Author: ڈاکٹرغلام مصطفی بڈانی

سیالکوٹ، باغی ٹی وی( سٹی رپورٹر شاہد ریاض)پولیس کی کاروائی، ایک کروڑ تاوان کیلئے اغواء کیا گیا مغوی بحفاظت بازیاب، 6ملزمان گرفتار۔
تفصیلات کے مطابق نوید مسیح نے اطلاع دی کہ اسکے بھائی شکیل مسیح ولد صدیق مسیح قوم عیسائی سکنہ چٹا سیالکوٹ 36سال کو نامعلوم ملزمان نے اغواء کرلیا ہے اور مغوی کے موبائل فون سے ہی کال کرکے مغوی کے بھائی نوید مسیح سے ملزمان نے ایک کروڑ روپے تاوان کا مطالبہ کیا ہے ۔ اور کہا کہ تاوان نہ دینے کی صورت میں مغوی کو قتل کردیا جائے گا۔

ڈی پی او سیالکوٹ محمد حسن اقبال نے اغواء ہونے والے شہری شکیل مسیح کی فوری بازیابی کی بابت ایس پی انویسٹی گیشن جواد اسحاق کو ہدایت جاری کیں ۔ جس پر ڈی ایس پی صدر سرکل کی زیر نگرانی ایس ایچ او تھانہ مراد پور انسپکٹر محمد رزاق نے اپنی ٹیم کے ہمراہ کارروائی کرتے ہوئے اورمغوی کی بحفاظت بازیابی پولیس کے لیے ایک بڑا چیلنج تھا ۔

جائے وقوعہ سے CCTVکیمرہ جات چیک کیے گئے جو مغوی کپورووالی سے جانب کالا گھمناں بسواری موٹر سائیکل جاتا نظر آیا ۔جو جدید ٹیکنالوجی اور Human Baseانفارمیشن کے ذریعے ملزمان کا سراغ لگایا گیا اور ملزمان کو ٹریس کر کے مغوی کو بحفاظت علاقہ تھانہ کینٹ کی حدود سے بازیاب کروایا گیا اور اغواء برائے تاوان میں ملوث 6ملزمان گرفتارکرلیا

گرفتارملزمان میں قمر شہزاد مسیح ولد یعقوب مسیح قوم عیسائی سکنہ چٹا تحصیل وضلع سیالکوٹ ،سنی مسیح ولد یعقوب مسیح قوم عیسائی سکنہ چٹا تحصیل وضلع سیالکوٹ،مرکس مسیح ولد یونس مسیح قوم عیسائی سکنہ چٹا تحصیل وضلع سیالکوٹ،پطرس مسیح ولد یونس مسیح قوم عیسائی سکنہ چٹا تحصیل وضلع سیالکوٹ،شاہ زیب مسیح ولد یونس مسیح قوم عیسائی سکنہ چٹا تحصیل وضلع سیالکوٹ،سلمان مسیح ولد عمانیوال مسیح قوم عیسائی سکنہ کپوروالی تحصیل وضلع سیالکوٹ شامل ہیں

گرفتار ملزمان کے قبضہ سے وقوعہ میں استعمال ہونے والی دو عدد موٹرسائیکلیں اور ایک عدد ویگنار کار اور دو عدد پسٹل برآمد کیے جا چکے ہیں ۔ گرفتار ملزمان سے مزید تفتیش جاری ہے۔

کوئٹہ ،باغی ٹی وی (نامہ نگارزبیرخان )کوئٹہ کانگو وائرس کی وجہ سے بلوچستان کی نگراں حکومت نے ہیلتھ ایمرجنسی نافذ کر دی۔
کانگو سے کوئٹہ سمیت بلوچستان بھر میں 18 افراد جاں بحق ہو چکے ہیں، کوئٹہ میں کانگو سے متاثرہ 60 افراد سامنے آئے ہیں جن میں سے 15متاثرین کا تعلق شعبہ صحت سےہے۔

10 ڈاکٹروں سمیت 15 افراد کو علاج کے لیے کراچی منتقل کیا گیا ہے، نگران وزیر صحت ڈاکٹر امیر محمد جوگیزئی کا کہنا تھا کہ کانگو وائرس جس وارڈ سے پھیلا اسے سیل کر دیا گیا ہے۔

ان کا کہنا تھا کہ کانگو کے پھیلاؤ کا سبب وارڈ آئندہ ہفتے تک سیل رہے گا، نگران وزیر صحت بلوچستان نے مزید کہا کہ زیر علاج مریضوں میں 2 کی حالت تشویشناک ہے۔

