Author: ڈاکٹرغلام مصطفی بڈانی

سرگودھا ،باغی ٹی وی (نامہ نگارشاہنوازجالپ) کانسٹیبل محمد عرفان شہید کی برسی کے موقع پر ایس پی پٹرولنگ سرگودھا ریجن اختر حسین جوئیہ ,ڈی ایس پی نوید چیمہ نے 86جنوبی میں شہید کی قبر پر چاق و چوبند دستے کے ہمراہ سلامی دی اور پھولوں کی چادر چڑھائی

ایس پی پٹرولنگ اختر حسین جوئیہ نے شہید محمد عرفان کی والدہ سے ملا قات کی اور ان کو تحائف اور پھولوں کا گلدستہ پیش کیا اور کہا کہ ہمیں آپ پر فخر ہے کہ آپ ایک شہید کی والدہ ہیں آئی جی پنجاب ڈاکٹر عثمان انور ایڈیشنل آئی جی پنجاب ہائی وے پٹرول راؤ عبدالکریم اور ڈی آئی جی پنجاب ہائی وے پٹرول اطہر وحید کا پیغام شہید کی والدہ تک پہنچایا

اس موقع پر ایس ایچ او صاحب خان،انچارچ موبائل پٹرولنگ ہائے وے محمد نواز اور دیگر پولیس افسران و اہلکاروں کی بڑی تعداد موجود تھی،

ایس پی پیٹرولنگ کا مزید کہنا تھا کہ شہید کنسٹیبل محمد عرفان نے اپنے فرائض منصبی کی سر انجام دہی کے دوران دلیری اور بہادری کا مظاہرہ کرتے ہوئے اپنی جان کا نذرانہ دیکر اپنا نام امر کر دیا اور ہمارے بہتر کل کے لیے اپنا آج قربان کردیا۔

شہید کے ورثا ہمارے خاندان کا حصہ اور قوم کا فخر ہیں۔شہید کی فیملی کو کبھی بھی کسی بھی وقت کوئی مشکل درپیش ہو تو میرے دروازے ہمیشہ ان کے لیے کھلے ہیں۔

سیالکوٹ ،باغی ٹی وی (سٹی رپورٹرشاہدریاض)پولیس کو انتہائی مطلوب خطرناک اشتہاری ملزم بذریعہ ریڈ وارنٹ انٹر پول کی مدد سے بیرون ملک مسقط سے گرفتار ۔
تفصیل کے مطابق سیالکوٹ ملزم اشتہاری محسن علی ولد محمد ارشد اقدام قتل کے 3 مقدمات اور چوری کے ایک مقدمہ میں تھانہ ستراہ پولیس کو مطلوب تھا۔

خطرناک شوٹر ملزم پیسوں کے عوض شہریوں کو قتل کرنے کی غرض سے گولیاں مار دیتا تھا جو پولیس سے بچنے کیلئے بیرون ملک فرار ہوگیا تھا.

ڈی پی او سیالکوٹ محمد حسن اقبال کی خصوصی ہدایت پر انچارج ایکسٹراڈیشن سب انسپکٹر محمد نصیر نے ملزم کے ریڈوارنٹ جاری کروائے اور انٹر پول کی مدد سے ملزم محسن علی کو بیرون ملک مسقط (عمان) سے ڈی پورٹ کرواکے گرفتار کر لیا ہے.

انسپکٹر جنرل پولیس پنجاب ڈاکٹر عثمان انور کی ہدایات کی روشنی میں پنجاب بھر میں بیرون ملک فرار ملزمان اشتہاریوں کی گرفتاری یقینی بنانے کیلئے بھرپور مہم جاری ہے.

