میرپور ماتھیلو،باغی ٹی وی (نامہ نگار مشتاق علی لغاری)تیز رفتار ٹرک کی موٹر سائیکل سوار کو ٹکر، ایک شخص جانبحق ایک زخمی
پولیس ترجمان کے مطابق حادثہ اوباڑو قومی شاہراہ آدھی بنگلا کے مقام پر پیش آیا،جاں بحق ہونے والے کی شناخت صبغت اللہ سومرو کے نام سے ہوئی ہے
جاں بحق ہونے والے کی لاش کو پوسٹ مارٹم کے لیے ہسپتال منتقل کیا گیا .پوسٹ مارٹم اور دیگر قانونی کارروائی کے بعدلاش ورثاء کے حوالے کی گئی،لاش گھر پہنچنے پر میں کہرام مچ گیا.
ڈیرہ غازیخان (ڈاکٹرغلام مصطفیٰ بڈانی سے)روڈ ا سکیم میں ریجنل ورکنگ جرنلسٹ کو پلاٹوں سے محروم رکھنا بہت بڑی ناانصافی ہے ۔پاک انٹرنیشنل میڈیاکونسل
نگران وزیراعلیٰ محسن نقوی کے علاوہ سابق وزیراعلیٰ عثمان بزدار،سابق وزیراعلیٰ چوہدری پرویزالٰہی نے بھی ڈویژنل سطح پر صحافی کالونیاں بنانے کا اعلان کیا تھا ،نئی پنجاب حکوت کی نامزدوزیراعلیٰ محترمہ مریم نوازشریف ریجنل ورکنگ جرنلسٹ کی محرومیوں کاازالہ کرتے ہوئے ڈویژنل سطح پر فوری طورپر صحافی کالونیاں بنانے کیلئے عملی اقدامات کااعلان کریں ۔منظورخان لغاری ڈویژنل صدرپاک انٹرنیشنل میڈیاکونسل
تفصیل کے مطابق ڈیرہ غازیخان میں پاک انٹرنیشنل میڈیاکونسل کا اجلاس ڈویژنل صدر منظورخان لغاری کی زیرصدارت منعقد ہوا ،اجلاس میں نائب صدر سائوتھ پنجاب چوہدری شکیل احمد خصوصی طور پر شریک ہوئے ،ان کے علاوہ ڈویژنل جنرل سیکرٹری حاجی محمدسعید گندی،ضلعی صدر پاک انٹرنیشنل میڈیاکونسل ڈاکٹرغلام مصطفی بڈانی ،جنرل سیکرٹری شہزادخان یوسفزئی،سیکرٹری اطلاعات شاہدعمران گاڈی،شہزادخان باکھری اورقیصرباپا سمیت دیگر ممبران نے شرکت کی۔
اجلاس میں ڈویژنل صدرپاک انٹرنیشنل میڈیاکونسل منظورلغاری نے کہا کہ نگران وزیراعلیٰ محسن نقوی کی طرف سے میڈیا کمیونٹی کے لیے لاہور میں 200 ایکڑ پر مشتمل رہائشی منصوبہ شروع کرنے کا حتمی اعلان کیا گیا تھاجس میں پنجاب بھر میں صحافیوں کو 3300 پلاٹس آسان اقساط پر دیے جانے تھے،اس سکیم میں راوی اربن ڈویلوپمنٹ کی جانب سے صحافیوں کو دیئے گئے پلاٹوںکی بندر بانٹ پربات نہیں کریں گے بلکہ ہم یہ بات ببانگ دہل کہیں کہ روڈ ا سکیم میں ریجنل ورکنگ جرنلسٹ کو پلاٹوں سے محروم رکھنا بہت بڑی ناانصافی ہے جس پر ہم آنکھیں بند کرکے خاموش نہیں بیٹھیں گے۔
اجلاس میں یہ بھی بتایا گیا کہ پنجاب میں جوبھی حکمران یا وزیراعلیٰ آیا اس نے صرف کھوکھلے وعدے اور بیانات دے کر ریجنل ورکنگ جرنلسٹ کو لولی پاپ دیا ،جس کی ہم بھر پورمذمت کرتے ہیں
