی پی او آفس اور اسکا بیٹا موجودہ جونیئر کلرک جہانزیب نے ہمارے ساتھ کاروبار کے نام پر فراڈ کر کے عرصہ دو سال تک سود کی رقم بٹورتے رہے اور دکان فروخت کروا دی ہمیں روڈ پر لے آئے ،تاجر سے دیہاڑی دار بنا دیا ،اپنی اصل رقم کے علاؤ لاکھوں روپے بٹور لیے اس پر بھی اس نے اسی پر بس نہ کی ہراساں کرنے کے لیے ناجائز اسلحہ کی جھوٹی ایف آئی آر درج کی اور تاحال ایف آئی آر در ایف آئی آر کا سلسلہ جاری ہے عدالت عالیہ لاہور ہائیکورٹ ملتان بنچ میں ہراسمنٹ کے آرڈر ہونے کے باوجود بھی جھوٹی ایف آئی آرز کا سلسلہ نہ رک سکا انہوں نے کہا پولیس نے چادر چار دیواری کا تقدس پامال کرتے ہوئے ہمارے گھروں میں کئ بار گھس چکی ہے اور جہانزیب اور اللہ دتہ کی سرپرستی میں داخل ہوئی متعلقہ تھانے کی نفری نہ ہونے کی بجائے ذاتی تعلق کی بنیاد پرڈی پی او آفس کی اتھارٹی کا ناجائز استعمال کرتے ہوئے ہمارے بچوں اور خواتین کے علاؤہ اسی سالہ بوڑھی ماں کو دھکے دئیے گئے اور جان سے مارنے کی دھمکیاں دیتے ہوئے کہا کہ تمہارا حشر دنیا دیکھے گی پورے ضلع کی پولیس ہمارے ہاتھ میں جو کرنا چاہیں ہمارے بائیں ہاتھ کا کھیل ہے ڈی پی او محمد علی وسیم نے ہمارے خلاف سود خوروں کی جھوٹی ایف آئی آرز کا سلسلہ روکنے کا حکم دے دیا تھا انکے جاتے ہی کل پھر میرے بھائی کے خلاف ایک اور جھوٹا مقدمہ درج کر دیا گیا ہے جس کی عبوری ضمانت ہونے کے باوجود جہانزیب نے ہمیں پولیس پٹرول پمپ پر دو گھنٹے تک حبس بے جا میں بٹھائے رکھا اور سنگین نتائج کی دھمکیاں دیتا رہا انہوں نے مزید بتایا تھانہ سول لائن کے اے ایس آئی سجاد نے آ کر جان بخشی کرائی انہوں نے کہا مجھے انصاف نہ ملا اور جھوٹے مقدمات پولیس کی طرف پریشان کرنے کا سلسلہ نہ رکا تو آر پی او آفس کے سامنے بچوں سمیت خود سوزی پر مجبور ہو جائیں گے انہوں نے ڈی پی او آر پی او ڈیرہ غازی خان ایڈیشنل آئی جی ساؤتھ پنجاب آئی جی پنجاب اور وزیر اعلیٰ پنجاب چوہدری پرویز الٰہی وزیر اعظم پاکستان اور چیف آف آرمی سٹاف سے نوٹس لینے کا مطالبہ کیا ہے

نوٹ : اگرجونیئر کلرک جہانزیب ببراپنا مؤقف دینا چاہے تو باغی ٹی وی ان کامؤقف شائع اور نشر کریگا.

باغی ٹی وی ،ٹھٹھہ (نامہ نگار راجہ قریشی)بکک ہوٹل کے قریب نامعلوم شخص کی لاش برآمد،لاش پولیس نے لاش کو تحویل میں لیکر سول اسپتال مکلی پورسٹ مارٹم کے لۓ پہنچا دیا ہے،نامعلوم شخص کے ورثاء کی تلاش جاری ہے ، ابھی تک لاش کی شناخت نہ ہوسکی، پولیس کا کہنا ہے کہ پوسٹ مارٹم کے بعد ہی حقائق سامنے آئیں گے .

