Author: ڈاکٹرغلام مصطفی بڈانی

ٹھٹھہ،باغی ٹی وی(بلاول سموں)حیدرآباد روڈ پر ڈاکوؤں نے شہری سے موٹرسائیکل ،موبائل فون اور نقدی چھین لی
تفصیل کے مطابق ٹھٹھہ شہر سے 10 کلومیٹر دور ٹھٹھہ،حیدرآباد روڈ پر نامعلوم مسلح ڈاکوؤں نے ایک شخص سراج بروہی کو یرغمال بنا کر ایک عدد موٹرسائیکل،دو عدد موبائل فون اور نقد رقم لوٹ کر فرار ہوگئے

جب کہ اس واقعہ کی اطلاع پولیس کودی گئی لیکن اطلاع باوجود پولیس موقع پر نہ پنہچ سکی، واضح رہے کہ گذشتہ کچھ روز سے ضلع ٹھٹھہ میں جرائم کی شرح کافی بڑھ گئی ہے ،بڑھتے ہوئے جرائم کوپولیس کنٹرول کرنے میں عملاََ ناکام دکھائی دے رہی ہے،

شہریوں نے پولیس کے اعلیٰ حکام سے بڑھتے ہوئے جرائم کو کنٹرول کرنے کیلئے نوٹس لینے کامطالبہ کیا ہے

سرگودھا،باغی ٹی وی (نامہ نگار شاہنوازجالپ)محکمہ مال میں کرپشن کابڑاسکینڈل بے نقاب،ایف بی آر کی تاریخ کے پہلے اورسب سے بڑےالیکٹرانک اورفیزیکل آڈٹ میں ہوشرباء انکشافات،صرف ایک سال میں جائیداد کی خرید و فروخت کے دوران قومی خزانے کو اربوں روپے سے محروم کیاگیا

ایف بی آر ذرائع کے مطابق الیکٹرانک اورفیزیکل آڈٹ کے دوران سب رجسٹراروں کے دفاتر سے بڑی تعدادمیں جعلی چالان برآمدہوئے۔ایف بی آر نے محکمہ مال میں ڈیڑھ ارب روپے سے زائد کے گھپلے پکڑے ہیں۔پانچ اضلاع کے17 سب رجسٹراروں نے افسران،رجسڑی محرروں اور عملہ سے مل کر اربوں روپے خرد برد کئے،سرگودھا،میانوالی،خوشاب،بھکر اور منڈی بہاؤالدین پانچ اضلاع میں دیدہ دلیری سے کرپشن کاکھیل کھیلاگیا۔

ایف بی آر آڈٹ ٹیم نے سب رجسٹراروں کے اربوں روپے کے گھپلوں کے ثبوت اکٹھے کرکے مزیدقانونی کارروائی شروع کردی ہے۔دوران آڈٹ یہ انکشاف بھی ہواکہ بڑے افسران کی آشیر باد سے رجسٹریوں کی مد میں قومی خزانے کومسلسل ٹیکہ لگایا جاتا رہاہے۔بوقت رجسٹری فروخت اور خرید کنندہ کے ٹیکس کی رقم قومی خزانے میں جمع نہ کرائی گئی ۔

سب رجسٹرار دفاتر میں ٹیکس کے جعلی چالان تیار کرنے کے بھی ہوشربا انکشافات سامنے آئے ہیں۔ایف بی آر نے 17 سب رجسٹراروں کو ریکوری کے لیے نوٹس جاری کر دئیے۔متعلقہ ٹیکس نادہندگان کو بھی زیر دفعہ 162 نوٹس جاری کئے گئے۔

کرپشن سکینڈل میں ملوث سب رجسٹراروں،رجسٹری محرروں،وثیقہ نویسوں، وکلا،رجسٹری محرروں اور دیگر ریونیو عملہ کی ملی بھگت کے ثبوت ایف بی آرنے اکٹھے کر کے رپورٹ مرتب کر لی ہے جس کے مطابق صرف ایک سال میں ہونے والی اربوں روپے کی ٹیکس چوری منظر عام پر لائی گئی ہے۔

ٹیکس فراڈ میں ملوث تمام افراد کے خلاف قانونی کاروائی کاآغازہوچکا ہے اورجلد گرفتاریاں شروع ہونے کابھی امکان ہے۔کمشنر ود ہولڈنگ بابر نواز راجہ کا کہنا ہے ملوث کالی بھیڑوں کو جرمانہ کے ساتھ 10 سال تک سزا ہو سکتی ہے۔

ایف بی آر کی تاریخ میں پہلی بار آڈٹ ٹیم کی زیر نگرانی ریکارڈ کی الیکٹرانک اور فزیکل سکروٹنی کی گئی۔

