Author: ڈاکٹرغلام مصطفی بڈانی

سیالکوٹ(نمائندہ باغی ٹی وی شاہد ریاض سے ) پاکستان پیپلز پارٹی کے شریک چیئرمین بلاول بھٹو زرداری نے کہا ہے کہ عام انتخابات میں پاکستان پیپلز پارٹی چاروں صوبوں سے عوامی حمایت سے کامیاب ہوگی، پیپلز پارٹی جیت کر شہید ذوالفقار علی بھٹو اور شہید بینظیر بھٹو کے مشن کو آگے بڑھائے گی اور ملک سے غربت کے خاتمہ کے لئے عملی اقدامات کرے گی اور روٹی، کپڑا اور مکان کا عوام سے کیا گیا وعدہ پورا کرے اور 300یونٹس تک بجلی بالکل مفت دے گی۔

یہ بات انہوں نے سیالکوٹ کے قومی اسمبلی کے حلقہ 71سے پیپلز پارٹی کے امیدوار احسن زاہد سے انتخابی حکمت عملی کی بابت تبادلہ خیال کرتے ہوئے کیا۔

پیپلز پارٹی کے امیدوار احسن زاہد نے بلاول بھٹو زرداری کو سیالکوٹ کے دورہ کی دعوت دی جسے انہوں سے قبول کرتے ہوئے کہا کہ وہ جلد سیالکوٹ کا دورہ کریں گے اور پارٹی کے کارکنان سے خطاب کریں گے۔

گوجرہ،باغی ٹی وی( نامہ نگار عبدالرحمن جٹ سے )گوجرہ میں سوئی گیس کی بلاجوازبندش نے عوام کو ذہنی مریض بنادیا۔خواتین کاخانہ داری امورسرانجام دینامشکل ہو گیا۔شہری حلقے سراپا احتجاج بن گئے۔کوئی شنوائی نہیں ہو رہی۔اعلی حکام نوٹس لیں۔

تفصیلات کے مطابق محلہ حفیظ پارک،اکبر پارک،حیدر پارک،حسنیہ کالونی،شریف پورہ،انصار کالونی سمیت دیگر ملحقہ آبادیوں میں سوئی گیس کی بند ش نے عوام کو شدید مشکلات میں مبتلا کر دیاہے۔گھروں میں چولہے ٹھنڈے پڑ گئے۔گھروں میں خواتین کو گھریلوامورکی انجام میں شدید مشکلات درپیش آرہی ہیں کھانا وغیرہ کی تیاری ناممکن ہو کر رہ گیا۔

حکام کو بار ہا سوئی گیس کی بند ش کے بارے آگاہ کیاگیا مگر افسران کے کانوں پر جون تک نہیں رینگتی۔گورنمنٹ کے مقرر کر دی شیڈول ٹائم میں بھی سوئی گیس کی فراہمی ناممکن ہے۔

عوامی حلقوں نے اعلی افسران سے فوری طور پر نوٹس لینے اور اس اہم مسلۂ کوفوری حل کر نے پرزور کا مطالبہ کیاہے۔

ڈیرہ غازی خان باغی ٹی وی( نیوز رپورٹر شاہد خان )ڈیرہ غازی خان ڈویژن میں مفاد عامہ کی منصوبوں کی جلد تکمیل کےلئے ٹائم لائنز مقرر کردی گئی ہیں۔کارڈیالوجی انسٹیٹیوٹ،مدر اینڈ چائلڈ ہسپتال،او پی ڈی اور گائنی وارڈ کے تعمیراتی منصوبوں کی پیشرفت رپورٹ طلب کرلی گئی۔کمشنر ڈاکٹر ناصر محمود بشیر نے ویڈیو لنک اجلاس میں احکامات جاری کئے۔ڈپٹی کمشنر مہر شاہد زمان لک اور دیگر افسران موجود تھے

