Baaghi TV

Author: ڈاکٹرغلام مصطفی بڈانی

  • ڈیرہ غازیخان:ریونیو دستاویزات غائب کرنے والے ریونیو افسران کے خلاف کارروائی کے احکامات

    ڈیرہ غازیخان:ریونیو دستاویزات غائب کرنے والے ریونیو افسران کے خلاف کارروائی کے احکامات

    ڈیرہ غازیخان،باغی ٹی وی (نامہ نگار شہزادخان)ڈیرہ غازی خان ڈویژن میں ریونیو اہداف کے حصول میں ناکامی اور جان بوجھ کر ریونیو دستاویزات غائب کرنے والے ریونیو افسران کے خلاف کارروائی کے احکامات جاری کردئیے گئے ہیں۔

    گمشدہ رپورٹ ہونے والی 582 دستاویزات کی برآمدگی کیلئے ٹائم لائنز مقرر کردی گئیں۔

    کمشنر ڈاکٹر ناصر محمود بشیر نے ویڈیو لنک اجلاس کی صدارت کرتےہوئے کہا کہ مسنگ میو ٹیشنز اور دیگر دستاویزات کی برآمدگی میں ناکامی پر پٹواریوں اور تحصیلداروں کو ملازمت سے فارغ کرنے سمیت دیگر قانونی کارروائی کی جائے گی۔

    اجلاس میں ڈپٹی کمشنرز،ایڈیشنل کمشنر ریونیوفخرالاسلام ڈوگر،اے ڈی سی آرنعمان فاروق،اسسٹنٹ کمشنرز اور ریونیو آفیسرز شریک تھے

    کمشنر ڈاکٹر ناصر محمود بشیر نے ریونیو معاملات کا جائزہ لیتے ہوئے کہا کہ گمشدہ ظاہر کرنے والے انتقالات اور دیگر ریونیو دستاویزات کی برآمدگی کیلئے ڈپٹی کمشنرز خود نگرانی کریں۔

    انہوں نے کہا کہ آبیانہ،مالیہ،زرعی انکم ٹیکس،سٹیمپ ڈیوٹی اور سرکاری واجبات کی سوفیصد وصولی یقینی بنائی جائے ،سرکاری فرائض کی انجام دہی میں عدم دلچسپی برداشت نہیں ہوگی۔

    اہداف کے حصول میں ناکامی پر ریونیو افسران سے حلقے بھی واپس لئے جاسکتے ہیں۔

  • ڈیرہ غازیخان :ترقیاتی سکیموں کو بروقت مکمل کرنیکا فیصلہ

    ڈیرہ غازیخان :ترقیاتی سکیموں کو بروقت مکمل کرنیکا فیصلہ

    ڈیرہ غازیخان،باغی ٹی وی (نامہ نگار شہزادخان)حکومت پنجاب کے احکامات پر ترقیاتی سکیموں کو بروقت مکمل کرنیکا فیصلہ،انجینئرنگ کے تناظر میں ضلع ڈیرہ غازیخان کے ترقیاتی کاموں کو پرکھا جائیگا۔تعمیرنو کے افسران کو کاموں میں شفافیت لانے اور کارکردگی بہتر کرنیکا ٹاسک،روزانہ کی بنیاد پر ترقیاتی کاموں کی پیشرفت کے ویڈیو شواہد فراہم کرنیکا حکم،بروقت تعمیراتی کام مکمل نہ کرنے والے افسران کیخلاف سخت ایکشن لیا جائیگا۔ڈیرہ غازی خان ڈویلپمنٹ ریویو کمیٹی کے اجلاس میں اہم فیصلے کئے گئے۔ڈپٹی کمشنر مہرشاہد زمان لک نے اجلاس کی صدارت کی۔

    اجلاس میں ہائی ویز،بلڈنگز،ہیلتھ،پی ایچ ای،آئی ڈیپ،لوکل گورنمنٹ،کے ایس ڈی اے،انہار، سپورٹس،ڈیمز اور ہائیر ایجوکیشن کی سکیموں کا جائزہ لیا گیا۔ڈپٹی ڈائریکٹر ڈویلپمنٹ امیر مسلم نے جاری ترقیاتی سکیموں پر تفصیلی بریفنگ دی۔

