Author: ڈاکٹرغلام مصطفی بڈانی

باغی ٹی وی ،ٹھٹھہ ( راجہ قریشی نامہ نگار)ایک ہوٹل5 دکانوں سمیت شارٹ سرکٹ کے باعث جل کر خاکستر
تفصیل کے مطابق ٹھٹھہ میں رات دیر گئے 5 دکانوں اور ایک ہوٹل میں آگ لگ گئی دکانیں اور ہوٹل جل کر خاکستر لاکھوں روپے کا نقصان ،آگ لگنے کی وجہ شارٹ سرکٹ بتائی جاتی ہے ،ٹھٹھہ مائی قدم مسجد کے قریب رات دیر گئے شارٹ سرکٹ کے باعث راجا میرانی اور محرم بھٹو کی سبزی کی دکان افضل بھٹو کی ہار کی دکان مولا بخش کا ہوٹل سومار کی پھلوں کی دکان اور امام علی کی لوھار کی دکان میں اچانک آگ لگ گئی جس کی وجہ سے کئی قریبی دکانوں کو بھی نقصان پہنچا ہے آگ کئی گھنٹے تک لگی رہی جس نے ہوٹل اور دکانوں اور اس میں موجود لاکھوں روپے کے سامان سبزی وغیرہ کو جلاکر خاکستر کردیا مگر فائر برگیڈ انتظامیہ گہری نیند میں سوتی رہی دکانداروں اور ہوٹل مالکان کا کہنا تھا کہ ہمارا لاکھوں روپے کا نقصان ہوا ہے جسکی وجہ سے ہمارا سب کچھ برباد ہوگیا ہے حکومت سندھ کو چاہیے کہ ہم غریبوں پر ترس کھاتے ہوئے ہماری مدد کرے

باغی ٹی وی ،ٹھٹھہ(راجہ قریشی نامہ نگار )بدنام زمانہ گٹکہ فروش کےگودام پر چھاپہ ، بڑی مقدار میں گٹکہ،چورا سپاری ،تمباکو پتی و دیگر سامان برآمد
تفصیلات کے مطابق ایس ایس پی ٹھٹہ عدیل حسین چانڈیو کے سخت احکامات پر ایس ڈی پی ٹھٹہ ڈی ایس پی افضل بیگ صاحب کی سربراہی میں ایس ایچ او تھانہ مکلی انسپیکٹر عبدالمجید بروہی،انچارج سی آئی اے ٹھٹہ سب انسپیکٹر فاروق احمد راہپوٹو اور انچارج 15 مددگار بیس ٹھٹہ سب انسپیکٹر محمد حسین جاکھرو بمعہ اسٹاف نے خفیہ اطلاع ملنے پر غلام اللہ شہر میں بدنام گھٹکہ فروش منیر میمن اور شھباز میمن کے گھٹکہ گودام پر چھاپہ مار کامیاب کارروائی کرکے 20 کٹہ چورا سپاری وزن 200 کلو، 6 کٹہ جس میں 150 پیکٹ ZSP تمباکو پتی وزن 150 کلو، 7 کٹہ تمباکو پتی وزن 203 کلو، ٹوٹل وزن 5 سو تریپن 53 (553) کلو، 1 چونے کی ہانڈی، 1 ڈجیٹل کانٹا اور 120 پیکٹ گھٹکہ ماوا برآمد برآمد کرکے تھانہ ساکرو میں مقدمہ نمبر 99/2022 سیکشن 3,4,8 گھٹکہ ائیکٹ 2019 درج کردیاگیا اور فرار ملزمان کی گرفتاری کے لیے پولیس کے چھاپے جاری ہیں۔ تفتیش جاری ہے .