اجلاس میں بتایاگیا کہ 20 دسمبر2019کوسابق وزیراعلیٰ عثمان بزدار نے ڈیرہ غازیخان سمیت پنجاب کے تمام ڈویژنز میں صحافی کالونیاں دینے کااعلان کیا تھااوراسی طرح 10دسمبر2022کو سابق وزیراعلیٰ پنجاب چوہدری پرویزالٰہی نے بھی نے صحافیوں کیلئے بڑے تحفہ کا اعلان کرتے ہوئے لاہو رمیں صحافی کالونی فیزII کے لئے زمین الاٹ کرنے کی منظوری دی تھی،جوابھی تک صرف منظوری ہی ہے ،
اس موقع پر پاک انٹرنیشنل میڈیا کونسل کے ڈویژنل صدر منظور خان لغاری نے گفتگو کرتے ہوئے کہنا تھا کہ نگران حکومت کا ریجنل صحافیوں کو نظر انداز کرنا قابل مذمت ہے،،نئی پنجاب حکوت کی نامزدوزیراعلیٰ محترمہ مریم نوازشریف ریجنل ورکنگ جرنلسٹ کی محرومیوں کاازالہ کرتے ہوئے ڈویژنل سطح پر فوری طورپر صحافی کالونیاں بنانے کیلئے عملی اقدامات کااعلان کریں۔
آخرمیں پاک انٹرنیشل میڈیاکونسل کی مرکزی قیادت اور خاص طورپرسینئرصحافی و مرکزی صدر جاویدفخری کے ساتھ شانہ بشانہ صحافیوں کی فلاح وبہبود اوراورعملی اقدامات کیلئے بھرپورکوششیں جاری رکھنے پر اتفاق کیا گیا۔
ڈی جی خان(باغی ٹی وی )کسٹم اہلکاروں کے ہراساں کرنے پرمنی ٹرک ڈرائیور جاں بحق
تفصیل کے مطابق گذشتہ روزڈیرہ غازیخان میں پل غازی گھاٹ پر کسٹم والوں کی کھلی بد معاشی ڈرائیور زندگی کی بازی ہار گیا منی ٹرک نمبری ٹی کے وی 932 جب پل غازی گھاٹ پہنچا تو کسٹم اہلکاروں نے روک کر کہا آپ کی گاڑی میں ایرانی ڈیزل ہے
ڈرائیورامام دین باڈیانی کھتران کسٹم کو خدا کے واسطے دیتا رہا کہ میں ایسا کام نہیں کرتا کسٹم والوں نے اس کو زبردستی تھانے لے جانا چاہا جس کی وجہ سے ڈرائیور امام دین باڈیانی کھتران سکنہ بغاؤ ضلع برکھان بلوچستان کا رہائشی زندگی کی بازی ہار گیا
کسٹم اہلکار ڈرائیور اور گاڑی کو چھوڑ کر موقع سے فرار ہوگئے جب ریسکیو 1122کی ٹیم نےموقع پر پہنچ کر چیک کیا تو وہ اپنے خالق حقیقی سے جا ملا تھا
ٹرانسپورٹ مالکان کا کہنا ہے کسٹم والوں کی وجہ سے ہمارے ڈرائیور کی موت ہوئی ہے انہوں نے چیف جسٹس سے نوٹس لینے کا مطالبہ کیا ہے ڈرائیورامام دین کی ڈیڈ باڈی رات گئے بغاؤ ضلع برکھان روانہ کردی گئی تھی
جاں بحق ڈرائیورامام دین کی نمازجنازہ آج دن 2بجے بلوچستان کے ضلع بارکھان کے علاقہ بغاؤ میں تکھڑا لیویز چوکی گراؤنڈ میں ادا کی جائے گی،
جاں بحق ڈرائیور امام دین کا بچہ ہے جس کا نام گل محمد ہے جس کی عمرصرف 7 سال ہے ،جاں بحق ڈرائیورامام دین کاتعلق انتہائی غریب گھرانے سے تھا،پسماندگان میں ایک بیوہ اور ایک سات سالہ معصوم بچہ شامل ہیں
جبکہ دوسری طرف کسٹم حکام کا کہنا ہے کہ ڈرائیور کو ہارٹ اٹیک ہوا یہ تو اللہ تعالیٰ کی مرضی اس میں ہم تو کچھ نہیں کرسکتے.