سیالکوٹ باغی ٹی وی(سٹی رپورٹر شاہد ریاض)ریسکیو1122نے لدھڑ گاؤں میں خواتین رضاکار ٹیم کو ایمرجنسی کی صورت میں ابتدائی طبی امداد مہیا کرنے کی تربیت فراہم کی۔
ریسکیو ٹریننگ ٹیم نے بانی ریسکیو سروس سیکٹری پنجاب ایمرجنسی سروس ڈاکٹر رضوان نصیر کے اولین مقصد کے تحت ڈسٹرکٹ ایمرجنسی آفیسر انجینئر نوید اقبال کی ہدایت پر لدھڑ گاؤں میں وویمن ایمپاور منٹ ادارے میں کورس کرنے والی طلباء و خواتین اور اساتذہ کو ایمرجنسی صورتحال جیسے دل کا دورہ پڑنا، حادثہ کی صورت میں، ہڈی ٹوٹنے، بلندی سے گرنے،بے ہوش ہونااورآگ لگنے کے واقعات میں بطور فرسٹ ریسپانڈر ابتدائی طبی امداد مہیا کرنے کی تربیت فراہم کی۔ تین روزہ کورس میں 80سے زائد خواتین نے حصہ لیا۔

ڈسٹرکٹ ایمرجنسی آفسیر انجینئر نوید اقبال نے لدھڑ گاؤں کا دور کیا اور ایمرجنسی ریسپانس ٹیم CERT کا جائزہ لیا۔ ٹیم نے مختلف ایمرجنسیز میں بروقت طبی امدا مہیا کرنے کا عملی نمونہ بھی پیش کیا۔ بعدازاں کورس مکمل کرنے والی خواتین و کمیونٹی ایمرجنسی ریسپانس ٹیم میں تعریفی اسناد بھی تقسیم کیے گئے۔ کورس کے کورآڈینیٹررانا بلال نے ریسکیو ٹیم کا گاؤں کی خواتین و طلباء کو ابتدای طبی امداد کی تربیت فراہم کرنے پر شکریہ ادا کیا۔

اس موقع پر ڈسٹرکٹ ایمرجنسی آفیسر انجینئر نوید اقبال نے کہا کہ ابتدائی طبی امداد کی تربیت گھر گھر مہیا کرنا ہمارے بانی ڈائریکٹر جنرل ڈاکٹر رضوان نصیر کا خواب ہے جس کا مقصد ہے کہ جب بھی کہی حادثہ ہو تو کمیونٹی بطور ابتدائی مددگار ریسکیو کے پہنچنے تک اس شخص کی جان بچانے میں اہم کردار ادا کر سکے۔

انہوں نے کہا کہ لدھڑ گاؤں میں خواتین کی2 کمیونٹی ایمرجنسی ریسپانس ٹیم کا قیام سیفر کمیونٹی کی طرف ایک اہم پیش رفت ہے اور انشا اللہ ہم ملکر اپنے معاشرے کو محفوظ بنائیں گے۔

سیالکوٹ باغی ٹی وی (سٹی رپورٹر شاہد ریاض)کرسمس و نئے سال کی تقریبات سکیورٹی کے حوالے سے میٹنگ

تفصیل کے مطابق تھانہ حاجی پورہ میں کرسمس و نئے سال کی تقریبات کی سکیورٹی کے حوالے سے چرچ ہائے کی انتظامیہ سے میٹنگ۔ایس ایچ او تھانہ حاجی پورہ سب انسپکٹر عادل مصطفی کی کرسمس و نئے سال کی تقریبات کی سیکیورٹی کے حوالےسےچرچ ہائے کی انتظامیہ سے میٹنگ،

میٹنگ کے اختتام پر ملکی سلامتی کے لیے دعا کی گئی اور کیک کاٹا گیا۔

سیالکوٹ( باغی ٹی وی )سانحہ اے پی ایس کو 9 برس بیت گئے مگر بچھڑنے والوں کا غم آج بھی تازہ ہے، 16 دسمبر کا دن آرمی پبلک سکول کے شہداکی عظیم قربانیوں کی ہمیشہ یاد دلاتا رہے گا‘ ان خیالات کا اظہار پروفیشنل پرنٹ اینڈ الیکڑانک میڈیا ایسوسی ایشن رجسٹرڈ کے سینئر رکن اور سیالکوٹ میں باغی ٹی وی کے رپورٹر شاہد ریاض نے ایک بیان میں کیا۔

انہوں نے کہا کہ، بزدل شرپسند عناصر نے قوم کے مستقبل، نہتے کم سن بچوں پر حملہ کر کے انہیں شہید کیا،اس دن کو یاد کر کے کوئی اپنے آنسو نہیں روک سکتا، اس واقعے کے بعد تمام سیاسی جماعتیں اور ادارے، دہشتگردی کیخلاف متحد ہوئے،

پاکستانی عوام اپنے ریاستی اداروں کی طاقت سے دہشتگردی کی اس نئی لہر کو بھی شکست دیں گے اور یہی آج کا پیغام ہے۔ہمارا عزم پختہ اور جذبہ سچا ہے، دہشت گردی کے خلاف ہماری جنگ جاری ہے،

ہم نے دہشت گردی کو شکست دینے کے لئے طویل سفر طے کیا ہے، دفاع وطن اور قومی سلامتی کے تحفظ کے لئے تمام ریاستی ادارے بشمول سول و عسکری قیادت ایک پیج پر ہیں،

