Author: ڈاکٹرغلام مصطفی بڈانی

باغی ٹی وی ،روجھان ( ضامن حسین بکھر)روجھان کے نواحی سیلاب زدہ علاقہ چک صفدر آباد کی نواحی بستی میر محمد خان قیصرانی میں سیلابی تباہ کاریاں بستی کے جملہ گھر رودکوہی کے پانی کے زیر آب آنے کے باعث بستی مکمل طور پر منہدم مال مویشی سیلابی پانی میں بہہ گئے اور کپاس اور چاول کی زیر کاشت کھڑی فصل مکمل طور پر تباہ ہوگئی میر محمد قیصرانی نے نامہ نگار باغی ٹی وی ضامن حسین سے گفتگو کرتے ہوئے بتایا کہ ہم رودکوہی کے سیلابی بچاؤ بند کے قریب بستی ہے بند میں شگاف پڑنے سے ہم صرف اپنے بچوں کو تحصیل انتظامیہ کی مدد سے محفوظ مکانات پر منتقل کر سکے اور باقی ماند اسباب اور دیگر گھریلو سامان پارچات پانی کے نظر ہو گئے میر محمد قیصرانی و بستی مکینوں کا کہنا تھا کہ اب موسم سرما آنے والا ہے گندم کی بوائی کا آغاز بھی شروع ہونے والا ہے سیلاب متاثرین بستی میر محمد قیصرانی کے مکینوں نے وزیراعظم پاکستان، وزیراعلیٰ پنجاب، کمشنر ڈیرہ غازی خان ڈپٹی کمشنر راجن پور سے اپیل کی ہے کہ سروے کا عمل جلد شروع کر کے ہمارے نقصانات کا تخمینہ لگا کر نقصانات کا ازالہ کیا جائے اور ہمیں مکانات کی تعمیرات میں مالی مدد کریں بستی مکینوں نے پاکستان ایئر فورس، مختلف این جی اوز، فلاحی تنظیموں، مخیر حضرات اور فانڈریشنز اور عوامی فلاحی ٹرسٹ تنظیموں سے مدد کی اپیل کی ہے ۔

باغی ٹی وی ، ٹھٹھہ( راجہ قریشی نامہ نگار)گورنمنٹ ڈگری کالج مکلی میں سندھ پروفیسر لیکچرار ایسوسی سیشن کی طرف سے ایک جونئئر لیکچرر راشد کھوسو کی طرف سے ڈگری کالج مکلی کے اسٹاف کو بلیک میل کرنے اور ان کے خلاف اختیارات کا ناجائز استعمال کرتے ہوئے سیکریٹری تعلیم کو رپورٹ کرنے کے خلاف احتجاج اور تعلیمی سرگرمیوں کا بائیکاٹ ،سندھ پروفیسر اینڈ لیکچرار ایسوسی ایشن کی طرف پروفیسر شاہ جہاں سیکریٹری جنرل سپلا سندھ، پروفیسر انور منصور صدر سپلاحیدراباد بسم اللہ جان جنرل سیکریٹری سپلا ٹھٹھہ اور اعجاز علی پلیجو کی قیادت میں احتجاجی مظاہرہ کیا گیا مظاہرین کا کہنا تھا کہ ہمارے ادارے میں چھوٹے سے بڑے پیمانے تک کریپشن پھیلی ہے دو دن قبل ایک جونئیر لیکچرر راشد کھوسو نے غیر قانونی طریقے سے صبح آٹھ بجے کالج کادورہ کیا اور سوا اٹھ بجے کالج کے پورے اسٹاف کو غیر حاضر کرکے سیکریٹری تعلیم کو رپورٹ کی ہے کہ تمام اسٹاف کو معطل کیا جائے انہوں نے کہا کہ راشد کھوسو نے بارہ ہزار والی بائیو میٹرک مشین ستر ہزار کی کالج کو بیچی ہے اور بائیو میٹرک کے بہانے سارے اسٹاف کو بلیک میل کرکے اور رقم مانگ رہاہے کالج میں بائیو میٹرک کا ٹائیم صبح نو بجے ہے اور کالج کا تمام اسٹاف کراچی حیدراباد اور دوسرے شہروں سے صبح نو بجے سے پہلے کالج پہنچ جاتے ہیں مگر راشد کھوسو جس کو ہاضری چیک کرنے کااختیار ہی نہیں ہے اس نے غیر حاضری کی رپورٹ بھیجی ہے انہوں نے کہا ہے کہ سیکریٹری تعلیم راشد کھوسو کے خلاف کاروائی کریں ورنہ احتجاج کا دائیرہ اختیار بڑھایا جائے گا.

