Baaghi TV

Author: ڈاکٹرغلام مصطفی بڈانی

  • گوجرانوالہ:ڈپٹی کمشنرکا طوفانی بارش کے بعد نکاسی آب آپریشن،نشیبی علاقوں اور مرکزی شاہراہوں کا دورہ

    گوجرانوالہ:ڈپٹی کمشنرکا طوفانی بارش کے بعد نکاسی آب آپریشن،نشیبی علاقوں اور مرکزی شاہراہوں کا دورہ

    گوجرانوالہ باغی ٹی وی ( نامہ نگار محمد رمضان نو شاہی )ڈپٹی کمشنر گوجرانوالہ محمد طارق قریشی کا طوفانی بارش کے بعد نکاسی آب کے آپریشن کے جائزہ کے لیے شہر کے نشیبی علاقوں اور مرکزی شاہراہوں کا دورہ، شہر بھر کے مختلف علاقوں میں نکاسی آب کا جائزہ لیا ،

    واسا گوجرانوالہ کی رپورٹ کے مطابق گزشتہ رات 03 بجے سے صبح 09 بجے تک 93.75 ملی میٹر بارش ریکارڈ کی گئی، شہر و ضلع بھر میں بارش کا سلسلہ وقفے وقفے سے جاری رہا، واسا، میونسپل کمیٹیز، ضلع کونسل اور جی ڈبلیو ایم سی کا عملہ نکاسی آب، صفائی ستھرائی میں مصروف عمل رہا

    وزیر اعلٰی پنجاب مریم نوازشریف کے احکامات اور ڈپٹی کمشنر گوجرانوالہ محمد طارق قریشی کی ہدایات پر اسسٹنٹ کمشنرز بھی تحصیلوں میں ڈسپوزل سٹیشنز، نکاسی آب کی سرگرمیوں کی نگرانی کیلئے متحرک رہے، انہوں نے ضلع بھر کی تحصیلوں کے نشیبی علاقوں کا دورہ کیا، نکاسی آب کے عمل کی نگرانی کی اور میونسپل کمیٹیز کے عملہ و مشینری کو متحرک رکھا۔

    ڈپٹی کمشنر نے واسا حکام کو مشینری اور فیلڈ عملہ کو نکاسی آب کے مکمل ہونے تک فیلڈ میں موجود رہنے کی ہدایت کی۔ انہوں نے کہا کہ جن علاقوں میں زیادہ آمد ورفت ہے ایسے علاقوں میں زیادہ مشینری (ڈی واٹرنگ، سکر مشینیں) لگائی جائیں تاکہ ان علاقوں میں مسائل درپیش نہ آئیں۔

    ڈپٹی کمشنر گوجرانوالہ محمد طارق قریشی نے جی ٹی روڈ، سیالکوٹ روڈ ، بخاری روڈ، ڈی سی روڈ، سیٹلائیٹ ٹاؤن، پسرور روڈ، سول ہسپتال روڈ، جناح سٹیڈیم، کچہری روڈ اور دیگر علاقوں کا دورہ کیا اور ہدایات دیں۔

    ڈپٹی کمشنر نے تمام اسسٹنٹ کمشنرز، واسا، گوجرانوالہ ویسٹ مینجمنٹ کمپنی، میونسپل کمیٹیوں کے افسران اور ریسکیو 1122 کے اہلکاروں کو ہدایت کی کہ وہ شہر سے بارشی پانی ختم ہونے تک فیلڈ میں موجود رہ کر ذمہ داری سے اپنی ڈیوٹیاں سر انجام دیں۔

