Author: ڈاکٹرغلام مصطفی بڈانی

باغی ٹی وی ،ٹھٹھہ ( نامہ نگار راجہ قریشی) نئے ڈسٹرکٹ انفارمیشن آفیسر ٹھٹھہ نے اپنے عہدے کا چارج سنبھال کر باقاعدہ طور پر کام کا آغاز شروع کردیا ہے ۔
تفصیلات کے مطابق ٹھٹھہ محکمہء تعلقات عامہ حکومت سندھ کی جانب سے نئے مقرر کردہ ڈسٹرکٹ انفارمیشن آفیسر ٹھٹھہ محفوظ علی سومرو نے اپنے عہدے کا چارج سنبھال کر باقاعده کام کا آغاز کر دیا ضلعی اطلاعات آفس ٹھٹھہ کا چارج سنبھالنے کے بعد آفس کے مختلف شعبہ جات کا معائنہ کیا اور انہوں نے آفس عملے سے ملاقات کی اور انہیں ہدایت کی کہ وقت کی پابندی کے ساتھ اپنی حاضری کو یقینی بنایا جائے اس موقعہ پر انہوں نے مختلف پریس کلبس سے آئے ہوئے صحافیوں سے گفتگو کرتے ہوئے کہا کہ ضلع کے تمام صحافی حضرات ان کیلئے برابر کی حیثیت رکھتے ہیں اور ان کے دفتر کے دروازے ہر وقت کھلے ہیں انہوں نے کہا کہ سندھ حکومت اور محکمہء اطلاعات کی پالیسی کے تحت صحافیوں کے فلاح و بہبود اور دیگر جائز تمام مسائل کے حل کرنے کیلئے ہر ممکن کوشش کی جائے گی انہوں نے کہا کہ وہ جلد ضلع کے تمام پریس کلبس کا دورہ کرکے صحافی بھائیوں سے تفصیلی ملاقاتیں بھی کی جائینگی تاکہ مزید اور مربوط رابطہ قائم کیا جا سکے ضلعی اطلاعات افسر نے صحافی بھائیوں سے درخواست کی کہ وہ عوام کے بنیادی مسائل کی نشاندہی کرنے کے ساتھ ساتھ سندھ حکومت اور ضلعی انتظامیہ کی جانب سے عوام کے فلاح و بہبود کیلئے کئے گئے کام، جاری اور مکمل ترقیاتی منصوبوں کو بھی اجاگر کرنے میں اپنا بھرپور کردار ادا کریں اور صحافتی ذمہ داریوں کو تصدیق اور تحقیقات کے تحت احسن طریقے سے انجام دیا جائے انہوں نے کہا کہ محکمہء اطلاعات سندھ حکومت اور ضلعی انتظامیہ کی کارکردگی اور دیگر معلومات صحافیوں اور عوام تک پہچانے میں ان کے درمیان ایک کلیدی کردار ادا کرتا ہے بعد ازیں ضلعی اطلاعات افسر محفوظ علی سومرو کو ان کے دفتر میں مختلف محکموں کے افسران و عملہ، صحافی، سیاسی، سماجی و معزز شخصیات نے ملاقات کرکے انہیں سندھ کی ثقافت اجرکیں اور پھولوں کے تحائف پیش کرکے مبارکباد دی اور انہیں ضلع میں کی گئی کارکردگی کو بھی سراہا گیا۔

باغی ٹی وی ، پیرمحل (وقاص شریف نامہ نگار)پٹرولنگ پولیس کا مورال بہت بلند ہے عوام کو تحفظ فراہم کرنے میں کوئی کسر نہیں چھوڑیں گے ٹوبہ ٹیک سنگھ پولیس کے شانہ بشانہ کھڑے ہیں ۔ مہر محمد سعید سیال ۔