باغی ٹی وی:شیخوپورہ(محمد طلال سے) شیخوپورہ تھانہ فیکٹری ایریا پولیس فیکٹری ایریا کے علاقہ کوٹ نورشاہ میں ملزمان گلباز نے اپنی والدہ شازیہ بی بی،والد نیاز اوردوکس نامعلوم کے ہمراہ اپنی بیوی سونیا بی بی کو ڈنڈوں،سوٹوں اور گھوسوں سے تشد کا نشانہ بنایا جس سے اسکے سر اورجسم کے دیگر حصوں پر شدید چوٹیں آئیں جس سے سونیاں بی بی کے کپڑے پھٹ گئے اور وہ نیم بیہوش ہوگئی میڈیکولیگل کے بعد پولیس نے سونیابی بی کے بھائی شفاقت علی کی مدعیت میں مقدمہ درج کرکے شازیہ بی بی،نیاز وغیرہ چار افراد کو گرفتار کرلیا مگر تفتیشی آفیسر فتح شیر ملزمان سے مبینہ طور پر ساز باز ہوگیا اور چاروں ملزمان کو چھوڑدیا مدعی مقدمہ ڈی ایس پی فیروزوالہ کے پاس دادرسی کیلئے گئے مگرسب انسپکٹر فتح شیر نے ڈی ایس پی کے احکامات بھی ہوا میں اڑادئیے جس پر سونیابی بی کی والدہ،بھائی اور علاقہ کی درجنوں خواتین نے ڈی پی او آفس کے باہر احتجاج کیا جس میں مطالبہ کیاکہ مقدمہ کی تفتیش تبدیل کرنے کے علاوہ سب انسپکٹر فتح شیر کیخلاف انکوائری کی جائے اور اسے تبدیل کیاجائے احتجاجی کرنیوالوں میں سونیا بی بی کی والدہ رمضانہ،فرزانہ بی بی،پروین بی بی،ثریا بی بی ودیگر شامل ہیں میڈیا سے گفتگو کرتے ہوئے رمضانہ بی بی نے کہاکہ گلباز اور اسکے گھر والے انکی بیٹی کو محض اس بات پر تشدد کانشانہ بناتے کہ وہ جہیز کم کیوں لیکر آئی ہے گذشتہ روز بھی گلباز کی والدہ شازیہ بی بی نے سونیا کو بالوں سے پکڑ کر گھونسوں سے تشدد کیا اوربعدازاں ڈنڈوں کے وار کرکے اس کا سرپھاڑ نے کے علاوہ جسم کے دیگر حصوں پر تشدد کرتے رہے فیکٹری ایریا پولیس نے مقدمہ درج کرلیا اور ملزمان کو گرفتار بھی کرلیامگر تفتیشی آفیسر فتح شیر نے ملزمان سے ساز باز ہوکر ملزمان کو چھوڑدیا ایس ایچ او فیصل چدھڑ نے فتح شیر سے ملزمان بارے رپورٹ طلب کی تو تفتیشی آفیسر نے جواب دینا مناسب نہ سمجھا اور جب ڈی ایس پی فیروزوالہ سرکل کے پاس گئے تو انکے احکامات کو بھی ہوا میں اڑادیا جس پر ہمیں گہری تشویش لاحق ہے ہمارا مطالبہ ہے کہ فوری طو رپر تفتیش تبدیل کرکے ایس پی انوسٹی گیشن یا ڈی ایس پی فیروزوالہ کو تفتیشی آفیسر مقرر کیا جائے تاکہ ہمیں انصاف کی فراہمی یقینی ہوسکے رابطہ کرنے پر تفتیشی آفیسر فتح شیر نے بتایا کہ دونوں فریقین کی بات سننی پڑتی ہے اگر ملزمان کو چھوڑ دیا ہے تو پھر کیا ہوا وہ کونسا ملک سے فرار ہوگئے ہیں دوبارہ پکڑ لیں گے۔