کمشنر ڈی جی خان ڈویژن ڈاکٹر ناصر محمود بشیر کی زیر صدارت ویڈیو لنک اجلاس منعقد ہوا جس میں ڈپٹی کمشنرز،ہیلتھ اور ترقیاتی منصوبوں کے افسران شریک تھے۔اجلاس میں ڈویژن میں جاری ترقیاتی منصوبوں پر پیشرفت کا جائزہ لیا گیا۔ڈائریکٹر ڈویلپمنٹ وسیم اختر جتوئی نے بریفنگ دی۔کمشنر ڈی جی خان نے ترقیاتی منصوبوں کی تکمیل کےلئے ٹائم لائنز مقرر کیں۔

انہوں نے کہا کہ منصوبوں میں میٹریل کے معیار پر ہر گز سمجھوتہ نہیں ہوگا۔کارڈیالوجی انسٹیٹیوٹ ڈی جی خان ترجیحی بنیادوں پر بروقت مکمل کرایا جائے۔ٹیچنگ ہسپتال میں زیر تعمیر مدر اینڈ چائلڈ ہسپتال ،او پی ڈی اور گائنی وارڈ کے تعمیراتی کام کی تکمیل میں غیر ضروری تاخیر برداشت نہیں ہوگی۔

پرنسپل میڈیکل کالج پروفیسر ڈاکٹر آصف قریشی،سی ای او ہیلتھ ڈاکٹر ادریس لغاری،ڈپٹی ڈائریکٹر ڈویلپمنٹ امیر مسلم،ڈی بی اے شہزاد قدیر اور تعمیراتی محکموں کے افسران اس موقع پر موجود تھے

سیالکوٹ (نمائندہ باغی ٹی وی شاہد ریاض } ڈپٹی کمشنر محمد ذوالقرنین نے ضلع سیالکوٹ میں پانچ روزہ انسداد پولیو مہم کا افتتاح کردیا، ڈپٹی کمشنر نے آج بنیادی مرکز صحت مراد پور میں بچوں کو پولیو کے قطرے پلا کر مہم کا باقاعدہ افتتاح کردیا۔

ڈپٹی کمشنر سیالکوٹ نے کہا کہ ملک بھر کی طرح ضلع سیالکوٹ میں 8جنوری سے پانچ روزہ قومی انسدادِ پولیو مہم کا آغاز ہوگا،مہم کے دوران پانچ سال سے کم عمر 7لاکھ 72 ہزار 711 بچوں کو پولیو سے بچاؤ کے حفاظتی قطرے پلائے جائیں گے۔

انہوں نے کہا کہ 5 روزہ قومی انسداد پولیو مہم 12 جنوری تک جاری رہے گی، قومی انسداد پولیو مہم کے دوران 2676 موبائل ٹیمیں گھر گھر جاکر، 133بنیادی و دیہی مراکز صحت اور ہسپتالوں میں اور 69ٹرانزٹ/رومنگ ٹیمیں لاری اڈوں، اہم چوکوں اور بازاروں میں بچوں کو پولیو کے حفاظتی قطرے پلانے کا قومی فریضہ انجام دیں گی۔

ڈپٹی کمشنر نے والدین سے اپیل کی کہ وہ پولیو ٹیموں کے ساتھ تعاون کریں اور اپنے پانچ سے کم عمر بچے کو لازمی پولیو کے قطرے پلائیں اور عمر بھر کی معذوری سے بچائیں اور ملک کو پولیو فری بنانے میں اپنا کردار ادا کریں۔

ڈپٹی کمشنر نے کہا کہ انسداد پوکیو مہم کو کامیاب بنانے کیلئے اسسٹنٹ کمشنرز اور ڈسٹرکٹ ہیلتھ اتھارٹی کے مقامی حکام کے علاوہ129 یوسی مانیٹرنگ آفیسرز اور 536ایریا انچارجز مہم کی نگرانی کے فرائض انجام دیں گے۔

