Author: ڈاکٹرغلام مصطفی بڈانی

ڈیرہ اسماعیل خان،باغی ٹی وی(ویب نیوز)شادی کا جھانسہ،فراڈی ٹولہ شہر ی کو 5 لاکھ کا ٹیکہ لگا کرفرار،
ڈیرہ اسماعیل خان کے علاقہ بستی گھائیانوالی کے رہائشی محمد عرفان نے پولیس کو رپورٹ درج کراتے ہوئے بتایا کہ ملزمان رسول بادشاہ ولد گل داد بادشاہ سکنہ بنوں ،شاہ فیاض ولد میر احمد سکنہ بنوں ،رئیس خان ولد عجب خان سکنہ ٹانک ،مسماة کائنات بی بی دختر گل داد سکنہ بنوں ،عمران ولد شریف سکنہ لکی مروت نے گزشتہ ماہ مجھے شادی کا جھانسہ دے کر تین لاکھ روپے کی رقم وصول کی اور خاتون مسماة کائنات بی بی کا نکاح وشادی میرے ساتھ کرکے رخصتی بھی کردی ،

لڑکی 20 روز تک میرے ساتھ رہی بعدازاں شادیوں کا ڈھونگ رچا کرعورتوں کا کاروبارکرنے والے گروہ کے سرغنہ اور لڑکی کے بھائی رسول بادشاہ نے ٹیلی فون کیا کہ والدہ سیدہ بی بی کا پشاور میں آپریشن ہے لہذا آپ میری بہن مسماة کائنات بی بی کو لے کر بنوں آجائیں ،انہوں نے علاج وادویات کے نام پر میرے سے مزید دو لاکھ روپے بطور قرض وصول کیے ، بیوی کو بنوں چھوڑ کر میں واپس گھر آگیا ،ایک ہفتہ انتظار کے بعد میں جب بنوں انکے گھر گیا تو اہل محلہ نے بتایا کہ وہ تو مکان چھوڑ کر جاچکے،نوسر باز گروہ کوکافی تلاش کیامگر میری بیوی کائنات بی بی کا کچھ پتہ نہیں چل سکا۔

تنگوانی باغی ٹی وی ( نامہ نگار منصور بلوچ) تنگوانی پریس کلب کی عمارت کی چھت دھماکے کے ساتھ گرگئی
پریس کلب کی چھت گرنے کے زوردار دھماکے کے باعث آس پاس کے رہنے والے رہائشی پریس کلب پہنچ گئے ، پریس کلب میں بیٹھے ہوئے صحافی معجزانہ طور پر محفوظ رہے

تنگوانی پریس کلب کی بلڈنگ کی ٹینڈر اور پیسے ریلیز ہونے کے باوجود بھی کام شروع نہیں کیا گیا ،پریس کلب کے بلڈنگ کی کام شروع نہ ہونے کی وجہ سے صحافیوں کی زندگی داؤ پر لگ گئی ۔

تنگوانی پریس کلب کے ٹھیکیدار کے خلاف کارروائی کر کے جلد تنگوانی پریس کلب کی مرمتی کام شروع کرایا جائے صحافیوں کا مطالبہ

اوچ شریف باغی ٹی وی ( نامہ نگار حبیب خان)اوچ شریف شہر کے نواحی علاقے کا قدیمی زندہ لعل قبرستان بنیادی سہولیات سے محروم، نالیوں اور گھروں کا پانی قبرستان میں داخل، کئی فٹ جمع پانی سے درجنوں قبریں زمین بوس ہوگئیں، متعدد کے نشانات مٹ جانے سے پہچان کرنا مشکل ہوگیا۔ سادات خاندان کے آباؤ اجداد کی قبریں بھی شدید متاثر، چار دیواری ٹوٹ پھوٹ کا شکار، ناصفائی، نا پانی کی سہولت، نئی قبربنانے کے لیے کھدائی کے دوران زمین سے پانی نکلنے لگا، گندے پانی اور کچرے کے باعث تعفن اور بدبو پھیلنے لگی، اپنے پیاروں کی قبروں پر فاتحہ کے لیے آنے والے عزیز واقارب پریشان شہریوں کی جانب سے کمشنر و ڈپٹی کمشنر بہاولپور سے فوری نوٹس لینے کا مطالبہ۔

اوچ شریف کے نواحی علاقے زندہ لعل میں قدیمی قبرستان ضلعی انتظامیہ کی غفلت ونااہلی کے باعث گزشتہ کئی سال سے ناصرف بنیادی سہولیات سے محروم ہے، بلکہ قبرستان کے گرد غیرقانونی تجاوزات کی بھرمار اور ان گھروں کا کچرہ اور گھروں اور نالیوں کا سیوریج کا گندابدبودارپانی بھی انتظامیہ کی عدم توجہ کے باعث قبرستان میں داخل ہورہاہے جسکی وجہ سے قبرستان کی بڑی اراضی سیوریج کے گندے پانی میں ڈوب چکی ہے اور جمع شدہ کئی فٹ پانی کے مسلسل جمع رہنے کے باعث درجنوں قبریں زمین بوس ہوچکی ہیں اور بیشتر کوشدیدنقصان پہنچنے کے باعث ان کے نشانات ختم ہونے سے ان کی پہچان کرنا بھی مشکل ہوچکا ہے جبکہ قبرستان کی چار دیواری ٹوٹ پھوٹ کا شکار ہے