ڈاکٹر امیر محمد جوگیزئی کا کہنا تھا کہ کوئٹہ میں دو ہفتے کے لیے مذبح خانوں پر پابندی عائد ہے۔

اوچ شریف،باغی ٹی وی (نامہ نگارحبیب خان ) اوچ شریف میں برلب سڑک ناقص ،غیر معیار ی اور مہنگے،پکوان سینٹرز قائم ،فوڈ اتھارٹی اور انتظامیہ کی عدم توجہ،نوٹس لینے ،کریک ڈاؤن کا مطالبہ

تفصیلات کے مطابق پنجاب فوڈ اتھارٹی اور مقامی انتظامیہ کی عدم توجہی کے باعث اوچ شریف شہر اور اس کے قرب جوار میں قائم پکوان سینٹرز شہریوں میں بیماریاں پھیلانے میں مصروف عمل ہیں شادی بیاہ اوردیگر تقریبات کے فنکشن کے لئے پکے پکائے کھانوں کے لئے بنائے جانے والے پکوان سینٹرز پر تیار کئے جائے والے کھانوں میں انتہائی ناقص اور غیر معیار ی باسی بیمار جانوروں کا گوشت ، گھی اور دیگر مصالحہ جات کا استعمال دھڑلے سے کیا جاتا ہےکھانوں کی تیاری کے دوران حفظان صحت کے اصولوں کی دھجیاں اڑائی جاتی ہیں ۔

مرکزی شاہراہوں کے اطراف قائم ان پکوان سینٹرز پر کھانوں کو دھول ، مٹی اور گردوغبار سے محفوظ رکھنے کا کو ئی انتظام موجود نہیں ہے شہری دمہ ، معدہ، ٹی بی ، پھپھڑوں کے سرطان ، سانس اور گلے کے امراض میں مبتلا ہو کر ہسپتالوں کا رخ کرنے پر مجبور ہو چکے ہیں،

ان پکوان سینٹر ز پر تیار کئے جانے والے کھانوں کی قیمتوں کا تعین کرنے کے لئے مقامی انتظامیہ کی طرف سے کوئی ریٹ لسٹ جاری نہیں کی جاتی ہے ۔

شہریوں محمد صدیق خان مہر خادم حسین رجب سیال عبد الطیف محمد یعقوب نے ڈی سی بہاولپور اور پنجاب فوڈ اتھارٹی کے حکام سے مطالبہ کیا ہے کہ پکوان سینٹر ز کے خلاف فوری طو ر پر کریک ڈاؤن کیا جائے

سیالکوٹ باغی ٹی وی( شاہد ریاض سٹی رپورٹر)تھانہ سمبڑیال کے علاقہ میں کھیت سے 2 نوجوانوں کی لاشیں برآمد
تھانہ سمبڑیال کے علاقہ پرانا دھاناوالی کے کھیت سے دو نوجوانوں کی لاشیں برآمد ہوئی ہیں دونوں کو فائرنگ کر کے قتل کیا گیا ہے لاشیں ملنے پر علاقہ میں خوف و ہراس پھیل گیا

پولیس نے موقع پر پہنچ کر لاشوں کو تحویل میں لے کر ہسپتال منتقل کر دیا ہے ایک مقتول کی شناخت یعقوب کے نام سے ہوئی ہے جو محلہ نور پورہ کا رہائشی بتایا جا رہا ہے تاہم دوسرے کی شناخت نہ ہق سکی ہے پولیس نے واقعہ کی ابتدائی طور پر تحقیقات شروع کر دی ہیں

ایک اور واقعہ میں تھانہ نیکاپورہ کے علاقہ ایمن آباد روڈ پر موٹرسائیکل سوار دو ڈاکوؤں نے نجی بنک سے رقم لے کر آنے والے رضوان سے دس لاکھ روپے چھین لئے اور فرار ہو گئے واقعہ کی اطلاع پر نیکاپورہ پولیس موقع پر پہنچی اور قرب و جوار سے سی سی ٹی وی کیمروں کی مدد سے ملزمان کی تلاش جاری ہے۔

کندھ کوٹ،باغی ٹی وی (نامہ نگارمختیاراحمداعوان)مونسپل کمیٹی کے ریٹائر ملازمین کا پنشن نہ ملنے پر مرد و خواتین اور بچوں سمیت احتجاج
مونسپل کمیٹی کے ریٹائر ملازمین کا پنشن نہ ملنے پر مرد و خواتین اور بچوں سمیت احتجاج کندھ کوٹ سے کی رپورٹ کے مطابق زندگی کے 60 سال تک میونسپل کمیٹی میں نوکری میں گزارنے والے متاثرین نے پریس کلب کے سامنے احتجاج کیا،