    انہوں نے مزید کہا کہ مون سون کے دوران کسی بھی ہنگامی صورتحال سے نمٹنے کے لیے تمام متعلقہ عملہ چوکس رہے تمام روڈ سائیڈز ڈرین ڈیسلٹنگ کو جاری رکھا جائے اور تمام مقامات پر نکاسی آب کے نظام کی مکمل جانچ کی جائے تاکہ بارش کے دوران پانی کی نکاسی میں کوئی رکاوٹ نہ آئے اس کے علاوہ مون سون ایمرجنسی کیمپس میں مشینری کی موجودگی کو یقینی بنایا جائے تاکہ بارش کے دوران فوری مدد فراہم کی جا سکے۔

    انہوں نے مزید کہا کہ شہریوں کو مون سون کے دوران احتیاطی تدابیر اختیار کرنے کے لیے آگہی دی جائے۔ ڈپٹی کمشنر محمد طارق قریشی نے شہریوں سے اپیل کی ہے کہ شہریوں کو صاف ستھرا ماحول فراہم کرنے کے لیے محکموں کے علاؤہ شہریوں کی بھی زمہ داری ہے کہ وہ سیوریج لائنوں میں گندگی شاپر بیگز اور دیگر کچڑا مت پھینکیں۔

  • کوٹ مبارک: المصطفی آئی ٹرسٹ، آنکھوں کی بیماری سفید موتیا کا آپریشن فری کیاجاتا ہے،وسیم قیصرانی

    کوٹ مبارک: المصطفی آئی ٹرسٹ، آنکھوں کی بیماری سفید موتیا کا آپریشن فری کیاجاتا ہے،وسیم قیصرانی

    کوٹ مبارک،باغی ٹی وی(نامہ نگارامداداللہ تھہیم)المصطفی آئی فاؤنڈیشن لاہور کے او ٹی ک انچارج تونسہ شریف کے رہائشی محمد وسیم قیصرانی نے پریس کلب کوٹ مبارک میں میڈیا سے خصوصی گفتگو کرتے ہوئے کہ آنکھیں قدرت کی طرف سے ایک بہت بڑا قیمتی تحفہ اور نعمت ہیں ۔ان کی حفاظت کرنا اوراحتیاط کرنا بھی بہت ہی ضروری ہے ہاتھوں کو دھونا چاہیے ۔گندہ کپڑا آنکھوں اور منہ پر نہ لگائیں ،موٹر سائیکل چلاتے وقت عینک اور ہیلمٹ کا استعمال ضرور کرنا چاہیے ،آنکھوں کو مٹی ،دھول،گرد و غبار سے بچانا چاہیے ، سوتے وقت بھی انسان چہرہ اور آنکھوں کو دھوکر سوئے سارے دن کی دھول و غلاظت و جراثیم ختم ہوجاتے ہیں صابن کا استعمال جراثیم سے بچائے رکھتا ہے ۔

    آج کل جدید دور ہے آنکھوں کی بیماریوں کے علاج موجود ہیں، غریب و نادار سمیت ہر طبقہ فکر سے تعلق رکھنے والے افراد کے لیے آنکھوں کے مفت علاج کے لیے ٹرسٹ بنے ہوئے ہیں ۔ان میں سے ایک نام المصطفی آئی ٹرسٹ بھی ہے جس میں قابل ڈاکٹر موجود ہیں اور آپریشن و ادویات،لینسز،عینکیں تک فری دی جاتی ہیں،ایسے ٹرسٹ اللہ کے نیک اور برگزیدہ اور پسندیدہ انسان ہی چلا رہے ہیں اور مخیر حضرات جو لوگوں میں نور کی روشنی دے اوربانٹ رہے ہیں وہ قابل ستائش اور لائق تحسین ہیں ۔