باغی ٹی وی ،ٹھٹھہ (راجہ قریشی نامہ نگار)جئے سندھ ترقی پسند پارٹی کے زیر اھتمام آو تو سندھ سجائیں کے موضوع پر ایک شاندار جلسہ جاگیردار مردہ باد انقلاب زندہ باد جڈیشل کمپلیکس گراونڈ ٹھٹھہ میں منعقد ہواجس میں ہزاروں لوگوں نے خواتین سمیت شرکت کی پارٹی کے سربراہ ڈاکٹر قادر مگسی نے جلسہ کی صدارت کی جلسہ میں ضلعی صدر سید جلال شاہ راجو قریشی ناتھو بروھی، ڈاکٹر سومار منگریو، نثار کریو، افضل جسکانی، اقبال آجیانو، سروان مگسی، شاہنواز سیال، امتیاز سموں، اور دیگر رہنماؤں نے شرکت کی مقررین نے اپنے خطاب میں کہا کہ سندھ کو حکمرانوں نے صرف لوٹا ہواہے، ٹھٹھہ کے منتخب نمائندوں نے ضیاالحق، پرویز مشرف، بے نظیر بھٹو، عمران خان نواز شریف کے ساتھ اقتدار کے مزے لئے ہیں صرف عوام کو لوٹا ہے اب وقت ہے کہ ہم اپنی ماں سندھ کو ظالم حکمرانوں سے بچائیں اور سندھ کے حقوقِ کے لئے اگے بڑھیں

باغی ٹی وی ،کراچی ( ویب نیوز) صوبائی حکومت کی بغاوت پرگورنر راج لگایا جا سکتا ہے
روزنامہ امت نے احمد خلیل جازم کی ایک تجزیاتی رپورٹ شائع کی ہے اس رپورٹ میں انہوں نے لکھاہے کہ ” قانونی ماہرین کا کہنا ہے کہ پنجاب میں گورنر راج لگایا جا سکتا ہے” اٹھارویں ترمیم میں اس کی گنجائش موجود ہے۔ آئینی طور پر اس کیلیے قرارداد منظور کرانی پڑتی ہے۔ چونکہ کسی بھی صوبے کا گورنر صدر کا نمائندہ ہوتا ہے۔ پارلیمانی جمہوریت میں اور خصوصاً تہتر کے آئین میں اٹھارویں ترمیم کے بعد صدر کا عہدہ صرف پارلیمنٹ کے بل پر دستخط کرنے تک ہی محدود ہے۔ واضح رہے کہ وفاقی حکومت صوبہ پنجاب میں رانا ثناء اللہ کے وارنٹ گرفتاری اور عمران خان کے متوقع لانگ مارچ کے تناظر میں پنجاب میں گورنر راج کا سوچ رہی ہے۔ ذرائع کے مطابق اس پر پی ڈی ایم میں شامل تمام سیاسی جماعتوں کی مشاورت مکمل ہوچکی ہے۔
اس حوالے سابق صدر سپریم کورٹ بار ایسوسی ایشن یاسین آزاد نے ’’امت‘‘ سے گفتگو میں کہا کہ ’’گورنر راج کے نفاذ کیلیے آئینی طورپرقومی اور صوبائی اسمبلی سے قرارداد منظور کرانی پڑتی ہے۔ لیکن اس وقت موجودہ صورتحال میں پنجاب کے وزیر داخلہ نے وفاقی وزیر داخلہ کو گرفتار کرنے کا کہا ہے اور وارنٹ بھی ایشو کیے جاچکے ہیں۔ حالانکہ وہ کورٹ کے وارنٹ ہیں۔ جیسے عمران خان کے خلاف وارنٹ ایشو ہوئے تھے۔ ویسے ہی وارنٹ ہیں۔ اس کی کورٹ سے ضمانت ہوسکتی ہے۔ لیکن ہم دیکھ رہے ہیں کہ پنجاب کا وزیر داخلہ بعض اوقات کچھ کہتا ہے اور بعض اوقات کچھ۔ نواز شریف کی جیل میں ملاقاتوں پر قانونی کارروائی کا عندیہ دیتا ہے۔ جیل حکام کے خلاف ایف آئی آر کاٹنے کا کہتا ہے تو دیکھا جائے تو ایسا نہیں ہے کہ صوبہ فیڈریشن پر اٹیک کرے اور فیڈریشن معذرتیں پیش کرے۔ پاکستان کا دستور صرف فیڈریشن کیلیے نہیں، پورے پاکستان کیلیے ہے۔ اور آئین کی پابندی کرنا تمام صوبوں اور فیڈریشن کی ذمے داری بنتی ہے۔
