Author: ڈاکٹرغلام مصطفی بڈانی

باغی ٹی وی:شیخوپورہ (محمد طلال سے) کھاریانوالہ گورنمنٹ ہائی سکول کے سینئیر سائنس ٹیچر آصف محبوب کو کلرک نے چوکیدار سے گن چھین کر فائرنگ کر کے شدید زخمی کر دیا ہے،زخمی کو ہسپتال منتقل کر دیا گیا ہے ،جبکہ ملزم کو پولیس نے گرفتار کر لیا ہے ،طلباء نے فیصل آباد مین جی ٹی روڈ بلاک کر دیا ہے جس کے بعد زخمی ہونے والے ٹیچر کو ڈی ایچ کیو ہسپتال منتقل کر دیا گیا تھا۔ اور آصف محبوب کمپیوٹر ٹیچر کا آپریشن کامیاب رہا اور انہیں وارڈ میں شفٹ کر دیا گیا ہے۔اور اب ان کی حالت خطرے سے باہر ہے جبکہ فائرنگ کرنے والے سکول کلرک محمد وسیم کو پولیس نے گرفتار کر لیا ہے احتجاج ختم کر دیا گیا ہے اور حالات مکمل کنٹرول میں ہیں سی او ایجوکیشن میاں شفقت حبیب۔
چیف ایگزیکٹو آفیسر ڈسٹرکٹ ایجوکیشن اتھارٹی ضلع شیخوپورہ،طارق محمود وٹو ڈپٹی ڈی ای او سیکنڈری ضلع شیخوپورہ اور ناظم بہبود اساتذہ تنظیم اساتذہ پاکستان ضلع شیخوپورہ محمد اسلم ناز بھی موقع پر موجود ہیں۔

باغی ٹی وی ،ٹھٹھہ ( راجہ قریشی نامہ نگار)مون سون کی برسات کے بعد سب جیل ٹھٹھہ انتہائی مخدوش ہوگئی قیدی بدین اور حیدرأباد منتقل جیل کو سیل کردیا گیا
تفصیل کے مطابق حالیہ مون سون کی برسات نے جہاں سینکڑوں سرکاری عمارتوں کو نقصان پہنچایا وہاںٹھٹھہ کی سب جیل کی چھت اور دیواریں انتہائی مخدوش ہوگئیں اور جیل کی بیرکوں میں پانی جمع ہوگیا جس کی وجہ سے قیدیوں کو ہنگامی بنیادوں پر بدین اور حیدراباد کی جیلوں میں منتقل کردیا گیا ، سب جیل ٹھٹھہ میں چھوٹی نوعیت کے کیسیز والے اور ریمانڈ والے قیدیوں کو رکھا جاتا تھا اس جیل میں تین سو قیدیوں کی گنجائش تھی اور قیدیوں کے رشتہ داروں کو ملاقات کی سہولت بھی تھی مگر قیدیوں کے بدین اور حیدرآباد جانے سے معمولی کیس والے قیدیوں کو بھی بدین کی سخت جیل میں خطرناک مجرموں کے ساتھ رہنا پڑتا ہے اس کے علاوہ پولیس کو بھی قیدیوں کے لانے لیجانے میں بھاری اخراجات ادا کرنے پڑتے ہیں وکلاء برادری اور سول سوسائٹی کے لوگوں نے مطالبہ کیا ہے کہ سب جیل کی مرمت فوری طور ہر کی جائے