ڈپٹی کمشنر نے کہا کہ قومی مہم کے دوران اس امر کو یقینی بنایا جائے کہ کوئی بھی پانچ سال پولیو کی خوراکیں لینے سے محروم نہ رہ جائے اس مقصد کو مدنظر رکھتے ہوئے ضلع سیالکوٹ میں 954 جھونپڑ ، خانہ بدوش اور کچی آبادیوں میں مقیم 6ہزار 288 رجسٹرڈ بچوں کو بھی کور کیا جائے گا۔

ڈپٹی کمشنر نے کہا کہ اگر کسی جگہ پولیو ٹیمیں نہ پہنچیں تو اس کی بابت ڈسٹرکٹ ایمرجینسی کنٹرول روم سیالکوٹ کے نمبر 9250011پر اطلاع دیں۔

انہوں نے کہا کہ معاشرے کو پولیو وائرس سے پاک کرنے کیلئے کمیونٹی کو اپنا کردار ادا کرنا ہوگا۔ اس موقع پر ڈسٹرکٹ آفیسر ہیلتھ ڈاکٹر وسیم مرزا، ڈی ڈی ایچ او ڈاکٹر سعادات انور ڈسکہ ڈی ڈی ایچ او سیالکوٹ شیراز مسعود اور وویمن میڈیکل ڈاکٹر سدرہ گیلانی بھی موجود تھی۔

قبل ازیں ڈپٹی کمشنر نے بنیادی مرکز صحت کا دورہ کیا اور بی ایچ او مراد پور میں 24/7 میں زچہ بچہ کو فراہم کی جانے والی سہولیات، ای پی آئی پروگرام، فارمیسی اور ایم او آفس کا بھی معائنہ کیا۔

چترال،باغی ٹی وی (گل حماد فاروقی) غریب مزدور کینسر کے موذی مرض میں مبتلا ہونے کی وجہ سے نہایت کسمپرسی کی زندگی گزارنے پر مجبور ہے۔ غلام نبی ولد میر سکنہ شاہ میراندہ سینگور حال دنین، چترال بازار میں خوشبو، عطر وغیرہ بیچ رہا تھا اور اپنے اہل و عیال کیلیے رزق حلاق کما رہا تھا۔ڈیڑھ سال قبل اسے گلے کا کینسر لاحق ہوا جس کی وجہ سے وہ مزدوری کرنے سے قاصر رہا۔

اس نے شوکت خانم کینسر ہسپتال سے علاج شروع کروایا۔ اس کے دو بھائی بھی معذور ہیں۔ غلام نبی کے چھوٹے چھوٹے بچے ہیں اس نے دنین میں چھوٹا سا گھر خریدا تھا مگر جب وہ کینسر کی مرض میں  مبتلا ہوا تو اس کے بچے فاقہ کشی کے شکار ہونے لگے۔ غلام نبی گوجر برادری سے تعلق رکھتا ہے جس کی کوئی خاص جائیداد یا دیگر ذریعہ آمدنی بھی نہیں ہے۔