یہ اس ملک کی بدقسمتی ہے کہ جب پی ٹی آئی نے پہلے لانگ مارچ کیا تو پرویز خٹک خیبرپختون کے چیف منسٹر تھے۔ انہوں نے باقاعدہ طور پر فیڈریشن پر ایک قسم کا اٹیک کیا تھا۔ ویسے تو چھوٹے چھوٹے معاملات پر سوموٹو ایکشن لے لیا جاتا ہے۔ لیکن اس طرح کے معاملات میں ہم خاموش ہوجاتے ہیں۔ ہمیں ایسے معاملات پر خاموش نہیں رہنا چاہیے۔ ہمیں صوبوں کو یہ احساس دلانا چاہیے کہ وہ ایسا کام نہیں کرسکتے جس سے پاکستان کمزور ہو۔ کمزور تو ہم نے ویسے ہی کردیا ہے۔ ایک ایک ادارے کو تباہ کرکے رکھ دیا ہے۔ ایک سابق پرائم منسٹر آئینی اداروں کو دھمکیاں دیتا ہے۔ اسٹیبلشمٹ کو برا بھلا کہتا ہے۔ کوئی سننے والا نہیں ہے۔ تو گورنر راج جبھی ہوتا ہے جب کسی صوبے کے حالات انتہائی خراب ہوجائیں۔ صوبہ بغاوت پر اتر آئے۔ ایمرجنسی نافذ ہونا ضروری ہو۔ ایسی صورت میں حکومت قومی اسمبلی کا جوائنٹ سیشن بلا کر ایمرجنسی نافذکرنا چاہے تو کسی بھی صوبے میں کرسکتی ہے۔ یہ کہاں لکھا ہے کہ صوبے میں مختلف پارٹیوں کی حکومت ہو تو آپ فیڈریشن پر اٹیک کرسکتے ہیں؟ آپ کے پڑوس میں پچاس سے زائد ریاستیں ہیں۔ وہاں ایسا کیوں نہیں ہوتا کہ فیڈریشن پر حملہ کیا جائے۔ یہ ہمارے ملک میں عجیب تماشا بنا ہوا ہے‘‘۔ اس سوال پر کہ صدر کا اس میں کیا کردار ہوتا ہے؟
یاسین آزاد کا کہنا تھا ’’صدر کا اس میں کوئی کردار نہیں ہوتا۔ اس نے اسے ایک مخصوص وقت میں منظور کرنا ہے۔ اگر وہ اسے لٹکاتا ہے تو فیڈریشن دوبارہ پارلیمنٹ کا اجلاس بلا کر اسے فوری طور پر نافذ کردے گی۔ اگرچہ اٹھارویں ترمیم میں گورنر راج کا نفاذ اتنا آسان نہیں۔ لیکن اگر صورتحال انتہائی خراب ہوجائے۔ لا اینڈ آرڈر کی صورتحال ختم ہوجائے تو پارلیمنٹ کے دونوں ایوان قرارداد پاس کردیتے ہیں۔ فیڈریشن کے پاس اس وقت سینیٹ اور قومی اسمبلی میں اکثریت ہے تو وہ فوری قرارداد پاس کرسکتے ہیں۔ پھر کیا ہوگا۔ پھر تو وہ آئینی طور پر کیا جائے گا۔ میں پولیٹکل ورکر بھی ہوں۔ میں اس وقت کسی کی نمائندگی نہیں کرتا۔ ضمیر اور قانون کی بات کر رہا ہوں۔ کیا پاکستان کی تمام سیاسی جماعتوں کی ذمہ داری نہیں کہ پارلیمنٹ کے اندر بیٹھ کر تمام معاملات حل کریں۔ چھوٹی چھوٹی باتوں کے لیے عدالت جاتے ہیں۔ پھر جب عدالت کا فیصلہ آئے تو عدالتوں پر لعن طعن کرتے ہیں۔ تمام پارٹیاں پاکستان کی بقا نہیں بلکہ اپنی انا کی جنگ لڑ رہی ہیں‘‘۔
