ڈیرہ غازی خان، باغی ٹی وی( نیوز رپورٹرشاہد خان ) خود ساختہ مہنگائی سے عوام کو ریلیف دلا رہے ہیں-قائمقام ڈپٹی کمشنر
تفصیل کے مطابق حکومت پنجاب کی ہدایت پر سبزی و فروٹ منڈیوں میں نیلامی عمل کی انسپکشن،قائمقام ڈپٹی کمشنر ڈیرہ غازیخان میاں رضوان نذیر نے سبزی و فروٹ منڈی سرور والی کا دورہ کیا،سبزیوں،پھلوں کی نیلامی کا موقع پر جائزہ لیا۔
قائمقام ڈپٹی کمشنر میاں رضوان نذیر نے گفتگو کرتے ہوئے کہا کہ ہم حکومت پنجاب کی ہدایت پر خود ساختہ مہنگائی سے عوام کو ریلیف دلا رہے ہیں،ہم قیمتوں میں کمی کا فائدہ براہ راست عوام تک پہنچا رہے ہیں،
نیلامی عمل کی مانیٹرنگ سے قیمتوں کو اعتدال میں رکھنے میں مدد ملتی ہے،میاں رضوان نذیر نے کہا سبزیوں و پھلوں کے تھوک و پرچون ریٹ میں چیک اینڈ بیلنس ضرور ہونا چاہیئے،کسی کو بھی اوورچاجنگ نہیں کرنے دینگے،
منڈی کی صفائی و ستھرائی میں مزید بہتری لا رہے ہیں،بغیر ریٹ لسٹ کسی کو بھی خرید و فروخت کی اجازت نہیں ہے۔میاں رضوان نذیر نے سبزی و فروٹ منڈی میں معاملات بہتری کی ہدایات بھی دیں۔
