Author: ڈاکٹرغلام مصطفی بڈانی

سرگودھا،باغی ٹی وی( نامہ نگا ر ملک شاہنواز جالپ )صدر پریس کلب مہر آصف حنیف اپنا بیس روزہ نجی دورہ بیرون ملک برطانیہ مکمل کرکے اپنے وطن پاکستان پہنچ شہر سرگودھا پہنچ گئے اسی ماہ اپنی فیملی کے ساتھ برطانیہ گئے تھے اور پریس کلب سرگودھا کے تمام انتظامی امور جنرل سیکرٹری سرگودھا پریس کلب راناساجد اقبال کو زمہ داریاں اختیارات دے کرگئے تھے

صدر پریس کلب بیرون ملک سے واپس سرگودھا پہنچنے پر پریس کلب کی انتظامیہ کی جانب سے پروقار تقریب اہتمام کیا گیا ،صدر پریس کلب مہر آصف حنیف کو پریس کلب پہنچنے پر پھولوں کے ہار پہنائے گئے ،ٹی پارٹی کااہتمام کیاگیا اس موقع پر انتظامیہ پریس کلب وممبران پریس کلب نے پریس کلب کی دوبارہ ذمہ داریاں سمجھالنے پر مبارک دی

سیالکوٹ،باغی ٹی وی (شاہد ریاض)750 روپے والے پرائز بانڈ کی قرعہ اندازی 15 جنوری 2024 کو ہوگی
تفصیل کے مطابق ریجنل ڈائریکٹوریٹ قومی بچت گوجرانولہ ڈویژن نے پریس ریلیز جاری کی ہے جس میں بتایا گیا ہے کہ 750 روپے والے پرائز بانڈ کی قرعہ اندازی 15 جنوری 2024 کو ہوگی،

قرعہ اندازی بینکنگ ہال اسٹیٹ بینک بلڈنگ سیالکوٹ میں ہوگی،قرعہ اندازی کے لیے صبح 8 بجکر 45 منٹ کا وقت مقرر کیا گیا ہے
قرعہ اندازی تقریب میں مختلف شعبہ جات سے شخصیات کو مدعو کیا گیا ہے ۔

ٹھٹھہ،باغی ٹی وی(بلاول سموں)رکن سندھ تنظیمی کمیٹی ایم کیو ایم (پاکستان ) حق پرست امیدوار برائے پی ایس 75 ٹھٹھہ ایڈووکیٹ سید مہر علی شاہ نے زونل انچارج ٹھٹھہ محمد عیسٰی جوکھیو ، اراکین زونل کمیٹی ، وکلاء سمیت پی ایس 76 میرپور ساکرو اور این اے 225 کے حق پرست امیدواران و دیگر مختلف یوسیز کے ذمہ داران و کارکنان کے ہمراہ پی ایس 76 کے رٽرننگ افسر نبی بخش سولنگی سے ملاقات کرکے مسترد کئے جانے والے حق پرست امیدوارں کی سرٹییفائیڈ کاپیاں فراہم کرنے کیلئے درخواستیں جمع کرائی گئی –

انہوں نے فارم مسترد کرنے پر اپنے تحفظات سے آگاہ کیا گیا اور انہیں کہا گیا کہ وہ حق پرست امیدواران کے فارم بحالی کیلئے عدالتوں سے رجوع کیا جائے گا – بعد ازیں رکن سندھ تنظیمی کمیٹی ایڈووکیٹ مہر علی شاہ ، زونل انچارج محمد عیسٰی جوکھیو نے میڈیا سے گفتگو کرتے ہوئے کہا پی ایس 76 میرپور ساکرو کے رٹرننگ افسر نبی بخش سولنگی نے پیپلز پارٹی سے وفاداری اور جانبداری کا مظاہرہ کرتے ہوئے پیپلز پارٹی کے امیدوار کے علاوہ ایم کیو ایم پاکستان سمیت دیگر جماعتوں کے امیدواروں کے جان بوجھ کر بغیر کسی وجہ کے نامینیشن فارم مسترد کئے ہیں –

انہوں نے میڈیا کے نمائندوں سے بات چیت کرتے ہوئے چیف الیکشن کمشنر پاکستان ،چیف جسٹس آف پاکستان ، نگران حکومتوں سے مطالبہ کرتے ہوئے کہا کہ وہ پیپلز پارٹی کے وفادار اور جانبداری کا مظاہرہ کرنے والے رٹرننگ افسر کو فی الفور اس منصب سے ہٹایا جائے اور ایم کیو ایم پاکستان و دیگر جماعتوں کے امیدواروں کے نامینیشن فارم بحال کئے جائیں بصورت دیگر وہ عدلیہ سے رجوع اور احتجاج کا حق رکھتے ہیں –

