Author: ڈاکٹرغلام مصطفی بڈانی

باغی ٹی وی ،ٹھٹھہ( راجہ قریشی نامہ نگار)ٹھٹھہ میونسپل کمیٹی کے ملازمین کے مسائل حل نہ ہوسکے ملازمین کا احتجاجی مظاہرہ کرتے ہوئے اور کیمپ قائم وزیر اعلیٰ سندھ منسٹر بلدیات کے وعدے وفا نہ ہوسکے۔ تفصیلات کے مطابق میونسپل کمیٹی ٹھٹھہ کے سینکڑوں ملازمین نے اپنے جائز مسائل کے حل کے لیے میونسپل کمیٹی ٹھٹھہ کے سامنے احتجاجی مظاہرہ کیا اور نعرے بازی بھی کی اور میونسپل کمیٹی ٹھٹھہ کے گیٹ کے سامنے احتجاجی کیمپ بھی لگایا اس موقعہ پر ملازم اتحاد میونسپل کمیٹی ٹھٹھہ کے سید عنایت علی شاہ اور دیگر نے کہا کہ ہمارے جائز مطالبات ابھی تک حل نہیں ہوسکے ہیں سی ایم سندھ ،وزیر بلدیات اور وزیر اعلیٰ سندھ کے معاون خصوصی نے ہم سے وعدہ کیا تھا کہ آپ کے مطالبات جلد حل کردئیے جائیں گے مگر ہمیں میٹھی لولی پاپ دینے کے بعد کوئی وعدہ وفا نہیں ہوا ہے ملازمین سخت دشواری اٹھا رہے ہیں انہوں نے کہا کہ اگر ہمارے مطالبات منظور نہیں کئے گئے تو ہمارا احتجاج جاری رہے گا۔اس موقع پر علامتی خود کشی بھی کی گئی

باغی ٹی وی ،ڈیرہ غازی خان( نامہ نگار) ورکرز کنونشن میں پی ٹی آئی کارکنان آپے سے باہر ہلڑ بازی کیساتھ ہاتھا پائی، تھپڑوں کی آزادانہ استعمال، ارکان اسمبلی پر اقربا پروری اور عہدے اپنوں کو بانٹنے کا الزام، سابق وفاقی وزیر زرتاج گل کارکنوں کے نشانے پر رہی اسی طرح دیگر ارکان اسمبلی کے ناروا سلوک پر ورکرز کنونشن میں آئے ہوئے پی ٹی آئی ٹائیگر شدید اشتعال میں آ کر نعرے بازی بھی کرتے ہوئے اس دوران ممبران اسمبلی کی نا اہلی سمیت کرپشن کے بارے آوازیں بلند ہوتی رہیں زرتاج گل سے سٹیج پر دوران تقریر میک چھین لیا گیا اور اسی طرح جنوبی پنجاب کا صدر عون عباس بپی کو سٹیج پر تقریر کرنے سے روک دیا گیا ہے ارکان اسمبلی اور اہم عہدیداران کی موجودگی میں کارکنان ایک دوسرے پر تشدد کرتے رہے عہدوں کی غلط بندر بانٹ سے شروع ہونے والی بات کرپشن بند کرنے تک جا پہنچی اس دوران سابق صدر کو دھکے دیکر سٹیج سے نیچے اتار دیا گیا کارکنوں نے نعرے بازے کرتے ہوئے کہا کہ ارکان اسمبلی اپنے ٹاوٹوں کو لگام نہیں دیتے تو پھر ہم انہیں لگام دینے کیلئے ہر فورم پر تیار ہیں

باغی ٹی وی ،*جتوئی ( نذیر شجراء)دفتر پولیس میں 38 سال سروس مکمل کرنے کے بعد سب انسپکٹر عبداللطیف کی ریٹائرمنٹ کے موقع پر الوداعی تقریب کا انعقباد کیا گیا,سب انسپکٹر عبداللطیف کی خدمات ہمیشہ یاد رکھی جائینگی، ڈی پی او احمد نواز
تفصیلات کے مطابق ڈسٹرکٹ پولیس آفیسر مظفرگڑھ سید احمد نواز شاہ نے ریٹائرڈ ہونے والے سب انسپکٹر کے اعزاز میں پروقار الوداعی تقریب کا انعقادکیا۔ تقریب میں ایس پی انویسٹی گیشن محمد اکرم خان نیازی، ڈی ایس پی لیگل خالد محمود شاہ، ایس ڈی پی او سٹی سرکل سمیت دفتر پولیس کے تمام اسٹاف نے شرکت کی۔ ڈی پی او مظفرگڑھ نے ریٹائرڈ ہونے والے سب انسپکٹر عبد الطیف کو اعزازی شیلڈ اور پھولوں کے گلدستے دیئے اور محکمہ پولیس میں عبدالطیف سب انسپکٹر کی خدمات کو سراہا۔ ڈی ایس پی لیگل خالد محمود شاہ نے ریٹائرمنٹ پر سب انسپکٹر عبدالطیف کو مبارکباد دی اور نیک خواہشات کا اظہار کیا۔ خالد محمود شاہ کا کہنا تھا کہ ایسے محنتی، قابل اور انتھک تفتیشی افسر محکمہ کی زینت ہوتے ہیں۔ پولیس ڈیپارٹمنٹ میں عبدالطیف سب انسپکٹر کی خدمات کو ہمیشہ یاد رکھا جائے گا۔ محکمہ پولیس سے آپ کا رشتہ ہمیشہ ہمیشہ کےلئے قائم رہے گا۔ ریٹائرڈ ہونے والے سب انسپکٹر عبدالطیف نے افسران کی محبتوں کا شکریہ ادا کرتے ہوئے فرمایا افسران کی طرف سے بھرپور رہنمائی اور عزت افزائی کیلئے شکر گذار ہوں محکمہ سے باعزت رخصتی سب سے بڑا انعام ہے۔