باغی ٹی وی،جتوئی ( نذیر شجراء نامہ نگار) جدید تفتیش کے طریقہ کار کے ذریعے میرہزارخان پولیس نے رخسانہ قتل کیس کی گتھی سلجھا لی۔ بعد از قتل زندہ جلائی ظاہر کی گئی رخسانہ بھنڈہ مہربان میں قریبی رشتے دار کے گھر سے زندہ بازیاب ۔ جلائی گئی لاش بیٹی کے قتل کے مدعی غلام قادر بھنڈ کی بہو نسیم مائی کی نکلی۔ پولیس نے نسیم مائی کے قتل کے ملزمان ٹریس اور گرفتار کر لیے۔آر پی او ڈیرہ غازی خان اور ڈی پی او ضلع مظفرگڑھ کا مختصر مدت میں قتل کا معمہ حل کرنے اور ملزمان کی گرفتاری پر ایس ڈی پی او تحصیل جتوئی اور ایس ایچ او میرہزارخان اور تفتیشی آفیسر کی شاندار کارکردگی کا اعتراف اور تحسین۔تفصیل کے مطابق چند دن قبل میرہزارخان پولیس کو اطلاع ملی کہ بیٹ دریائی کی بستی پنجابی کے نزدیک کماد کے کھیت کے پاس کھالے میں ایک خاتون کی جلی ہوئی لاش پڑی ہے۔میرہزارخان پولیس موقع پر پہنچی۔اسی دوران غلام قادر بھنڈ نے پولیس کو بیان دیا کہ جلی ہوئی لاش اسکی بیٹی رخسانہ کوثر کی ہے۔پہلے بیان میں اس نے اشفاق نامی نوجوان کے خلاف مقدمہ درج کرانے کی کوشش کی۔بعد ازاں نامعلوم افراد کے خلاف قتل کا مقدمہ درج کرا دیا۔ ذرائع کے مطابق مختلف مواقع پر دوران پوچھ گچھ غلام قادر بھنڈ اور اسکا خاندان متضاد بیانات دیتا رہا۔یہ معاملہ اس وقت مذید الجھ گیا جب غلام قادر بھنڈ کے بیٹے نے اپنی بیوی نسیم مائی کی گمشدگی رپورٹ درج کرادی۔ پولیس نے دوران تفتیش جدید تکنیکس کا استعمال کیا۔بلآخر نسیم مائی کے خاندان نے دعوی کردیا کہ ان کی بیٹی نسیم مائی کی گمشدگی محض ڈرامہ ہے۔اصل میں برآمد ہونے والی آتش زدہ لاش ان کی بیٹی نسیم مائی کی ہے۔رخسانہ مائی کے قتل کا ڈرامہ رچا کر غلام قادر بھنڈ اپنی بہو کے قتل سے فرار چاہتا ہے۔میرہزارخان پولیس نے آئے روز نت نئی صورتحال کی باریک بینی سے تفتیش کی تو گتھی سلجھتی چلی گئی۔ گزشتہ روز میرہزارخان پولیس نے موبائل کال کی لوکیشن ٹریس کرکے رخسانہ کوثر کو بھنڈہ مہربان میں اس کے قریبی رشتے دار کے گھرسے زندہ حالت میں برآمد کر لیا۔ذرائع کے مطابق تین بچوں کی ماں نسیم مائی کے بدلے اسکے والدین نے مقتولہ نسیم مائی کے بھائی کو رشتہ دینا تھا۔لیکن رخسانہ کوثر کسی صورت اس شادی کیلیے تیار نہ تھی۔مبینہ طور پر رخسانہ کوثر کے والدین نے ایک تیر سے دو شکار کرنے کا منصوبہ بنایا۔ انہوں نے رخسانہ کوثر کو بھگا دیا۔نسیم مائی کو قتل کرکے لاش جلا کر اسے اپنی بیٹی کی لاش قرار دے کر نسیم مائی کے والدین کو قتل کے مقدمے میں پھنسانے کی کوشش کی۔ساتھ ہی نسیم مائی کے گھر سے فرار اور گم شدگی کی رپورٹ درج کرادی۔ایس ڈی پی او تحصیل جتوئی ، ایس ایچ او میرہزارخان کی تفتیش نے قتل کامعمہ حل کرلیا ہے۔جس سے ایک بار پھر یہ بات ثابت ہو گئی ہے۔کہ پولیس اگر چاہے تو پیچیدہ سے پیچیدہ گتھی بھی سلجھ سکتی ہے۔میرہزارخان پولیس مصروف تفتیش ہے۔رخسانہ کوثر کے دو بھائی ، اشفاق چوہدری اور خود رخسانہ پولیس تحویل میں ہیں۔آر پی او ڈیرہ غازی خان ، ڈی پی او ضلع مظفرگڑھ نے قتل کا معما حل کرنے پر ایس ڈی پی او جتوئی اور ایس ایچ او میرہزارخان کو شاباش دی ہے۔