اوچ شریف,باغی ٹی وی (نامہ نگار حبیب خان)پانچ روز انسدادِ پولیومہم 26فروری سے شروع ہو گی، ڈپٹی ڈی ایچ او ہیلتھ ڈاکٹر زین احمر بھٹی ایم ایس ڈاکٹر محمد عارف غوری اور اسسٹنٹ کمشنر احمد پور شرقیہ فیصل احمد نے بچوں پولیوں کے قطرے پلا کر انسداد پولیو مہم کا آغاز کر دیا
تفصیلات کے مطابق ڈپٹی ڈی ایچ او ہیلتھ ڈاکٹر زین احمر بھٹی اور ایم ایس ڈاکٹر محمد عارف غوری نے گفتگو کرتے ہوئے کہا کہ سال نو کی دوسری قومی انسداد پولیو مہم 26فروری کو شروع ہو رہی ہے جس میں 36 یوسی میں 5 سال سے کم عمر 199555بچوں کو انسداد پولیو کے قطرے پلائے جائیں گے
تحصیل بھر میں انسداد پولیو کی خصوصی مہم کے دوران 100فیصد ویکسینیشن کا ہدف پورا کریں گے۔انہوں نے کہا کہ پولیو کے مکمل خاتمے کے لئے ویکسینیشن مہم بہت اہمیت کی حامل ہے پولیو کے خاتمے کے لئے گھر گھر جا کر قطرے پلانے والے ورکرز قومی ہیرو ہیں جن کی حفاظت کے لئے حفاظتی اقدامات پر عملدرآمد یقینی بنایا جائے گا
ان کا مزید والدین کے نام کہنا تھا کہ ہماری ٹیمیں آپکی سہولت کے لیئے تمام ہاسپٹلز اور مین بس سٹاپ پر موجود ہونگی اسکے علاوہ پولیو کی ٹیمیں ہر گھر میں جاکے دستک دیں گی تاکہ کوئی بچہ اس ویکسین پینے سے رہ نہ جاۓ۔
مہم کے پانچ دن ٹیمیں اگر بار بار دستک دیتی ہیں تو اسکا مقصد صرف اور صرف آپکے بچوں کی بہتر اور صحت مند زندگی ہے،ان پولیو ورکرز کا خوشدلی سے استقبال کریں اور ان سے تعاون کرکے کہ ایک اچھے شہری ہونے کا ثبوت دے کر پاکستان کو پولیو فری بنانے میں اپنا کردار نبھائیں
میرپورخاص،باغی ٹی وی( نامہ نگار سید شاہزیب شاہ کی رپورٹ ) چیف جسٹس سندھ ہائی کورٹ جسٹس عقیل احمد عباسی ایک روزہ دورے پر میرپورخاص آمد
چیف جسٹس سندھ ہائی کورٹ جسٹس عقیل احمد عباسی نے سینٹرل جیل میرپورخاص میں وڈیو لنک سہولت کا افتتاح کیا۔چیف جسٹس سندھ ہائی کورٹ جسٹس عقیل احمد عباسی نے سینٹرل جیل میرپورخاص کاتفصیلی دورہ کیا جیل میں جیل سرگرمیوں کو مانیٹرنگ کرنے کے لئے وڈیو لنک کا افتتاح کیا جبکہ اسٹیوٹا کی جانب سے قیدیوں کو فنی تربیت دینے کے لئے کمپیوٹر اور الیکٹرک کلاسز کا بھی معائنہ کیا۔
بعد ازاں انہوں نے جیل کے گرین ہاؤس میں پودا لگا کر شجرکاری کی،چیف جسٹس سندھ ہائی کورٹ جسٹس عقیل احمد عباسی نے جیل مینوئل کے تحت قیدیوں کو فراہم کیا جانے والا کھانا بھی کھا کر چیک کیا اور جیل سپرنٹینڈنٹ شہاب الدین صدیقی کی جانب سے جیل میں بہتر اور پر فضا ماحول فراہم کرنے کے لئے کئے گئے اقدامات کو سراہا۔
بعد ازاں سندھ ہائی کورٹ میرپورخاص کے جج لاجز کا افتتاح کرنے کے بعد سندھ ہائی کورٹ سرکٹ بینچ میرپورخاص کے لیے مختص کی گئی سائیٹ کا معائنہ بھی کیا اور ڈسٹرکٹ کورٹ کمپلیکس میں ڈسٹرکٹ بار ایسوسی ایشن تقریب میں شرکت کی