    ڈپٹی کمشنر مہر شاہد زمان لک نے کہا کہ سکیموں کے فنڈز کے بروقت استعمال کو یقینی بنایا جائے،سکیموں کی ٹائم لمٹ اہم ہے،کنٹریکٹرز سے رابطے کرکے کاموں کی رفتار تیز کی جائے،عوامی مفاد کی سکیموں کو ایکسٹرا لیبر لگا کر بروقت مکمل کرایا جائے،سکیموں میں استعمال میٹریل کے معیار کا بار بار جائزہ لیا جائے۔

    اجلاس میں اے ڈی سی آر نعمان فاروق،پی اے محمد اسد چانڈیہ،اے سی تیمور عثمان،ڈی ایس پی امتیاز چنگوانی،محمد شفیق،مہر اسداللہ،عبدالرحمن،ڈاکٹر نظام الدین،عبدالسمیع،رانا منور،غلام قنبر،فخر بلال،یاسر علی خان،مسرت عباس،نعمان بیگ عبدالحمید کھوسہ ودیگر افسران شریک تھے۔

  • ننکانہ: ڈی ایچ کیوہسپتال مافیاء کے قبضے میں ،جعلی میڈیکل فٹنس سرٹیفکیٹ بننے لگے

    ننکانہ: ڈی ایچ کیوہسپتال مافیاء کے قبضے میں ،جعلی میڈیکل فٹنس سرٹیفکیٹ بننے لگے

    ننکانہ صاحب ،باغی ٹی وی (نامہ نگار احسان اللہ ایاز)ڈی ایچ کیوہسپتال مافیاء کے قبضے میں ،جعلی میڈیکل فٹنس سرٹیفکیٹ بننے لگے

    ڈسٹرکٹ ہیڈ کوارٹر ہسپتال میں جعلی میڈیکل فٹنس سرٹیفکیٹ کے ہزاروں روپے ریٹ مقرر،جعلی میڈیکل فٹنس سرٹیفکیٹ کی کمائی میں ایم ایس ,کیشیئر ,چیئرمین ہیلتھ سپورٹ سٹاف ڈسٹرکٹ ہسپتال کےاعلی عہدے دار بھی حصہ دار،وزیر اعلی پنجاب مریم نواز شریف ,ڈی جی اینٹی کرپشن پنجاب ,صوبائی محتسب اعلی پنجاب سے فوری نوٹس کا مطالبہ

    ننکانہ صاحب ڈسٹرکٹ ہیڈ کوارٹر ہسپتال ننکانہ صاحب کےمعتبر ذرائع نے کرپشن کے متعلق چونکا دینے والے انکشافات کرتے ہوۓ یہ انکشاف بھی کیا ہے کہ ڈسٹرکٹ ہیڈ کوارٹر ہسپتال ننکانہ صاحب مافیاء کے قبضے میں آگیا،بھاری رشوت کے عوض جعلی فٹنس سرٹفکیٹ بننے لگے ہیں اورجس کے ہزاروں روپے فیس کی آڑ میں وصول کئے جانے لگے

    جعلی فٹنس سرٹیفکیٹ بنانے کے لیے کیشیر فرمان علی خاں صرف دو عدد تصاویر اور شناختی کارڈ کی کاپی طلب کرتا ہے جس کے بعد ٹھیک ایک گھنٹے میں بغیر ای سی جی, ایکسرے,لیب ٹیسٹ کرواۓ اور انٹری کے ڈاکٹرز کے جعلی سائن اور مہریں ثبت کرنے کے بعد معتبر ذرائع کے مطابق ایم ایس ڈی ایچ کیو ہسپتال ڈاکٹر عمران شاہ سے کاؤنٹر سائن کروانے کے بعد جاری کر دیتا ہے ,

