Author: ڈاکٹرغلام مصطفی بڈانی

اوچ شریف،باغی ٹی وی (نامہ نگار حبیب خان) ملک بھر کی طرح ڈسٹرکٹ بہاول پور میں بھی قومی انسداد پولیو مہم کا باقاعدہ آغاز کردیا گیا ہے۔انسداد پولیو مہم 10جون تا 14جون تک جاری رہے گی،اس دوران ضلع بھر میں متعین کردہ ٹیمیں بچوں کو پولیو سے بچاو کے حفاظتی قطرے پلارہی ہیں۔ضلع کی سب تحصیلوں میں بھی پولیو ورکرز گھر گھر جاکر پانچ سال سے کم عمر کے بچوں کو حفاظتی قطرے پلا رہے ہیں، دوسری طرف پولیو ٹیموں کی انسپکشن کا عمل بھی جاری ہے،

سی ای او ہیلتھ ڈاکٹر تنویر احمد شاہ نے گزشتہ روز اوچ شریف شہر رورل ہیلتھ سنٹر اور مضافات کے علاقوں رسول پور، بدھو والی بی ایچ یو کا وزٹ کیا پولیو ورکرز کی کارکردگی کو مانیٹر کیا،انہوں نے مختلف مقامات پر ایسے بچے جن کو پولیو کے حفاظتی قطرے پلائے گئے تھے ان کی فنگر اور ڈور مارکنگ کی پڑتال بھی کی،

انہوں نے کہا کہ پولیو فری وطن عزیز کیلئے سب سے اہم ذمہ داری والدین کی ہے جن کے تعاون کے بغیر ہم کچھ نہیں کر سکتے،والدین اپنے بچوں کوعمر بھر کی معذوری سے بچانے کیلئے پولیو کے حفاظتی قطرے پلوائیں۔

انہوں نے مزید کہا کہ سخت گرمی ہونے کے باوجود ہمارے پولیو ورکرز موسمی سختیوں کا مقابلہ کرتے ہوئے لوگوں کے گھروں تک پہنچ رہے ہیں،پولیو ورکرز کی محنت ضرور رنگ لائے گی،انہوں نے مزید کہا کہ شہری اس مہم کو اپنا فرض سمجھتے ہوئے اپنے بچوں کو پولیو کے قطرے ضرور پلوائیں،جو بچے رہ جائیں انکی نشان دہی کی جائے،ہماری ٹیمیں ان تک ہرصورت پہنچیں گی

سی ای او صحت ڈاکٹر تنویر احمد شاہ نے پولیو ایریا انچارج نمائندگان کو کہا کہ پولیو مہم کو کامیاب بنانے کے لیے سابقہ مہم کی طرح محنت سے خدمات سرانجام دیتے ہوئے سوفی صداہداف کو یقینی بنایاجائے انسداد پولیومہم کی کامیابی کے لیے ملازمین محض اپنی ڈیوٹی نہ سمجھیں بلکہ اسے اپنا قومی فریضہ سمجھ کر ادا کریں۔

انہوں نے مزید کہا کہ شہر کے داخلی و خارجی راستوں اور خانہ بدوش خاندانوں کے بچوں پر فوکس کیاجائے، انہوں نے مزید کہا کہ سپروائزر انسداد پولیو ٹیموں کی باقاعدگی سے نگرانی کریں انسدا پولیو ٹیموں کو باقاعدگی سے چیک کیا جائے ڈور مارکنگ اور فنگر مارکنگ دیئے گئے طریقہ کار کے مطابق کی جائے

اوچ شریف،باغی ٹی وی ( نامہ نگارحبیب خان)اوچ شریف و گردونواح علاقوں میں مہنگائی کا طوفان مویشی منڈی پر بھی اثر انداز ہونے لگا،مویشی منڈی میں جانوروں کی قیمتیں آسمانوں کو چھونے لگیں،مہنگائی عروج پر سنت ابراہیمی عام شہریوں کے لیے خواب بن کر رہ گئی

تفصیلات کے مطابق اشیاء خوردونوش کی طرح قربانی کے جانور بھی مہنگے ہوگئےہیں، بیوپاریوں کا کہناہے کہ گزشتہ سال کی نسبت اس سال قربانی کے جانور 10 ہزار روپےمہنگے ہوئے ہیں تو دوسری جانب عیدالاضحیٰ قریب آتے ہی مویشی منڈیوں میں نئے جانوروں کی آمد کا سلسلہ شروع ہوگیا ہے، خریدار بھی قربانی کے جانور خریدنے کے لئےمویشی منڈیوں میں پہنچنا شروع ہو گیا ہے، مویشی منڈی میں بکروں، بیل کی کی قیمتیں عام آدمی کی قوت خرید سے بہت دور ہیں تاہم شہریوں کا اجتماعی قربانیوں کی جانب رحجان بڑھنے لگا ہے،

جب کہ دوسری جانب لوٹ مار کرنے کے لیے قصابوں نے بھی چھریاں اور ٹوکے تیز کر لیے جیسے جیسے عید قرباں قریب آرہی ہے ویسے ہی اشیا ضروریات زندگی کی قیمتیں بڑھنے کے ساتھ قربانی کے جانوروں کی قیمتیں بھی آسمان سے باتیں کر رہی ہے، 30 کلو وزن رکھنے والا بکرا اور دنبہ کا ریٹ 80 سے 85 ہزار روپے جب کہ 30 سے زائد وزن کے جانوروں کی قیمتیں بیوپاری ایک لاکھ تک ڈیمانڈ کر رہے ہیں

چھوٹے جانوروں کی قیمتیں بھی عام آدمی کے دسترس سے باہر ہونے لگیں جس کے باعث شہریوں کی زیادہ تر تعداد اجتماعی قربانی میں ہی حصہ ڈالنے کو ترجیح دے رہی ہیں،سرکاری سطح پر لگائی جانے والی مویشی منڈی کا جائزہ لیا جائے تو قربانی کا اکا دکا جانور تو موجود ہے مگر خریدار منظر سے غائب ہیں جبکہ شہریوں کو جانوروں کی خریداری کروانے کے لیے ٹاؤٹ بھی مویشی منڈی میں موجود دکھائی دے رہے ہیں

مہنگائی نے عید قربان کی خوشیاں بھی ماند کردی ہیں جانوروں کی کثیر تعداد مختلف شہروں میں پہنچنا شروع ہوگئی ہے مگر خریدار نہ ہونے کے برابر ہیں شہریوں کا کہنا ہے کہ مہنگائی کی وجہ سے ہر شخص پریشان ہے ان حالات میں گھریلو اخراجات پورے کریں یا پھر قربانی کریں کیونکہ قربانی کے جانور گزشتہ سال کی نسب ڈبل ریٹ پر بھی نہیں مل رہے ہیں مہنگائی نے جہاں ہر چیز کو متاثر کیا ہے وہاں پر عید قرباں بھی متاثر ہوئی ہے