مظاہرین نے ہاتھوں میں بینر اٹھا کر اپنی حقوق کی مانگ کی،نوکری سے ریٹائر ہونے کے بعد پینشن نہیں مل رہی گھر میں فاقہ کشی چل رہا ہے ۔

مظاہرین کاکہناتھاکہ بلدیہ ڈیپارٹمنٹ میں اربوں روپے کا بجٹ ہونے کے باوجود ہمیں پینشن نہیں دی جا رہی ،جس کے باعث ہمیں شدید مشکلات سے درپیش ہیں،ہماری پینشن شروع نہیں کی گئی تو احتجاجی تحریک شروع کریں گے

مظاہرین نے نگران وفاقی حکومت و صوبائی حکومت سے نوٹس لینے کا مطالبہ کیا ۔

سیالکوٹ ،باغی ٹی وی (سٹی رپورٹرشاہدریاض)تھانہ رنگپورہ پولیس کی کاروائی، مشہور مقدمہ قتل میں مطلوب 4 اشتہاری ملزمان کراچی سے گرفتار کرلیے، 7ماہ قبل تھانہ رنگپورہ کے علاقہ محلہ سمن آباد میں شہری صدام حسین کو ملزمان عبدالہاشم ،اصغر خان،اکبر خاں ،نجیب احمد نے معمولی رنجش پر بے دردی سے قتل کر دیا اور فرار ہو گئے۔

تفصیل کے مطابق ڈی پی او سیالکوٹ محمد حسن اقبال نے قتل میں ملوث مجرمان اشتہاریوں کی گرفتاری کے لیے ایس ایچ او تھانہ رنگپورہ سب انسپکٹر قیصر بشیر کو خصوصی ٹاسک دیا۔

ایس ایچ او تھانہ رنگ پورہ نے اپنی ٹیم کے ہمراہ دن رات کوشش کرتے ہوئے جدید ٹیکنالوجی اور پیشہ ورانہ مہارت کو بروائے کار لاتے ہوئے کراچی کے علاقے کورنگی ، لیاری اور ٹھٹہ حیدرآباد میں کاروائی کی اور مقدمہ قتل میں ملوث ملزمان اشتہاری 1۔عبدالہاشم 2۔اصغر خان 3۔اکبر خاں 4۔نجیب احمد کو ٹریس کر کے گرفتار کر لیا۔

قتل کی بابت ملزمان سے تفتیش عمل میں لائی جا رہی ہے ۔ مدعی خاندان نے ملزمان کی گرفتاری پر سیالکوٹ پولیس کو خراج تحسین پیش کیا اور پھولوں کے گلدستے پیش کیے۔

سیالکوٹ،باغی ٹی وی (سٹی رپورٹرشاہدریاض)مساج سنٹر کی آڑ میں جیون ہوٹل جسم فروشی کا اڈہ نکلا،ایس ایچ او انسپکٹر میاں عبدالرزاق کی جیون ہوٹل مساج سنٹر کی آڑ میں جسم فروشی کا دھندہ کرنے والوں کے خلاف کاررؤائی، جرائم کرنے والے کسی نرمی کے مستحق نہی ہو سکتے ایسے جرائم میں ملوث افراد سے اہنی ہاتھوں سے نمٹا جائے گا
تفصیلات کے مطابق سیالکوٹ تھانہ مراد پور کے متعلقہ علاقہ کشمیر روڈ پر جیون ہوٹل کے تہہ خانہ میں مساج سنٹر کی آڑ میں جسم فروشی کا دھندہ کروایا جارہا تھا تھانہ مراد پور کے ایس ایچ او انسپکٹر میاں عبدالرزاق نے گفتگو کرتے ہوۓ کہا کے مساج سنٹر کی آڑ میں جسم فروشی کا دھندہ کروانے والوں کی اطلاع موصول ہوتے ہی کارؤائی عمل میں لائی گئی ہے

ایسے افراد نہ صرف آپنی فیملیوں کی عزتوں کو پامال کرتے ہیں بلکہ ایک گناہ کبیرہ بھی کرتے ہیں جن کے خلاف مذید گھیرا تنگ کیا جا رہا ہے ایسے جرم دار افراد بدنامی کے علاوہ معاشرے میں رسوائی بھی حاصل کرتے ہیں جن کو آہنی ہاتھوں سے نمٹا جارہا ہے

سیالکوٹ جیون ہوٹل سے مساج سنٹر کی آڑ میں جسم فروشی آڈہ سے چھ مرد اور 5 لڑکیاں گرفتار کی گئی ہیں جو کے برہنہ حالت میں تھی انکے خلاف مقدمہ درج کرکے حوالات بند کردیا