ڈسٹرکٹ بار ایسوسی ایشن میرپورخاص میں منعقدہ تقریب سے چیف جسٹس سندھ ہائی کورٹ جسٹس عقیل احمد عباسی کا کہنا تھا کہ وکلاء عدالتوں میں زیر التواء سائلین کے کیسز کا بہتر طور پر دفاع کرکے انہیں عدالتی انصاف فراہم کریں اور سائلین سے حسن سلوک سے پیش آکر انصاف کی فراہمی میں کلیدی کردار ادا کریں تاکہ لوگوں کا عدالتی انصاف و عدل پر مکمل طور اعتماد بحال ہو سکے
ان کے ہمراہ جسٹس محمد شفیق صدیقی ، جسٹس صلاح الدین پنہور ، ڈسٹرکٹ اینڈ سیشن جج میرپورخاص محمد یاسین قادری ڈویژنل کمشنر میرپورخاص فیصل احمد عقیلی ، ڈی آئی جی پولیس میرپورخاص تنویر عالم اوڈھو ، ایڈیشنل کمشنر ون ڈاکٹر علی نواز بھوت ، ایس ایس پی میرپورخاص عادل میمن ، ایڈیشنل ڈپٹی کمشنر میرپورخاص ون غلام دستگیر شیخ ، ایڈیشنل رجسٹرار طاہر راجپوت ، سندھ ہائی کورٹ بار کے صدر جان علی جونیجو ، جنرل سیکریٹری قلندر بخش لغاری ،ڈسٹرکٹ بار ایسوسی ایشن میرپورخاص کے صدر مسعود لغاری و دیگر وکلاء بھی موجود تھے .
چیف جسٹس سندھ ہائی کورٹ جسٹس عقیل احمد عباسی نے ڈسٹرکٹ بار ایسوسی ایشن میرپورخاص کی جانب سے مقامی ہال میرپورخاص میں دئیے گئے ظہرانے میں بھی شرکت کی
لنڈی کوتل،باغی ٹی وی (نصیب شاہ شینواری )ضلع خیبرمیں سیمنٹ فیکٹری کی تعمیر اورتورخم بارڈرپرتجارتی پالیسی میں نرمی لائی جائے۔خیبرچیمبر آف کامرس
خیبر چیمبر آف کامرس اینڈ انڈسٹری کے صدر و پاکستان بارڈر ٹریڈ کونسل چئیرمین سید جواد حسین کاظمی، سینئر گروپ لیڈر یوسف آفریدی، سینئر ایگزیکٹو ہارون صابر نے لنڈی کوتل پریس کلب میں پروگرام میٹ دی پریس میں اظہار خیال کرتے ہوئے کہا کہ تورخم بارڈر صرف افغانستان کیلئے محدود نہیں بلکہ یہ سرحد سنٹرل ایشیاء کا گیٹ وے ہے۔
ان کا کہنا تھا کہ علاقہ کی ترقی کیلئے حکومت کو کاروباری طبقے کو فیسلیٹیشن دینا ہوگی۔ انہوں نے کہا کہ ضلع خیبر کے ملاگوری علاقہ میں ماربل انڈسٹری ،یہاں سینکڑوں افراد برسر روزگار ہیں لیکن افسوس کہ وہاں پر بجلی سمیت کوئی بھی بنیادی سہولت صنعتکاروں کو میسرنہیں ہے،
انہوں نے کہا کہ خیبر پختونخواہ کے ضم شدہ میں مقامی لوگ گوناگوں مسائل کے شکار ہیں، عام عوام اور تاجر برادری کا کوئی پُرسانِ حال نہیں حکومت کو چاہئیے کہ ملاگوری اور باڑہ سمیت ضلع خیبر میں تاجروں کو تمام ترسہولیات دیں اور باڑہ کے دکانداران کو بقایاجات کی ادائیگی کی جائے۔
صدر جواد حسین کاظمی نے کہا کہ خیبر چیمبر آف کامرس بنانے کا مقصد قبائلی ضلع خیبر میں تجارت اور بالخصوص امپورٹ و ایکسپورٹ سے وابستہ تاجروں کو سہولیات فراہم کرنے اور ان کی تجارت کو مزید وسعت دینے کیلئے چیمبر لانے کی اشد ضرورت تھی جس کیلئے میں نے اور میرے ساتھیوں نے 2016میں باقاعدہ جدوجہد کا آغاز کیا اور پشاور کے نامور صنعتکار اور معزز گھرانے سے تعلق رکھنے والے حسن علی شاہ سب سے پہلے خیبر چیمبر آف کامرس اینڈ انڈسٹری کے صدر بن گئےِ۔
ان کا کہنا تھا کہ ضلع خیبر میں نہ کوئی فیکٹری ہے اور نہ زراعت نہ کوئی ترقی کی ہے، ان کا کہنا تھا کہ اسے مد نظر رکھتے ہوے ہم نے مختلف فورم پر ضلع خیبر میں ایک سیمنٹ فیکٹری تعمیر کرنے کا مطالبہ کیا ہے۔
