Author: ڈاکٹرغلام مصطفی بڈانی

ڈیرہ غازیخان،باغی ٹی وی (نامہ نگارشہزادخان )حکومت پنجاب کی ہدایت پر ڈیرہ غازی خان میں بجلی چوروں کیخلاف شکنجہ تیار،میپکو،ضلعی انتظامیہ اور سیکورٹی فورسز مشترکہ کریک ڈاؤن کریں گی۔بجلی کے بڑے چوروں،ڈیفالٹرز کو قانون کے دائرہ میں لایا جائے گا۔جرمانوں اور گرفتاریوں کیلئے لائحہ عمل تیار کرلیا گیا۔

ڈپٹی کمشنر ڈیرہ غازی خان مہر شاہد زمان لک کی زیرصدارت اجلاس میں اہم فیصلے کرلئے گئے ہیں۔اجلاس میں ایڈیشنل ڈپٹی کمشنر محمد اسد چانڈیہ،پولیٹیکل اسسٹنٹ مشتاق احمد ٹوانہ،ایکسیئن عمیر قاسم،اللہ وسایا،ملک خورشید احمد ودیگر شریک تھے۔ڈپٹی کمشنر مہر شاہد زمان لک نے کہا کہ بجلی چور قومی مجرم ہیں،انہیں ہرصورت قانون کے شکنجے میں لائینگے،

بجلی چوروں کے جرم کا خمیازہ عام شہریوں کو بھگتنا پڑتا ہے اب ایسا نہیں ہوگا،ڈپٹی کمشنر نے کہا کہ پولیس،بی ایم پی اور دیگر سکیورٹی ایجنسیاں بجلی چوروں کو پکڑیں گی،نو گو اور ہائی تھیفٹ ایریازمیں بلا امتیاز کریک ڈاؤن کیا جائے گا،

ڈپٹی کمشنر نےکہاکہ ضلعی انتظامیہ میپکو افسران کومکمل سپورٹ فراہم کرے گی،منظم کریک ڈاؤن کیلئے باہمی روابط کو فروغ دیا جائے گا،ڈیفالٹروں کو جیلوں میں بند اور انہیں سخت سزائیں دلوائیں گے،

کریک ڈاؤن کی روزانہ کی بنیاد پر معلومات بھی شیئر کی جائیں گی۔اجلاس میں بجلی چوروں کیخلاف ایکشن پلان پر تفصیلی غور بھی کیا گیا۔
ڈپٹی کمشنر مہر شاہد زمان لک نے اس سلسلہ میں ایڈیشنل ڈپٹی کمشنر جنرل محمد اسد چانڈیہ کو ضلع کا فوکل پرسن مقرر کیا ہے جب کہ اس حوالے سے ڈی سی آفس میں کنٹرول روم بھی قائم کردیا گیا ہے،

ڈپٹی کمشنر مہر شاہد زمان لک کا کہنا ہے کہ شہری ڈسٹرکٹ کنٹرول روم کے نمبر064-9260337 پر بجلی چوروں کی اطلاع دے سکتے ہیں جن کے نام صیغہ راز میں رکھے جائیں گے۔

سیالکوٹ، باغی ٹی وی( سٹی رپورٹر شاہد ریاض)قتل یاخودکشی،پسرورکےنواحی میں نوجوان کی درخت سے لٹکتی لاش برآمد
پسرورکےنواحی گاؤں ڈوگری ہندلاں کا رہائشی بلال ریاض ولد محمد ریاض پُراسرارطور پر ہلاک ہوگیا ہے ،ہلاک ہونے والا نوجوان گذشتہ تین دن سے لاپتہ تھا اس کی نعش ڈوگری ہندلاں اور امین شاہ کے درمیان ایک درخت پر لٹکتی ہوئی پائی گئی.