ڈی پی او کاکہنا ہے کہ مظلوم کی دادرسی اور قانون کی بالادستی کو یقینی بنانے کیلیے ملزمان اشتہاریوں کی گرفتاری ضروری ہے اس سسلہ میں کوئی کسر اٹھا نہیں چھوڑی جائیگی

سیالکوٹ،باغی ٹی وی (سٹی رپورٹرشاہدریاض)اسموگ لاک ڈاؤن کی خلاف ورزی17دکانیں سیل،15دکاندارگرفتار
تفصیل کے مطابق اسموگ لاک ڈاؤن بابت حکومتی ہدایات پر عملدرآمد کے لئے اسسٹنٹ کمشنر غلام سرور ان ایکشن بنک روڈ ،اسپورٹس مارکیٹ میں اسموگ لاک ڈاؤن کی خلاف ورزی پر 17 دکانوں کو سربمہر کردیا۔اسموگ لاک ڈاؤن کی خلاف ورزی پر متعدد تاجر گرفتار۔

اسموگ لاک ڈاؤن پر عملدرآمد کے لیئے انتظامیہ اور پولیس بھرپور متحرک۔انتظامیہ کاکہناہے کہ تاجر جمعہ و ہفتہ کو دوپہر 3بجے دکانیں کھول سکتے ہیں۔

ننکانہ صاحب،باغی ٹی وی ( نامہ نگار احسان اللہ ایاز)جرم کو مٹانا ہے سب کو کارآمد شہری بنانا ہے” کے عنوان سے ڈسٹرکٹ کورٹس ننکانہ صاحب کی طرف سے پروبیشن پر بھیجے ہوئے چھوٹے جرائم میں ملوث افراد کی اصلاح کے لئے پنجاب ایمرجنسی سروس ریسکیو 1122اور پنجاب پروبیشن اینڈ پیرول سروس ہوم ڈیپارٹمنٹ ننکانہ صاحب کے باہمی اشتراک سے ضلعی ہیڈ کوارٹرز پنجاب ایمرجنسی سروس ریسکیو1122 ننکانہ صاحب کے کانفرنس روم میں 3روزہ تربیتی ورکشاپ کے بعد کامیاب شرکاء کے لئے تقریبِ تقسیمِ اسناد کا اہتمام کیا گیا۔

تقریب میں ایڈیشنل ڈسٹرکٹ اینڈ سیشن جج مصباح خان نے مہمان خصوصی شرکت کی۔ان کے ہمراہ ڈسٹرکٹ پروبیشن آفیسرز ساجد محمود شاکر اور انعم رحمت بھی موجود تھے۔تقریب میں ڈسٹرکٹ ایمرجنسی آفیسر محمد اکرم پنوار نے اپنے خطاب میں ڈائریکٹر جنرل پنجاب ایمرجنسی سروس ڈیپارٹمنٹ ڈاکٹر رضوان نصیر کے وژن "ہر گھر میں تربیت یافتہ فرسٹ ایڈر "کی اہمیت کو اجاگر کرتے ہوئے کہا تربیت یافتہ فرسٹ ایڈر کے ذریعے قیمتی انسانی جانوں کو بروقت طبی امداد سے بچایا جا سکتا ہے اورجانی و مالی نقصان کو کم کر سکتے ہیں۔

اس موقع پر ایڈیشنل ڈسٹرکٹ اینڈ سیشن جج مصباح خان نے دونوں محکموں کی اس کاوش کو سراہا اور کامیاب پروبیشنرز میں اسناد تقسیم کرتے ہوئے ان کی مزید حوصلہ افزائی کی اور کہا کہ آپ نے اس ورکشاپ میں جو کچھ سیکھا ہے اسے عملی جامہ پہنانا ہے اور کارخیر سمجھتے ہوئے دوسرے لوگوں تک پہنچانا ہے

ڈیرہ غازیخان،باغی ٹی وی (نیوزرپورٹرشاہدخان )ڈی پی او احمد محی الدین کی ہدایت پر سمگلنگ کی روک تھام کے لئے داخلی و خارجی راستوں پر سخت چیکنگ جاری،چیک پوسٹ سخی سرور دو گاڑیوں سے 1900 لیٹر ایرانی ڈیزل،لاکھوں روپے مالیت کے 12کارٹن سپیئر پارٹس اور 14 انورٹر کی سمگلنگ کی کوشش کو ناکام بنا دیا،جسے قانونی کارروائی کرنے کے بعد کسٹم حکام کے حوالے کر دیا گیا ہے