    وسیم قیصرانی نے کہاکہ ڈی جی خان میں کہیں بھی آنکھوں کے مریض زیادہ ہوں وہاں پہنچ کر فری آپریشن کریں گے یا ہمارے ادارے المصطفی فاؤنڈیشن لاہور تک پہنچ جائیں یا ہمارے پاس آئیں آنکھوں کا جملہ علاج مفت کیا جائے گا ۔ آخر میں انچارج او ٹی محمد وسیم قیصرانی نےمزید کہا کہ میں مشکور ہوں پریس کلب کوٹ مبارک کی ٹیم کا جنہوں نے ہمارا یہ پیغام دوسروں تک پہنچانے میں ہمارا ساتھ دیا ہے ۔ اور پوری میڈیا ٹیم کا جو ہمارا پیغام عوام تک پہنچانے میں اہم کردار ادا کر رہے ہیں ۔

  • کوٹ مبارک: بینظیر انکم سپورٹ پروگرام ، پیسے نکوانے گئی بوڑھی خاتون کو نوسرباز عورتوں نے ٹھگ لیا

    کوٹ مبارک: بینظیر انکم سپورٹ پروگرام ، پیسے نکوانے گئی بوڑھی خاتون کو نوسرباز عورتوں نے ٹھگ لیا

    کوٹ مبارک،باغی ٹی وی(نامہ نگارامداداللہ تھہیم)بینظیر انکم سپورٹ پروگرام ، پیسے نکوانے گئی بوڑھی خاتون کو نوسرباز عورتوں نے ٹھگ لیا

    تفصیل کے کوٹ مبارک کے قریبی علاقہ بخاری چوک کی رہائشی بزرگ عورت بینظیر انکم سپورٹ پروگرام تونسہ روڈ دھورپورمیں واقع سکول پیرعادل جدید میں قسط کے پیسے نکلوانے کیلۓ گئی تونوسر باز عورتوں کے ہتھے چڑھ گئی۔

    آپ بزرگ ہیں ہمیں کارڈ دیں ہم پیسے جلد نکال کر لاتی ہیں ایک نہ معلوم عورت پاس بیٹھی رہی بولی گرمی ہے آپ کی بالیا گرنے والی ہیں اتار کر شاپر میں ڈال دوں ،بزرگ عورت (ح ل م)باتوں میں آگئی، بالیاں اتار کر شاپر میں باندھ لیں، بزرگ عورت کے دوپٹے کے پہلو میں دوسرا بناوٹی بنا شاپر باندھ دیا بولی احتیاط کرنا ہے گانٹھ نہ کھل جاۓ ،دوسری نہ معلوم عورت واپس لوٹ آئی اورکہاعملہ کھانا کھا رہا ہے ریسٹ ٹائم ہے آپ بیٹھی رہیں ہم لوٹ آتی ہیں ۔بوڑھی بچاری مطمئن رہی مگر وہ عورتیں واپس نہ آئیں، گھر آکر گانٹھ کھولی توشاپر سے ٹوٹی چوڑیوں کے ٹکڑے برآمد ہوۓتو بوڑھی عورت بے ہوش ہوگئی ۔

    دوسری جانب لیڈی پولیس کی سینٹر پر ڈیوٹی پر موجود ہونے کہ با وجود نوسر باز عورتیں واردات کرنے میں کامیاب ہوگئیں جوکہ ایک سوالیہ نشان ہے،امداد ولد نصیر قوم جروار کا کہنا تھا قانون نافذ کرنے والے اداروں کو چاہیے سکول میں لگے cctvکیمرے چیک کر کے نوسر باز عورتوں کو کیفر کردار تک پہنچائیں تاکہ کوئی غریب لٹنے سے بچ جاۓ۔

  • اوکاڑہ:پٹرولنگ پولیس کی کارروائیاں،چوری شدہ4موٹرسائیکل ،35لیٹر شراب اورناجائز اسلحہ برآمد

    اوکاڑہ:پٹرولنگ پولیس کی کارروائیاں،چوری شدہ4موٹرسائیکل ،35لیٹر شراب اورناجائز اسلحہ برآمد

