Author: ڈاکٹرغلام مصطفی بڈانی

سرگودھ، باغی ٹی وی(نامہ نگار ملک شاہنواز جالپ)انسداد دہشتگردی سرگودھا کی خصوصی عدالت نے سابق رکن قومی اسمبلی امجد خان نیازی کے ریمانڈ میں مزیدچارروز کی توسیع کے بعد 2 دسمبر کو عدالت میں پیش کرنے حکم دیدیا،

سابق رکن قومی اسمبلی امجد خان نیازی کو میانوالی پولیس نے 9 مئی اور 10 مئی کو جلاؤ گھیراؤ کے دو مقدمات میں سات روزہ ریمانڈ کے بعد انسداد دہشت گردی سرگودھا کی عدالت میں پیش کیا،

پولیس کی جانب سے مزید دس روزہ ریمانڈ کی استدعا کی گئی جس پر فاضل عدالت کے جج ندیم طاہر سید نے پولیس کو چار روزہ ریمانڈ دیتے ہوئے 2 دسمبر کو دوبارہ عدالت میں پیش کرنے کا حکم دیدیا،

امجد خان نیازی نے 21 نومبر کو وکلاءکے ذریعے انسداد دہشتگری کی عدالت میں سرنڈر کیا تھا،گزشتہ روز پیشی کے موقع پر سابق رکن قومی اسمبلی امجد علی خان کی جانب سے ایڈوکیٹ ملک جواد مظہر دھول اور ارشد علی خان نیازی عدالت میں پیش ہوئے۔

ڈیرہ غازی خان، باغی ٹی وی( نیوز رپورٹر شاہد خان )ڈیرہ غازی خان میں خواتین پر تشدد کی روک تھام کے اقدامات کئے جارہے ہیں-ثریا مجید رانا
ڈسٹرکٹ ویمن پروٹیکشن آفیسر ڈیرہ غازی خان ثریا مجید رانا نے کہا کہ حکومت پنجاب کی ہدایت پر ڈیرہ غازی خان میں خواتین پر تشدد کی روک تھام کے اقدامات کئے جارہے ہیں اس سلسے کے تحت ویمن پروٹیکشن سنٹر کی زیر نگرانی آگاہی واک کا انعقاد کیا گیا جس کی قیادت ڈویژنل ڈائریکٹر سجاد حیدر سپرا نے کی۔

ڈپٹی ڈائریکٹر سوشل ویلفیئر ذکاءاللہ بزدار،انچارج ماڈل چلڈرن ہومز محمد ابراہیم،سپرنٹنڈ نٹ دارالامان زرینہ بی بی،انچارج ورکنگ ویمن ہاسٹلز انیسہ فاطمہ،سوشل ویلفیئر کمپلیکس میں تعینات دیگر ملازمین اور سول سوسائٹی کی خواتین شریک تھیں۔

انہوں نے کہا کہ خواتین پر تشدد کی روک تھام کے قوانین سے متعلق آگاہی ضروری ہے جس کو سامنے رکھتے ہوئے صوبہ بھر میں تقریبات کا سلسلہ شروع کیا گیا جو 10 دسمبر تک جاری رہے

ضلع اپر چترال،باغی ٹی وی (نامہ نگارگل حماد فاروقی ) وادی سور لاسپور میں درخت کے تنازعے پر ایک شحص قتل جبکہ دو زحمی ہوئے۔ ایس ایچ او تھانہ لاسپور کے مطابق نیت مراد ولد عبدالرحمت خان سکنہ سور لاسپور کا گوہر رحمان ولد بلبل وغیرہ کے ساتھ بید کی درخت جسے مقامی زبان میں تیلی کہتے ہیں اس درخت پر ان کا تنازعہ چل رہا تھا۔

جس پر آج صبح ملزمان گوہر رحمان ولد بلبل ، ضیاع الرحمان ، فیض الرحمان، پسران گوہر رحمان کے ساتھ جھگڑا ہوا اور اس دوران ملزم نے ان پر فائر کھول دیا جس کے نتیجے میں نیت مراد ولد بلبل کو قتل کیا گیا جبکہ محالف گروپ میں مسماۃ ژور بی بی زوجہ گوہر رحمان اور ضیاء الرحمان ولد گوہر رحمان زحمی ہوئے۔