پسرور پولیس موقع پر پہنچ گئی اور نوجوان کی نعش پوسٹمارٹم کے لیے ہسپتال منتقل کردی، قتل یا خود کُشی کی وجہ معلوم نہیں ہو سکی. پولیس مصروف تفتیش ہے

ڈیرہ غازیخان،باغی ٹی وی (نیوزرپورٹرشاہدخان)ڈی پی او ڈی جی خان حسن افضل کے نوٹس پر تھانہ گدائی کی حدود میں کم عمر لڑکوں کے ذریعے منشیات فروخت کرنے والا مرکزی ملزم منشیات سمیت گرفتار کر لیا گیا

منشیات فروخت کرتے ہوئے سوشل میڈیا پر وائرل ہونے والی ویڈیو کے معاملے کا ڈی پی او حسن افضل نے سختی سے نوٹس لیتے ہوئے ملزمان کو فی الفور گرفتار کرنے کا حکم دیا تھا۔جس پر گدائی پولیس نےکارروائی عمل میں لاتے ہوئے بدنام زمانہ منشیات فروش جاوید وڈانی ولد مٹھو کو گرفتار کر لیا۔

گرفتار کئے گئے ملزم کے قبضے سے 520 گرام ہیروئن برآمد کرتے ہوئے مقدمہ نمبر 1085/23 بجرمCNSA / 9(1)6C درج کرکے مزید قانونی کاروائی شروع کر دی ہے۔

پولیس ترجمان کے مطابق ڈی پی او حسن افضل کا کہنا ہے کہ ہمارے بچے ہماری قوم کامستقبل ہیں۔ ہم منشیات فروشوں کو قوم کے بچوں کے مستقبل سے ہر گز کھیلنے نہیں دیں گے۔کم عمر بچوں کو منشیات کے قبیح دھندے میں استعمال کرنے والے معاشرے کے ناسور کسی رعایت کے مستحق نہیں ہیں

ڈی پی او ڈی جی خان حسن افضل کا مزید کہنا تھا کہ ڈی جی خان کو منشیات سے پاک کرنا اولین ترجیح ہے-

اوکاڑہ باغی ٹی وی (نامہ نگار ملک ظفر)اوکاڑہ کے معروف تجارتی مرکزتھانہ اے ڈویژن کی حدوددیپالپور روڑ پرہائر الیکٹرونکس پر ڈکیتی کی واردات میں تین مسلح ڈاکو عملے اور کسٹمرز سے ساڑھے تین لاکھ نقدی اور قیمتی موبائل لے اڑے ۔
تفصیلات کے مطابق اوکاڑہ میں گزشتہ کئی دنوں سے تین رکنی موٹر سائیکل سوار ڈکیت گینگ نے شہریوں کا ناک میں دم کررکھاہے سٹی ایریا میں روزانہ کئی واردتیں اس گروہ نے معمول بنا رکھی ہیں

گذشتہ روز دو سپر سٹور پر ڈکیتی کے بعد آج اوکاڑہ کے معروف تجارتی مرکز دیپالپور بازار میں ہائر الیکٹرونکس پر ڈکیتی کی واردات میں تینوں موٹر سائیکل سوار مسلح ڈاکوؤں نے دوکان پر موجود عملے اور کسٹمرز کو یرغمال بناکر ساڑھے تین لاکھ روپے نقدی اور 4 قیمتی موبائل فون لوٹ لیے ۔

متاثرہ شہریوں کا کہناہے کہ ڈاکوؤں کے چہرے واضع نظر آنے کے باوجود پولیس انہیں گرفتار نہیں کرپارہی، شہریوں نے وزیر اعلیٰ پنجاب سے نوٹس لینے کا مطالبہ کیا ہے

ڈیرہ غازی خان باغی ٹی وی (نیوز رپورٹرشاہد خان) شاہ سکندر روڈ سیوریج کے گندے پانی کی وجہ سے شہریوں کیلئے وبالِ جان بن گیا، گزشتہ 10 دن سے روڈ پر سیوریج کاگندہ پانی روڈ پر ٹھاٹھیں ماررہا ہے جس سے روڈ تباہ ہوچکا ہے، مقامی لوگوں اور شہریوں کو یہاں سے گذرنے میں کافی تکلیف کا سامنا کرنا پڑ رہا ہے