ان کا کہنا تھا کہ اس کے بعد ضلع خیبر سے ہی دو اور صدور آئے اور انہوں نے ضلع خیبر کی تاجر برادری کی خدمات کا سلسلہ جاری رکھا اور آج تک خیبر چیمبر تجارت کے فروغ کیلئے اپنا بھرپور کردار ادا کررہا ہے چاہے وہ کوئی بھی حکومتی اعلی سطحی اجلاس ہو یا پھر کوئی اور ایونٹ خیبر چیمبر نے ہمیشہ اپنے تاجروں کی ترجمانی بڑے مدلل انداز میں کی ہے
انہوں نے کہا کہ گورنمنٹ اور بزنس کمیونٹی کے اشتراک سے تاجروں اور کاروباری طبقے جس میں 350 کسٹم کلئیرنگ ایجنٹس، ملاگوری شاہ کس سے 200 کے قریب ماربل فیکٹریاں، باڑہ عالم گودر سے 150 سے زائد سٹیل اور فرنس ملز اور امپورٹرز و ایکسپورٹرز کی 500 سے زائد تعداد ہمارے ساتھ ممبرز ہیں ان کو خیبر چیمبر آف کامرس کی جانب سے تمام خدمات حاصل ہے جبکہ خیبر چیمبر کارڈ ہولڈر حکومتی ایس آر او کے مطابق ان سے فائدہ لے رہے ہیں
انہوں نے کہا کہ سابقہ فاٹا پاٹا کے ضم شدہ اضلاع کو آئندہ دس سال تک ٹیکس سے چھوٹ حاصل کرنے کیلئے تحریک کا آغاز کررہے ہیں اور صوبے کے تمام چیمبرز کے ساتھ مل کر ضم شدہ اضلاع کے حقوق کی جنگ لڑیں گے
انہوں نے کہا کہ بارٹر ٹریڈ کیلئے کافی کام کیا ہے ہائی آفیشل جس میں ایف بی آر چئیرمین، ممبر ودیگر ذمہ داروں کے ساتھ تاجروں کو درپیش مشکلات جس میں کورانٹین و دیگر مسائل تھے اور وی باک سسٹم سمیت پی ایس ڈبلیو کیلئے کافی تگ ودو کیا ہے
انہوں نے کہا کہ انڈیا کے ساتھ بارڈر پر تجارت ہو رہا ہے لیکن افسوس کہ طورخم بارڈر پر جو لوگوں کا واحد ذریعہ معاش بارڈر پر تجارت ہے مختلف مسائل و مشکلات پیدا کئے گئے ہیں
حکومت تجارت کی ترقی کیلئے بھرپور کردار ادا کریں اور جو سہولیات پشاور اور اسلام آباد کے تاجروں کو حاصل ہے وہی سہولیات ہمیں بھی فراہم کی جائے اور ٹیکس فری کے قبائلی عوام کے ساتھ جو وعدے کئے گئے تھے ان کی پاسداری کی جائے اور مزید دس سال تک ان میں توسیع کی جائے
انہوں نے کہا کہ خیبر پاس اکنامک کوریڈور جیسا عظیم منصوبہ دونوں طرف سے جو ڈبل روڈ اور اکنامک زون بننے جارہاہے حکومت سے اس منصوبے پر جلد کام شروع کرنے اور چونکہ یہاں کے پہاڑ معدنیات سے مالا مال ہے اور غریب عوام کو تعلیم، صحت سمیت بلا سود قرضے دئیے جائے تاکہ لوگوں کو روزگار کے مواقع فراہم ہوسکیں اور لوگوں کے معیارِ زندگی میں خاطر خواہ تبدیلی آسکے
خیبر چیمبر کے نائب صدر ظہیر اللہ خان شینواری نے کہا کہ گاڑیوں کی کلئیرنس میں سخت مشکلات ہے تمام کاغذات کلئیر ہونے کے باوجود دونوں طرف سے سینکڑوں مال بردار گاڑیاں کھڑی ہیں جس سے تاجروں کو سخت مشکلات کا سامنا ہے ٹرانزٹ سمیت فریش ایبل آئٹمز کو جلد کلیئر کرنے اور جانے کی اجازت دی جائے۔
آخر میں خیبر چیمبر کی کابینہ و عہدیداران نے ضلع خیبر کے تمام چھوٹے بڑے کارخانہ دار، تاجروں، ٹرانسپورٹرز، امپورٹرز و ایکسپورٹرز حضرات سے اپیل کی کہ وہ آئیں خیبر چیمبر میں آکر رکنیت حاصل کریں ہم بھرپور تعاون کریں گے اور ان کو تمام مراعات دینگے.