    کیشیئر فرمان علی خاں نے جولائی 2023 کے بعد سے لیکر اب تک سینکڑوں جعلی فٹنس سرٹیفکیٹ جاری کرچکا ہے ,اور اب تک حرام کےلاکھوں روپے کماچکا ہے

    ذرائع نے بتایا کہ کیشیئر فرمان علی خاں کو ایم ایس ڈی ایچ کیو ڈاکٹر عمران شاہ اور ان کے کارخاص ہیلتھ سپورٹ سٹاف کے ضلعی عہدے دار چیئرمین کی مکمل حمایت حاصل ہے اسی لیے کیشیئر فرمان علی خاں نے کرپشن کا بازار گرم کر رکھا تھا, ذرائع نے مزید انکشاف کرتے ہوۓ بتایا کہ اگر اعلی پیمانے پر اس کرپشن کی انکوائری کی جاۓ تو کئی اورنام بھیسامنے آئیں گے جو اس کرپشن میں حصہ دار ہیں

    ذرائع کا بتانا ہے کہ قبل از وقت ملازمت سے ریٹائرمنٹ لینے والوں کو میڈیکلی ان فٹ قرار دلوانے کیلئے لاکھوں روپے لےان فٹ کا سرٹیفکیٹ جاری کرایاجاتاہے

    سماجی وفلاحی اور شہری حلقوں نے وزیر اعلی پنجاب مریم نواز شریف سے فوری نوٹس لینے کا مطالبہ کیا ہے تاکہ دودھ کا دودھ اور پانی کا پانی ہو جاۓ اور ملوث عناصر کو عبرتناک سزائیں دی جائیں .

  • اوچ شریف :عید الاضحٰی کی آمد مہنگائی کا طوفان،سبزاورخشک مصالحہ جات عوام کی پہنچ سے دور

    اوچ شریف :عید الاضحٰی کی آمد مہنگائی کا طوفان،سبزاورخشک مصالحہ جات عوام کی پہنچ سے دور

    اوچ شریف، باغی ٹی وی نامہ نگار ( حبیب خان سے) عید الضحی سے قبل مہنگائی کا طوفان، مصالحہ جات، ٹماٹر، پیاز، ادرک، لہسن، سبز مرچ مزید مہنگی، گرانفروشی عروج پر، پرائس کنٹرول مجسٹریٹ "مال” بنانے میں مصروف، مافیاء کے ڈیروں پر شام کے وقت فروٹس کے شاپرز پہنچاۓ جانے لگے، عوام کی جیبوں پر ڈاکہ بارے انتظامیہ خاموش تماشائی، غریب آدمی کیسے سالن پکا سکتا ہے؟ شہری پھٹ پڑے

    تفصیلات کے مطابق اوچ شریف شہر وگردونواح میں ریڑھی بانوں اور دوکانداروں نے عید سے قبل اشیاء خوردونوش کی قیمتوں میں خود ساختہ اضافہ کردیا ہے، اس حوالہ سے ضلع کی پرائس کمیٹیاں اور ضلعی انتظامیہ حسبِ سابق خاموش تماشائی کا کردار ادا کرتی نظر آرہیں ہیں، شہریوں نے تاجران کی خود ساختہ گرانفروشی پر شدید احتجاج کرتے ہوئے ضلعی انتظامیہ سے مطالبہ کیا ہے کہ فوری طور پر اس کا نوٹس لیا جائے اور قانونی کارروائی عمل میں لائی جائے،

    بکرا عید قریب آتے ہی گھروں میں استعمال ہونے والے مصالحہ جات پیاز، ٹماٹر، ادرک، لہسن، سبز مرچ و دیگر اشیاء کی قیمتیں بھی بڑھا دی گئیں ہیں،جبکہ جیسے جیسے بکرا عید قریب آرہی ہے ویسے ہی قیمتوں میں بھی اضافہ ہوتا دکھائی دے رہا ہے، مہنگائی سے ستائے شہریوں محمد یاسر، احمد علی، محمد بخش، اللہ وسایا، الٰہی بخش و دیگر نے گفتگو کرتے ہوئے کہا کہ مہنگائی پہلے ہی اتنی ہے کہ ہم پریشان ہیں کہ بچوں کے کپڑوں کی خریداری کیسے کریں، کیونکہ مہنگائی کے طوفان نے زندگی اجیرن بنادی ہے اور ہمارے لیےقربانی کرنا بھی بہت مشکل ہوچکا ہے،