پاکستان دیرپا امن اور ترقی کی جانب گامزن ہے۔ میری دعا ہے کہ اللہ تعالی آرمی پبلک سکول کے شہداکے درجات بلند کرے او ان کے اہلخانہ کو صبر جمیل عطا کرے۔

ڈیرہ غازیخان(باغی ٹی وی ) کمانڈنٹ نہ ہونے کی وجہ سے بلوچ لیوی ملازم منہ زور ہوگئے،صوبیدارمیجربے بس،نائب صوبیدارلائن آفیسرقاسم نے مسکیٹ کی لکڑیوں کی آڑ میں قیمتی لکڑی بیچ ڈالی،ریاض حوالداراحاطہ پکٹ انچارج نائٹ ڈیوٹی بلوچ لیوی لائن نے گائے کے بہانے قیمتی لکڑی ڈالے میں لوڈ کرکے اپنے گھر وہوا لے گیا۔ان منہ زوربلوچ لیوی ملازمین کے آگے صوبیدارمیجرغلام رسول بزداربے بس ہوگیا ہے
تفصیل کے مطابق ڈیرہ غازیخان کی سپیشل ریزروفورس بلوچ لیوی میں کمانڈنٹ کی سیٹ کافی عرصہ سے خالی ہے ،اضافی چارج والے کمانڈنٹ کے پاس وقت نہ ہونے کی وجہ سے بلوچ لیوی کے ملازمین منہ زور ہوگئے ہیں ۔موجودہ صوبیدارمیجرکوکسی خاطرمیں نہ لاتے ہوئے من مانیاں کرنے لگے ہیں ،بلوچ لیوی لائن میں موجود سرکاری لکڑی ودیگرسامان اپنی وراثت بنالیا ہے ۔

گذشتہ ماہ صوبیدارمیجرکی غیرموجودگی میں صفائی کی آڑمیں بلوچ لیوی لائن میں اُگے ہوئے مسکیٹ کے درخت اور جھاڑیاں قاسم نامی نائب صوبیدارجوکہ بلوچ لیوی کا لائن آفیسرہے نے کٹوائی تھیں اور مبینہ طورکسی لکڑی کے بیوپاری کوبیچ دی تھیں لیکن صوبیدارمیجرغلام رسول بزدارکے علم میں آنے کی وجہ سے وہ لکڑیاں اس وقت لکڑی کے بیوپاری کو نہ اٹھانے دی گئیں

ذرائع کے مطابق دوہفتے قبل مورخہ 03دسمبربروزاتوارکولائن آفیسرنائب صوبیدارقاسم نے صوبیدارمیجرغلام رسول بزدارکی غیرموجودگی کا فائدہ اٹھاتے ہوئے کٹی ہوئی مسکیٹ کی لکڑیوں کی آڑمیں بلوچ لیوی لائن میں گرے ہوئے درختوں کی ٹرالی لوڈ کراکر بیچ ڈالی اورسرکاری لکڑی کی فروخت سے حاصل ہونے والی رقم اپنی جیب میں رکھ لی اور سرکاری خزانے میں جمع نہ کرائی اور نہ ہی کاٹھ کباڑ یالکڑی کی فروخت کیلئے اخباراشتہاردیاگیا اور نہ ہی کوئی نیلامی عمل میں لائی گئی۔

ذرائع کابتاناہے کہ جب کچھ ملازمین نے لائن آفیسرنائب صوبیدارقاسم سے کہا کہ آپ نے نیلامی کے پراسس کے بغیرلکڑیاں بیچ دی ہیں ،آپ کا یہ فعل قانون وقاعدے کے خلاف ہے تو موصوف لائن آفیسرنائب صوبیدارقاسم نے ان ملازمین کودھمکاتے ہوئے کہاکہ تم کون ہومجھ سے پوچھنے والے یاقانون و قاعدے بتانے والے ؟،کیا یہ لکڑیاں تمہارے باپ کی ہیں؟ ،میں لائن آفیسر ہوں اور پوری بلوچ لیوی کامالک ہوں ،جوکچھ بیچوں یامیں اپنے گھرلے جاؤں ،تم کون ہومجھ سے پوچھنے والے؟۔

اسی طرح حوالدارریاض احاطہ پکٹ نائٹ ڈیوٹی بلوچ لیوی لائن نے ایک اور اہلکارسے ملی بھگت کرکے ڈالے پر گائے بھجوانے کے بہانے خشک شیشم کی قیمتی لکڑی ڈالے پر لوڈ کرکے اپنے گھر وہوا لے گئے ۔

ذرائع کابتانا ہے کہ یہ وارداتیں اس وقت کی جاتی ہیں جب صوبیدارمیجرغلام رسول بزدارکہیں وزٹ پرگیا ہواہوتا ہے ،تب یہ بلوچ لیوی کے منہ زورملازم اپنی کارروائیاں ڈالتے ہیں ۔عوامی وسماجی حلقوں نے اعلیٰ حکام سے بلوچ لیوی کا مستقل کمانڈنٹ تعینات کرنے اور سرکاری املاک ،سرکاری لکڑی اور مشینری کے نقصان میں ملوث اہلکاروں کے خلاف تحقیقات کامطالبہ کیا ہے ۔