اس موقع پر سینیئر نائب صدر حاجی صغیر داد آفریدی، شکیل وحید اللہ خان جی اے پی پاکستان چئیرمین، ایگزیکٹو ممبر اقبال خان شینواری اور سینئر ممبر ایاز شینواری بھی موجود تھے۔
ڈیرہ غازیخان،باغی ٹی وی (سٹی رپورٹرجواداکبر) جشن بہاراں روایتی اور پرجوش انداز میں منانے کا فیصلہ کیا گیا ہے،یکم تا 8مارچ کے دوران پارکوں
میں رنگ بکھریں گے۔لطف سے بھرپور رنگ برنگی محفلیں سجیں گی،موسیقی کا بھی اہتمام ہوگا۔پھولوں کی نمائش ہوگی،سٹالز لگائے جائینگے،
روایتی و ثقافتی ملبوسات کی نمائش ہوگی۔ڈیرہ غازیخان کے باسیوں کو تفریح کے بھرپور مواقع فراہم کئے جائینگے۔
جشن بہاراں کے حوالے سے اجلاس ڈپٹی کمشنر آفس میں منعقد ہوا،ایڈیشنل ڈپٹی کمشنر ریونیو میاں رضوان نذیر نے صدارت کی۔اجلاس میں ایڈیشنل ڈپٹی کمشنر جنرل غلام مصطفی سیہڑ،ڈی جی پی ایچ اے قدسیہ ناز،سی ڈی او رب نواز،ڈی ای او احمد کمال،ڈپٹی ڈائریکٹر ذوالقرنین حیدر،ڈائریکٹر آرٹس کونسل نعیم اللہ طفیل،عمر فاروق،افسر شاہ، سیف اللہ سیرانی ودیگر افسران موجود تھے۔ڈی جی پی ایچ اےقدسیہ ناز نے پروگرامز بارے تفصیلی بریفنگ دی۔
ایڈیشنل ڈپٹی کمشنر ریونیو میاں رضوان نذیر نے کہا کہ حکومت پنجاب کی ہدایت پر ڈیرہ غازیخان میں جشن بہاراں پرجوش انداز میں منایا جائیگا۔ہمارے خطہ میں موسم بہار خوشیوں کا باعث ہوتا ہے،جشن بہاراں میں ڈیرہ غازیخاں کے شہریوں کو تفریحی مواقع میسر ہونگے،ثقافتی اور روایتی تہذیب و تمدن کو اجاگر کیا جائیگا،میاں رضوان نذیر نے کہابچوں کیلئے جھولوں،نوجوانوں کیلئے کھیلوں،فیمیلیز کیلئے محفل موسیقی کا اہتمام ہوگا،
جشن بہاراں کے پروگراموں میں جدت کیلئے تجاویز پر غور کیا جائیگا،تفریحی،رنگا رنگ اور روایتی پروگراموں سے پنجاب کے ثقافت کی عکاسی کی جائیگی،انہوں نے کہا کہ شہریوں کی پسند کو ملحوظ خاطر رکھ کر پروگرامز تشکیل دیئے جائیں،دلچسب،پسندیدہ محافل کے انعقاد کیلئے بھرپور وسائل فراہم کئے جائینگے،فائنل پروگراموں کیلئےمشاورت کا عمل جاری رہے گا،تمام محکمے سٹالز لگانے کیلئے پارکس اینڈ ہارٹیکلچر اتھارٹی سے تعاون کریں۔
اجلاس میں تفریحی پروگرامز،سٹالز لگانے بارے تفصیلی غور بھی کیا گیا۔
محکمہ موسمیات کے مطابق مغربی ہواؤں کا سلسلہ 25 فروری رات سے بلوچستان میں داخل ہوگا اور 26 فروری کو ملک کے بیشتر بالائی علاقوں کو اپنی لپیٹ میں لے گا جس کے باعث 26 اور27 فروری کوبلوچستان اور ملک کےبالائی علاقوں میں تیز ہواؤں اور گرج چمک کے ساتھ بارش اورپہاڑوں پر برفباری ہوگی۔
بلوچستان