تفصیلات کے مطابق: گزشتہ ہفتے چک نمبر 728 گ ب میں مسلح ڈاکوؤں کو بڑی جواں مردی سے گرفتار کروانے میں پیش پیش پٹرولنگ پولیس کے ڈی ایس پی مہر محمد سعید سیال نے اپنے ایک بیان میں کہا ہے کہ پٹرولنگ پولیس اپنی تمام تر صلاحیتیں بروئے کار لاتے ہوئے جرائم پیشہ افراد کے خلاف آہنی دیوار ثابت ہوگی انہوں نے کہا کہ 728 گ ب کا واقعہ اسی سلسلے کا ایک زندہ ثبوت ہے ۔ انہوں نے کہا کہ عوام کو تحفظ فراہم کرنا ہمارا فرض ہے اور اس فرض کی ادائیگی میں جان بھی چلی جائے تو سودا گھاٹے کا نہیں ۔ 728 گ ب کے واقعہ کے بعد ریجنل پولیس آفیسر ڈاکٹر معین مسعود کی طرف سے جو ہماری حوصلہ افزائی کی گئی اس سے پٹرولنگ پولیس کا مورال مزید بلند ہوا ہے اور وہ نئے جوش و جذبے اور ولولے کے ساتھ جرائم پیشہ افراد کے خلاف ڈٹ کر کھڑی ہو گئی ہے انہوں نے کہا کہ ایس ایس پی فیصل آباد پٹرولنگ پولیس مرزا انجم کمال کی سربراہی میں ہم ڈسٹرکٹ پولیس ٹوبہ ٹیک سنگھ کے شانہ بشانہ کھڑے ہیں اور ان کے ساتھ مل کر جرائم پیشہ افراد کے خلاف کاروائیاں جاری رکھیں گے اس موقع پر انہوں نے اپنی ٹیم کے ہر ممبر کا نام لے لے کر ان کی حوصلہ افزائی کی۔

باغی ٹی وی،ٹھٹھہ (نامہ نگار راجہ قریشی) ڈپٹی کمشنر ٹھٹھہ نے کہا ہے کہ والدین اپنے بچوں کو معذوری سے بچانے کیلئے پولیو کے قطرے ضرور پلائیں پولیو ٹیموں کی گھر گھر موجودگی کو ہر صورت میں یقینی بنایا جائے۔
تفصیلات کے مطابق ڈپٹی کمشنر ٹھٹھہ غضنفر علی قادری نے محکمہء صحت سمیت تمام متعلقہ محکموں کے افسران کو ہدایت کی ہے کہ وہ 24 اکتوبر 2022ء سے شروع ہونے والی انسداد پولیو مہم کے دوران تمام موجود وسائل بروئے کار لاتے ہوئے ایمانداری اور نیک نیتی سے اپنی ذمہ داریاں سرانجام دیں اور مہم کے دوران بہتر نتائج کے حصول کیلئے کوئی کسر نہ چھوڑیں یہ ہدایت انہوں نے دربار ہال ڈی سی آفیس مکلی میں آئندہ انسداد پولیو مہم کے انتظامات اور تیاریوں کا جائزہ لینے کے متعلق منعقدہ اجلاس کی صدارت کرتے ہوئے دی ڈپٹی کمشنر نے محکمہء صحت کے افسران کو مزید ہدایت کی کہ وہ دور دراز علاقوں کیلئے مقامی این جی اوز سے بھی مدد لیں تاکہ معصوم بچوں کو پولیو جیسی خطرناک بیماری سے بچایا جا سکے انہوں نے پولیس افسران کو بھی ہدایت کی کہ وہ ٹرانزٹ پوائنٹس پبلک ٹرانسپورٹ پر سفر کرنے والے بچوں کو قطرے پلانے کیلئے پولیو ٹیموں سے تعاون اور مدد یقینی بنائیں انہوں نے کہا کہ پولیو ٹیموں کی گھر گھر موجودگی کو یقینی بنایا جائے تاکہ کوئی بھی بچہ پولیو کے قطرے پینے سے رہ نہ جائے ڈپٹی کمشنر نے ضلع ٹھٹہ کے