باغی ٹی وی ،حیدرآباد (ویب نیوز) نشے میں دھت پولیس موبائل ڈرائیور نے گاڑی ٹھیلے پر چڑھا دی، برگر فروش جاں بحق، 2 افراد زخمی
حیدرآباد میں ٹنڈو محمد خان روڈ پر تیز رفتار پولیس موبائل رکشے کو ٹکر مارتے ہوئے ٹھیلے پر چڑھ گئی۔ذرائع کے مطابق پولیس موبائل کی ٹکر سے برگر فروش جاں بحق اور دو افراد شدید زخمی ہوگئے۔عینی شاہدین کا کہنا ہے کہ پولیس موبائل میں ڈرائیور اور ایک خاتون تھی، دونوں نشے میں تھے۔موبائل سےشراب کی بوتلیں بھی ملی ہیں ،ڈرائیور اور خاتون کوپولیس کے حوالے کر دیا گیا۔پولیس ترجمان کےمطابق موبائل حیدرآباد پولیس کی نہیں ہے۔ایس ایس پی امجد شیخ نے واقعہ کا نوٹس لیاہے۔ورثا کی مدعیت میں مقدمہ درج کر کے تحقیقات کی جاری ہیں۔

ٹھٹھہ ، باغی ٹی وی (راجہ قریشی سے) ٹھٹہ پولیس کی کارروائی چوری شدہ رپیٹر برآمد 1 ملزم گرفتار
تفصیلات کے مطابق مورخہ 1 ستمبر 2022 کو رات کے وقت نامعلوم ملزم نے شیخ زید کالونی ساکرو میں ذوالفقار علی تارو کے گھر سے 1 رپیٹر، 2 LCD اور 2 رسیور چوری کرکے فرار ہوگیا تھا جس کا مقدمہ نمبر 95/2022 سیکشن 457,380 ت۔پ تھانہ ساکرومیں مدعی ذوالفقار علی تارو کی مدعیت میں درج کردیا گیا تھا،ایس ایچ او تھانہ ساکرو سب انسپکٹر فیض علی شاہ بمعہ اسٹاف نے دوران گشت خفیہ اطلاع ملنے پر مال پڑی ساکرو کے قریب کامیاب کارروائی کرکے ملزم شاھد علی ولد مبارک سیروکو گرفتار کرلیا۔ ابتدائی تفتیش کے دوران گرفتار ملزم کی نشاندھی پر سیرو محلہ ساکرو میں جہاڑیوں سے چوری شدہ رپیٹر برآمد کرکے ملزم کے خلاف مقدمہ: مقدمہ نمبر 97/2022 سیکشن 23(1)A سندھ آرمس ایکٹ 2013 تھانہ ساکرو درج کردیا گیا ہے۔ مزید تفتیش جاری ہے۔

کوٹ چھٹہ ،باغی ٹی وی (شعیب خان لنگاہ سے)پنجاب پولیس جرائم پیشہ عناصر کے خلاف گھیرا تنگ کرے اور ڈیرہ ڈویژن کو امن کا گہوارہ بنائے مولانا محمد اقبال رشید .
ڈیرہ ڈویژن میں امن و امان کے قیام کےلئے علماء کا کردار مثالی ہے اور آئندہ بھی جاری رہے گا آر پی او سید خرم شاہ
تفصیل کے مطابق ضلعی امیر جمعیت علماء اسلام مولانا محمد اقبال رشید صاحب کی نئے تعینات ہونے والے آر پی او ڈیرہ سید خرم شاہ صاحب سے خیر سگالی، امن و امان کے حوالے سے آر پی او آفس میں ملاقات مولانا صاحب نے اپنے وفد ہمراہ آر پی او صاحب کو پھولوں کا گلدستہ پیش کیا اس موقع پر ڈاکٹر محمد یونس راج،امیر jui تحصیل ڈیرہ غازیخان۔ مولانا امان اللہ قیصرانی،امیر jui تحصیل تونسہ محمد حسین سرور، امیر jui تحصیل کوٹ چھٹہ بھی ہمراہ تھے آر پی او سید خرم شاہ نے علماء کرام کا خیرمقدم کیا سید خرم شاہ کا کہنا تھا کہ پورے ملک میں امن و امان کے قیام کےلئے علماء کا کردار مثالی ہے اور آئندہ بھی جاری رہے گا