    مویشی منڈی میں جانوروں کےریٹ بھی آسمان سے باتیں کررہے ہیں جنہیں خریدنا بہت مشکل ہے۔ مہنگائی نے غریب عوام کو عید سے پہلے ذبح کرنا شروع کردیا ہے پیاز ٹماٹر لہسن ادرک آلو مرغی کے گوشت سمیت دیگر اشیا سمیت مصالحہ جات کی قیمتوں میں ہوشربا اضافہ کرکے شہریوں کے اوسان خطا کر دیئے، اسی طرح مختلف اقسام کے مصالحہ جات کی قیمتوں میں بھی غیر معمولی اضافہ دیکھنے میں آرہا ہے۔

    اس مہنگائی کے طوفان کا نوٹس لینے والے پرائس کنٹرول مجسٹریٹس ائیر کنڈیشنڈ کمروں میں بیٹھ کر مہنگائی سے بلبلاتے شہریوں کی آہ و بکا سنتے ہو ئے بھی تماشائی کا کردار ادا کر رہے ہیں،کہیں بھی حکومتی رٹ قائم ہوتی نظر نہیں آرہی.

  • اوچ شریف: پرنس بہاول عباس خان عباسی نے سابق ایم پی اے مخدوم سید افتخار حسن گیلانی کی عیادت کی

    اوچ شریف: پرنس بہاول عباس خان عباسی نے سابق ایم پی اے مخدوم سید افتخار حسن گیلانی کی عیادت کی

    اوچ شریف،باغی ٹی وی (نامہ نگارحبیب خان) پرنس بہاول عباس خان عباسی سابق ایم پی اے مخدوم سید افتخار حسن گیلانی کی عیادت اور نیک خواہشات کا اظہارکیا.

    تفصیلات کے مطابق مخدوم سید افتخار الحسن گیلانی سجادہ نشین دربار عالیہ غوثیہ حضرت محبوب سبحانی کئی دنوں سے اپنی گاڑی سے اترتے ہوئے سلپ ہو گئے تھے اور ٹانگ میں فریکچرآگیاتھا

    مخدوم سید افتخار الحسن گیلانی لاہور مخدوم ہاؤس میں رہائش پزیر ہیں جن کی عیادت کرنے پرنس بہاول عباس خان عباسی انکی رہائش گاہ پہنچ گئے اور انکی مزاج پرسی کی اور انکی صحت و تندرستی کے لئیے دعا کی

  • اوچ شریف: انٹرنیشنل کرکٹر حیدر علی کی نیو کرکٹ اسٹیڈیم اوچ شریف آمد،خانزادہ کرکٹ اکیڈمی کا دورہ

    اوچ شریف: انٹرنیشنل کرکٹر حیدر علی کی نیو کرکٹ اسٹیڈیم اوچ شریف آمد،خانزادہ کرکٹ اکیڈمی کا دورہ

    اوچ شریف،باغی ٹی وی (نامہ نگارحبیب خان)انٹرنیشنل کرکٹرحیدر علی کی نیو کرکٹ اسٹیڈیم اوچ شریف آمد خانزادہ کرکٹ اکیڈمی کا دورہ اور اوچ شریف ٹینس بال کرکٹ لیگ ایڈیشن 6 میں بطور مہمان خصوصی شرکت کی ۔

    تفصیلات کے مطابق خانزادہ کرکٹ اکیڈمی کے چیف ایگزیکٹو یوسف خانزادہ کی خصوصی دعوت پر کرکٹرحیدر علی نیو کرکٹ اسٹیڈیم اوچشریف میں خانزادہ کرکٹ اکیڈمی کا دورہ کیا، حیدر علی جب اوچشریف اسٹیڈیم پہنچے تو شائقین کرکٹ کی طرف سے ان کا بھرپور استقبال کیا گیا، حیدر علی اوچشریف میں جاری کرکٹ لیگ کے مہمان خصوصی بھی بنے