عوام بالخصوص والدین سے پر زور اپیل کی ہے کہ وہ اپنے علاقوں میں آنے والی پولیو ٹیموں سے تعاون کرتے ہوئے اپنے پھولوں جیسے بچوں کو معذروری سے بچانے کیلئے انسداد پولیو کے قطرے ضرور پلائیں این اسٹاف ڈاکٹر راجیش کمار نے اجلاس کو بریفنگ دیتے ہوئے بتایا کہ مہم کے دوران پانچ سال تک عمر کے دو لاکھ 27 ہزار 593 بچوں کو پولیو سے بچاؤ کے قطرے پلانے کا ہدف مقرر کیا گیا ہے، اس ضمن میں سات سو اٹھارہ 718 گشتی، انچاس 49 فکسڈ اور چون 54 ٹرانزسٹ پوائنٹس جبکہ 171 ایریا انچارچز مقرر کئے گئے ہیں تاکہ مہم کو سو فیصد کامیاب بنایا جا سکے اس موقعہ پر ڈسٹرکٹ ہیلتھ آفیسر ڈاکٹر محمد حنیف میمن، ڈپٹی ڈائریکٹر سوشل ویلفیئر خدا بخش بہرانی ڈسٹرکٹ مینیجر یونیسیف اعجاز احمد جاکھرو کے علاوہ محکمہء صحت، تعلیم، پولیس ، لوکل گورنمنٹ و دیگر افسران اور مختلف این جی اوز کے نمائندے بھی موجود تھے قبل ازیں ڈپٹی کمشنر نے سول ہسپتال مکلی پہنچ کر بچوں کو پولیو سے بچاؤ کے قطرے پلا کر مہم کا باقاعدہ آغاز کیا بعد ازیں ڈپٹی کمشنر کی قیادت میں مکلی سول ہسپتال تا ڈی سی آفس چوک تک بچوں کو پولیو جیسی خطرناک بیماری سے نجات دلانے کیلئے عوام میں شعور بیدار کرنے کے متعلق ایک شاندار ریلی بھی نکالی گئی.

باغی ٹی وی ،گوجرخان( شیخ ساجد قیوم/ نامہ نگار ) الیکشن کمیشن آف پاکستان کی طرف سے چیئرمین PTI عمران خان کو نااہل قرار دینے کے فیصلے کے خلاف ملک بھر کی طرح گوجرخان میں بھی پی ٹی آئی ورکرز اور عہدیدارن نے چوک جی ٹی روڈ بلاک کر کے شدید احتجاج کیا سڑک پر ٹائر رکھ کر آگ لگائی گئی لاہور راولپنڈی کے درمیان چلنے والی ٹرانسپورٹ بند کردیگئی ، گوجرخان شہر جی ٹی روڈ کے دونوں اطراف گاڑیوں کی لمبی لائنیں لگ گئیں پی ٹی آئی کے سینکڑوں کارکن جمع ہو کر حکومت اور الیکشن کمیشن کے خلاف نعرے بازی کرتے رہے اس موقع پر مقامی رہنماؤں راجہ سہیل کیانی ایڈووکیٹ راجہ تنویر اختر ایڈووکیٹ مرزا بشیر اور دیگر نے مظاہرین سے خطاب کیا اور الیکشن کمیشن کے فیصلے کو انتقامی اور جانبدارانہ فیصلہ قرار دیا مقامی ایم پی اے چوہدری جاوید کوثر اور پی ٹی آئی رہنما شہزادہ خان اور دیگر نے بھی احتجاج میں شرکت کی شدید احتجاج اور نعرے بازی کے بعد ایم پی اے چوہدری جاوید کوثر کی اپیل پر مظاہرین پرامن طور پر منتشر ہو گئے