    اوکاڑہ،باغی ٹی وی (نامہ نگار ملک ظفر )پیٹرولنگ پولیس ان سیکشن دوران کریک ڈاؤن4چوری شدہ ہنڈا موٹر سائیکلیں،35لیٹر شراب اور بڑی تعداد میں ناجائز اسلحہ ایمونیشن کی برآمدگی عمل میں لاکر اپنی مدعیت میں08 مقدمات درج کرواکر ملزمان کو گرفتارکرلیا۔

    نمائندہ پیٹرولنگ پولیس ضلع اوکاڑہ کے مطابق ڈسٹرکٹ آفیسر کی زیرِ قیادت پیٹرولنگ پولیس کیجانب سے ضلع بھر میں دوران سنیپ چیکنگ جرائم پیشہ افراد کیخلاف مربوط کاروائیوں کا سلسلہ جاری،پیٹرولنگ پولیس چوکی سکھ پور سے ایس آئی امداد علی نے ملزم عدنان اشرف کے قبضہ سے پسٹل30بور بمعہ گولیاں برآمد کرکے ناجائز اسلحہ کی برآمدگی کی دفعات کے تحت تھانہ صدر دیپالپور میں مقدمہ درج کروا دیا۔

    پیٹرولنگ پولیس چوکی میراں شاہ اور کھوکھر پل سےایس آئی غلام مصطفیٰ،کاشف سلیم اور محمد یونس نے ملزمان عبدالغفار،امجد علی،اسد علی،سلمان ظفر کے قبضہ سے علاقہ تھانہ نور شاہ،بہادر شاہ ضلع ساہیوال اور مظفرآباد،شفیق آباد لاہور سے چوری شدہ04ہنڈا موٹر سائیکلیں برآمد کرکے تھانہ گوگیرہ اور چوچک میں سرقہ شدہ مال کی برآمدگی وجعلی نمبر پلیٹس لگانے کی دفعات کے تحت مقدمات درج کروا دیے۔

    پیٹرولنگ پولیس چوکی چکنمبر48تھری سے اے ایس آئی عامر علی نے ہمراہ ٹیم کارروائیاں کرتے ہوئے بدنام زمانہ شراب فروش ملزمان محمد طفیل،محمد نوید،اللہ دتہ کے قبضے سے35لیٹر شراب دیسی اور پسٹل30بور بمعہ گولیاں قبضہ پولیس میں لیکر امتناع منشیات و ناجائز اسلحہ کی دفعات کے تحت تھانہ کینٹ میں مقدمات درج کروا دیے ہیں.

  • کندھ کوٹ: تاوان کیلئے ڈاکوؤں نے 13سالہ مغوی بچے کو زنجیروں میں جکڑ کر تشدد کی ویڈیو وائرل کردی

    کندھ کوٹ: تاوان کیلئے ڈاکوؤں نے 13سالہ مغوی بچے کو زنجیروں میں جکڑ کر تشدد کی ویڈیو وائرل کردی

    کندھ کوٹ(باغی ٹی وی رپورٹ) تاوان کیلئے ڈاکوؤں نے 13سالہ مغوی بچے کو زنجیروں میں جکڑ کر تشدد کی ویڈیو وائرل کردی

    تفصیل کے مطابق ٹھل کے تھانہ بی سیکشن کی حدود سےعید قربان کے دن 13سالہ نادر بنگلانی اور 14سالہ قدیر بنگلانی کو اغوا کیا گیا تھا،ان میںے ایک مغوی13سالہ نادر بنگلانی کی ڈاکوؤں نے زنجیروں میں جکڑ کی ظالمانہ تشدد کی ویڈیو وائرل کردی ہے

    یہ بھی پڑھیں

    کندھ کوٹ: ڈاکوؤں نے مغوی بچے کی ویڈیو جاری کردی

    تنگوانی:تاوان کیلئے ڈاکوؤں نے 6 سالہ بچے کو زنجیروں سے جکڑ کر ویڈیو وائرل کردی

    ویڈیو میں دیکھاجاسکتا ہے زنجیروں میں جکڑے بچے پر لاٹھیوں سے بہیمانہ تشدد کیا جاررہاہے بچہ پولیس افسران اپنی رہائی کی اپیل کر رہا ہےجبکہ اس ساتھ اغوا ہونے والے دوسرے بچے قدیر بنگلانی کے بارے میں کچھ معلومات نہیں ہیں

    دوسری طرف ٹھلتھانہ بی سیکشن پولیس اغوا کا مقدمہ درج کرنے کے باوجود دونوں بچوں کو بازیاب کرانے سے قاصر ہے

  • گوجرانوالہ: بارش کے بعدشہر کے مختلف مقامات پر نکاسی آب کا عمل شروع

    گوجرانوالہ: بارش کے بعدشہر کے مختلف مقامات پر نکاسی آب کا عمل شروع

    گوجرانوالہ ،باغی ٹی وی (نامہ نگار محمد رمضان نو شاہی) شہر میں تیز بارش کے بعد واسا کی ٹیمیں متحرک ،وزیراعلیٰ پنجاب کے احکامات پر نشیبی علاقوں سے نکاسی آب کے لیے سکر مشینیں اور ڈی واٹرنگ پمپس لگا دیئے گئے،

    ڈپٹی کمشنر گوجرانوالہ نے بتایا کہ شہر کے مختلف مقامات پر نکاسی آب کا عمل شروع کردیا گیا ہے نشیبی علاقوں سے بارشی پانی کے نکاس کے عمل کی اسسٹنٹ کمشنرز، واسا حکام مانیٹرنگ کریں، سکر مشینوں اور ڈی واٹرنگ پمپس کے ذریعے نشیبی علاقوں سے نکاس عمل یقینی بنایا جائے،

    ڈپٹی کمشنر کا کہنا تھا کہ گوجرانوالہ میں رات 3 بجے صبح 9 بجے کے سپل کے دوران اوسطا 93.75 ملی میٹر بارش ریکارڈ کی گئی، لیاقت باغ میں سب سے زیادہ 118، ماڈل ٹاؤن میں 105، شیرانوالہ باغ میں 81 جبکہ پیپلز کالونی میں 71 ملی میٹر بارش ریکارڈ کی گئی،

    ڈپٹی کمشنر نے کہاکہ نکاسی آب کا عمل جلد جاری ہے، واسا کی تمام مشینری، عملہ فیلڈ میں موجود ہے، نکاسی آب کے آپریشن کو ایم ڈی واسا، اسسٹنٹ کمشنرز بھی مانیٹر کر رہے ہیں،اب بھی بارش شہر کے کچھ علاقوں میں مسلسل اور کہیں وقفے وقفے سے جاری ہے

  • خیرپور: ایس ڈی او انہار ٹیل کے کاشتکاروں تک نہری پانی پہنچانے کیلئے سرگرم

    خیرپور: ایس ڈی او انہار ٹیل کے کاشتکاروں تک نہری پانی پہنچانے کیلئے سرگرم

    میرپورماتھیلو،باغی ٹی وی (نامہ نگارمشتاق علی لغاری)خیرپور میں ایس ڈی او محکمہ انہار ٹیل کے کاشتکاروں تک نہری پانی پہنچانے کیلئے سرگرم ہوگئے ہیں، ایس ڈی او نے 50 سے زیادہ غیر قانونی پائپ اور موٹریں تحویل میں لیکر پانی چوروں کیخلاف مقدمات درج کرادئیے

    تفصیل کے مطابق خیرپور مٰیں محکمہ انہار کے ایس ڈی او مظہرالدین شیخ کی طرف سے آبادگاروں تک پانی پہنچانے کے لئے گذشتہ روز اپنی ٹیم سمیت سرگرم رہےجیئل مائینر اور اجن مائینر کی مسلسل شکایات کے حوالےسے ایس ڈی او مظہرالدین شیخ نے ایکشن لیتے ہوئے مختلف جگہوں پر پانی چوری کا نوٹس لے لیا