غلام نبی نے اپنے بچوں کا پیٹ پالنے کیلئے دنین میں اپنا ذاتی مکان بھی فروخت کردیا۔غلام نبی خود کھانے پینے سے محروم ہوا اور سرنج کے ذریعے وہ نرم خوراک لیتا رہا۔ اس کا ایک بیٹا اور بیٹی ہے۔ غلام نبی کے مطابق جب وہ بیمار پڑ گیا تو کام کاج کے قابل بھی نہیں رہا۔اب وہ کافی حد تک صحت یاب ہو چکا ہے مگر کام کاج اور مزدوری کرنے کا قابل نہیں رہا۔ اس نے سرکاری اور غیر سرکاری اداروں کے ساتھ ساتھ مخیر حضرات سے بھی اپیل کی ہے کہ اس کی مالی مدد کی جائے تاکہ اس کے بیوی بچے اور بورھے ماں باپ فاقہ کشی کے شکار نہ ہو۔
وہ اب مستجپاندہ میں کرایے کے مکان میں رہتا ہے اور کام کاج نہ ہونے کی وجہ سے گھر کا کرایہ بھی برداشت نہیں کرسکتا۔
غلام نبی اب بھی زیر علاج ہے اور منہ کی کینسر کی وجہ سے وہ صرف این جی ٹیوب اور سرنج کے ذریعے نرم خوراک پیٹ میں داخل کرواسکتا ہے، منہ کے ذریعے وہ کچھ کھانے سے محروم ہے۔
مخیرحضرات غلام نبی کے درج ذیل ایزی پیسہ اکاؤنٹ کے ذریعے مدد کرسکتے ہیں۔ 03409862968

ڈی آئی خان،باغی ٹی وی (احمدنوازمغل) این اے 44 بڑا سیاسی دنگل سجنے کوتیار،انتخابی دنگل میں بڑے سیاسی کھلاڑی مولانا فضل الرحمان، فیصل کریم کنڈی، اور وقار احمد خان پنجہ آزمائی کر رہے ہیں،8 فروری کو ہونے والے عام انتخابات میں پاکستان کے انتہائی اہم انتخابی حلقے این اے 44 ڈیرہ اسماعیل خان ون کی سیاست کا سیاسی رخ بدلنے کو تیار ہو گیا۔

این اے 44 ڈیرہ اسماعیل خان ون کے اس انتخابی دنگل میں بڑے بڑے سیاسی کھلاڑی جن میں مولانا فضل الرحمان، فیصل کریم کنڈی، اور وقار احمد خان پنجہ آزمائی کر رہے۔ جہاں دیگر سیاسی کھلاڑی اپنا داؤ پیچ لگا رہے ہیں وہاں سابق سینٹر وقار احمد خان بھی سیاسی گیم تبدیل کرنے کے پتے کھیلنا شروع کر دیے ہیں۔

ذرائع کے مطابق مولانا، کنڈی اور گنڈاپور کے مدمقابل امیدوار وقار احمد خان نے سٹی ون اور سٹی ٹو کے 50 کے قریب بلج ناظمین سٹی ون اور سٹی ٹو کے اور 15 تحصیل ممبر کو اپنے ساتھ لانے کو ہیں تیار۔سٹی ون اور سٹی ٹو کےناظمین اور تحصیل ممبر کی وقار احمد خان کے ساتھ شمولیت ڈیرہ اسماعیل خان میں ایک طرف تو سخت سردی کے موسم میں سیاسی ماحول کو گرما ئے گی جبکہ وقار احمد خان کی ڈیرہ کی سیاست میں آمد کے بعد سیاسی حریفوں کی نیندیں اڑانے والا وقار احمد خان بہت جلد اپنے حریفوں کو دے گا ٹف ٹائم۔

اس بار ڈیرہ اسماعیل خان کی سیاست اور مقامی سیاست میں وقار احمد نئے ہفتے میں اپنے حریفوں کو دیں گے بڑے بڑے سرپرائز جس میں ہوں گے مقام سیاست کے بڑے بڑے نام شامل۔ وقار احمد خان کے ساتھ سٹی ون اور سٹی ٹو کے 50 کے قریب بھی لے ناظمین اور 15 تحصیل ممبر نے مکمل حمایت کا اعلان اور سپورٹ کریں گے۔

وقار احمد خان اگلے ایک دو روز تمام میں سٹی ون اور سٹی ٹو کےناظمین اور تحصیل ناظمین کے ساتھ مشترکہ پریس کانفرنس کریں گے دوسری طرف بڑی جماعتوں کے بڑے خاندانوں نے بھی وقار خان سے حمایت لینے کے لیے رابطوں میں تیزی شروع کر دی ہے