    حیدر علی کی طرف سے اکیڈمی کے لیے نیٹس اور کلر کٹ دینے کا بھی اعلان کیا گیا ،حیدر علی نے نیٹس میں جا کر بچوں کو پریکٹس بھی کروائی اور کرکٹ کے حوالے سے لیکچر بھی دیا،

    حیدر علی نے اپنی کرکٹ کا آغاز پاکستان سے کیا تھا،اب حیدر علی یو اے ای کی طرف سے کرکٹ کھیلتے ہیں یو اے ای میں حیدر علی T10 لیگ اور ILT20 لیگ کا بھی حصہ رہ چکے ہیں

    حیدر علی نے اپنے خصوصی انٹرویو میں اوچشریف کے پلیئرز کی تعریف کی ان کا یہ مزید کہنا تھا کہ یہاں ٹیلنٹ کی کوئی کمی نہیں، اور جہاں بھی ان پلیئرز کو ضرورت ہوئی تو وہ ان کے لیے ہر وقت حاضر ہیں

    اوچ شریف آمد پر خانزادہ کرکٹ اکیڈمی کے چیف ایگزیکٹو یوسف خانزادہ محمد اکمل،سپورٹس جرنلسٹ غلام فرید،اکبر ستار،عمیر خان لالا اور ماموں طارق کی طرف سے انٹرنیشنل پلیئر حیدر کا شکریہ ادا کیا گیا اور ساتھ پھولوں کے گلدستے بھی پیش کیے گئے

  • ڈیرہ غازیخان:اینٹی کرپشن اسٹیبلشمنٹ ڈائریکٹر کو ملتان ریجن کا بھی اضافی چارج دے دیا گیا

    ڈیرہ غازیخان:اینٹی کرپشن اسٹیبلشمنٹ ڈائریکٹر کو ملتان ریجن کا بھی اضافی چارج دے دیا گیا

    ڈیرہ غازی خان،باغی ٹی وی (نامہ نگار شہزادخان ) اینٹی کرپشن اسٹیبلشمنٹ ڈائریکٹر کو ملتان ریجن کا بھی اضافی چارج دے دیا گیا

    اینٹی کرپشن اسٹیبلشمنٹ ڈائریکٹر ضیاء الحق ڈیرہ غازی خان ریجن کو ملتان ریجن کا اضافی چارج بھی سونپ دیا گیا ڈائریکٹر جنرل اینٹی کرپشن پنج میں احکامات جاری کر دیے

    ڈائریکٹر انٹی کرپشن اسٹیبلشمنٹ ڈیرہ غازی خان ریجن ضیاء الحق جو کہ کچھ دن پہلے ڈائریکٹر اینٹی کرپشن اسٹیبلشمنٹ ڈیرہ غازی خان ریجن تعینات کیا گیا تھا ڈائریکٹر جنرل اینٹی کرپشن اسٹیبلشمنٹ پنجاب سہیل ظفر چٹھہ نےملک ضیاء الحق کو اینٹی کرپشن اسٹیبلشمنٹ ملتان ریجن میں قائم مقام ڈائریکٹر انٹی کر یشن تعینات کر دیا ہے اس کا نوٹیفکیشن بھی جاری ہو گیا ہے

  • گوجرانوالہ:گیپکو کے بڑے نادہندگان سے ریکوری کے لیے مزید سخت اقدامات کا فیصلہ۔

    گوجرانوالہ:گیپکو کے بڑے نادہندگان سے ریکوری کے لیے مزید سخت اقدامات کا فیصلہ۔

    گوجرانوالہ،باغی ٹی وی سے ( نامہ نگارمحمد رمضان نوشاہی ) وزیراعلی پنجاب مریم نواز کی ہدایات پر بجلی چوری کی روک تھام کے لیے تشکیل دی گئی ضلعی ٹاسک فورس/ کمیٹی کا ڈپٹی کمشنر محمد طارق قریشی کی زیر صدارت اجلاس، گیپکو کے بڑے نادہندگان سے ریکوری کے لیے مزید سخت اقدامات کا فیصلہ۔