    ٹیل کے کاشتکاروں کا کہنا تھا کہ یہاں کے بااثروڈیرے پانی کی چوری کرتے ہیں اور جن کی وجہ سے پانی ہماری زمینوں تک نہیں پہنچ پاتا جس پر فوری ایکشن لیتے ہوئے ایس ڈی او مظہرالدین شیخ نے موقع پر پہنچ کر 50 سے زیادہ غیر قانونی پائپ اور موٹرز اپنی تحویل میں لیکر پانی چوری کرنے والوں کے خلاف مقدمات درج کر ا دئے۔

    ایس ڈی او کا کہنا تھا گذشتہ پانچ سالوں سے جیئل مائینر اور اجن مائینر کے ٹیل کے کاشتکاروں تک پانی نہیں پہنچ پاتا تھا ،2دن میں ٹیل تک پانی کے رسائی کو یقینی بنایا ،کچھ لوگ غیر ضروری شکایات کرکے بلیک میل کرتے ہیں ایس ڈی او نے کہا اب کوئی حقیقی آبادگار کی شکایات نہیں۔

    ایس ڈی او مظہرالدین شیخ نے کہا میری پوسٹنگ کے بعد دو مہینوں سے سکون کی نیند نہیں سویا مزید کہا مجھے پانی چوروں کے خلاف کارروائی کرنے پر با اثر وڈیروں کی جانب سے دھمکیاں مل رہی ہیں مگر میں کسی کے دباؤ میں نہیں آؤں گا پانی چوروں کی طرف سے فضول کے احتجاج کرکے حراسمینٹ ہراساں کیا جارہاہے

    انہوں نے کہا کہ احتجاج کرنے والوں میں کوئی آبادگار شامل نہیں ہوا کیوں کہ دونوں مائینرزکے آخر کے آبادگاروں تک پانی پہنچا کر سکھ کا سانس لوں گا۔

  • سرگودھا:سوشیو اکنامک رجسڑی کے تحت چاروں اضلاع میں خاندانوں کی رجسٹریشن کا عمل جاری ہے

    سرگودھا:سوشیو اکنامک رجسڑی کے تحت چاروں اضلاع میں خاندانوں کی رجسٹریشن کا عمل جاری ہے

    سرگودہا،باغی ٹی وی (سٹی رپورٹر ادریس نواز چدھڑ سے ) کمشنر سرگودہا ڈویژن محمد اجمل بھٹی نے وزیراعلیٰ پنجاب مریم نواز شریف کے وژن کے مطابق "اب ہوگا سب کا شمار” خوشحالی سروے سوشیو اکنامک رجسڑی کے تحت چاروں اضلاع میں خاندانوں کی رجسٹریشن کا عمل جاری ہے ۔

    ڈپٹی کمشنرزکو اس اہم منصوبے کی مانیٹرنگ کا ٹاسک دیا گیا یے، سوشیو اکنامک رجسڑی کے تحت گھروں کو شمار کیا جارہا ہے اور ہر گھرانے کی معاشی صورتحال بھی درج کی جارہی ہے۔ وہ بدھ کے روز اپنے دفتر کے کانفرنس روم میں سوشیو اکنامک رجسڑی کے حوالے سے ایک جائزہ اجلاس کی صدارت کررہے تھے۔

    اجلاس میں ڈپٹی کمشنر سرگودہا کیپٹن ریٹائرڈ اورنگزیب حیدر خان ، ڈپٹی ڈائریکٹر ادارہ شماریات اظہر سلیم کے علاؤہ خوشاب ،میانوالی اور بھکر کے ڈپٹی کمشنرز نے شرکت کی۔

