Author: ڈاکٹرغلام مصطفی بڈانی

ڈیرہ غازیخان، باغی ٹی وی ( نیوز رپورٹر شاہد خان )حکومت پنجاب کی ہدایت پر نادرا کی طرف سے بلاک کئے گئے قومی شناختی کارڈز کے 31 دسمبر تک فیصلہ کرنے کے احکامات جاری کردئیے گئے ہیں مہم کے دوران ڈی جی خان ڈویژن کے مشکوک 996 قومی شناختی کارڈ بلاک کیے گئے اور ضلعی سطح پر قائم کمیٹیوں نے سماعت کے بعد 174 قومی شناختی کارڈ کلیئرکردئیے ہیں۔

یہ بات کمشنر ڈیرہ غازی خان ڈویژن ڈاکٹر ناصر محمود بشیر کی زیر صدارت ویڈیو لنک اجلاس میں بتائی گئی۔اجلاس میں آر پی او کیپٹن ریٹائرڈ سجاد حسن خان، ڈپٹی کمشنر مہر شاہد زمان لک،ایڈیشنل کمشنر کوآرڈینیشن کریم بخش،ایس پی بختیار احمد،ڈپٹی ڈائریکٹر نادرا سلمان آفاق،ڈی بی اے شہزاد قدیر اور دیگر محکموں کے افسران موجود تھے۔

کمشنر ڈاکٹر ناصر محمود بشیر نے کہا کہ تمام ڈپٹی کمشنرز ڈی ایل سی کے اجلاس منعقد کرکے بلاک سی این آئی سی کا فیصلہ کریں۔کمشنر نے کہا کہ حکومت کی ہدایت پر تمام علاقوں میں پھر سے سرچ آپریشن اور سروے کیا جائے اور متعلقہ دستاویزات نہ رکھنے والے افغانیوں سمیت تمام غیر ملکیوں کو واپس بھیجا جائے۔

غیر ملکیوں کی شناخت کیلئے ای۔پولیس سیفرون اور دیگر جدید آلات استعمال کیے جائیں۔اجلاس میں دیگر معاملات کا جائزہ لیتے ہوئے ہدایات جاری کی گئیں۔

قصور،باغی ٹی وی (نامہ نگار طارق نویدسندھو کی رپورٹ)جمہوری وطن پارٹی کے سربراہ نوابزادہ شاہ زین بگٹی کی ہدایت پر پاکستان بھر میں جمہوری وطن پارٹی کی آرگنائزنگ کا سلسلہ شروع .
تفصیل کے مطابق جمہوری وطن پارٹی کی طرف سے پنجاب کے سابق ترجمان عرفان اکبر کیانی کو راولپنڈی ڈویژن کا آرگنائزنگ صدر مقرر کر دیا گیا ہے ،

میڈیا سے گفتگو کرتے ہوئے عرفان اکبر کیانی نے کہا کے میں پارٹی سربراہ نوابزادہ شاہ زین بگٹی کا مشکور ہوں جنھوں نے مجھ پر اعتبار کر کے اتنی بڑی ذمہ داری سونپی ہے ان شا اللہ اپنے قائد کی امیدوں پر پورا اترنے کی کوشش کروں گا .

سیالکوٹ، باغی ٹی وی (سٹی رپورٹر شاہد ریاض)آل پاکستان ریجنل نیوز پیپرز سوسائٹی پنجاب کے ڈپٹی کوآرڈینیٹرڈسکہ پریس کلب آمد
سیالکوٹ سے ڈسکہ پریس کلب جانے والوں میں  سینئر صحافیوں خرم میر چیف اڈیٹر روزنامہ سکالرز نیوز، شاہد ریاض باغی ٹی وی، مہر مصطفی، مدثر رتو (قومی نیوز نیٹورک) شامل تھے 

ملاقات میں صدر ڈسکہ پریس کلب انجینئر محمد ابرار نے آل پاکستان ریجنل نیوز پیپرز سوسائٹی APRNS کےصوبہ پنجاب میں تعینات ڈپٹی کوآرڈینیٹر محترم خرم میر سے ڈسکہ میں پرنٹ میڈیا سے منسلک صحافیوں کے جان و مال کے تحفظ کیلئے ہیلتھ انشورینس، دھمکیوں اور بے جا ایف آئی آرز کے تدارک اور دیگر مسائل کے متعلق گفتگو کی.