25 فروری کی رات اور 26 فروری کو چاغی، نوشکی، خاران، پنجگور، گوادر، آواران، خضدار، قلات، لسبیلہ، سبی، کوئٹہ، زیارت، چمن، پشین، قلعہ عبداللہ، قلعہ سیف اللہ، ژوب، شیرانی، بارکھان، موسیٰ خیل اور کوہلو میں تیز ہواؤں اور گرج چمک کے ساتھ ہلکی سے درمیانی بارش اور پہاڑوں پر برفباری کا امکان۔ اس دوران چند مقا مات پر موسلادھار بارش کی بھی توقع۔
خیبر پختونخوا
25 فروری کی رات سے27 فروری کے دوران چترال، دیر، سوات، شانگلہ، کوہستان، بونیر، مانسہرہ، ایبٹ آباد، ہری پور، صوابی، مردان، چارسدہ، نوشہرہ، پشاور، مہمند، باجوڑ، خیبر، کرم، کوہاٹ، بنوں اور وزیرستان میں تیز ہواؤں اور گرج چمک کے ساتھ بارش اور پہاڑوں پر برفباری کا امکان۔اس دوران چند مقا مات پر ژالہ باری کی بھی توقع۔
گلگت بلتستان،کشمیر
25 فروری کی رات سے27 فروری کے دوران گلگت بلتستان (دیامیر، استور، غذر، اسکردو، ہنزہ، گلگت، گا نچھے، شگر)، کشمیر (وادی نیلم، مظفر آباد، پونچھ، ہٹیاں،باغ،حویلی،سدھنوتی، کوٹلی،بھمبر،میر پور) میں تیز ہواؤں اور گرج چمک کے ساتھ بارش اور پہاڑوں پر برفباری کا امکان۔ اس دوران چند مقا مات پر ژالہ باری کی بھی توقع۔
پنجاب/اسلام آباد
26 فروری شام ،رات اور27 فروری کو مری ،گلیات، اسلام آباد/راولپنڈی، اٹک، جہلم، چکوال، میانوالی، خوشاب، سرگودھا، بھکر، لیہ اور ڈیرہ غازی خان میں تیز ہواؤں اور گرج چمک کے ساتھ ہلکی سے درمیانی بارش اور پہاڑوں پربرفباری کا امکان۔ اس دوران چند مقا مات پر ژالہ باری کی بھی توقع۔
سندھ
25 اور26 فروری کے دوران صوبہ کے جنوبی علاقوں میں مطلع ابر آلود رہنے کے علاوہ آندھی اورتیز ہوائیں چلنے کا امکان۔
محکمہ موسمیات نے خبردار کیا ہے کہ 26 فروری کی رات کو شمالی بلوچستان میں برفباری سے سڑکیں بند اور گاڑیوں کی آمد ورفت میں خلل جبکہ بلوچستان خصوصا گوادر، کیچ، پنجگور اور آواران میں موسلادھار بارش کے باعث مقامی ندی نالوں میں طغیانی کا بھی خدشہ۔
26( شام/رات) اور27 فروری کو مری، گلیات، ناران، کاغان، دیر، سوات، کوہستان، مانسہرہ، ایبٹ آباد، شانگلہ، استور، ہنزہ، اسکردو، وادی نیلم، باغ، پونچھ اور حویلی میں برفباری سے گاڑیوں کی آمد ورفت میں خلل کا امکان۔اس دوران بالائی خیبر پختونخوا، مری، گلیات، کشمیر اور گلگت بلتستان میں لینڈسلائیڈنگ کا بھی خدشہ۔
آندھی،جھکڑ ،گرج چمک اور تیز بار ش کے باعث کمزور انفرا سٹرکچر ( بجلی کے کھمبے،گاڑیوں سولر پینل وغیرہ)کو نقصان کا اندیشہ ہے،آندھی،بارش اور برفباری کے دوران کسانوں اورسیاحوں کو محتاط رہنے کی ہدایت۔
اس کے علاوہ محکمہ موسمیات نے تمام متعلقہ اداروں کو اس دوران” الرٹ “رہنے کی ہدایات جاری کردی ہیں.