    اجلاس میں ایڈیشنل ڈپٹی کمشنر(جنرل)شبیر حسین بٹ، ایس ای (سٹی) سرکل، ایس ای (کینٹ) سرکل، ڈسٹرکٹ پراسیکیوٹر، ڈی ایس پی(لیگل) اور دیگر متعلقہ محکموں کے افسران شریک تھے۔

    ایس ای(کینٹ) سرکل نے بتایا کہ ستمبر 2023 سے بجلی چوری کے 795 کیسز پر مقدمات کا اندراج کیا گیا، 12 لاکھ 32 ہزار 5 سو 14 یونٹس بجلی چوروں کو چارج کیے گئے اور 5 کروڑ 27 لاکھ 11 ہزار 403 روپے جرمانہ / بل چارج کیا گیا، مہم کے دوران ان بجلی چوروں سے 4 کروڑ 35 لاکھ 17 ہزار 114 روپے ریکور کیے گئے، ریکوری کا تناسب 83 فیصد رہا اور 91 لاکھ 94 ہزار 289 روپے کے بقایا واجبات کی وصولی کے لیے اقدامات جاری ہیں۔

    ایس ای (سٹی) سرکل نے بریفنگ دیتے ہوئے بتایا کہ ستمبر 2023 سے 5 جون 2024 تک 1979 بجلی چوروں کو 23 لاکھ 91 ہزار 194 یونٹ چارج کیے گئے اور 9 کروڑ 85 لاکھ 29 ہزار 882 روپے کی رقم چارج کی گئی۔ اب تک 8 کروڑ 59 لاکھ 66 ہزار 21 روپے بجلی چوروں سے ریکور کیے گئے ہیں، ریکوری کا تناسب 87.25 فیصد رہا۔

    اب تک 1953 مقدمات درج کیے جا چکے ہیں اور بجلی چوری میں ملوث 1332 افراد کو گرفتار کیا گیا ہے جبکہ باقی 26 مقدمات کے اندراج کے لیے متعلقہ تھانوں میں استغاثے دائر ہیں جن کے اندراج کے بعد ان ملزمان سے بھی بقایا رقم ریکور کی جائے گی۔

    ڈپٹی کمشنر گوجرانوالہ محمد طارق قریشی نے کہا کہ جو بڑے نادہندگان ہیں ان کے خلاف بھی ریکوری کے لیے اقدامات تیز کیے جائیں اس سلسلہ میں تحصیل دار ریکوری، ڈسٹرکٹ پراسیکیوٹر، پولیس اور گیپکو حکام مربوط کوارڈینیشن کے زریعے کام کریں۔

    انہوں نے مزید کہا کہ بجلی چوری میں ملوث افراد کو عدالتوں سے سزا دلوانے کے لیے پراسیکیوشن کو مضبوط کیا جائے اور انویسٹی گیشن آفیسر کو درکار ریکارڈ، ثبوت فراہم کیے جائیں تاکہ وہ قومی مجرمان کو مضبوط پراسیکیوشن کی بنیاد پر نہ صرف سزا دلوائیں بلکہ ایسے افراد دوسروں کے لیے نشان عبرت بھی بنیں تاکہ دوبارہ کسی کو بجلی چوری کی جرات نہ ہو، بجلی چوری کا بوجھ عام آدمی کو برداشت کرنا پڑتا ہے جس کا مستقل تدارک کرنے کے لیے تمام محکموں کو مل کر کام کرنا ہوگا۔

  • کوٹ مبارک: ایم پی اے سردار صلاح الدین خان کھوسہ کی کوششوں سے علاقہ میں امن و امان کی فضا قائم

    کوٹ مبارک: ایم پی اے سردار صلاح الدین خان کھوسہ کی کوششوں سے علاقہ میں امن و امان کی فضا قائم