وقوعہ کے بعد دو ملزمان فرار ہونے میں کامیاب ہوگئے جبکہ دو ملزمان ہسپتال میں زیر علاج ہیں۔ تھانہ لاسپور پولیس نے ملزمان کے خلاف زیر دفعہ302 مقدمہ درج کیا ہے جبکہ پولیس مزید تفتیش کررہی ہے اور فرارشدہ ملزمان کی گرفتاری کیلئے بھی بھر پور کوشش کررہے ہیں۔

میرپورخاصَ،باغی ٹی وی (نامہ نگار سید شاہزیب شاہ کی رپورٹ ) میرپورخاص میں چوری اور لوٹ مار کا سلسلہ زور پکڑ گیا ۔

شہریوں کی روزمرہ قیمتی اشیاء اور پیسہ لوٹا جارہا ہے چار روز قبل شادی میں گئی ایک فیملی کے گھر میں چوری ہوگئی انتہائی سمجھدار چوروں نے گھر کی چھت کے راستے سے آکر کمرے کا تالہ توڑا الماری کا تالہ توڑا اور 180000 روپےکیش لے اڑے ۔

گھر کے مالک جمیل احمد ولد نثار احمد نے میڈیا سے گفتگو کرتے ہوئے کہا کہ چوروں نے کنڈا کاٹا ہے اورپھر الماری کا تالہ توڑ کر میری کاروباری رقم 180000 روپےلے گئے اس موقع پہ جمیل احمد آبدیدہ ہوگیا ،

جمیل احمد نے مزید بتایا کہ مہران تھانے میں رپورٹ کی ہے مہران تھانے کے ڈیوٹی افسر نے رپورٹ روزنامچے میں درج کی مگر اسکے علاوہ اس واقعے پر تاحال میرپورخاص پولیس نے کوئی کارروائی نہیں کی

اسی طرح کا ایک اور واقعہ سٹیلائٹ ٹاؤن گرلز ووکیشنل اسکول کے سامنے پیش آیا جہاں مرغی کا کیش جمع کرنے والے ایک شخص سے نامعلوم ڈاکو اسلحہ کے زور پر اس شخص کا تمام کیش اور موبائل لے اڑے، پولیس نے جائے وقوعہ پر پہنچ کے اپنی روزانہ کی کارروائی کی اور اسکے آگے پولیس کچھ نہیں کرسکی ۔

شہریوں کا کہنا ہے کہ موسم سرما کی آمد آمد ہے سڑکیں اور راستے ویران ہوجاتے ہیں۔پھر انہی راستوں پر چور اور لٹیرے دندناتے پھرتے ہیں اور بیچارے شہری اپنی رقم موبائل اور دیگر قیمتی اشیاء سے محروم کردئیے جاتے ہیں ۔

پولیس کو معمول سے زیادہ گشت اور ایسی جگہوں پہ عارضی چیکنگ پوسٹ بنانی ہوگی،جہاں چوری اور ڈکیتی کی وارداتوں کے زیادہ خدشات ہوں-

چنیوٹ ،باغی ٹی وی (نامہ نگار طاہر سیال )تھانہ کانڈیوال پولیس نے خاتون کے اندھے قتل کا سراغ لگا لیا ،قریبی رشتہ داروں نے گھریلو جھگڑے پر 35 سالہ فاطمہ بی بی کو گلا دبا کر قتل کیا،30 اکتوبر پولیس کو موضع کلور سے ایک خاتون کے قتل کی اطلاع موصول ہوئی،نامعلوم ملزمان نے فاطمہ بی بی کو گلا دبا کر قتل کیا تھا

واقعہ کی بابت تھانہ کانڈیوال میں مقدمہ نمبر 370/23 بجرم 302/34 ت پ درج ہو گیا،ڈی پی او عبداللہ احمد کی ہدایت پر ملزمان کو ٹریس کرنے کے لیے سپیشل ٹیم تشکیل دی گئی

ایس ایچ او تھانہ کانڈیوال انسپکٹر صفدر حسین ہمراہی ٹیم نے جدید ٹیکنالوجی و ہیومن انٹیلی جنس استعمال کرتے ہوئے دو ملزمان کو گرفتار کیا
دوران انٹیروگیشن ملزمان الطاف اور سراج نے انکشاف کیا کہ انہوں نے گھریلو جھگڑے پر فاطمہ بی بی کو قتل کیا تھا

ڈی پی او چنیوٹ نے اس موقع پر کہا کہ انصاف کی فراہمی کو یقینی بناتے ہوئے ملزمان کو قرار واقعی سزا دلوائی جائے گی ،ڈی پی او عبداللہ احمد کی طرف سے پولیس ٹیم میں شامل پولیس افسران و اہلکاروں کے لیے انعام کا اعلان