مغربی طرف سے ڈیرہ غازی خان شہرکو بین صوبائی کوئٹہ روڈ سے ملانے والا ایک خاص روڈ ہے اور ڈی جی خان سرکٹ ہاؤس بھی اسی مین روڈ کے قریب واقع ہے، نکاسی آب نہ ہونے سے سیوریج کے پانی سے روڈ میں گڑھے پرگئے ،ان گڑھوں کی وجہ سے حادثات معمول بن گئے ہیں

شہریوں نے باغی ٹی وی سے بات کرتے ہوئے مقامی انتظامیہ سے یہ اپیل کی ہے کہ خدارا اس اس روڈ پر سیوریج سسٹم کو جلد سے جلد ٹھیک کیا جائے فوراََ اس روڈ پر سکر مشین لگا کر پانی کو خشک کیا جائے تاکہ مقامی لوگ اور شہریوں کی تکالیف کاازالہ ہوسکے

کندھ کوٹ ،باغی ٹی وی (نامہ نگارمختیاراعوان) واپڈا سیپکو کا سٹی ٹو اور سٹی فور میں بلوں کی ریکوری اور بجلی چوروں کے خلاف آپریشن
سی او سیپکو سکھر ایس ای سیپکو شکارپور ایکسئین کندھ کوٹ ایس ڈی او کندھ کوٹ ون کی ہدایت پر ایل ایس سٹی ٹو اور سٹی فور نور اللہ سومرو اپنی سیپکو ٹیم کے ہمراہ شہر کے مختلف علاقوں میں گورنمنٹ کے بلوں کی ریکوری اور غیر قانونی کنڈا چوروں کے خلاف گرینڈ آپریشن کیا گیا

آپریشن میں سب ڈویژن کندھ کوٹ ون کے تینوں نے حصہ لیا جس میں عید گاہ محلہ۔ حبیب روڈ۔ بھٹائی محلہ۔ زنگیجہ روڈ۔ گلشیر محلہ۔ ڈگری کالج روڈ سمیت مختلف علاقوں کیا گیا، اس موقع پر ایل ایس نور اللہ سومرو کہنا تھا کہ گورئمنٹ کے بقایا بل ادا نہ کرنے والوں اور غیر قانونی کنڈی کنکشن چلنے والوں کے خلاف مقدمہ درج کر کے جرمانہ کے ساتھ قانون کارروائی کی جائے گی

ایکسئین سب ڈویژن کندھ کوٹ کا کہنا تھا کہ بجلی صارفین سے گذارش ہے کہ گورنمنٹ کی اپنے قانونی طریقے سے میٹر سے چلائیں اگر کوئی بھی شکایت اور مشکل درپیش ہو تو فوری ایل ایس کو آگاہ کریں تاکہ وہ بروقت اپنے صارفین کا مسائل حل کر سکیں۔

سیالکوٹ باغی ٹی وی (سٹی رپورٹر شاہد ریاض)مبینہ پولیس مقابلہ ، اشتہاری ہلاک
تھانہ کینٹ کے علاقہ بھاگو بھٹے میں مبینہ پولیس مقابلہ میں عظیم نامی اشتہاری ہلاک ہو گیا ہے عظیم نے اپنے ساتھیوں سلطان عرف شیرا اور صدام کے ہمراہ 28 اگست کو اسی مقام پر پولیس کانسٹیبل انضمام الحق ساہی کو فائرنگ کر کے شہید کیا تھا اور فرار ہو گیا تھا

واقعہ میں ملوث سلطان عرف شیرا 30 اگست کو اسی مقام پر مارا گیا جبکہ عظیم کی موجودگی کی اطلاع پر پولیس پہنچی تو ملزم اور اسکے ایک ساتھی نے پولیس پر فائرنگ کر دی دو طرفہ فائرنگ رکنے پر عظیم مردہ حالت میں پایا گیا پولیس اہلکار انضمام الحق ساہی کو شہید کرنے والے دونوں ملزمان اسی مقام پر مارے گئے