    کمشنر کا کہنا تھا کہ ڈویژن بھر میں رجسٹریشن سنٹرز قائم کیے گئے ہیں تاہم عوام گھر سے بیٹھ کر آن لائن ویب پورٹل www.pser.punjab.gov.pk اور ہیلپ لائن 02345-0800 پر خود کو رجسٹرڈ کرا سکتے ہیں ۔

    ان کا مزید کہنا تھا کہ سوشیو اکنامک رجسڑی میں درج افراد ہی سوشل پروٹیکشن پراجیکٹ کے حق دار ہوں گے اور رجسٹرڈ شہری ای بائیک ، روشن گھرانہ ، سولر پروگرام ، ہمت کارڈ ، کسان کارڈ ، ہیلتھ کارڈ ، لائیو اسٹاک کارڈ اور اسکالر شپ کارڈ سمیت دیگر پروگراموں میں بھی اپلائی کرنے کے اہل ہوں گے۔

    کمشنر کا کہنا تھا کہ مستند ڈیٹا ہونے سے حق اصل حقدار کو ہی ملے گا اور لوگوں کے مسائل کو حل کرنے میں مدد ملے گی۔ انہوں نے چاروں ڈپٹی کمشنروں پر زور دیا کہ حکومت پنجاب کے اس عوام دوست منصوبے کی سوشل، پرنٹ اور الیکٹرانک میڈیا پر بھرپور تشہر کی جائے ۔

    دیہاتوں میں مساجد میں اعلانات کروائے جائیں کہ شہری رجسٹریشن سنٹرز پر تشریف لا کر رجسٹرڈ کروائیں یا خود پورٹل پر رجسٹرڈ بھی کروایا جاسکتا ہے۔

    انہوں نے کہا کہ ڈپٹی کمشنرز رجسٹریشن کے روزانہ کے ہداف مقرر کریں ، اسی طرح رجسٹریشن کے دروان آکر کسی خاندان یا فرد کے بارے کوئی رکاوٹ آئے تو نادراسے فوری رابط کرکے اسے حل کروایا جائے۔

    ان کا مزید کہنا تھا کہ شہری بھی اور خاندان کی تمام معلومات کو مکمل خفیہ رکھا جارہا ہے۔ شہری رضا کارانہ طور پر رجسٹرڈ کروائیں تاکہ اس اہم پروگرام پر مزید پیش رفت کی جاسکے۔

  • سرگودھا:تھانہ ساہیوال پولیس کی کارروائی،غیر قانونی اسلحہ رکھنے والے 5 ملزمان گرفتار

    سرگودھا:تھانہ ساہیوال پولیس کی کارروائی،غیر قانونی اسلحہ رکھنے والے 5 ملزمان گرفتار

    سرگودھا،باغی ٹی وی ( ادریس نواز چدھڑ سے ) تھانہ ساہیوال پولیس کی کارروائی،غیر قانونی اسلحہ رکھنے والے 5 ملزمان گرفتار

    تفصیلات کے مطابق ڈی پی او سرگودھا ڈاکٹر اسد اعجاز ملہی کے احکامات پر تھانہ ساہیوال پولیس کا ایک اور کامیاب سرچ آپریشن، دوران سرچ آپریشن غیر قانونی اسلحہ رکھنے والے 05 ملزمان گرفتار ، گرفتار ملزمان میں ظل،صدام،اشرف، ابراہیم اور فرحان شامل ہیں ۔ گرفتار ملزمان کے قبضہ سے کلاشنکوف، 9mm پسٹل ، 02 پسٹل 30بور اور بھاری مقدار میں کارتوس و گولیاں برآمد

    گرفتار ملزمان کے خلاف غیر قانونی اسلحہ رکھنے کی دفعات کے تحت الگ الگ مقدمات درج کر لیے گئے ہیں ۔ گرفتار ملزم صدام کو اشتہاری مجرم کو پناہ دینے کے جرم میں گرفتار کیا گیا ہے ۔

