حافظ آباد،باغی ٹی وی (خبرنگارشمائلہ) حافظ آباد پولیس میں کانسٹیبلان اور لیڈی کانسٹیبلان کی آسامیوں پر بھرتی کا عمل تیزی سے جاری ہے۔ بھرتی کے اس مرحلے کی نگرانی چیئرمین بھرتی بورڈ ڈی آئی جی عثمان اکرم گوندل، ڈی پی او حافظ آباد عاطف نذیر اور ڈاکٹر خدیجہ عمر کر رہے ہیں۔ بھرتی کے دوران امیدواروں کے ڈور، قد اور چھاتی کے امتحانات کا انعقاد کیا جا رہا ہے۔
بھرتی کے عمل کی نگرانی ڈی آئی جی عثمان اکرم گوندل، ڈی پی او حافظ آباد عاطف نذیر اور ڈاکٹر خدیجہ عمر کر رہے ہیں تاکہ تمام مراحل شفافیت کے ساتھ مکمل کیے جا سکیں۔1782 امیدواروں کی سکیورٹی کے لیے فول پروف انتظامات کیے گئے ہیں تاکہ کسی بھی قسم کی بدنظمی سے بچا جا سکے۔
امیدواروں کے لیے سایہ دار بیٹھنے کی جگہ اور پینے کے صاف پانی کی فراہمی یقینی بنائی گئی ہے۔بھرتی مکمل طور پر میرٹ پر کی جا رہی ہے تاکہ قابل اور اہل امیدواروں کو موقع فراہم کیا جا سکے۔ بھرتی کے معیار کو برقرار رکھنے اور شفافیت کو یقینی بنانے کے لیے تمام ممکنہ اقدامات کیے جا رہے ہیں۔
ڈی پی او حافظ آباد نے ا پنے پیغام میں کہا کہ نوجوانوں کو اپنی صلاحیت، محنت اور قابلیت پر بھروسہ کرنا چاہیے۔بھرتی کے حوالے سے کسی بھی نوسر باز کے جھانسے میں نہ آئیں اور محنت سے اپنا مقام حاصل کریں۔
ترجمان پولیس حافظ آباد کے مطابق بھرتی کا عمل مکمل طور پر شفاف طریقے سے جاری ہے اور کسی بھی قسم کی سفارش یا بدعنوانی کو ہرگز برداشت نہیں کیا جائے گا۔