سپریم کورٹ کے سینئر وکیل سلمان اکرم راجہ کا کہنا تھا کہ ’’وفاق کا یہ استحقاق ہے کہ وہ گورنر راج نافذ کر سکتا ہے۔ لیکن یہ عدالتوں میں چیلنج ہو سکتا ہے اور عدالتیں اس کے خلاف فیصلہ دے سکتی ہیں۔ گورنر رول کے کچھ لوازمات ہوتے ہیں کہ صوبے میں آئینی نظام مفلوج ہوجائے یا پھر کوئی معاشی ایمرجنسی ہو۔ اس صورت میں تو یہ رول ممکن ہے۔ لیکن بہرحال عدالت اسے دیکھ سکتی ہے۔ گورنر رول نافذ کرنا کوئی مشکل نہیں اور اس کا طریقہ کار آئین میں درج ہے۔ لیکن سوال یہ ہے کہ عدالت میں اس کا دفاع کیسے کیا جائے گا؟ اور عدالت اس کا فیصلہ کرنے میں کتنا وقت لے گی‘‘۔ ایک سوال پر ان کا کہنا تھا کہ ’’صدر کا اس میں یہی کردار ہوگا کہ وہ مشاورت کے لیے وفاقی حکومت کو ایک بار کہہ سکتے ہیں۔ لیکن ان کا زیادہ کردار نہیں ہوگا۔ ویسے بھی گورنر صوبے میں صدر کا ہی نمائندہ ہوتا ہے۔ لیکن وفاقی حکومت اگر چاہے گی تو لامحالہ انہیں یہ کرنا ہی پڑے گا۔ میرا کہنا صرف اتنا ہے کہ گورنر رول نافذ کرنا آسان ہے۔ لیکن اس کے دفاع کے لیے آپ کے پاس مضبوط دلیل ہو۔ جس سے عدالت میں ثابت کرسکیں کہ یہ ضروری تھا‘‘۔

باغی ٹی وی ،چونیاں (نامہ نگار) ڈینگی وائرس نے نوجوان کی جان لے لی، رحمان پورہ کا رہائشی 30 سالہ اورنگزیب کی ڈینگی وائرس نے جان لی، رورل ہیلتھ سنٹر چھانگا مانگا میں سہولیات کا فقدان ہونے ہی وجہ سے لاہور ریفر کر دیا گیا جہاں جانبر نہ ہو سکا۔ آر ایچ سی میں سہولیات کا فقدان ہے ڈینگی کاؤنٹر ہی موجود نہیں، شہر میں کسی بھی مقام پر ڈینگی وائرس سے بچاؤ کی سپرے نہیں کی گئی جس سے وائرس پھیلنے کا خدشہ ہے۔ متوفی کی میت گھر پہنچنے پر کہرام برپا ہو گیا گیا، اہلخانہ سمیت علاقہ مکین بھی صدمہ میں مبتلا تھے

باغی ٹی وی ،چونیاں (نامہ نگار) میونسپل کمیٹی جناح ہال چونیاں میں ہاتھ سے لکھے گئے قرآن پاک کے نسخے کی تقریب رونمائی منعقد کی گئی۔ہاتھ سے لکھے قرآن مجید کے اس نسخے کو دیکھنے کے لے شہریوں کی بڑی تعداد نے ہال کا رخ کیا ہے تفصیلات کے مطابق چونیاں ظہیر آباد کالونی کے رہائشی مرزا اکبر بیگ نے اللہ تبارک وتعالیٰ اور نبی آخر الزماں حضرت محمد صلی اللہ علیہ وسلم کی محبت میں ایک سال کی مسلسل جدوجہد کے بعد ہاتھ سے لکھے گئے قرآن مجید فرقان حمید کے نسخے کو مکمل کرنے کے بعد جناح ہال میں ایک پروقار تقریب کی رونمائی منعقد کی گئی جس میں شہریوں کی بڑی تعداد نے ہاتھ سے لکھے ہوئے قرآن پاک کے نسخے کو دیکھنے کے لیے جناح ہال کا رخ کیا اس موقع پر ہاتھ سے لکھنے والے قرآن پاک کے کاتب مرزا اکبر بیگ کا کہنا تھا۔ دو سال قبل حضور صلی اللہ علیہ وسلم کے در مبارک مدینہ منورہ پر مانگی دعا پوری ہو گئی ہے اب اس قرآن مجید کے نسخے کو کلیرنس سرٹیفکیٹ مل چکا ہے دوبارہ عمرہ کی سعادت کے جا کر اور اپنے ہاتھ سے لکھے ہو قرآن کے اس نسخے کو مسجد نبوی کے گیٹ نمبر پانچ قرآن محل میں رکھنے جاؤں گا۔ شہریوں نے کاتب اکبر بیگ کے اس عمل کو خوب سراہا۔۔