Author: ڈاکٹرغلام مصطفی بڈانی

قصور،باغی ٹی وی (بیوروچیف غنی محمود)ملزم کی نوجوان پر سیدھی فائرنگ,دو مرتبہ قتل کی کوشش،پوری فیملی کو قتل کرنے کی دھمکیاں، ویڈیو وائرل
ملزم کی نوجوان پر سیدھی فائرنگ،دو مرتبہ قتل کی کوشش،پوری فیملی کو قتل کرنے کی دھمکیاں،ڈی پی او قصور سے تحفظ فراہم کرنے کی درخواست

تفصیلات کے مطابق قصور کے تھانہ گنڈہ سنگھ کے علاقے برج کلاں کے رہائشی سیف اللہ اور اسکے اہلخانہ کی جان کو شدید خطرہ لاحق ہے جس پر اہلخانہ نے ڈی پی او قصور محمد عیسی خاں سکھیرا سے نوٹس لے کر تحفظ فراہم کرنے کی اپیل کی ہے

ملزمان مبین وغیرہ نے دو مرتبہ قتل کی نیت سے سیف اللہ اور اسکی فیملی پر حملہ کیا ہے جس کی ایف آئی آر درج ہو چکی لیکن پھر بھی فون کالز پر دھمکیاں مل رہی ہیں کہ ساری فیملی کو قتل کر دیا جائے گا

وائرل فوٹیج میں دیکھا جا سکتا ہے کہ مبین نے پستول سے سیدھے فائر مارے ہیں

بعض اوقات اس قدر شدید فائرنگ ہوتی ہے کہ علاقہ برج کلاں میں خوف پھیل جاتا ہے ،عوامی و سماجی حلقوں کی جانب سے بھی ڈی پی او سے نوٹس لینے کامطالبہ کیا گیا ہے.

قصور،باغی ٹی وی (ڈسٹرکٹ رپورٹرطارق نوید سندھو)لڑکی سے زیادتی ، تھانہ سٹی چونیاں کا ایس ایچ او معطل، ناجائز مقدمہ میں گرفتار منگیتر کوملنے آنے والی لڑکی زیادتی کا نشانہ بناڈالا،متاثرہ لڑکی پاؤں پکڑ کر منت سماجت کرتی رہی مگر پھر بھی عیاش مکڑے کو رحم نہ آیا.

تفصیلات کے مطابق سب انسپکٹر ابرار جمیل نے ملزم کے خلاف مقدمات درج نہ کرنے کے عوض 6 لاکھ روپے رشوت کا مطالبہ کیا اور دانش کو ملنے آنے والی اسکی منگیتر نمرہ کو بلیک میل کر کے زیادتی کا نشانہ بناڈالا، متاثرہ لڑکی پاؤں پکڑ کر منت سماجت کرتی رہی مگر پھر بھی زیادتی کرتا رہا اس کے باوجود لڑکی کے منگیتر دانش کو تین مقدمات میں ملوث کر کے جیل بھیج دیا،

ڈی پی او کے علم میں ہے جسکی باضابطہ انکوائری کے لئے ڈی ایس پی انویسٹی گیشن ، ڈی ایس پی لیگل کی ٹیم تشکیل دے دی ہے۔ ڈی ایس پی لیگل شیخ فیاض نے فریقین کو طلب کر لیا ہے ۔

دوسری طرف عوامی وسماجی حلقوں نے آئی جی پنجاب سے نوٹس لیکر اس گھناؤنے فعل کے مرتکب طاقت کے نشے میں چور ایس ایچ او کوقرار واقعی سزا دینے کا مطالبہ کیا ہے .