جس پر انہوں نے اس عزم کا اعادہ کیا کہ ڈسکہ کے صحافیوں کے مسائل کو APRNS کی اسلام آباد میں موجود مرکزی باڈی تک پہنچایا جائے گا تا کہ ان مسائل کا مستقل حل نکالا جا سکے.

میرپورخاص،باغی ٹی وی (نامہ نگار سید شاہزیب شاہ کی رپورٹ ) ضلع کےتاریخی و ثقافتی ورثے کو اجاگر کرنے کے لئے کام کر رہے ہیں . اس ضمن میں شہر میں موجود لائبریرز اور آرکائیوز کو بھی محفوظ بنایا جا رہا ہے . ڈپٹی کمشنر میرپورخاص ڈاکٹر رشید مسعود خان
تفصیلات کے مطابق ڈپٹی کمشنر میرپورخاص ڈاکٹر رشید مسعود خان نے کہا ہے کہ میرپورخاص سندھ کے تاریخی شہروں میں شمار ہوتا ہے اور میرپورخاص کے تاریخی و ثقافتی ورثوں کو اجاگر کرنےکے لئے کام کر رہے ہیں . اسی ضمن میں میرپورخاص کی لائبریریوں اور آرکائیوز کو محفوظ بنایا جا رہا ہے .

ان خیالات کا اظہار انہوں نے میرپورخاص پریس کلب کے دورے کے دوران کیا . انہوں نے مزید کہا کہ پریس کلبوں اور صحافیوں کا عوامی مسائل کی نشاندہی اور حل کرنے میں اہم کردار ہوتا ہے اس لئے صحافی برادری ہمارے معاشرے کا اہم حصہ ہیں .

ڈپٹی کمشنر میرپورخاص ڈاکٹر رشید مسعود خان کا کہنا تھا کہ ضلع انتظامیہ میرپورخاص کے شہریوں کے مسائل کے حل کے لئے کوشاں ہے اور کہا کہ عوامی مسائل کے حل کے لئے عوام کے لیے میرے دفتر کے دروازے ہر وقت کھلے ہیں انہوں نے مزید کہا کہ میرپورخاص میں زرعی کھاد کی کمی کے مسائل سے ضلع انتظامیہ آگاہ ہے اور ان کے حل کے لئے اقدامات کر رہے ہیں اور غیر معیاری کھاد کے ڈیلرز کے خلاف کاروائیاں کی جارہی ہیں .

بعد ازاں ڈپٹی کمشنر میرپورخاص ڈاکٹر رشید مسعود خان نے میرپورخاص پریس کلب ہال کا دورہ بھی کیا اورگلستان بلدیہ پارک اور میوزیم کا دورہ بھی کیا اور کہا کہ گلستان بلدیہ لائبریری کو فعال بنانے کے لیے ہر ممکن اقدامات کئے جائیں گے اور بہت جلد گلستان بلدیہ پارک لائبریری کو عوام کے لیے کھولا جائے گا تاکہ وہ یہاں آکر علم کے نور سے فیضیاب ہو کر اپنے روشن مستقبل کی طرف گامزن ہو سکیں .

اس موقع پر میرپورخاص پریس کلب کے صدر نذیر پنہور ،جنرل سیکریٹری عاطف بلوچ اور دیگر عہدیداران نے میرپورخاص پریس کلب کی کارکردگی کے متعلق ڈپٹی کمشنر میرپورخاص ڈاکٹر رشید مسعود خان کو آگاہی دی اس موقع پر عہدیداران اورممبران بھی موجود تھے .

سیالکوٹ ،باغی ٹی وی( سٹی رپورٹر شاہد ریاض)دو صوبائی حلقوں کے ریٹرننگ افسران تبدیل
تفصیل کے مطابق الیکشن کمیشن آف پاکستان نے نوٹیفکیشن جاری کر دیا، ایگزیکٹو انجینئر گیپکو (ایم اینڈ ٹی) فواد اسلم ریٹرننگ آفیسر پی پی 46 سیالکوٹ3 مقرر

قبل ازیں ڈسٹرکٹ پاپولیشن ویلفیئر آفیسر سجاد احمد اس حلقہ سے آر او تھے، اسسٹنٹ کمشنر سیالکوٹ غلام سرور پی پی 47 سیالکوٹ IV کے ریٹرننگ آفیسر مقرر قبل ازیں ڈپٹی ڈائریکٹر سوشل ویلفیئر شریف گھمن اس حلقہ سے آر او تھے