لاڑکانہ(باغی ٹی وی) پولیس کی بروقت کارروائی،ناکہ بندی کے دوران چوری شدہ ٹریکٹر برآمد
علاقہ تھانہ فتح پور کی حدود گاؤں کارانی سے رات 00-3 بجے ٹریکٹر چوری ہونے والی اطلاع پر لاڑکانہ پولیس نے بروقت ناکہ بندی کرتے ہوئے چوری شدہ فیئیٹ ٹریکٹر برآمد کرلیا ہے۔
ایس ایس پی لاڑکانہ سید عبدالرحیم شیرازی صاحب نے بروقت کارروائی پر ایس ایچ او فتح پور انسپکٹر محمد علی ابڑو کو شاباشیں دیتے ہوئے چوری میں ملوث/فرار ملزمان کو ہر صورت گرفتار کرنے کے احکامات جاری کیے ہیں۔
ایس ایس پی لاڑکانہ کی جانب سے جاری کردہ احکامات و ہدایات کے مطابق فرار ملزمان کی گرفتاریوں کے لیے پیروں کے نشانات کے ذریعے تلاش جاری ہے۔
دوسری جانب ایس ایس پی لاڑکانہ کی جاری کردہ ہدایات کے مطابق برآمد شدہ ٹریکٹر اصل اونر فیروز بگھیو کے حوالے کردیا گیا ہے۔
سیالکوٹ باغی ٹی وی )بیوروچیف شاہد ریاض )شہریوں کےساتھ واردات کی اطلاع،پولیس کے تعاقب پر ڈاکوؤں کی فائرنگ سے انکا ساتھی ہلاک
تفصیلات کے مطابق شہری مسمیان سعد سندھو،ذیشان سعید اور پرویز اقبال ولد محمد اقبال قوم مغل سکنہ ڈسکہ نئی آبادی سوہاوہ بسواری موٹر سائیکل گوجرانوالہ سے ڈسکہ کی طرف آ رہے تھے کہ جب مقام نزد مسلمانیاں خان ھوٹل ڈسکہ گوجرانوالہ روڈ پر پہنچے تو دو کس نا معلوم مسلح ملزمان بسواری موٹر سائیکل H/125بلا نمبری نے روک کر ان سے پچیس ہزار روپے چھین کر فرار ہوئے تو موبائل1 تھانہ بمبانوالا پر ایس ایچ او تھانہ بمبانوالا معہ نفری گشت کر رہے تھے
جنہوں نے اطلاع ملنے پر ڈاکوؤں کا پیچھا کیا تو ڈاکوؤں نے پولیس پر فائرنگ شروع کردی جو فائرنگ روکنے پر معلوم ہوا کہ ایک ڈاکو ملزم محمد اویس ولد جاوید اقبال قوم ملک سکنہ گلی نمبر 3نظام پور گوجرانوالہ بعمر 38/39 سال اپنے ہی ساتھی کی فائرنگ سے ہلاک ہو چکا تھا جبکہ دوسرا ملزم رات کی تاریکی کی وجہ سے فرار ہو گیا ہے۔
ہلاک ڈاکو سے ایک موٹر سائیکل H/125بلا نمبری اور چھینی ہوئی رقم نقدی پچیس ہزار روپے ایک شناختی کارڈ اور ڈرائیونگ لرنر لائسنس اور پسٹل 30 بوربرآمدہوا ہے.
فرار ہونے والے ساتھی ڈاکو کی تلاش جاری ہے.