باغی ٹی وی ،ٹھٹھہ ( راجہ قریشی نامہ نگار)گن پوائنٹ پر ہندو لڑکی گھر سے اغواء،پولیس کارروائی سے گریزاں ،مذہب تبدیلی کرکے زبردستی شادی ۔ والدین کاخدشہ
تفصیل کے مطابق تعلقہ میر پور ساکرو کے شہر گھاڑو کے نزدیک دانداری گاؤں کی ہندو لڑکی اغوا مذہب تبدیل کرہ کے شادی کرنے کے امکان ، والدین کا احتجاج ،گھاڑو شہر کے نزدیک دانداری گاؤں کے قدیمی رہواسی پنجو میگھوار کی بیٹی مس سلمہ میگھوار کو شاہد انڑ اور ساتھیوں کی مدد سے رات کو اسلحہ کے زور پرگھر سے زبردستی اغواء کرلیا ، جس کےبارے میں کچھ بھی معلوم نہیں ہوپارہاکہ وہ کدھر ہے، ہندو نوجوان لڑکی کے گھر والوں نے صحافیوں کو بتا یا کے شاہد انڑ اور ان کے ساتھیوں نے ہتھیاروں کے زور پر گھر والوں کو یرغمال بنا کر ہماری بچی سلمہ کو اغوا کر کے لے گۓ اوراب ہمیں فون کر رہا ہے اور دھمکیاں دے رہا ہے اور انہونے بتایا کے ہم نے تھانہ گھاروں میں گن پوائنٹ پر اپنی لڑکی کے اغواء کی درخوست دی ہے لیکن پولیس کوٸی کاررواٸی کرنے کو تیار نہیں ہے، ان لوگوں مزید کہاکہ ہماری بچی کا زبردستی مذہب تبدیل نہ کیاجاۓ ،اغواء شدہ ہندولڑکی لواحقین نے انسانی حقوق کی تنظیموں اور وزیر اعلی سندھ سید مراد علی شاہ، سندھ ہائیکورٹ کے چیف جسٹس سے نوٹس لینے کامطالبہ کیا ہے

دوسری طرف سوشل میڈیا پر ڈاکومنٹس وائرل ہیں کہ جس میں مبینہ اغواء ہونے والی ہندو لڑکی نے اسلام قبول کرلیاکا سرٹیفیکٹ اور بیان حلفی کے ساتھ دیگر کاغذات شامل ہیں

باغی ٹی وی ،گوجرخان( شیخ ساجد قیوم/ نامہ نگار ) تھانہ روات پولیس نے کئی مویشی چوری کی وارداتوں میں ملوث دانش نامی شخص کو گرفتار کر لیا ملزم کے قبضہ سے الاکھ ستر ھزار روپے نقدی اور گاڑی بھی برآمد ھوئی ھے ملزم بکریاں چوری کے علاوہ مویشی چوری کی کئی وارداتوں میں ملوث ہے-
ایک اور واقعے میں گوجرخان پولیس نے 8جواباز گرفتار کر لئے ،گوجرخان پولیس کی قماربازوں کے خلاف کاروائی،ڈولی دانہ پر جواء کھیلنے والے 08قمار باز گرفتار،داؤ پر لگی رقم 01لاکھ 09 ہزار روپے، 09 موبائل فونز اور ڈولی دانہ برآمد، ملزمان سے 03 موٹرسائیکل بھی قبضہ پولیس میں لیے گئے، تفصیلات کے مطابق گوجرخان پولیس نے کاروائی کرتے ہوئے ڈولی دانہ پر جواء کھیلنے والے 08قمار بازوں کو گرفتار کرلیا،گرفتار ملزمان میں عمران، قاسم، واصف، احسان، عامر، افتخار، عمر اور وسیم شامل ہیں،ملزمان سے داؤ پر لگی رقم 01لاکھ 09 ہزار روپے، 09 موبائل فونز، ڈولی دانہ اور ملزمان سے 03 موٹرسائیکل بھی قبضہ پولیس میں لیے گئے،ملزمان کی گرفتاری پر ایس پی صدر احمد زنیر چیمہ نے گوجرخان پولیس کو شاباش دیتے ہوئے کہا کہ قماربازی دیگر برائیوں کی جڑ ہے قمار بازوں کے خلاف کریک ڈاؤن جاری رہے گا.