باغی ٹی وی ،ڈیرہ غازیخان ( نامہ نگار) وزیر اعلی پنجاب چودھری پرویزا لہی کی ہدایت پر چیف سیکرٹری پنجاب نے سیلاب زدہ علاقوں میں ریسکیو آپریشن، امدادی سرگرمیوں،سروے اور دیگر متعلقہ معاملات میں بہتر کارکردگی پر ڈپٹی کمشنر ڈیرہ غازیخان محمد انور بریار کو تعریفی سند دی ہے جس پر ڈپٹی کمشنر نے اپنی ٹیم کے افسران و ملازمین کو بھی تعریفی اسناد سے بھی نوازا ہے۔ اس حوالے سے ضلع کونسل ہال میں تقریب منعقد ہوئی،ڈپٹی کمشنر نے تقریب سے خطاب کرتے ہوئے کہاکہ ڈیرہ غازیخان کی پچاس سالہ تاریخ میں اتنا بدترین سیلاب نہیں آیا،25جولائی سے ڈیڑھ ماہ تک شدید بارشوں اور رودکوہیوں کے سیلابی ریلوں نے نظام زندگی کو بری طرح متاثر کیا تاہم ایڈیشنل کمشنرسے لے کر نائب قاصد تک میری پوری ٹیم فیلڈ میں متحرک رہی،سیلابی ریلوں کے متاثرین کے محفوظ انخلاء، ریلیف کیمپس،متاثرہ علاقوں میں امدادی سرگرمیوں اور جاری سروے میں ان کی ٹیم کے ہر فرد نے مثالی کردارادا کیا۔یہ تعریفی اسناد وزیر اعلی پنجاب اور چیف سیکرٹری پنجاب کی ہدایات پر ان کی ٹیم کے ہر رکن کو دی جا رہی ہیں۔تقریب میں سیلاب کے دوران جاں بحق ہونے والے پٹواری مختیار حسین کے ایصال ثواب کیلئے فاتحہ خوانی بھی کی گئی۔تقریب میں کمپیئرنگ کے فرائض محبوب حسین جھنگوی نے انجام دیئے۔

ہربار بہن ہی کيوں گفٹ دے ؟ ڈيرہ اسماعيل خان کی رہائشی زيتون بی بی کو 46 سال بعد وراثتی حق مل گيا۔
باغی ٹی وی ،ڈیرہ اسماعیل خان ( ویب نیوز) 46 سال بعد بہن کو وراثت میں حق ،سپریم کورٹ کا زيتون بی بی کے حق میں فیصلہ
تفصیلات کے مطابق بھائی والد کی وفات کے بعد 1976 سے بہنوں کی جائيداد پر قابض ہيں، زيتون بی بی نے جائیداد ميں حصے کيلئے 2005 میں سول کورٹ میں کیس دائر کیا تھا، 2012 ميں سيشن عدالت اور 2017 ميں پشاور ہائی کورٹ نے خاتون کے حق ميں فيصلہ ديا۔خاتون کے بھائيوں نے 2018 ميں سپريم کورٹ ميں اپيل کی جو اب خارج کر دی گئی ہے۔سپریم کورٹ میں خاتون زیتون بی بی کو والد کی جائیداد میں حق ملنے کے پشاور ہائی کورٹ کے فیصلے خلاف بھائیوں کی اپیل پر سماعت جسٹس اعجازالاحسن کی سربراہی میں تین رکنی بینچ نے کی۔درخواست گزار کے وکیل نے کہا کہ بہنوں نے اپنا حصہ بھائی کو تحفے میں دے دیا تھا۔ اس پر جسٹس اعجاز الاحسن نے ریمارکس دیے کہ جب تحفہ دیا گیا اس وقت بہنيں کم سن تھیں،کم عمر بہن کیسے بھائیوں کو جائیداد تحفے میں دے سکتی ہے؟ بھائیوں نے کبھی بہن کو جائیداد گفٹ دی ہے؟ ہر بار بہن ہی کيوں گفٹ دے؟جسٹس منيب اختر نے کہا کہ جب بہن نابالغ تھی تو بھائیوں نے کیسے بہن سے ساری جائیداد لے لی؟ نابالغ بہن کوئی بھی کنٹریکٹ نہیں کر سکتی۔ سپریم کورٹ نے پشاور ہائی کورٹ کے فیصلے کے خلاف بھائیوں کی اپیل خارج کردی۔