    کوٹ مبارک،باغی ٹی وی(نامہ نگار امداداللہ تھہیم) ایم پی اے سردار صلاح الدین خان کھوسہ کی کاوش و انسان دوست رویہ سے علاقہ میں امن و امان کی فضا قائم ہوچکی ہے ڈکیتی جیسی وارداتیں ختم ہوچکی ہیں ڈکیتی کرنے والے افراد جرائم سے کنارہ کش ہوچکے ،وہ اب محنت مزدوری کرکے اپنا اور اپنے بچوں کا پیٹ پال رہے ہیں ، علاقہ میں خوشی کی لہر

    کوٹ مبارک کے عوامی سماجی رہنما سابق غلام یاسین زہرانی،ماسٹر نذر حسین ،شملہ خان جھنگیل، قاسم حجانی ،محمد شریف حجانی،زکریا حجانی ،عبدالرحیم دھوتی،تنویرلنگاہ نے میڈیا سے مشترکہ گفتگو میں کہاکہ ہمارے علاقہ میں عرصہ دراز سے جرائم میں حد سے زیادہ اضافہ ہوچکا تھا اب اس میں کمی واقع ہوگئی ہے اس کا سہرا بہادرگڑھ کھوسہ گروپ اوربطور مجبوری سابقہ جرائم میں ملوث افراد کق بھی جاتا ہے جن کی مہربانی اور تعاون سے امن و امان قائم ہوچکا ہے ۔

    جرم کرنے والے افراد اب عوام کے ساتھ ہیں اور ان کا اعلان ہے کہ اب ہمارے علاقہ میں ہمارا گروپ ڈکیتی جیسے جرم نہیں کرے گابلکہ جو کرے گا ہم اسےایسانہیں کرنے دیں گے کیونکہ یہ ہمارا وسیب ہے ،علاقہ میں ترقی کا آغاز ہوچکا اب عوامی مسائل حل ہو رہے ہیں ،

    ہمارا علاقہ امن کا گہوارہ بن جائے گا اور ہم تمام احباب اور سب کے مشکور ہیں جو ہمارا ساتھ دے رہے ہیں ۔

  • تنگوانی:رات کے وقت نامعلوم چور گھر میں داخل ،مزاحمت پرنوجوان شدید زخمی

    تنگوانی:رات کے وقت نامعلوم چور گھر میں داخل ،مزاحمت پرنوجوان شدید زخمی

    تنگوانی ،باغی ٹی وی ( نامہ نگار منصور بلوچ ) رات کے وقت نامعلوم چور گھر میں داخل ،مزاحمت پرنوجوان شدید زخمی

    تفصیل کے مطابق تنگوانی کے قریب گاؤں حضور بخش بجارانی میں چوری کی واردات کی نیت سےچور گھر میں داخل ہوئے تو گھر میں سوئے افراد جاگ گئے، مزاحمت پر نوجوان ممتاز بھلکانی کو چوروں نے گولیاں مار دیں جس سےوہ شدید زخمی ہوگیا،

    زخمی نوجوان کو فوری طور پر مزید علاج کے لیے لاڑکانہ منتقل کر دیا گیا ہے

    یاد رہے کہ اس نوجوان کو ڈاکو ؤں نے اس سے قبل بھی پولیس چوکی کے سامنے یرغمال بناکر سامان اور نقدی چھین لیے تھے.

    دوسری طرف کشمور پولیس نے کارروائی کرتے ہوئے دوران گشت دو ملزمان کو گرفتار کرلیا اور ان سے ایک عدد پسٹل اور ایک عدد بندوق برآمد کی۔

    تھانہ تنگوانی کی حدود میں دو ملزمان جو کہ چوری کی واردات میں ملوث تھے۔ آج کشمور پولیس نے دوران گشت دو ملزمان کو گرفتار کر لیا۔

    گرفتار ملزمان میں قربان علی ولد وزیر احمد اور لطف اللہ ولد واحد بخش جعفری شامل ہیں ،ملزمان کا مزید کریمنل ریکارڈ چیک کیا جا رہا ہے۔