سیالکوٹ،باغی ٹی وی(شاہدریاض کی رپورٹ )ڈی پی اوکے راحیلہ ریسرچ اینڈ ریفرنس لیب کے ساتھ ایم او یو پر دستخط

ڈسٹرکٹ پولیس آفیسر سیالکوٹ محمد حسن اقبال نے راحیلہ ریسرچ اینڈ ریفرنس لیب سیالکوٹ کے ساتھ MOU سائن کیے ہیں جس کے تحت پولیس کے شہداء فیملیز کے لیب ٹیسٹ 100٪ رعایت ڈسکاؤنٹ دیا جائے گا۔ جبکہ حاضر سروسز یا ریٹائرڈ ملازمین کو 30% تک ڈسکاؤنٹ حاصل ہو گا۔

ڈی پی او نے کہا کہ جس طرح IG صاحب کے احکامات کی روشنی میں پہلے تعلیمی اداروں کے ساتھ MOU سائن ہوئے ہیں اسی سلسلے کو جاری رکھتے ہوئے ڈی پی او سیالکوٹ نے یہ MOU سائن کیے ہیں۔ پولیس ملازمان کے میڈیکل اور تعلیمی مسائل ترجیحی بنیادوں پر حل کیے جائیں گے۔

ڈیرہ غازی خان باغی ٹی وی( نیوز رپورٹر شاہد خان )ڈی جی خان جمخانہ کلب کے سالانہ انتخابات 29دسمبر کو ہوں گے۔انتخابات کے ضابطہ اخلاق اور دیگر معاملات سے متعلق کمشنر آفس میں جنرل سیکرٹری اور بورڈ آف گورنرز کے امید واروں کے ساتھ آگاہی سیشن کیا گیا۔

کمشنر و صدر جمخانہ کلب نے امید واروں کےلئے نیک خواہشات کا اظہار کیا۔الیکشن کمشنر و ایڈیشنل کمشنر کوارڈینیشن کریم بخش نے ضابطہ اخلاق سے متعلق آگاہی دی۔

آر او لاء آفیسر چوہدری محمد اکرم،ڈی جی پی ایچ اے قدسیہ ناز،ڈی ڈی ایل جی محمد احمد،ڈی بی اے شہزاد قدیر اور دیگر موجود تھے۔کمشنر و صدر جمخانہ کلب ڈاکٹر ناصر محمود بشیر نے کہا کہ الیکشن کے ضابطہ اخلاق کی پابندی کےلئے سختی کی جائے گی۔

پولنگ بوتھ میں موبائل لے جانے کی پابندی ہوگی۔ اسلحہ کی نمائش پر قانون کے تحت کارروائی ہوگی۔پولنگ کے عمل کو شفاف بنانے کےلئے ہر ممکن اقدامات کئے جائیں گے۔

الیکشن کمشنر و ایڈیشنل کمشنر کوآرڈینیشن کریم بخش نے کہا کہ پولنگ کے عمل کو شفاف بنانے کےلئے ہر ممکن اقدامات کئے جائیں گے

ڈیرہ غازیخان باغی ٹی وی (نیوز رپورٹرشاہد خان )ڈپٹی کمشنر مہر شاہد زمان لک کا رجسٹری برانچ ڈیرہ غازی خان کا دورہ،مہر شاہد زمان لک نے ای رجسٹریشن برانچ کی سائیٹ کا معائنہ کیا۔ایڈیشنل ڈپٹی کمشنر ریونیو رضوان نذیر،ڈپٹی ڈائریکٹر ڈویلپمنٹ امیرمسلم ودیگر افسران ہمراہ تھے۔

ڈپٹی کمشنر نے رجسٹری برانچ آئے سائلین سے مسائل بھی دریافت کیا ،ڈپٹی کمشنر مہر شاہد زمان لک نے گفتگو کرتے ہوئےڈیرہ غازیخان میں جدید ای رجسٹریشن برانچ کا قیام عمل میں لایا جارہا ہے،اس مقصد کیلئے کمپیوٹرز،الیکٹرانک ڈیوائسز ودیگر مشینری جلد فراہم کی جائیگی،انہوں نے کہا جائیدادوں کی ای رجسٹریشن سے کرپشن کا خاتمہ ہوگا،

رجسٹری برانچ میں کرپشن ہرگز برداشت نہیں کروں گا،کمرشل اراضی کی رہائشی رجسٹری کی شکایت ملی تو ذمہ داروں کو جیل بھجواوں گا،ڈپٹی کمشنر نے سائلین کے مسائل سنے اور انکے حل کے احکامات بھی دیئے۔