باغی ٹی وی ننکانہ صاحب ( احسان اللہ ایاز)پولیس کا کریک ڈاؤن ، ناجائز اسلحہ رکھنے والے 11 ملزمان گرفتار۔ بھاری تعداد میں اسلحہ برآمد
تفصیل کے مطابق ننکانہ صاحب تھانہ صدر پولیس نے ایس ایچ او وقاص انور کی سربراہی میں ناجائز اسلحہ قبضہ میں رکھنے والوں کے خلاف گرینڈ آپریشن کیا اور مختلف کاروائیوں میں 11 ملزمان گرفتار کیے۔ ملزمان سے بھاری تعداد میں مختلف اقسام کا اسلحہ برآمد کر کے مقدمات درج کر لیے گئے۔ گرفتار ہونیوالے ملزمان میں عبدالجبار، انس، عمر شہزاد، سرفراز، آصف بوٹا، حسنین نذر، شکیل اور محسن وغیرہ شامل تھے۔ ڈی پی او سید خالد ہمدانی نے تھانہ صدر ننکانہ پولیس کی جرائم پیشہ عناصر کے خلاف کاروائی کو سراہتے ہوئے مبارکباد دی۔ ڈی پی او نے پوری ٹیم کو دفتر بلا کر نقد انعامات تعریفی اسناد سے نوازا۔ تعریفی اسناد حاصل کرنے والوں میں ایس ایچ او تھانہ صدر ننکانہ وقاص انور، ہیڈ کنسٹیبل امیر علی، کنسٹیبلان ندیم، گلفام، احمد حسن، بلال اور ڈرائیور کنسٹیبل عبدالغفور شامل تھے۔ اس موقع پر گفتگو کرتے ہوئے ڈی پی او کا کہنا تھا کہ جرائم پیشہ عناصر کی بیخ کنی اور محکمہ کا نام روشن کرنے والے پولیس افسران و نوجوان قابل تعریف ہیں۔ دوران ڈیوٹی اچھی کارکردگی کا مظاہرہ کرنے والے پولیس افسران و نوجوان کی حوصلہ افزائی کا سفر ہمیشہ جاری رہے گا

باغی ٹی وی ،دڑو ( امتیاز آکاش میمن کی رپورٹ)منشیات اور دیگر سماجی برائیوں کے خلاف سینکڑوں مرد و زن ، سول سوسائٹی ، سیاسی و سماجی کارکن سڑکوں پر آگئے۔رٹا اسٹاپ سے دڑو تک 3 کلومیٹر پیدل مارچ، ٹیکسی اسٹینڈ پر 5 گھنٹے تک دھرنا، شدید احتجاج،انسداد منشیات تحریک کے زیر اہتمام دڑو ٹیکسی اسٹاپ پر خواتین اور بچوں سمیت مختلف سیاسی و سماجی تنظیموں کے رہنماؤں، کارکنوں، تاجروں اور سول سوسائٹی کی بڑی تعداد نے شرکت کی۔اس موقعے پر عبدالرشید آزاد، رفیعہ پلیجو، عثمان سومرو، صحافی آکاش زئور، صابو شاہ، اشرف پلیجو۔ عبدالقیوم سومرو، یوسف کنبھار، محمد موسیٰ سومرو، عبدالغنی سومرو، اقبال سومرو، کامریڈ عزیز سومرو، وقاص مہدی، نظام میمن، کامریڈ شوکت سومرو، جبار زئور، عبدالطیف زئور، پرویز سمیت دیگر رہنماؤں نے خطاب کیا۔ان کا کہنا تھا کہ ایس ایس پی سجاول کی سرپرستی میں پورا ضلع منشیات کا اڈہ بن چکا ہے، نوجوان نسل ہیروئن، آئیس اور کچے شراب کا عادی ہوگیا ہے۔اس موقع پر ڈی ایس پی میرپور بٹھورو غلام رسول سیال ایس ایچ او دڑو آفتاب میمن مظاہرین کے پاس پہنچے اور تین دن میں منشیات فروشوں کے خلاف کریک ڈاؤن کرنےکا وعدہ کیا۔