    اس موقع پر ڈی پی او سرگودھا کا کہنا تھا کہ انسداد جرائم کے لیے ضلع بھر میں سرچ آپریشن کیئے جا رہے ہیں ، جرائم کی بیخ کنی کے لیئے سرگودھا پولیس ہر لمحہ کوشاں اور متحرک ہے ۔

    جبکہ بہترین کارکردگی کا مظاہرہ کرنے پر ڈی پی او سرگودھا نے ایس ایچ او تھانہ ساہیوال انسپکٹر افضل اور انکی ٹیم کو شاباش دی ۔

  • سرگودھا:ٹریفک پولیس کے شہر میں ناجائزناکے اور چالان، غریب شہریوں کا جیناہوامحال

    سرگودھا:ٹریفک پولیس کے شہر میں ناجائزناکے اور چالان، غریب شہریوں کا جیناہوامحال

    سرگودھا ( ادریس نواز چدھڑ سے )ٹریفک پولیس روزانہ لاکھوں روپے کے ناجائز چالان کرکے غریب شہریوں کا جینامحال کردیا، شہریوں کا کہناہے کہ ٹریفک پولیس والے کبھی کسی امیر کو نہیں روکتے، انکا غصہ اور فرض صرف غریب کو چالان کر کے پورا ہوتا ہے،شہریوں کا ڈی پی او سرگودھا اور آئی جی پنجاب سے فوری نوٹس کا مطالبہ

    تفصیلات کے مطابق ٹریفک پولیس سرگودھا روزانہ لاکھوں روپے کے چالان کرکے غریب شہریوں کا خون نچوڑنے میں مصروف عمل ھے ۔ شہری روٹی کے ایک ایک نوالہ کو ترس رہے ہیں اور ٹریفک پولیس نے نوری گیٹ، 47 اڈا، بس سٹینڈ اور جھال چکیاں سمیت شہر کے مختلف بازاروں میں ناکے لگا رکھے ہیں ۔

    اہلکار سارا دن شہر کی سڑکیں بلاک کرکے غریب موٹر سائیکل سواروں کے چالان کرکے بھاری جرمانے اور لفٹر موٹر سائیکل اور گاڑیاں اٹھا کر لے جاتے ہیں اور فی موٹرسائیکل 2 ہزار روپے جرمانہ وصول کیا جاتا ہے ، شہر میں ظلم کی انتہا ہو گئی ہے ۔ ٹریفک پولیس کے اہلکارلفٹر کے ذریعے بازاروں اور مارکیٹوں سے چوروں کی طرح موٹر سائیکل اٹھا کر لے جاتے ہیں اور موٹر سائیکل کا مالک پریشان حال بھاگا پھرتا ہے

    ٹریفک پولیس غریب کا خون نچوڑنے پر لگی ہے اور افسران نے خاموشی اختیار کر رکھی ہے ۔ شہر یوں کا کوئی پرسان حال نہیں ہے ۔ غریب لوگ جرمانہ ادا نہیں کر سکتے اور وہ رونے لگ جاتے ہیں ۔ جو رویہ ٹریفک پولیس نے اختیار کر رکھا ہے ،

    روزانہ کی بنیاد پر غریب جو محنت مزدوری کر کے واپس گھر آ رہا ہوتا ہے اور اسے بھاری جرمانہ کر دیا جاتا ہے، جس کی وجہ سے مزدور طبقہ فاقہ کشی پر مجبور ہو چکا ہے

    شہریوں کا کہناہے کہ ٹریفک پولیس والے کبھی کسی امیر کو نہیں روکتے، انکا غصہ اور فرض صرف غریب کو چالان کر کے پورا ہوتا ہے۔ جو ہمارے ساتھ ظلم ہے، شہریوں نے ڈی پی او سرگودھا ڈاکٹر اسد اعجاز ملہی اور آئی جی پنجاب ڈاکٹر عثمان انور سے فوری نوٹس لینے کا مطالبہ کیا ہے ۔