تفصیلات کے مطابق ڈی پی او احمد محی الدین کی ہدایت پر سمگلنگ کی روک تھام کے لئے ضلع بھر کے داخلی و خارجی راستوں پر چیکنگ کا سلسلہ جاری ہے اسی چیکنگ کے سلسلہ چیک پوسٹ سخی سرور پولیس نے بلوچستان سے صوبہ پنجاب سمگل ہونے والے ایرانی ڈیزل کو ناکام بنا دیا۔ 1900 لیٹر ایرانی ڈیزل،لاکھوں روپے مالیت کے 12کارٹن سپیئر پارٹس اور 14 انورٹر کو قبضہ میں لیکر کاروائی کے بعد کسٹم حکام کے حوالہ کر دیا گیا ہے۔

انچارج چیک پوسٹ سخی سرور فرہاد SI نے کہا ہے کہ نان کسٹم سامان سمگلنگ کرنے والوں کے خلاف آہنی ہاتھوں سے نمٹا جائے گا۔ نان کسٹم سامان سمگلنگ کرنے والوں کے ساتھ کسی بھی قسم کی کوئی رعایت نہیں برتی جائے گی۔مزید سیکورٹی کے پیش نظر چیک پوسٹ سخی سرور پولیس نے چیکنگ کے سسٹم کو مربوط کیا ہوا ہے کسی بھی صورتحال سے نمٹنے کیلئے تمام تر وسائل بروئے کار لانے جارہے ہیں۔

کندھ کوٹ،تنگوانی،باغی ٹی وی (نامہ نگارمختیاراعوان ،منصوربلوچ کی رپورٹ)تنگوانی میں بدامنی ڈکیتیوں کے خلاف ٹھل، کندھ کوٹ انڈس ہائی وے پر بگٹی قبائل کا احتجاج سندھ بلوچستان پنجاب کو ملانے والا روڈ مکمل بند
تفصیل کے مطابق تنگوانی میں بدامنی ڈکیتیوں کے خلاف ٹھل، کندھ کوٹ انڈس ہائی وے پر بگٹی قبائل کا احتجاج سندھ بلوچستان پنجاب کو ملانے والا روڈ مکمل بند،سندھ بلوچستان پنجاب کو ملانے والے روڈ بند ہونے سے گاڑیوں کی لمبی قطاریں لگ گئے مسافروں کو شدید مشکلات کا سامنا،

تنگوانی پولیس تھانہ کی حدود سے گذشتہ رات ڈاکوئوں نے اسلحہ کے زور پر بگٹی قبائل سے دھان سے بھری ٹریکٹر ٹرالی چھین کر لے گئے،

مظاہرین کا کہنا ہے ڈاکوئوں نے بیچ شہر سے گذرتے ہوئے تھانہ تنگوانی کے سامنے ٹریکٹر ٹرالی لے گئے مگر پولیس کچھ بھی نہ کرسکی،مظاہرین کی تنگوانی پولیس کی نااہلی کے خلاف شدید نعرے بازی.مظاہرین نے روڈ بند کرنے کے دوران پولیس کی گاڑی کوبھی نہ گذرنے دیا، ایس ایچ اوتھانہ تنگوانی کے مظاہرین سے مذاکرات ناکام ہوگئے

مظاہرین نے ایس ایس پی روحل کھوسو کیخلاف شدید نعرے بازی کی ہے اور مظاہرین نے کہا کہ ایس ایس پی روحل کھوسو امن و امان کی صورتحال کو بہتر بنانے میں ناکام ہو چکا ہے، آئے روز ڈکیتی اور رہزنی کی وارداتوں میں اضافہ ہوتا جا رہا ہے،فوری طور پر نا اہل ایس ایس پی کشمور روحل کھوسو کو ہٹایا جائے،
،مظاہرین کا کہنا تھا کہ جب تک ڈاکوئوں کے خلاف آپریشن اور ٹریکٹر ٹرالی کو واپس نہیں کیا جائے گی تب تک روڈ نہیں کھولا جائے گا۔