قبرستان میں روشنی و پانی کا کوئی انتظام موجود نہیں ہے جس کی وجہ سے قبرستان آوارہ جانوروں کی بھی آماجگاہ بن چکا ہے اور قبروں کے گرد جنگلی جھاڑیاں اُگ آئی ہیں۔ دوسری جانب قبرستان میں مسلسل پانی جمع رہنے سے نئی قبر بنانے کے لیے کی جانے والی کھدائی کے دوران زمین سے پانی نکل آنا معمول بن چکا ہے۔ قبرستان میں بدبودار پانی اور گندگی کے باعث قبرستان میں تعفن اور بدبو کے باعث اپنے پیاروں کی قبروں پر فاتحہ خوانی کے لیے آنے والے عزیز و اقارب کے لیے فاتحہ خوانی کرنا بھی پریشانی کا باعث بنا ہوا ہے۔

واضح رہے یہ شہر اوچ شریف کے نواحی علاقے کا اہم اور قدیمی قبرستان ہے۔ دوسری جانب قبرستان کی تباہ حالی کیخلاف شہریوں عبدالقدیر، محمد اقبال، کمال، نورمحمد، صدام حسین ، سہیل احمد، کاشف حسین سمیت دیگر نے سخت مذمت کرتے ہوئے کمشنر و ڈپٹی کمشنر بہاولپور اسسٹنٹ کمشنر احمد پور شرقیہ سے مطالبہ کیا ہے کہ قبرستان میں قبضوں، سیوریج کے جمع پانی ودیگر سہولیات کے فقدان کا نوٹس لے کر غفلت کے مرتکب افراد کیخلاف کارروائی کی جائے

ڈی آئی خان،باغی ٹی وی (نامہ نگاراحمدنوازمغل) عدالت مخالف پوسٹ، ڈی ایس پی19 ستمبرکو پشاور ہائیکورٹ میں طلب
ڈی ایس پی سٹی ڈیرہ اسماعیل خان حافظ عدنان کو معزز جج کے خلاف سوشل میڈیا پر پوسٹ چلانا مہنگا پڑگیا،معزز عدالت ہائی کورٹ پشاور نے محمد عدنان کو توہین عدالت کا نوٹس جاری کردیا

حافظ عدنان نے فیس بک پر پوسٹ میں غیر مہذب الفاظ کا چناؤ کیا جس پر چیف جسٹس پشاور ہائی کورٹ کے سامنے ذاتی طور پر اپنا موقف بیان کرنے کے لیے 19 ستمبر کو طلب کرلیا

رواں ہفتے محمد الیاس خان ایڈیشنل سیشن جج-VI ڈیرہ نے چادروچاردیواری کا تقدس پامالی پرفیصلہ سنایاتھا،جس میں ملزم مختیار احمد، ایس ایچ او کو دفعہ 32 کے تحت تین سال قید اورایک لاکھ روپے جرمانے کی سزا سنائی تھی
ڈی ایس پی کو ابھی تک لیٹر نمبر 879 کے تحت طلب کیا گیا ہے۔

عدالت عالیہ کی طرف جاری کیا گیا طلبی کالیٹر

واضح رہے کہ صوبائی حکومت اور محکمہ پولیس کی جانب سے پولیس اہلکار کے سوشل میڈیا کے استعمال پر پابندی عائد کر رکھی ہے۔پابندی کے باوجود ڈیرہ اسماعیل خان پولیس اہلکار اور افسران سوشل میڈیا استعمال کرنے کا واضح ثبوت ہے،سوشل میڈیا پر پابندی کے باوجود اہلکار وا افسران سوشل میڈیا کے استعمال میں ملوث۔

ڈی ایس پی کی جانب سے فیس بک پر کی گئی پوسٹ کاعکس

سرگودھا، باغی ٹی وی(نامہ نگار ملک شاہنواز جالپ سے)سرگودھا کے سرکاری ہسپتال مولا بخش کی دیوار کے ساتھ ریڑھی پر سےملیں، پولیس ذرائع کا بتانا ہے کوئی نامعلوم شخص نومولود بچوں کی لاشیں رات کو پھینک کر فرار ہو گیا تھا

اہل علاقہ نے پولیس اور ریسکیو کو اطلاع دی، ریسکیو 1122اور متعلقہ تھانہ کی پولیس نے موقع پر پہنچ کر مزید کارروائی کا آغاز کر دیا ہے،اہل علاقہ کاکہنا ہے کہ مولا بخش ہسپتال میں کسی نے ابارشن کروایا ہو گا اور یہاں ان بچوں کو پھینک گیا

نوری آباد،باغی ٹی وی (نامہ نگار اللہ وسایا پالاری) ایم نائن موٹر وے پر تیز رفتار کار کی ٹکر سے پولیس کانسٹیبل جاں بحق
نوری آباد کے قریب ایم نائن موٹر وے پر تیز رفتار کار کی ٹکر سے تھانہ نوری آباد کے پولیس کانسٹیبل شفقت حسین ناریجو ولد عثمان ناریجو شدید زخمی ہوگیا۔ زخمی پولیس اہلکار کو نوری آباد اسپتال لے جایا گیا۔جہاں وہ زخموں کی تاب نہلاتے ہوئے دم توڑ گیا۔

جاں بحق اہلکار اپنی ڈیوٹی کے لیے بلوچ ہوٹل کے قریب چیک پوسٹ پر جا رہا تھا کہ حادثہ پیش آیا، متوفی کی نعش کو ضروری کارروائی کے لئے تعلقہ ہسپتال تھانہ بولاخان منتقل کر دیا گیا۔ نوری آباد پولیس نے کار ڈرائیور کو حراست میں لے لیاہے-