باغی ٹی وی ،ڈیرہ اسماعیل خان(نامہ نگار) سابق وفاقی وزیرسردارعلی امین خان گنڈہ پور نے پاکستان تحریک انصاف کے تمام مقامی سینئر رہنماؤں ورکرزاورعمران خان کے سپوٹرزکوپیغام دیاہے کہ قائد پاکستان تحریک انصاف عمران خان کی نااہلی کے خلاف بھرپوراحتجاج کیاجائے گا، انہوں نے کہاکہ بھرپوراحتجاج کرکے کٹھ پتلی حکومت سے عمران خان کی تاحیات نااہلی کے فیصلے کوواپس لینے پرمجبورکردیں گے۔اس حوالے سے انہوں نے کہاکہ حلقہ پہاڑپورمیں پاکستان تحریک انصاف کے مقامی سینئر رہنماؤں،عہدیداروں اورکارکنوں کوپیغام میں کہاکہ پہاڑپوراڈہ سے لے کر چشمہ روڈ کوہرقسم کی ٹریفک کیلئے بندکردیاجائے اسی طرح انہوں نے یونین کونسل رتہ کلاچی، یونین کونسل حسام اوریونین کونسل شورکوٹ کے کارکنوں کوکہاکہ شورکوٹ بائی پاس پر جمع ہوکرروڈ کو بلاک کرکے ہر قسم کی ٹریفک کیلئے بندکردیں۔ سابق وفاقی وزیرسردارعلی امین خان گنڈہ پور نے ظفرآباد،کورائی کے پاکستان تحریک انصاف کے ورکروں کو کہاکہ گرہ حیات بائی پاس چوک ٹانک روڈکوبھی بندکردیں۔کوٹلہ سیداں، آڑہ، ڈی ڈی اے کے پی ٹی آئی کے ورکرز عہدیداران وسینئررہنما درابن روڈبلاک کردیں۔ مریالی، جھوک قریشی ومضافات کے علاقوں کے پاکستان تحریک انصاف کے تمام مقامی سینئر رہنما ورکرزاورعمران خان کے سپوٹرز نے قریشی موڑ بلاک کرناہے۔انہوں نے کہاکہ سب عہدیدار اورسینئر رہنمابندوں کواکٹھاکرناشروع کریں جبکہ میں خود ڈیرہ اسماعیل خان پہنچ رہاہوں۔سابق وفاقی وزیرسردارعلی امین خان گنڈہ پور نے کہاکہ کٹھ پتلی حکومت کو قائد پاکستان تحریک انصاف عمران خان کی نااہلی کا فیصلہ واپس لینا ہوگا۔انہوں نے کہاکہ کٹھ پتلی حکومت عمران خان کی مقبولیت سے ڈرگئے ہیں اورانہیں آئندہ عام انتخابات میں اپنی ہارواضح نظرآنے لگی ہے جس کی وجہ سے وہ اوچھے ہتھکنڈے استعمال کرنے کی کوشش کر رہے ہیں لیکن ہم ان کی مذموم کوششیں کبھی کامیاب نہیں ہونے دیں گے۔

باغی ٹی وی ،شاہصدردین (نامہ نگار شاہد عمران گاڈی )سپرنٹنڈنٹ آف پولیس پنجاب ہائی وے پٹرول ڈیرہ غازی خان چوہدری محمد شریف کی پٹرولنگ پولیس کے افسران و جوانوں کو ہیلپ لائن 1124 آگاہی مہم بارے ہدایات جاری ،ریجنل پبلک ریلیشن آفیسر ممتاز حسین سب انسپکٹر نے بتایا کہ ایڈیشنل انسپکٹر جنرل آف پولیس پنجاب ہائی وے پٹرول کی طرف سے موصول ہونے والے احکامات کے مطابق ایس پی پنجاب ہائی وے پٹرول ڈیرہ غازی خان چوہدری محمد شریف نے کہا کہ پٹرولنگ پولیس کا کام ہائی ویز پر گشت کرنا اور مصیبت میں پھنسے مسافروں کی مدد کرنے کے ساتھ ساتھ ہائی ویز پر ہونے والے جرائم کی بیخ کنی کرنا ہے اس سلسلے میں پٹرولنگ پولیس کا باقاعدہ ہیلپ لائن نمبر 1124 فعال ہے، پورے پنجاب میں ہائی ویز پر کسی بھی پریشانی کی صورت میں ہیلپ لائن 1124 بغیر کسی چارجز کے ملا کر پٹرولنگ پولیس سے مدد طلب کی جا سکتی ہے ایس پی نے کہا کہ ہیلپ لائن نمبر 1124 تمام عوام الناس کو یاد ہونا چاہئیے خصوصی طور پر ڈرائیور حضرات اور روزانہ کی بنیاد پر سفر کرنے والے مسافر اس ہیلپ نمبر کو یاد رکھیں اور پریشانی کی صورت میں اس سے استفادہ حاصل کریں۔ آخر میں انہوں نے کہا کہ پٹرولنگ پولیس ہائی ویز پر 24 گھنٹے موجود ہے کسی بھی پریشانی کی صورت میں ہیلپ لائن 1124 ملائیں پٹرولنگ پولیس کم سے کم وقت میں آپ کے پاس ہو گی اور آپ کی ہر ممکن مدد کی جائے گی

باغی ٹی وی ،ٹھٹھہ ( نامہ نگار، راجہ قریشی) ڈاکٹر ریاض احمد صدیقی نے کہا ہے کہ بچوں بالخصوص لڑکیوں کی تعلیم وقت کی اہم ضرورت ہے اور اس مقصد کے حصول کے لیے محکمہ تعلیم کے افسران اور اساتذہ باالخصوص خواتین اساتذہ کو دلچسپی، محنت اور لگن سے اقدامات لینے ہوں گے تاکہ زیادہ سے زیادہ لڑکیوں کو تعلیم کے زیور سے آراستہ کیا جا سکے۔ ان خیالات کا اظہار انہوں نے غلام اللہ روڈ ترک کالونی ٹھٹھہ میں واقع ایف اے ایس اسکول کے دورے دوران بات چیت کرتے ہوئے کیا۔ اس موقع پر ڈسٹرکٹ ایجوکیشن آفیسر (سیکنڈری) حضور بخش خاصخیلی، ڈسٹرکٹ ایجوکیشن افسر (پرائمری) محمد رحیم سومرو، ڈسٹرکٹ مینیجر سندہ ایجوکیشن فاؤنڈیشن محمد یونس رستمانی و دیگر بھی ان کے ہمراہ تھے۔ اس موقع پر ریجنل ڈائریکٹر (محتسب) نے اسکول کے کلاس رومز اور محتلف شعبہ جات کا معائنہ کیا جبکہ بچوں سے ملاقات کرکے تدریسی عمل کا جائزہ بھی لیا۔ انہوں نے اسکول کے اندر نظم و ضبط پر مبنی ماحول کو فعال رکھنے پر اسکول انتظامیہ، ایس ای ایف کے افسران باالخصوص اساتذہ کی تعریف کرتے ہوئے ان کی کاوشوں کو سراہا۔ انہوں نے محکمہ تعلیم کے افسران کو ہدایت کی کہ وہ لڑکیوں کی تعلیم کے فروغ کے لیے ضروری اقدامات کریں۔ انہوں نے کہا کہ پاکستان کا مستقبل فنی تعلیم سے جڑا ہے اور طلبہ کو ہنرمندی اور فنی علوم سے آراستہ کرکے نہ صرف بے روزگاری کے مسئلے پر قابو پایا جاسکتا ہے بلکہ ملک کو ترقی و خوشحالی کی راہ پر بھی گامزن کیا جا سکتا ہے۔ انہوں نے ایس ای ایف اور ایس ای ایل ڈی سکولوں کو بنیادی سہولیات کی فراہمی کیلئے اپنے مکمل تعاون کی یقین دہانی بھی کرائی۔ قبل ازیں ریجنل ڈائریکٹر (محتسب) کو ایس ای ایف کے اسکالرشپ پروگرام اور پی ایس پی کے اقدامات کے متعلق بھی بریفنگ بھی دی گئی۔